Thursday, June 20, 2013

440-സുന്നീ സഹോദരങ്ങളോട്



بِسْمِ اللّهِ الرَّحْمـَنِ الرَّحِيمِ

الحمد لله رب العالمين وصلى الله وسلم على سيدنا محمد وعلى آله وصحبه أجمعين


 പ്രിയ സഹോദരന്മാരേ, السلام عليكم ورحمة الله وبركاته,

പണ്ഡിതന്മാരെയും സാദാത്തുക്കളെയും തെറിയഭിഷേകം ചെയ്തുകൊണ്ട് സോഷ്യല്‍ നെറ്റ്‌വര്‍ക്കുകള്‍ മലീമസമായിക്കൊണ്ടിരിക്കുന്നു. താന്‍ എഴുതുന്നതും ‘ലൈക്’ ചെയ്യുന്നതും ഫോര്‍വേഡ് ചെയ്യുന്നതുമൊക്കെ പാപമാണെന്നറിയാത്തവരല്ല ഇതു ചെയ്യുന്നത്. പണ്ഡിത സര്‍ട്ടിഫിക്കറ്റുകളുള്ളവരാണ് ഇതില്‍ മുന്‍‌നിരയില്‍ എന്നത് അതിലേറെ ഖേദകരവും.

ഈയിടെയായി ഫെയ്സ് ബുക്കിലൂടെ വല്ലാതെ പ്രചരിപ്പിച്ച ഒരു വ്യാജ ചിത്രമാണ് വന്ദ്യരായ ഏ പി ഉസ്താദിന്റെ ചിത്രം അനേകം സ്ത്രീകള്‍ക്ക് മധ്യേ ഫിക്സ് ചെയ്തത്.

നോക്കൂ നിങ്ങള്‍ താഴെയുള്ള ഖുര്‍‌ആന്‍ വചനം :



സത്യ വിശ്വാസികളായ പുരുഷന്മാരേയും സത്യവിശ്വാസിനികളായ സ്ത്രീകളേയും അവര്‍ ചെയ്യാത്ത കുറ്റം ചുമത്തി ദ്രോഹിക്കുന്നവര്‍ ഗുരുതരമായ ദുരാരോപണത്തിന്റേയും പാപത്തിന്റേയും ഭാരം പേറേണ്ടിവരും.” (ഖുര്‍‌ആന്‍, സൂറ: അഹ്‌സാബ് : 58) 

എത്ര വ്യക്തമാണ് ഈ ആയത്ത് !! ഇതിന് വല്ല വിശദീകരണവും ഇനി ആവശ്യമുണ്ടോ? ഈ ഫോട്ടോ ഇതിന്റെ വ്യക്തമായ ഉദാഹരണമല്ലേ? ഒരിക്കലും ആ മനുഷ്യന്‍ ചെയ്യാത്ത കുറ്റമല്ലേ അവരുടെ മേല്‍ ആരോപിക്കപ്പെട്ടത്? ഇതുപോലെ ഏ പി വിഭാഗത്തിൽ പെട്ട ചിലരും മറുഭാഗത്തെ നേതാക്കളുടെ ഫോട്ടോകളുടെ മേലിലും കളിക്കുന്നത് കാണുന്നു.

നാം എല്ലാവരും മനസ്സിലാക്കേണ്ടുന്ന ഒരു സത്യമാണ് സംഘടനകളെന്നത് സുന്നത്ത് ജമാ‌അത്ത് എന്ന ആദര്‍ശപ്രസ്ഥാനത്തിന്റെ വേലിക്കെട്ടുകളാണെന്ന്. കേരളത്തില്‍ സുന്നത്ത് ജമാ‌അത്തിനെ സംരക്ഷിക്കാനുള്ള പ്രധാന സംഘടനകളാണ് ഇ കെ, എ പി സമസ്തകളും  അവയെ തള്ളിപ്പറയാനോ അതിന്റെ ബഹുമാന്യരായ പണ്ഡിതന്മാരെയോ നേതാക്കളേയോ വ്യക്തിഹത്യ ചെയ്യാനോ ആക്ഷേപിക്കാനോ ഒരു സുന്നിക്ക് പാടില്ല. സംഘടനയും ആദര്‍ശവും രണ്ടും ഒന്നല്ല , ആദര്‍ശം എന്നു പറയുന്നത് സുന്നത് ജമാ‌അത്താണ്. അത് നമ്മുടെ വിശ്വാസവും പ്രമാണവുമാണ്. അതില്‍ ഒരു തരത്തിലുള്ള വിട്ടുവീഴ്ചയും സ്വീകാര്യമല്ല. അതില്‍ വരുന്ന വ്യത്യാസമാണ് ഒരാളെ മുബ്‌തദി‌ഉം സുന്നിയുമായി വേര്‍തിരിക്കുന്നത്. ഈ വിശ്വാസ പ്രസ്ഥാനത്തെ സംരക്ഷിക്കാന്‍  വേണ്ടി  കാലാ കാലങ്ങളിലായി സൌകര്യാര്‍ത്ഥമായി ഉണ്ടാക്കുന്ന സംവിധാനത്തെയാണ് സംഘടന എന്നു പറയുന്നത്. അപ്പോള്‍ പ്രസ്ഥാനമെന്നത് നമ്മുടെ മൂലധനമാണ്. അതാണ് ദുന്‍‌യാവിലും ആഖിറത്തിലും നമ്മെ രക്ഷിക്കുന്നതും വിജയിപ്പിക്കുന്നതും. അതു നമ്മുടെ ദീനാണ്. നമ്മുടെ ഈമാനുമാണ്. അതിനെ കൊള്ളയടിക്കാന്‍ വേണ്ടി നവീന വാദികളും നിരീശ്വരവാദികളും കള്ളത്ത്വരീഖത്തുകളും ഉടലെടുക്കുമ്പോൾ അവരിൽ നിന്ന് ഈ വിശ്വാസപ്രമാണത്തെ സംരക്ഷിക്കാനുള്ള സംഘടിത ശ്രമമാണ് സംഘടനകൾ ചെയ്തുകൊണ്ടിരിക്കുന്നത്. ബഹുമാനപ്പെട്ട സമസ്ത എന്ന സംഘടന തന്നെ ഉല്‍ഭവിച്ചിട്ട് നൂറില്‍ താഴെ വര്‍ഷമേ ആയിട്ടുള്ളൂ. അതിനു മുമ്പും സുന്നത്ത് ജമാ‌അത്തുണ്ടല്ലോ ? സുന്നത്ത് ജമാ‌അത്തിന്റെ വിശ്വാസപ്രമാണത്തെ കടന്നാക്രമിക്കാന്‍ നവീനവാദികൾ ഒരുമ്പെടുമ്പോള്‍ അതിനെ സംരക്ഷിക്കാനായി  ഒരോ കാലത്തെയും സുന്നികൾ വിവിധ സംവിധാനങ്ങൾ ആവിഷ്കരിച്ച് പ്രവര്‍ത്തിച്ചിട്ടുണ്ട്. അത്തരം ഒരു കാലിക സംവിധാനമാണ്  സുന്നി സംഘടനകളെല്ലാം. ഓരോരുത്തര്‍ക്കും ഇഷ്ടമുള്ളതിൽ മെമ്പറായി പ്രവര്‍ത്തിക്കാം. പക്ഷെ ഒരിക്കലും മറ്റുള്ള സുന്നീ സംഘടനകളേയോ അവരുടെ നേതാക്കളേയോ പണ്ഡിതരെയോ ആക്ഷേപിക്കാന്‍ പാടില്ല. നാം ഷാഫി‌ഇകളാണെന്ന് കരുതി ഇമാം അബൂഹനീഫയെ എതിര്‍ക്കാന്‍ പറ്റുമോ? ഒരു ഹനഫിക്ക് ഇമാം മാലികിനെ ആക്ഷേപിക്കാന്‍ പറ്റുമോ? ഒരിക്കലും പാടില്ല. അവരെ അംഗീകരിക്കുന്നതുകൊണ്ടോ ആക്ഷേപിക്കുന്നില്ലെന്നതു കൊണ്ടോ നാം ആ മദ്‌ഹബ്കാരാണെന്നും വരില്ല. മറ്റുള്ളവരെ ആദരിക്കുകയും ബഹുമാനിക്കുകയും അംഗീകരിക്കുകയും ചെയ്യുന്നതോടെ നമുക്കിഷ്ടമുള്ള മദ്‌ഹബ് സ്വീകരിക്കാവുന്നതാണ്. ഇതു പോലെത്തന്നെയാണ് ഇന്നത്തെ സുന്നീ സംഘടനകളേയും അതിന്റെ നേതാക്കളേയും പണ്ഡിതരേയും നാം കാണേണ്ടത്.

നമുക്കിഷ്ടമുള്ളതിൽ അംഗമാകാം. അതോടൊപ്പം മറ്റു സുന്നീ സംഘടകളേയും നേതാക്കളേയും അണികളേയും ആദരിക്കാനും ആക്ഷേപിക്കാതിരിക്കാനുമുള്ള വിശാല മനസ്കത നമുക്കുണ്ടാവണം. നാം ആദര്‍ശ സഹോദരങ്ങളാവണം. ഒരിക്കലും മാന്യതക്കും പരിശുദ്ധ ഇസ്‌ലാമിന്റെ സംസ്കാരത്തിനും യോജിക്കാത്ത  ആരോപണങ്ങളും ശകാരങ്ങളും തെറിയഭിഷേകങ്ങളും നമ്മിൽ നിന്ന് ഉണ്ടായിക്കൂടാ.  മദ്‌ഹബിന്റെ ഇമാമീങ്ങളിൽ പ്രബലരാണ് ഇമാം ശാഫിയും ഇമാം അബൂ ഹനീഫയും   رضي الله عنهما  ഇതില്‍ ഇമാം അബൂ ഹനീഫ رحمه الله നെ ക്കുറിച്ച് ചരിത്രമെഴുതിയവരിൽ പ്രധാനിയാണ് ഇമാം ഇബ്നു ഹജറുല്‍ ഹൈതമി رحمه الله തന്റെ ആ വിഷയത്തിലെ പ്രസിദ്ധ കിതാബാണ് [الخيرات الحسان في مناقب أبي حنيفة النعمان   എന്ന കിതാബ്. ഷാഫി‌ഈ മദ്‌ഹബുകാരനായ ഇമാം നവവി  رحمه الله നെ പുകഴ്ത്തുകയും അവരുടെ കിതാബുകളെ അംഗീകരിക്കുകയും ചെയ്യാത്ത മറ്റ് മദ്‌ഹബുകളില്ല. ഇതായിരുന്നു നമ്മുടെ മുന്‍‌ഗാമികളുടെ സംസ്കാരം. പക്ഷെ നാമിന്ന് രാഷ്ട്രീയ സംഘടനകളെപ്പോലും കവച്ചുവെക്കുന്ന രീതിയിൽ തരംതാണ് എതിരാളികളെ ഒതുക്കാന്‍ വേണ്ടി ഏത് നീചവേലയും ചെയ്യാന്‍ തയ്യാറാകുന്നതിന്റെ ഉദാഹരണമാണ് ഫെയ്സ് ബുക്കിലൂടെ പ്രചരിക്കുന്ന ഈ ഫോട്ടോ. എല്ലാം അസൂയയിൽ നിന്ന് ഉടലെടുത്തതും. സംഘടന അല്ലാഹുവിന്റെ മുമ്പില്‍ നമ്മെ രക്ഷിക്കാനെത്തില്ലെന്നോര്‍ക്കുക. മുകളിൽ കൊടുത്ത ആയത്ത് വീണ്ടും വായിച്ചു നോക്കുക എത്ര ഗൌരവമായ വാണിംഗാണിത്.
എല്ലാം ഒരു മനുഷ്യനോടുള്ള അസൂയ മൂലവും. നമ്മുടെ വിലപ്പെട്ട ഊര്‍ജ്ജവും സമയവും ആരോഗ്യവും ഒരു വ്യക്തിയെ ഇകഴ്ത്താന്‍ മാത്രം വിനിയോഗിക്കുന്നതില്‍ വല്ല അര്‍ത്ഥവുമുണ്ടോ?
ഇമാം ബുഖാരിയും മുസ്‌ലിമും رحمهما الله റിപ്പോര്‍ട്ട് ചെയ്ത ഒരു ഹദീസ് കാണൂ:

عَنْ أَبِي سَعِيدِ الْخُدْرِيِّ رَضِيَ اللهُ عَنْهُ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: إِنِّي لَمْ أُومَرْ أَنْ أَنْقُبَ قُلُوبَ النَّاسِ وَلَا أَشُقَّ بُطُونَهُمْ.(متفق عليه)

അബൂ സ‌ഈദുല്‍ ഖുദ്‌രി (رضي الله عنه) യില്‍ നിന്നും  റിപ്പോര്‍ട്ട് ചെയ്യുന്നു. തിരു നബി صلى الله عليه وسلم  പറഞ്ഞു: “മനുഷ്യരുടെ ഹൃദയം തുറന്നു നോക്കാനോ അവരുടെ വയറ് കീറിനോക്കാനോ എന്നോട് കല്പിക്കപ്പെട്ടിട്ടില്ല”. (ബുഖാരി, മുസ്‌ലിം)

എത്ര ചിന്തനീയമാണ് ഈ ഹദീസ്. ഈ ഹദീസ് വായിച്ച ഒരാൾ “തന്റെ പക്കൽ തിരുകേശമുണ്ടെന്നോ മറ്റോ പറയുന്നവരെ” എന്തിനു ക്രൂശിക്കണം. അത് വിശ്വസിക്കുന്നവർ വിശ്വസിക്കട്ടെ, അത് കളവാണെന്ന് സ്ഥാപിക്കേണ്ടുന്ന ഉത്തരവാദിത്വം നമുക്കില്ലല്ലോ? അതുകൊണ്ട് വല്ല നേട്ടവും സമൂഹത്തിനു കിട്ടുമോ? മുകളിലെ ഹദീസിലുള്ളതുപോലെ നാം അവരുടെ ഹൃദയം തുരന്നു നോക്കേണ്ടതില്ല. ബാഹ്യമായ അവരുടെ വാദം വിശ്വസിക്കാവുന്നതേയുള്ളൂ. തെറ്റാണെങ്കില്‍ അത് ബോധ്യപ്പെടുന്ന സമയം നാളെ അല്ലാഹുവിന്റെ മുമ്പിലാണ്. അവന്‍ വേണ്ടത് ചെയ്യട്ടെ എന്നു കരുതിയാൽ എത്ര മനസ്സമാധാനം നമുക്ക് കിട്ടും. എത്ര സമയം നമുക്ക് ലാഭിക്കാം.

ഇമാം ബുഖാരിയും മുസ്‌ലിമും رحمهما الله റിപ്പോര്‍ട്ട് ചെയ്ത ഒരു ഹദീസ് കാണൂ:

عَنْ ابْنِ مَسْعُودٍ رَضِيَ اللهُ عَنْهُ قَالَ رَسُولُ اللهِ صَلَّى اللهُ عَلَيْهِ وَسَلَّمَ: سِبَابُ الْمُؤْمِنِ فُسُوقٌ وَقِتَالُهُ كُفْرٌ. (متفق عليه)

ഇബ്‌നു മസ്‌ഊദ് (رضي الله عنه) വിൽ നിന്നും റിപ്പോര്‍ട്ട് ചെയ്യുന്നു: തിരു നബി صلى الله عليه وسلم പറഞ്ഞു: “വിശ്വാസിയെ ശകാരിക്കൽ പാപവും അവനെ കൊലപ്പെടുത്തൽ സത്യ നിഷേധവുമാണ്”. (ബുഖാരി, മുസ്‌ലിം)

ഇമാം അഹ്‌മദുല്‍ ഹദ്ദാദ് رحمه الله  പറയുന്നത് നോക്കൂ:

وَاعْلَمْ أَنَّ كَثِيرَ مَّا يُخْتَمُ بِالسُّوءِ لِلَّذِينَ يَتَهَاوَنُونَ بِالصَّلَاةِ الْمَفْرُوضَةِ وَالزَّكَاةِ الْوَاجِبَةِ ، وَالَّذِينَ يَتَتَبَّعُونَ عَوْرَاتِ الْمُسْلِمِينَ ، وَالَّذِينَ يُنْقِصُونَ الْمِكْيَالَ وَالْمِيزَانَ ، وَالَّذِينَ يَخْدَعُونَ الْمُسْلِمِينَ وَيَغُضُّونَهُمْ وَيُلَبِّسُونَ عَلَيْهِمْ فِي أُمُورِ دِينِهِمْ. (مفتاح الجنة للإمام السيد أحمد مشهور طه الحداد رحمه الله صفحة: 91) .

നീ മനസ്സിലാക്കുക, കൂടുതലും സൂ‌ഉൽ ഖാതിമത്തിൽ പെട്ടുപോകുന്നവൽ (കാഫിറായി ചത്തു പോകുന്നവര്‍) നിര്‍ബന്ധ നിസ്കാരങ്ങളെയും സകാത്തിനേയും നിസ്സാരമായി കാണുന്നവരാണ്. മുസ്‌ലിമീങ്ങളുടെ രഹസ്യങ്ങളും പോരായ്മകളും ചികഞ്ഞന്വേഷിക്കാന്‍ നടക്കുന്നവരുമാണ്. അളവിലും തൂക്കത്തിലും കുറവ് വരുത്തുന്നവരും”. (ഇമാം അഹ്‌മദുല്‍ ഹദ്ദാദ് [ رحمه الله ന്റെ മിഫ്താഹുല്‍ ജന്ന, പേജ് 91)

മുസ്‌ലിമീങ്ങളുടെ ന്യൂനതകൾ പ്രചരിപ്പിക്കൽ ഇന്ന് ഒരു രോഗമായി മാറിയിരിക്കുകയാണ്. അത് അവസാനം ഈമാന്‍ കിട്ടാതെ മരിക്കാന്‍ കാരണമാകുമെങ്കിൽ കാര്യത്തിന്റെ ഗൌരവം നാം ആലോചിക്കുക. അല്ലാഹു നമ്മേയും മാതാപിതാക്കളേയും ഭാര്യമക്കളേയും ഹുസ്‌നുൽ ഖാതിമത്തു കൊണ്ട് അനുഗ്രഹിക്കട്ടെ. പണ്ഡിതന്മാരേയും സാദാത്തുക്കളേയും സാധാരണക്കാരെയും ആദരിക്കുന്നവരിൽ അല്ലാഹു നമ്മെ ഉള്‍പ്പെടുത്തട്ടെ.

وآخر دعوانا أن الحمد لله رب العالمين وصلى الله وسلم على سيدنا محمد وعلى آله وصحبه أجمعين
Islamic Bulletin

Wednesday, June 19, 2013

439-മൂന്ന് കാര്യങ്ങൾ


بِسْمِ اللّهِ الرَّحْمـَنِ الرَّحِيمِ

الحمد لله رب العالمين وصلى الله وسلم على سيدنا محمد وعلى آله وصحبه أجمعين


 പ്രിയ സഹോദരന്മാരേ,  , السلام عليكم ورحمة الله وبركاته ,

തിരു നബി صلى الله عليه وسلم  യുടെ ഒരു ഹദീസ് നോക്കൂ :

عَنْ أَبِي هُرَيْرَةَ رَضِيَ اللهُ عَنْهُ: قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: إِنَّ اللهَ يَرْضَى لَكُمْ ثَلَاثًا ، وَيَكْرَهُ لَكُمْ ثَلَاثًا ; فَيَرْضَى لَكُمْ أَنْ تَعْبُدُوهُ ، وَلَا تُشْرِكُوا بِهِ شَيْئًا ، وَأَنْ تَعْتَصِمُوا بِحَبْلِ اللهِ جَمِيعًا وَلَا تَفَرَّقُوا ، وَيَكْرَهُ لَكُمْ قِيلَ وَقَالَ ، وَكَثْرَةُ السُّؤَالِ ، وَإِضَاعَةُ الْمَالِ (صحيح مسلم)

അബൂ ഹുറൈറ (رضي الله عنه) വിൽ നിന്നും റിപ്പോര്‍ട്ട് ചെയ്യുന്നു: തിരു നബി  صلى الله عليه وسلم പറഞ്ഞു: “അല്ലാഹു നിങ്ങളോട് മൂന്ന് കാര്യങ്ങൾ കല്‍പ്പിക്കുകയും മൂന്ന് കാര്യങ്ങൾ നിരോധിക്കുകയും ചെയ്യുന്നു. നിങ്ങൾ അവനെ മാത്രം ആരാധിക്കുക, യാതൊന്നിനേയും അവനോട് പങ്കുചേര്‍ക്കാതിരിക്കുക, നിങ്ങൾ ഭിന്നിക്കാതെ അല്ലാഹുവിന്റെ പാശത്തെ മുറുകെ പിടിക്കുക. ഇവയാണ് കല്‍പ്പിക്കപ്പെട്ടവ. കണ്ടതും കേട്ടതും പറയുക, ചോദ്യം വര്‍ദ്ധിപ്പിക്കുക, ധനം ധൂര്‍ത്തടിക്കുക എന്നിവയാണ് വിരോധിക്കപ്പെട്ടവ.” (മുസ്‌ലിം)

ഏകനായ അല്ലാഹുവിലും ഒരു ആദര്‍ശത്തിലും വിശ്വസിച്ച് പരസ്പരം സാഹോദര്യത്താൽ ജീവിക്കേണ്ടവരാണ് മുസ്‌ലിംകള്‍. ഏകനും എല്ലാറ്റിന്റേയും ഉടമക്കാരനും സൃഷ്ടാവുമായ അല്ലാഹുവിൽ അചഞ്ചലമായ വിശ്വാസമര്‍പ്പിച്ച് ഇസ്‌ലാമിക ആദര്‍ശം മുറുകെ പിടിച്ച് അല്ലാഹുവിന്റെ വിധിവിലക്കുകളെ അനുസരിച്ച് ജീവിക്കുമ്പോഴാണ് ഐക്യവും സ്നേഹവുമുള്ള ഒരു മാതൃകാ സമുദായം നിലവിൽ വരിക.

ഒരു നേതാവിനും ഒരു പ്രസ്ഥാനത്തിനും കഴിയാത്ത സാഹോദര്യവും പരസ്പര സ്നേഹവും സ്വഹാബത്തിൽ ഉണ്ടാക്കിയെടുക്കാന്‍ തിരു നബി صلى الله عليه وسلم തങ്ങള്‍ക്ക് സാധിച്ചത്, ഇസ്‌ലാമികാദര്‍ശം മുറുകെ പിടിച്ച് അതിന്റെ വിധിവിലക്കുകള്‍ക്കനുസരിച്ച് അവരെ നയിച്ചതുകൊണ്ടായിരുന്നു. ആ നേരായ സരണിയിൽ നിന്നും വ്യതിചലിച്ച് നവീനാശയങ്ങളും കണ്ടതും കേട്ടതും പ്രചരിപ്പിക്കലും അനാവശ്യമായ ചോദ്യങ്ങളും സംശയങ്ങളും സമുദായത്തിൽ പ്രചരിപ്പിക്കുന്നതുമാണ് അനൈക്യത്തിനും ശത്രുതയ്ക്കും പ്രധാന കാരണം.

 പരസ്പര സ്നേഹം ജനങ്ങള്‍ക്കിടയിലുണ്ടാക്കാനുള്ള മാര്‍ഗം അല്ലാഹുവിന്റെ സ്നേഹം സമ്പാദിക്കലാണ്. അല്ലാഹുവിന്റെ സ്നേഹം സമ്പാദിക്കാനുള്ള മാര്‍ഗമോ വിശ്വസിക്കുകയും സല്‍കര്‍മ്മങ്ങൾ ചെയ്യുകയുമാണ്. അല്ലാഹു പറയുന്നു :

إِنَّ الَّذِينَ آمَنُوا وَعَمِلُوا الصَّالِحَاتِ سَيَجْعَلُ لَهُمُ الرَّحْمَنُ وُدًّا  (مريم 96)

“സത്യവിശ്വാസം കൈകൊള്ളുകയും സല്‍കര്‍മ്മങ്ങള്‍ ചെയ്യുകയും ചെയ്തവര്‍ക്ക് നിശ്ചയമായും പരമ കാരുണികനായ അല്ലാഹു സ്നേഹം  ഉണ്ടാക്കിക്കൊടുക്കും.” (ഖുര്‍‌ആന്‍ സൂറ: മര്‍‌യം : 96)

പകയും പരസ്പര ആരോപണ-വിമര്‍ശനങ്ങളും ഒഴിവാക്കി ഒഴിവ് സമയത്ത് ആധുനിക യുഗത്തിലേക്ക് ഏറ്റവും അനുയോജ്യമായ ഇസ്‌ലാമിനെ മാര്‍ക്കറ്റ് ചെയ്യാന്‍ പരിശ്രമം നടത്തിനോക്കൂ. അല്ലാഹു നമ്മെ അനുഗ്രഹിക്കട്ടെ.


وآخر دعوانا أن الحمد لله رب العالمين وصلى الله وسلم على سيدنا محمد وعلى آله وصحبه أجمعين


Tuesday, June 18, 2013

438-ഫേസ് ബുക്കും നമ്മുടെ ഫോട്ടോകളും


بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

മറ്റുള്ളവരെ ആകർഷിക്കും വിധം ഫേസ് ബുക്കിലും മറ്റു സോഷ്യൽ നെറ്റ് വർക്കുകളിലും തങ്ങളുടെ ഫോട്ടോകൾ അപ്ലോഡ് ചെയ്യുന്ന പ്രവണത വർധിച്ചുകൊണ്ടിരിക്കയാണ്പ്രത്യേകിച്ച് മുസ്ലിം സ്ത്രീകൾ അവരുടെ ആകർഷണീയവും  മനോഹരവുമായ ഫോട്ടോകൾ ദിനേന അപ്ഡേറ്റ് ചെയ്ത് കൊണ്ടിരിക്കുന്നു. ലോകത്തും നാളെ അല്ലാഹുവിന്റെ മുമ്പിലും  വരാനിരിക്കുന്ന ഭവിഷ്യത്തുകളെ കുറിച്ച് ചിന്തിക്കുകയോ ഭയപ്പെടുകയോ ചെയ്യാതെയാണ് പലരും ഇങ്ങിനെ ചെയ്യുന്നത്.

കൌമാരപ്രായക്കാരായ സ്ത്രീകളുടെ ചിത്രങ്ങളാണ് ഏറ്റവും കൂടുതൽ ദുരുപയോഗം ചെയ്യപ്പെടുന്നത്അത്യാധുനിക ടെക്നോളജി ഉപയോഗിച്ച് മുഖങ്ങളെ മറ്റുള്ളവരുടെ അശ്ലീല ചിത്രങ്ങളുമായി കൂട്ടിയോജിപ്പിച്ചും പരസ്യങ്ങൾക്ക് ഉപയോഗിച്ചും ദുർവിനിയോഗം നടത്തുന്നുണ്ടെന്നത് പരസ്യമായ രഹസ്യമാണ്.

പ്രിയപ്പെട്ട
സഹോദരിമാർ ചിന്തിച്ച് നോക്കുകനിങ്ങളുടെ ഫോട്ടോകൾ കണ്ട് ആകൃഷ്ടരായവർ അവ ലൈക് ചെയ്യുകയും അങ്ങിനെ കണക്കില്ലാത്തവരുടെ ചിന്തയെയും വികാരത്തെയും തട്ടിയുണർത്താൻ നിങ്ങളുടെ ഫോട്ടോകൾ കാരണമാവുകയും ചെയ്താൽ അവരുടെ എണ്ണമനുസരിച്ച് നിങ്ങളുടെ പേരിൽ അതിന്റെ ശിക്ഷ റേക്കോർഡ് ചെയ്ത് വെക്കുമെന്നത് മറക്കാതിരിക്കുക . ഫോട്ടോ കണ്ട് ആരൊക്കെ മോശമായി ചിന്തിച്ചോ ,അവരുടെ പാപത്തിനു കാരണക്കാർ നിങ്ങളാണെന്നതിന്റെ പേരിൽ തതുല്യമായ ശിക്ഷ നിങ്ങൾക്കും ലഭിക്കും. വിശുദ്ധ ഖുർആൻ താക്കീത് നൽകിയത് നോക്കൂ..

  إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ 
(سورة البروج 10)

 “
നിശ്ചയം വിശ്വാസികളെയും വിശ്വാസിനികളെയും കുഴപ്പത്തിലാക്കുകയും പിന്നീടതിൽ പശ്ചാത്താപ്പിക്കാതിരിക്കയും ചെയ്യുന്നവർക്ക് നരക ശിക്ഷയുണ്ട്, അവർക്കുള്ളതാണ് കരിച്ചു കളയുന്ന ശിക്ഷ
“ (  സൂറത്തുൽ ബുറൂജ് : 10)

തിരു നബി صلى الله عليه وسلم     യുടെ ഹദീസ് നോക്കൂ
عَنْ أَبِي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ: مَنْ دَعَا إِلَى هُدًى كَانَ لَهُ مِنَ الْأَجْرِ مِثْلَ أُجُورِ مَنْ تَبِعَهُ لَا يَنْقُصُ ذَلِكَ مِنْ أُجُورِهِمْ شَيْئًا وَمَنْ دَعَا إِلَى ضَلَالَةٍ كَانَ عَلَيْهِ مِنَ الْإِثْمِ مِثْلَ آثَامِ مَنْ تَبِعَهُ لَا يَنْقُصُ مِنْ آثَامِهِمْ شَيْئًا. (رواه الإمام مسلم رحمه الله رقم 6755)

അബൂഹുറൈറ رضي الله عنه നിന്ന് റിപ്പോർട്ട് ചെയ്യുന്നുതിരുനബി  صلى الله عليه وسلم   പറഞ്ഞു . “  ഒരാൾ നല്ല കാര്യങ്ങളിലേക്ക് ക്ഷണിച്ചാൽ ക്ഷണം സ്വീകരിച്ചവർക്കുള്ളതു പോലെയുള്ള പ്രതിഫലം അവനുമുണ്ട്അത് അവരുടെ പ്രതിഫലത്തിൽ നിന്ന് അല്പവും കുറക്കുകയില്ലഒരുത്തൻ ദുർമാർഗത്തിലേക്ക് വഴികാണിച്ചാലോ , വഴി സ്വീകരിച്ചവർക്കുള്ളതുപോലുള്ള കുറ്റം അവനുമുണ്ട്അത് അവരുടെ കുറ്റത്തിൽ നിന്ന് അല്പവും കുറക്കുകയില്ല.  (മുസ്ലിം 6755)

ആയത്തും ഹദീസും പലവുരു മനസ്സിരുത്തി വായിച്ച്  നെഞ്ചത്ത് കൈവെച്ച് ചിന്തിച്ചു നോക്കുകഎത്ര പുരുഷന്മാരാണ് നമ്മുടെ ചിത്രം കണ്ട് രസിക്കാനിടയായത് .., എത്രപേരാണ് അത് മറ്റുള്ളവരുമായി ഷെയർ ചെയ്തത്..? ഇങ്ങിനെ അനേകായിരങ്ങളിലേക്കെത്തുകയും  അവരിൽ തെറ്റായ ചിന്ത വരാൻ കാരണമാവുകയും ചെയ്താൽ അവരുടെയൊക്കെ കുറ്റം പേറാൻ മാത്രം നമുക്ക് കെല്പുണ്ടോ ? നമ്മുടെ    പാപങ്ങൾ തന്നെ നമ്മെ നരകത്തിലേക്കയക്കാൻ മാത്രം മതിയായതാണ് (അല്ലാഹു നമുക്ക് പൊറുത്ത് തരട്ടെ..ആമീൻപിന്നെ നാമെങ്ങിനെ മറ്റുള്ളവരുടെ പാപം പേറും ?

ഉമ്മത്തിലെ ഏറ്റവും സദ്വൃത്തകളും ചാരിത്രവതികളുമായ പ്രവാചക പത്നിമാരോട്  ഖുർആൻ പറയുന്നത്  നോക്കൂ..

يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَّحِيمًا
(سورة الأحزاب 59)

പ്രവാചകരേ, അങ്ങ് സ്വന്തം ഭാര്യമരോടും   പെൺമക്കളോടും മുസ്ലിം സ്ത്രികളോടും അവരുടെ മുഖപടങ്ങൾ താഴ്ത്തിയിടാൻ പറയുക. അവർ തിരിച്ചറിയപ്പെടുന്നതിനും ശല്യം ചെയ്യപ്പെടാതിരിക്കാനും
ഉചിതാമാണത് “ (സൂറത്തുൽ അഹ്സാബ് 59)

മറ്റൊരു സ്ഥലത്ത് അല്ലാഹു പറയുന്നു.

وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِن وَرَاء حِجَابٍ ذَلِكُمْ أَطْهَرُ لِقُلُوبِكُمْ وَقُلُوبِهِنَّ 
(سورة الأحزاب 53)

പ്രവാചക പത്നിമാരോട് വല്ലതും ചോദിക്കുമ്പോൾ മറക്ക് പിന്നിൽ നിന്ന് ചോദിക്കുക. അതാണ് നിങ്ങളുടെയും അവരുടെയും വിശുദ്ധിക്ക് യോജിച്ചത് “  (സൂറത്തുൽ അഹ്സാബ് : 53)

(سورة الأحزاب 32)

, പ്രവാചക പത്നിമാരേ, നിങ്ങൾ മറ്റു സ്ത്രീകളെപ്പോലെയല്ല. നിങ്ങൾ അല്ലാഹുവിനെ ഭയപ്പെടുന്നവരാണെങ്കിൽ സംസ്കാരമില്ലാത്തവർ പ്രലോഭിതരാവും വിധം കൊഞ്ചിക്കുഴഞ്ഞ് സംസാരിക്കരുത് (സൂറത്തുൽ അഹ്സാബ് : 32)

നമ്മേ പടച്ചവനായ അല്ലാഹു സ്ത്രീയുടെ പവിത്രതയ്ക്കും സുരക്ഷിതത്വത്തിനും  ഉണ്ടാക്കിയ മുൻകരുതലുകളാണിതൊക്കെ.. ഖുർആൻ ആയത്തുകളുടെ വ്യക്തമായ നിർദ്ദേശങ്ങളിൽ നിന്ന് മനസ്സിലാക്കാം സ്ത്രീ തന്റെ സൌന്ദര്യം പ്രകടിപ്പിക്കുന്നതിന്റെ അപകടവും സ്രഷ്ടാവായ അല്ലാഹുവിന്റെ അനിഷ്ടവും.

ഇനി നിങ്ങൾ ചോദിക്കുക ..സ്വയം ചോദിക്കുക..  എന്ത് നേട്ടമാണ്  ഫോട്ടോ ഫേസ്ബുക്കിലും മറ്റും നൽകുന്നത് കൊണ്ട് കിട്ടാനുള്ളത് ..?!

പ്രിയ സഹോദരീ.. , നിങ്ങൾ ഒരിക്കലും ചിന്തിക്കരുത്  ഒരു ഫോട്ടോ കൊടുക്കുന്നത് ഇത്ര വലിയ പാതകമാണോ എന്ന്നമ്മുടെ വന്ദ്യ പിതാവ് ആദം നബി(عليه السلام) നെ സ്വർഗത്തിൽ നിന്ന് പുറത്താക്കിയത് നിരോധിച്ച വെറും ഒരു പഴം കഴിച്ചത് കൊണ്ടാണ്ഇബ്ലീസിനെ അല്ലാഹുവിന്റെ റാഹ്മത്തിൽ നിന്ന് അകറ്റിയതും  വെറും ഒരു സുജൂദ് ചെയ്യാൻ നീരസം കാട്ടിയത് കൊണ്ടാണ്അപ്പോൾ നാം വളരെ ചെറുതെന്ന് കരുതുന്ന പാപങ്ങളായിരിക്കാം നമ്മുടെ നാശത്തിന്റെ ഹേതു. അല്ലാഹു കാക്കട്ടെ ആമീൻ
ഓർക്കുക നമ്മുടെ ഖബ്റിൽ നാം മാത്രമേ ഉണ്ടാകൂ.. നാം ചെയ്ത കർമ്മങ്ങളും..

നിങ്ങളുടെ ഒഴിവ് സമയങ്ങളും നൈസർഗിക കഴിവുകളുമെല്ലാം ലോകർക്ക് മുന്നിൽ അല്ലാഹുവിനെയും അവന്റെ പ്രവാചകനെയും പരിചയപ്പെടുത്താൻ ഉപയോഗിക്കുക. ഇസ്ലാമിക സന്ദേശങ്ങൾ പ്രചരിപ്പിക്കാനും വിനിയോഗിക്കുക. ഏറ്റവും ഉദാത്തമായ  സംസ്കാരത്തിന്റെയും ലോകത്തിലെ ഏറ്റവും മുന്തിയ മതത്തിന്റെയും ഏറ്റവും ശ്രേഷ്ഠരായ പ്രവാചകരുടെയും  അനുയായികളാണ് നാംഏകനായ ഇലാഹിനെ മാത്രം ആരാധിക്കുന്നവരും നാമാണ് അനുഗ്രഹങ്ങൾ മറക്കുന്നവരാവരുത് നാം.

ഇതൊക്കെ സ്ത്രീകൾക്ക് മാത്രമുള്ളതാണെന്ന് പുരുഷന്മാരായ വായനക്കാർ കരുതരുത്പല സഹോദരന്മാരും തങ്ങളുടെ ഫോട്ടോകൾ  നിരന്തരം മാറ്റുന്നതും ആകർഷണീയമായവ അപ്ലോഡ് ചെയ്യുന്നതും കാണാം. ആരെകാണിക്കാനാണിത്അന്യസ്ത്രീകൾ കാണാനും അവർ ആകൃഷ്ടരാവാനും ആണെങ്കിൽ അതും നാമറിയാതെ മറ്റുള്ളവരെ തെറ്റു ചെയ്യിപ്പിക്കാൻ കാരണക്കാരാവുന്നു.  പരപുരുഷന്മാരെ ഉദ്ദേശ്യപൂർവ്വം നോക്കൽ സ്ത്രീകൾക്കും ഹറാമാണ്സ്ത്രീകൾ പുരുഷന്മാരെ കടാക്ഷിക്കുന്നതും  അവരുടെ സൌന്ദര്യം ആസ്വദിക്കുന്നതും അനുവദനീയമല്ലഅതിനു നമ്മുടെ ഫോട്ടോ കാരണമായാൽ തതുല്യമായ കുറ്റം നമ്മുടെ മേലിലും എഴുതപ്പെടുംഅങ്ങിനെ നാം നേരിട്ടു ചെയ്യാത്ത അനേകം പാപങ്ങളുടെ ഉടമക്കാരായി  നാം മാറും. പാപം എടുത്ത് പറഞ്ഞുകൊണ്ട് ഒരു തൌബ ചെയ്യാൻ പോലും സാധിക്കാത്ത അവസ്ഥ സംജാതമാകും. അല്ലാഹു കാത്തുരക്ഷിക്കട്ടെ ആമീൻ.

തിരു നബി صلى الله عليه وسلم യുടെ ചില ഹദീസുകൾ വായിച്ച് നോക്കൂ

قَالَ أَبُو هُرَيْرَةَ رَضِيَ اللهُ عَنْهُ أَنََّ النَّبِيَّ صَلَّى اللهُ عَلَيْهِ وَسَلَّمَ قَالَ: "إِنََّ اللهَ كَتَبَ عَلَى ابْنِ آدَمَ حَظََّهُ مِنَ الزِّنَى. أَدْرَكَ ذَلِكَ لاَ مَحَالَةَ. فَزِنَى الْعَيْنَيْنِ النَّظَرُ. وَزِنَى اللِّسَانِ النُّطْقُ وَالنَّفْسُ تَمَنَّى وَتَشْتَهِي. وَالْفَرْجُ يُصَدِّقُ ذٰلِكَ أَوْ يُكَذِّبُهُ". (صحيح مسلم 6704).

……………നോക്കുന്നത് കണ്ണിന്റെയും ശൃംഗാര വാക്കുകൾ നാവിന്റെയും വ്യഭിചാരമാണ്മനസ്സ് അതിനു ആശിക്കുകയും കൊതിക്കുകയും ചെയ്യുംദുർവൃത്തികളുടെ അടിത്തറകളെല്ലാം ശരിപ്പെടുമ്പോൾ  ലൈംഗികാവയവങ്ങൾ ഒന്നുകിൽ അത് സാക്ഷാത്കരിക്കുന്നു. അല്ലെങ്കിൽ  നിരാകരിക്കുന്നു. “ ( മുസ്ലിം 6704)

عَنْ حُذَيْفَةَ رَضِيَ اللهُ عَنْهُ قَالَ رَسُولُ اللهِ صَلَّى اللهُ عَلَيْهِ وَسَلَّمَ "اَلنَّظْرَةُ سَهْمٌ مِنْ سِهَامِ إِبْلِيسَ مَسْمُومَةٌ فَمَنْ تَرَكَهَا مِنْ خَوْفِ اللهِ أَثَابَهُ جَلَّ وَعَزَّ إِيمَانًا يَجِدُ حَلَاوَتَهُ فِي قَلْبِهِ"
(رواه الحاكم 7947).

നോട്ടം പിശാചിന്റെ വിഷലിപ്തമായ അസ്ത്രങ്ങളിൽ പെട്ടതാണ്. എന്നെ ഭയന്ന് ആരെങ്കിലും അതിനെ വർജിച്ചാൽ പകരമായി അവന്ന് ഈമാൻ നൽകും. അതിന്റെ മാധുര്യം അവന്റെ ഹൃദയത്തിൽ അനുഭവപ്പെടുകയും ചെയ്യും.”  ( ഹാകിം 7947 )

عَنْ أبي أمامة رَضِيَ اللهُ عَنْهُ عن النبي صَلَّى اللهُ عَلَيْهِ وَسَلَّمَ قَالَ "مَا مِنْ مُسْلِمٍ يَنْظُرُ إِلَى مَحَاسِنِ امْرَاَةٍ أَوَّلَ مَرَّةٍ ثُمَّ يَغُضُّ بَصَرَهُ إِلَّا أَحْدَثَ اللهُ لَهُ عِبَادَةً يَجِدُ حَلَاوَتَهَا". (رواه الإمام أحمد رحمه الله في مسنده 21903).

ഒരു സ്ത്രീയുടെ സൌന്ദര്യം കണ്ടപ്പോൾ ദൃഷ്ടി താഴ്ത്തിക്കളഞ്ഞ ഒരു മുസൽമാന് അല്ലാഹു ഇബാദത്ത് പകരം നകുന്നതും അതിന്റെ നന്ദം അവൻ ആസ്വദിക്കുന്നതുമാണ്” (  അഹ്മദ് 21903)

عَنْ أَبِي سَعِيدِ الْخُدْرِيِّ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ: إِنَّ الدُّنْيَا حُلْوَةٌ خَضِرَةٌ وَإِنَّ اللهَ تَعَالَى مُسْتَخْلِفُكُمْ فِيهَا فَيَنْظُرُ كَيْفَ تَعْمَلُونَ ، فَاتَّقُوا الدُّنْيَا وَاتَّقُوا النِّسَاءَ. (رواه الإمام مسلم رحمه الله رقم 2742)

അബൂ ഈദിൽ ഖുദ്രി (رضي الله عنه) വിൽ നിന്ന് റിപ്പോർട്ട് ചെയ്യുന്നു,.  തിരുനബി صلى الله عليه وسلم പറഞ്ഞു .“ ഐഹിക ജീവിതം മധുരവും മനോഹരവുമാണ്. അല്ലാഹു നിങ്ങളെ അതിൽ പ്രതിനിധികളാക്കിയിരിക്കുന്നുനിങ്ങൾ എന്ത് പ്രവർത്തിക്കുന്നു എന്ന് അവൻ നോക്കികൊണ്ടിരിക്കയാണ്അതിനാൽ ഐഹിക ജീവിതത്തെയും സ്ത്രീകളെയും നിങ്ങൾ സൂക്ഷിക്കുവിൻ”  (മുസ്ലിം 2742)

തിരുവചനങ്ങളെല്ലാം വിശദീകരണം ആവശ്യമില്ലാത്ത വിധം നമ്മെ ചിന്തിപ്പിക്കുന്നവയാണ്സർവ്വ ശക്തനായ അല്ലാഹു നമ്മെയും നമ്മുടെ ഭാര്യമാരെയും  പെൺകുട്ടികളെയും ഹറാമുകളിൽ നിന്ന് കാത്തു രക്ഷിക്കട്ടെ.. പാപങ്ങൾ അവന് പൊറുത്തു തരട്ടെ.. ആമീൻ

وآخر دعوانا أن الحمد لله رب العالمين وصلى الله وسلم على سيدنا محمد وعلى آله وصحبه أجمعين


Related Posts with Thumbnails