Saturday, February 12, 2011

456-സയ്യിദുനാ റസൂലുല്ലാഹ്-ഭാഗം-06


بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين


തിരു നബി صلى الله عليه وسلم ക്ക് മാത്രം-ഭാഗം-06



മഹതി ഉമ്മു സലമ رضي الله عنها യെ ഉദ്ധരിച്ച് കൊണ്ട് ഖാസി ഇയാസ് رحمه الله തന്റെ ‘അശ്ശിഫ’ യിൽ രേഖപ്പെടുത്തുന്ന ഒരു സംഭവം വായിക്കൂ.



ഒരിക്കൽ നബി صلى الله عليه وسلم തങ്ങൾ മരുഭൂമിയിൽ കൂടി സഞ്ചരിക്കവേ “ ഹേ ദൈവ ദൂതരേ” എന്നൊരു വിളികേട്ടു. അവിടന്ന് തിരിഞ്ഞ് നോക്കിയപ്പോൾ ഒരു മാൻപേട മരത്തിൽ കെട്ടിയിട്ട അവസ്ഥയിൽ നിൽക്കുന്നു. തൊട്ടടുത്തായി ഒരു മനുഷ്യൻ കിടന്നുറങ്ങുന്നുമുണ്ട്. നബി صلى الله عليه وسلم മാൻ‌പേടയുടെ അരികിൽ ചെന്ന് എന്ത് വേണം എന്ന് അന്വേഷിച്ചു. ‘ ഇതാ ഈ മനുഷ്യൻ എന്നെ വേട്ടയാടി പിടിച്ച് കെട്ടിയിട്ടിരിക്കയാണ്. അക്കാണുന്ന മലയിൽ എന്റെ രണ്ട് കുഞ്ഞുങ്ങളുണ്ട് അങ്ങ് എന്നെ ഒന്നഴിച്ച് വിട്ടാലും .ഞാനാ കുഞ്ഞുങ്ങൾക്ക് മുലകൊടുത്തിട്ട് ഉടനെ തനെ തിരികെ വന്ന്‌കൊള്ളാം. “ എന്ന് ആ മാൻ അതിന്റെ സങ്കടമുണർത്തി. “ നീ അങ്ങിനെതന്നെ ചെയ്യുമോ ? തിരുനബി صلى الله عليه وسلم ചോദിച്ചു. മാൻ മറുപടി പറഞ്ഞു ‘ഇല്ലെങ്കിൽ ഞാൻ മഹാ ദുഷ്ടയായിരിക്കും. പലിശ തിന്നുന്നവനേക്കാൾ മോശം, അങ്ങയുടെ പേരു കേട്ടിട്ട് സ്വലാത്ത് ചൊല്ലാത്തവരേക്കാൾ ദുഷ്ട” . അവിടുന്ന് അതിന്റെ കെട്ടഴിച്ച് വിട്ടു. അത് പറഞ്ഞ പ്രകാരം കുഞ്ഞുങ്ങളെ മുലയൂട്ടി തിരിച്ച് വന്നപ്പോൾ അവിടുന്ന് അതേ സ്ഥലത്ത് തന്നെ അതിനെ കെട്ടിയിട്ടു. അതിനിടയിൽ ആ കാട്ടറബി ഉറക്കമുണർന്നു. അപ്പോൾ നബി صلى الله عليه وسلم യെ തിരിച്ചറിഞ്ഞു. അവിടുത്തോടായി ഇങ്ങിനെ തിരക്കി. “ ദൈവദൂതരേ, ഞാനെന്തെങ്കിലും ചെയ്ത് തരേണ്ടതുണ്ടോ ?” നബി صلى الله عليه وسلمപറഞ്ഞു. നിങ്ങൾ ഈ മാൻ പേടയെ വിട്ടയക്കുക. അയാൾ അതിനെ കെട്ടഴിച്ച് വിട്ടപ്പോൾ ആ മാൻ‌പേട “അശ്‌ഹദു അൻ‌ലാഇലാഹ ഇല്ലല്ലാഹ് വ അന്നക റസൂലുല്ലാഹ്” എന്ന് പറയുന്നത് കേൾക്കാമായിരുന്നു.

പ്രിയ സഹോദരീ ,സഹോദരന്മാരേ, നമ്മുടെ നേതാവിന്റെ കാരുണ്യമാണിത്. ഇത്തരം ഒരു നേതാവിനെ സാധാരണക്കാരനാക്കാൻ വഹാബികൾക്ക് മാത്രമേ കഴിയൂ..

നമുക്കുറക്കെ ചൊല്ലാം


وَأَتٰاكَ الْعَوْدُ يَبْكِي === وَتَـذَلَّلْ بَيْنَ يَـدَيْكَ

وَاسْتَجٰـارَتْ يٰا حَبِيبِي === عِنْدَكَ الظَّبْيُ النَّفُورُ
يٰا نَبِي سَلاٰمْ عَلَيْكُمْ === يٰا رَسُولْ سَلاٰمْ عَلَيْكُمْ

يٰا حَبِيبْ سَلاٰمْ عَلَيْكُمْ === صَلَوٰاتُ الله عَلَيْكُمْ



.وآخر دعوانا أن الحمد لله رب العالمين وصلى الله وسلم على سيدنا محمد وعلى آله وصحبه أجمعين


Islamic Bulletin-456

No comments:

Post a Comment

അഭിപ്രായങ്ങളും നിർദ്ദേശങ്ങളും സ്വാഗതം ചെയ്യുന്നു.

Related Posts with Thumbnails