Sunday, February 28, 2010

308 -തിരു നബി(സ) വ്യക്തി വൈശിഷ്ട്യങ്ങൾ-ഭാഗം-09

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين



عَنِ ابنِ عَبّاسٍ رَضِيَ اللهُ عَنْهُمَا قالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ َأَنَا حَبِيبُ اللهِ وَلاَ فَخْرَ، وَأَنََا حَامِلُ لِوَاءِ الْحَمْدِ يَوْمَ الْقِيَامَةِ وَلاَ فَخْرَ، وَأَنَا أَوَّلُ شَافِعٍ وَأَوَّلُ مُشَفََّعٍ يَوْمَ الْقِيَامَةِ وَلاَ فَخْرَ، وَأَنَا أَوَّلُ مَنْ يُحَرِّكُ حِلَقَ الْجَنَّةِ فَيَفْتَحُ اللهُ لِي فَيُدْخِلُنِيهَا وَمَعِي فُقَرَاءُ المُؤْمِنِينَ وَلا فَخْرَ، وَأَنَا أَكْرَمُ الأَوَّلِينَ وَالْآخَرِينَ وَلاَ فَخْرَ (رواه الترمذي رحمه الله


ഇബ്നു അബ്ബാസ് رضي الله عنهما റിപ്പോർട്ട് ചെയ്യുന്നു. നബി صلى الله عليه وسلم പറഞ്ഞു. അല്ലാഹുവിന് ഏറ്റവും ഇഷ്ടപ്പെട്ടവരാണ് ഞാൻ. അന്ത്യനാളിൽ ലിവാഹുൽ ഹംദ് (കീർത്തന പതാക) വഹിക്കുന്നവരും പ്രഥമ ശുപാർശകനും ശുപാർശ സ്വീകരിക്കപ്പെടുന്നവരിൽ ഒന്നാമത്തവനും ഞാനാണ്. ആദ്യമായി സ്വർഗത്തിന്റെ വട്ടക്കണ്ണികൾ ചലിപ്പിക്കുകയും സ്വർഗം തുറപ്പിക്കുകയും പാവപ്പെട്ട വിശ്വാസികൾക്കായി അതിൽ പ്രവേശിക്കുകയും ചെയ്യുന്നവരും ഞാൻ തന്നെ. മുൻ‌ഗാമികളിലും പിൻ‌ഗാമികളിലും വെച്ച് അല്ലാഹുവിങ്കൽ അത്യുത്കൃഷ്ട സ്ഥാനമുള്ളവരുമാണ് ഞാൻ. (തിർമിദി)



صلى الله وسلم عليك يا سيدي رسول الله

അല്ലാഹുവിന്റെ പ്രവാചകരേ, അങ്ങ് പാവപ്പെട്ട സത്യവിശ്വാസികളെയുമായി സ്വർഗത്തിലേക്ക് പോകുമ്പോൾ ഈ പാപികളെയും കൂടെക്കൂട്ടാൻ മറക്കരുതേ.. ഞങ്ങളിതാ അങ്ങയുടെ പേരിൽ സ്വലാത്ത് ചൊല്ലുന്നു





ഏകദേശ സാരം:

പ്രത്യേകം തിരഞ്ഞെടുക്കപ്പെട്ടവരും സൃഷ്ടികളുടെ കൂട്ടത്തിൽ അത്യുത്തമരുമായ മുസ്ഥഫാ നബിയുടെ മേലിൽ അല്ലാഹുവിന്റെ സ്വലാത്തും സലാമും പരിശുദ്ധമായ കാഴ്ചയുമുണ്ടാവട്ടേ,

ഈ പ്രവാചകൻ صلى الله عليه وسلم അല്ലാഹുവിന്റെയടുക്കൽ ഉന്നത സ്ഥാനീയരാണ്. മി‌അ്റാജിന്റെ രാത്രിയിൽ ജിബ്‌രീലിനു പോലും എത്തിപ്പിടിക്കാൻ കഴിയാത്തതാണത്.

കൊട്ടിയടക്കപ്പെട്ട സ്വർഗത്തിന്റെ വാതിൽ മറ്റാർക്കും തുറക്കപ്പെടുന്നതിനു മുമ്പ് ആദ്യമായി തുറക്കപ്പെടുന്നവരാ‍ണ് ഈ പ്രവാചകൻصلى الله عليه وسلم

ലിവാഹുൽ ഹംദ് വഹിക്കുന്നവരും ഒട്ടനേകം വൈശിഷ്ട്യങ്ങളുടെ ഉടമയുമാണ് ഈ പ്രവാചകൻ صلى الله عليه وسلم


وآخر دعوانا أن الحمد لله رب العالمين وصلى الله وسلم على سيدنا محمد وعلى آله


Islamic Bulletin-308

Friday, February 26, 2010

307 - തിരുനബി(സ) വ്യക്തി വൈശിഷ്ട്യങ്ങൾ-ഭാഗം-08

بسم الله الرحمن الرحيم

الحمد لله رب العالمين وصلى الله وسلم على سيدنا محمد وعلى آله وصحبه أجمعين


عَنْ أَبِي أُمَامَةَ رَضِيَ اللهُ عَنه قَالَ: قُلْتُ: "يَا نَبِيَّ اللهُ مَا كَانَ أَوَّلُ بَدْءِ أَمْرِكَ؟ قَاَل صَلَّى اللهُ عَلَيْهِ وَسَلَّمَ: دَعْوَةُ أَبِي إِبْرٰاهِيمَ (عليه السلام)، وَبُشْرَى عِيسَى (عليه السلام) ، وَرَأَتْ أُمِّي أَنَّهُ يَخْرُجُ مِنْهَا نُورٌ أَضَاءَتْ مِنْهَا قُصُورُ الشَّامِ". (رواه الإمام أحمد رحمه الله).


അബൂ ഉമാമ رضي الله عنه വിൽ നിന്നും റിപ്പോർട്ട് ചെയ്യുന്നു. നബി صلى الله عليه وسلم പറഞ്ഞു. “ ഇബ്‌റാഹിം നബി عليه السلام ന്റെ പ്രാർത്ഥന ഈസാ നബി عليه السلام ന്റെ സന്തോഷവാർത്ത, പ്രസവ വേളയിൽ ശാമിലെ കൊട്ടാരങ്ങൾ കാണത്തക്കവിധം ആമിന ബീവി رضي الله عنها യ്ക്കനുഭവപ്പെട്ട പ്രകാശം എന്നിവയിലൂടെ ഭൂലോകത്തേക്ക് എഴുന്നള്ളിക്കപ്പെട്ടവർ (അഹ്‌മദ്)
ഏകദേശ സാരം:

അവിടുത്തെ ജനനം തന്റെ വംശമഹിമയെ വെളിവാക്കുന്നു. എത്ര നല്ല തുടക്കം. എത്ര നല്ല ഒടുക്കം.
പ്രത്യാഘ്യാതവും ദുരിതവും തങ്ങളെ വലയം ചെയ്യുമെന്ന് പേർഷ്യക്കാർക്കു മുന്നറിയിപ്പ് നൽകപ്പെട്ടു.
അന്ന് കിസ്‌റയുടെ കൊട്ടാരം നിലം പൊത്തി. പുന:സംഘടിപ്പിക്കാൻ പറ്റാ‍ത്തവിധം സൈന്യം ശിഥിലമായി.
ദു:ഖം നിമിത്തം അഗ്‌നിയാരാധകരുടെ ജ്വലിക്കുന്ന തീയണഞ്ഞു. നദിയിൽ കല്ലും ചെളിയും നിറഞ്ഞു.
സാ‍വാ തടാകം വറ്റി. തദ്ദേശ വാസികൾ വ്യസനിച്ചു. ദാഹിച്ചെത്തിയവർ കോപാകുലരായി മടങ്ങി.
വ്യസനം നിമിത്തം ജലത്തിന്റെ നനവ് തീയും, തീനാളം ജലവുമായതുപോലെ ആയിരുന്നു അത്.
ജിന്നുകൾ കലപില കൂട്ടുന്നു. പ്രകാശങ്ങൾ പരക്കുന്നു. വചനത്തിൽ നിന്നും ആശയത്തിൽ നിന്നും സത്യം വെളിപ്പെടുകയും ചെയ്യുന്നു.


وآخر دعوانا أن الحمد لله رب العالمين وصلى الله وسلم على سيدنا محمد وعلى آله وصحبه أجمعين


Islamic Bulletin-307

Thursday, February 25, 2010

306 -തിരുനബി(സ) വ്യക്തി വൈശിഷ്ട്യങ്ങൾ-ഭാഗം-07

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين


عَنْ أَبِي مَالِكِ الْأَشْعَرِيِّ-رَضِيَ اللهُ عَنْهُ- قال: قال رسول الله صلى الله عليه وسلم "إِنَّ اللهَ أَجَارَكُمْ مِنْ ثَلاَثِ خِلاَلٍ أَنْ لاَ يَدْعُو عَلَيْكُمْ نَبِيُّكُمْ فَتَهْلِكُوا جمَيِعاً، وَأَنْ لاَ يَظْهَرَ أَهْلُ الْبَاطِلِ عَلَى أَهْلِ الْحَقِّ، وَأَنْ لاَ تَجْتَمِعُوا عَلَى ضَلاَلَةٍ"
(رواه أبوداود


മഹാനായ അബൂ മാലികുൽ അൻസാരി رضي الله عنه പറയുന്നു. നബി صل الله عليه وسلم പറഞ്ഞു. “ സമുദായത്തിനെതിരായി പ്രവാചകർ صل الله عليه وسلم പ്രാർത്ഥിക്കുകയോ അതുമൂലം അവർക്ക് ഉന്മൂല നാശം വരികയോ ചെയ്യില്ലെന്നും. സത്യത്തിന്റെ പാർട്ടിയെ അസത്യത്തിന്റെ പാർട്ടി തോത്പിക്കില്ലെന്നും. നബി صل الله عليه وسلم യുടെ സമുദായം മുഴുവനും വഴികേടിൽ ഒരുമിച്ച് കൂടുകയില്ലെന്നുമുള്ള മൂന്ന് സംരക്ഷണങ്ങൾ അല്ലാഹു നബിصل الله عليه وسلم യുടെ സമുദായത്തിന് നൽകി. (അബൂദാവൂദ് )


ഏകദേശ സാരം :

സൃഷ്ടികളിൽ ശ്രേഷ്ഠനായ മഹാത്മാവേ, ഭയാനകമായ സംഭവം നടക്കുന്ന നാളിൽ (മഹ്‌ശറിൽ) അങ്ങല്ലാതെ എനിക്കാരു തുണ ?

മുഹമ്മദ് നബി صل الله عليه وسلم സർവ്വ നേതാക്കളുടെയും നേതാവാണ്. അവിടുന്ന് ഉത്തമ സംസ്കാരങ്ങളുടെയും സ്വഭാവങ്ങളുടെയും ഉടമയാണ്.

മുഹമ്മദ് നബി صل الله عليه وسلم കാരുണ്യമാണ്. ഉത്തമ വൈശിഷ്ട്യങ്ങളുടെ ഉടമയാണ്. സൂറത്തുന്നൂറിലും ഖലമിലും അവിടുത്തെ മദ്‌ഹ് അല്ലാഹു പറഞ്ഞത് നീ കേട്ടില്ലയോ ?

നേർമാർഗത്തിലേക്ക് നയിക്കുന്ന തിരുനബി صل الله عليه وسلم യുടെ മേലിലും അവിടുത്തെ കുടുംബത്തിന്റെയും അനുചരന്മാരുടെയും മേലിലും തുടക്കത്തിലും അവസാനത്തിലും അല്ലാഹു സ്വലാത്ത് വർഷിക്കട്ടെ.



وآخر دعوانا أن الحمد لله رب العالمين وصلى الله وسلم على سيدنا محمد وعلى آله وصحبه أجمعين



Islamic Bulletin-306

Wednesday, February 24, 2010

305 - തിരുനബി(സ) വ്യക്തി വൈശിഷ്ട്യങ്ങൾ-ഭാഗം-06

بسم الله الرحمن الرحيم

الحمد لله رب العالمين وصلى الله وسلم على سيدنا محمد وعلى آله وصحبه أجمعين


عَنْ أَبِي مَالِكِ الْأَشْعَرِيِّ-رَضِيَ اللهُ عَنْهُ- قال: قال رسول الله صلى الله عليه وسلم "إِنَّ اللهَ أَجَارَكُمْ مِنْ ثَلاَثِ خِلاَلٍ أَنْ لاَ يَدْعُو عَلَيْكُمْ نَبِيُّكُمْ فَتَهْلِكُوا جمَيِعاً، وَأَنْ لاَ يَظْهَرَ أَهْلُ الْبَاطِلِ عَلَى أَهْلِ الْحَقِّ، وَأَنْ لاَ تَجْتَمِعُوا عَلَى ضَلاَلَةٍ"
(رواه أبوداود


മഹാനായ സ്വഹാബി സൌബാൻ (റ) പറയുന്നു. നബി(സ) പറഞ്ഞു. “ നിശ്ചയം അല്ലാഹു എനിക്ക് ഭൂമി മുഴുവനും കയ്യിൽ ചുരുട്ടിപ്പിടിക്കാനും പ്രപഞ്ചത്തിന്റെ എല്ലാ ഭാഗങ്ങളും നേരിൽ കാണാനും അവസരം തന്നു ഭൂമിയുടെ എല്ലാ മുക്ക് മൂലകളിലും എന്റെ സമുദായത്തിന് പിന്നീട് അധികാരം ലഭിക്കും. റോമാ ,പേർഷ്യൻ രാജ്യങ്ങളുടെ ഖജനാവുകൾ അധിനത്തിലായവരാണ് ഞാൻ. സമുദായത്തെ വ്യാപകമായ വരൾച്ച കൊണ്ട് നശിപ്പിക്കുകയില്ലെന്നും സമുദായത്തെ ഉന്മൂലനാശം ചെയ്യാൻ സത്യനിഷേധികൾക്ക് അവസരം കൊടുക്കുകയില്ലെന്നും അല്ലാഹു ഉറപ്പ് കൊടുത്തവർ (സ്വഹീഹ് മുസ്‌ലിം )




ഏകദേശ സാരം:

സൃഷ്ടികളിൽ ശ്രേഷ്ഠനാ‍യ മഹാത്മാവേ, ഭയാനകമായ സംഭവം നടക്കുന്ന നാളിൽ (മഹ്‌ശറിൽ) അങ്ങല്ലാതെ എനിക്കാരു തുണ ?


ദൈവ ദൂതന്റെ ശ്രേഷ്ടതയ്ക്ക് അറ്റമില്ല. പറയുന്നവനു തന്റെ വായകൊണ്ട് അത് പറഞ്ഞു തീർക്കുക സാധ്യവുമല്ല.

അവിടുത്തെ കുറിച്ച് നമുക്ക് ഏറിയാൽ അറിയുക അവിടുന്നു മനുഷ്യനും അല്ലാഹുവിന്റെ സൃഷ്ടികളിൽ ഏറ്റവും ഉത്തമനും ആണെന്നത്രെ.

അവിടുത്തെ ദേഹത്തിനോട് തൊട്ടു നിൽക്കുന്ന മണ്ണിനൊക്കുന്ന സുഗന്ധതൈലമില്ല. അതു വാസനിക്കുന്നവർക്കും ചുംബിക്കുന്നവർക്കും മംഗളം


وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin- 305

Monday, February 22, 2010

304 -തിരുനബി(സ)വ്യക്തി വൈശിഷിട്യങ്ങൾ-ഭാഗം-05

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

عَنْ أَبِي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ: «بُعِثْتُ بِجَوَامِعِ الْكَلِمِ ، وَنُصِرْتُ بِالرُّعْبِ. فَبَيْنَا أَنَا نَائِمٌ أُوتِيتُ مَفَاتِيحَ خَزَائِنِ الْأَرْضِ فَوُضِعَتْ فِِي يَدِي
.

അബൂ ഹുറൈറ رضي الله عنه വിൽ നിന്നും നിവേദനം : തിരുനബി صلى الله عليه وسلم പറഞ്ഞു. ‘ഹ്രസ്വമായ വാക്കുകളിൽ അഗാധമായ ആശയമുൾക്കൊള്ളിക്കാനുള്ള വിശേഷസിദ്ധിയുമായാണ് എന്നെ നിയോഗിക്കപ്പെട്ടത്. ശത്രുക്കളുടെ ഹൃദയത്തിൽ ഭയം ഇട്ടുകൊടുത്ത് അല്ലാഹു എന്നെ സഹായിച്ചു.ഞാൻ ഉറക്കത്തിലായിരിക്കേ, ഭൂമിയുടെ ഖജനാവുകളുടെ താക്കോലുകൾ മുഴുവനും എന്റെ കയ്യിൽ നൽകപ്പെട്ടു (സ്വഹീഹുൽ ബുഖാരി, സ്വഹീഹ് മുസ്‌ലിം )

ബഹു.സിയാഉദ്ദീൻ അൽ-സ്വാബൂനി അൽമക്കി പാടിയ ഈ മനോഹര കാവ്യം നമുക്കുറക്കെ ചൊല്ലാം.

ഏകദേശ സാരം:

സ്വലാത്തുകളെക്കൊണ്ട് ദിവസങ്ങൾ സമ്പുഷ്ഠമാകുന്ന കാലത്തൊക്കെ തിരുനബി صلى الله عليه وسلم യുടെയും അവിടുത്തെ കുടുംബത്തിന്റെയും മേലിൽ പടച്ച തമ്പുരാൻ സ്വലാത്ത് വർഷിക്കട്ടെ,

എല്ലായ്പ്പോഴും നിങ്ങൾ നേർവഴി കാണിച്ചു തന്ന തിരു ദൂതരുടെ മേലിൽ സ്വലാത്ത് ചൊല്ലൂ.
ഏറ്റവും സമ്പൂർണ്ണമായ സ്വലാത്തുകൾ അവരുടെ മേലിൽ നിങ്ങൾ ഉരുവിടൂ.

അവിടുത്തെ എണ്ണമറ്റ് സമ്മാനങ്ങളെക്കൊണ്ടും ശഫാ‌അത്ത് കൊണ്ടും വിജയം വരിക്കാൻ അവിടുത്തെ കൂടുതൽ കൂടുതൽ സ്മരിക്കുകയും അവരുടെ മേലിൽ സ്വലാത്ത് ചൊല്ലുകയും ചെയ്യുക.

തന്റെ ഹബീബിന്റെ മേൽ സ്വലാത്ത് ചൊല്ലുന്നവർക്ക് അല്ലാഹു പത്ത് സ്വലാത്ത് പ്രതിഫലമായി നൽകും

നിശ്ചയം സ്രഷ്ടാവിന്റെ പക്കൽ നിന്നുള്ള സ്വലാത്ത്, അവന്റെ റഹ്‌മത്താണ്. എങ്കിൽ അല്ലാഹുവിന്റെ പക്കൽ നിന്നുള്ള പത്ത് റഹ്‌മത്ത് എന്തുമാത്രം മഹത്വമേറിയതായിരിക്കും


وآخر دعوانا أن الحمد لله رب العالمين وصلى الله وسلم على سيدنا محمد وعلى آله
Islamic Bulletin-304

Sunday, February 21, 2010

303-തിരു നബി(സ) വ്യക്തി വൈശിഷ്യട്യങ്ങൾ-ഭാഗം-04

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين


عن جابر بنِ عبدِ اللهِ رَضِيَ اللهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: «أُعطِيتُ خَمْساً لم يُعطَهُنَّ أَحَدٌ مِنَ الْأنْبِيَاءِ قَبْلِي: نُصِرْتُ بِالرُّعْبِ مَسِيرَةَ شَهْرٍ، وَجُعِلَتْ لِيَ الْأَرْضُ مَسْجِداً وَطَهُوراً، وَأُحِلََّتْ لِي الْغَنٰائِمُ، وَكَانَ النَّبِيُّ يُبعَثُ إِلى قَوْمهِ خَاصَّةً وَبُعِثتُ إِلى النَّاسِ كَافََّةً، وَأُعْطِيتُ الشَّفاعةَ (رواه الإمام البخاري رحمه الله.


മഹനായ ജാബിർ رضي الله عنه വിൽ നിന്നും നിവേദനം : തിരുനബി صلى الله عليه وسلم പറഞ്ഞു ‘ മുമ്പൊരു പ്രവാചകനും നൽകപ്പെടാത്ത അഞ്ച് വൈശിഷ്ട്യങ്ങൾ നൽകപ്പെട്ടവനാണ് ഞാൻ’

1) ശത്രുക്കളുടെ ഹൃദയത്തിൽ അല്ലാഹു ഭയം ഇട്ടുകൊടുത്ത് അവരെ നബി (സ)യുമായി ഒരു മാസക്കാലം സഞ്ചരിക്കേണ്ട ദൂരത്തേക്ക് അകറ്റി.

2) ഭൂമി നിസ്കാര യോഗ്യവും, മണ്ണ് ശുദ്ധീകരണ വസ്തുവുമാക്കപ്പെട്ടു.

3) യുദ്ധത്തിൽ കിട്ടുന്ന സമ്പത്തുകൾ അനുവദിക്കപ്പെട്ടു.

4) എല്ലാ മനുഷ്യർക്കും പ്രവാചകനായി നിയോഗിക്കപ്പെട്ടു.

5) ഏറ്റവും മഹത്വമേറിയതും വിശാലവുമായ ശുപാർശക്ക് അധികാരം നൽകപ്പെട്ടും (സ്വഹീഹുൽ ബുഖാരി, സ്വഹീഹ് മുസ്‌ലിം )

മഹനായ ഇമാം ഹദ്ദാദ് رحمه الله പാടിയ ഈ മനോഹര കാവ്യം നമുക്കും പാടാം.
ഏകദേശ സാരം :

എന്റെ രക്ഷിതാവേ, നാളെ പാപികളെ നരകത്തിൽ നിന്നും രക്ഷപ്പെടുത്തുന്ന മുഹമ്മദ് നബി صلى الله عليه وسلم തങ്ങളുടെ മേൽ നീ ഗുണം ചെയ്യേണമേ,

സുന്നത്തും നിരബന്ധമായ കാര്യങ്ങളുമായി അവതരിച്ച, മിന്നിത്തിളങ്ങുന്ന വിശുദ്ധ ഖുർ‌ആ‍ൻ, മനോഹരമായി പാരായണം ചെയ്ത പ്രവാചകരേ അങ്ങേക്ക് അല്ലാഹുവിന്റെ സ്വലാത്തുണ്ടായിരിക്കട്ടെ.

ലോകത്തെ മുഴുവനും അല്ലാഹുവിന്റെ പ്രകാശം കൊണ്ട് നന്മയിലേക്ക് നയിക്കുകയും നേർവഴി സിദ്ധിച്ചവരിൽ അത്യത്തമരുമായ പ്രവാചകരെ, അങ്ങേയ്ക്ക് അല്ലാഹുവിന്റെ സ്വലാത്തുണ്ടായിരിക്കട്ടെ.

പ്രവാചകരിൽ അത്യുത്തമരായവരേ, അങ്ങേയ്ക്ക് അല്ലാഹുവിന്റെ രക്ഷയുണ്ടാവട്ടെ, അങ്ങ് ഞങ്ങളുടെ ഹബീബാണ്, ഞങ്ങളുടെ നേതാവും നിക്ഷേപവുമാണ്.



.وآخر دعوانا أن الحمد لله رب العالمين وصلى الله وسلم على سيدنا محمد وعلى آله وصحبه أجمعين


Islamic Bulletin-303

Thursday, February 18, 2010

302 -തിരുനബി(സ) വ്യക്തി വൈശിഷ്ട്യങ്ങൾ-ഭാഗം-03

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

عَنْ أَنَسِ بْنِ مَالِكٍ رَضِيَ اللهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: أَنَا أَوَّلُ النَّاسِ يَشْفَعُ فِي الْجَنَّةِ. (رواه الإمام مسلم رحمه الله

മഹാനായ അനസ് رضي الله عنه വിൽ നിന്നും നിവേദനം : തിരുനബി صلى الله عليه وسلم പറഞ്ഞു. “ ഉന്നത പദവികൾക്ക് വേണ്ടി സ്വർഗ്ഗത്തിൽ വെച്ച് ആദ്യമായി ശുപാർശ ചെയ്യുന്നവൻ ഞാനാണ് (മുസ്‌ലിം )


സൃഷ്ടികളിൽ ശ്രേഷഠനായ മഹാത്മാവേ, ഭയാനകമായ സംഭവം നടക്കുന്ന നാളിൽ (മഹ്‌ശറിൽ) അങ്ങല്ലാതെ എനിക്കാരു തുണ !?

ശിക്ഷകളുമായി ജഗന്നിയന്താവു പ്രത്യക്ഷനാകും നാൽ, ദൈവ ദൂതന്റെ മഹനീയ പദവി കാരണമായി എന്റെ ഞെരുക്കം ഇല്ലാതാവും.

ഇഹവും പരവും അവിടുത്തെ ഔദാര്യം. ‘ഖലമി’നെയും ‘ലൌഹി’നെയും കുറിച്ച് അങ്ങേക്കറിവുണ്ട്.

മനസ്സേ, മഹാ പാപങ്ങളെയോർത്ത് നിരാശപ്പെടാതെ. ചെറിയ കുറ്റങ്ങളെപ്പോലെ വലിയ കുറ്റങ്ങളും പൊറുക്കപ്പെടും.

എന്റെ രക്ഷിതാവ് അനുഗ്രഹങ്ങൽ പങ്കുവെക്കുമ്പോൾ എന്റെ അനുസരണക്കേടിന്റെ തോതനുസരിച്ചുള്ള വീതം എനിക്കും ലഭിച്ചേക്കും.

റബ്ബേ എന്റെ പ്രത്യാശയെ നിരാകരിക്കരുതേ. എന്റെ വിചാരണയെ നിരാശയുളവാക്കുന്ന വിധത്തിൽ കലാശിപ്പിക്കരുതേ.

പടച്ചവനേ ,ഇരു ഭവനങ്ങളിലും നിന്റെ അടിമകളോടു ദാക്ഷിണ്യം കാണിക്കുക. ആപത്ത് വരുമ്പോൾ കൈവിട്ടു പോകുന്ന ക്ഷമായാണെന്റേത്.

നിന്റെ അനുഗ്രഹത്തിന്റെ മേഘങ്ങൾ സദാ നീ നബി صلى الله عليه وسلم യുടെ മേൽ ശക്തിയായും ഇടമുറിയാതെയും വർഷിച്ചുകൊണ്ടിരുന്നാലും.



.وآخر دعوانا أن الحمد لله رب العالمين وصلى الله وسلم على سيدنا محمد وعلى آله وصحبه أجمعين

Islamic Bulletin-302

Wednesday, February 17, 2010

301 - തിരുനബി(സ) വ്യക്തി വൈശിഷ്ട്യങ്ങൾ-ഭാഗം-02

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

عَنْ أَنَسِ بْنِ مَالِكٍ رَضِيَ اللهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: أَنَا أَكْثَرُ الْأَنْبِيَاءِ تَبَعاً يَوْمَ الْقِيَامَةِ. وَأَنَا أَوَّلُ مَنْ يَقْرَعُ بَابَ الْجَنَّةِ (رواه الإمام مسلم رحمه الله

മഹാനായ അനസ് رضي الله عنه വിൽ നിന്നും നിവേദനം : തിരുനബി صلى الله عليه وسلم പറഞ്ഞു. “അന്ത്യ നാളിൽ അമ്പിയാക്കളിൽ വെച്ച് ഏറ്റവുമധികം അനുയായികളുള്ളവരും സ്വർഗവാതിൽ ആദ്യമായി തുറപ്പിക്കുന്നവരും ഞാൻ തന്നെ (സ്വഹീഹ് മുസ്‌ലിം )


എന്റെ രക്ഷിതാവേ, സർവ്വ സൃഷ്ടികളിലും ഉത്തമരായ നിന്റെ ഹബീബിന്റെ മേലിൽ നീയെന്നുമെന്നും സ്വലാത്തും സലാമും ചൊരിയേണമേ.

ഉന്നത് സ്ഥാനവും സൃഷ്ടികളിൽ അത്യുത്തമരുമായുള്ളവരേ, മഹത്വത്തിന്റെ ഉടമയായ അല്ലാഹു അങ്ങയുടെ മേൽ സ്വലാത്തും സലാമും വർഷിക്കട്ടെ.

അങ്ങയോടുള്ള സ്മരണ ഹൃദയാന്തരങ്ങളിൽ മധുരവും രസകരവുമായി നില നിൽക്കുന്ന കാലത്തോളം, മഹത്വത്തിന്റെ ഉടമയായ അല്ലാഹു അങ്ങയുടെ മേൽ സ്വലാത്തും സലാമും വർഷിക്കട്ടെ.

അങ്ങയെ ആക്ഷേപിച്ചവർക്ക് പൂർണ്ണമായും കണക്കുതീർത്ത് നൽകിയ, മഹത്വത്തിന്റെ ഉടമയായ അല്ലാഹു അങ്ങയുടെ മേൽ സ്വലാത്തും സലാമും വർഷിക്കട്ടെ.

ഉത്തമരായ പ്രവാചകർക്കിടയിൽ നിന്ന് അങ്ങയെ ഏറ്റവും പരിശുദ്ധനാക്കിയ, മഹത്വത്തിന്റെ ഉടമയായ അല്ലാഹു അങ്ങയുടെ മേൽ സ്വലാത്തും സലാമും വർഷിക്കട്ടെ.


.وآخر دعوانا أن الحمد لله رب العالمين وصلى الله وسلم على سيدنا محمد وعلى آله وصحبه أجمعين

Islamic Bulletin-301

300 - തിരു നബി (സ) വ്യക്തി വൈശിഷ്ട്യങ്ങൾ-ഭാഗം-01

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

പ്രിയരെ, السلام عليكم ورحمة الله : എല്ലാവർക്കും നബിദിനാശംസകൾ.

വിശുദ്ധ റബീഉൽ അവ്വലായത്‌ കൊണ്ട്‌ തിരു നബി(صلى الله عليه وسلم ) യുടെ മദ്‌ഹുകളിൽ നിന്ന് അല്‌പം എഴുതിയും വായിച്ചും നമുക്ക്‌ ആ ഹബീബിനെ അനുസ്മരിക്കാം. അല്ലാഹു നമ്മേ അനുഗ്രഹിക്കട്ടെ. അവിടുത്തെ സുന്നത്തനുസരിച്ച്‌ ജീവിക്കുന്നവരിൽ അല്ലാഹു നമ്മേ ഉൾപ്പെടുത്തി അനുഗ്രഹിക്കട്ടെ. ആമീൻ

عَنْ أَبِي هُرَيْرَةَ رَضِيَ اللهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ: أَنَا سَيِّدُ وَلَدِ آدَمَ يَوْمَ الْقِيَامَةِ ، وَأَوَّلُ مَنْ يَنْشَقُّ عَنْهُ الْقَبْرُ ، وَأَوَّلُ شَافِعٍ وَأَوَّلُ مُشَفََّعٍ
.
(رواه الإمام مسلم رحمه الله

മഹനായ അബൂ ഹുറൈറ (റ) വിൽ നിന്നും നിവേദനം : തിരുനബി (صلى الله عليه وسلم ) പറഞ്ഞു. 'അന്ത്യനാളിൽ എല്ലാ മനുഷ്യരുടെയും നേതാവാണ്‌ ഞാൻ. പുനരുഥ്താനം ചെയ്യപ്പെടുന്നവരിൽ ആദ്യത്തവരും ഞാൻ തന്നെ. പ്രഥമ ശുപാർശകനും ,ശുപാർശ സ്വീകരിക്കപ്പെടുന്നവരിൽ ഒന്നാമത്തവരും ഞാനാണ്‌. (സ്വഹീഹ്‌ മുസ്‌ലിം 5893)

പ്രിയ സഹോദരന്മാരേ, ആ ഹബീബിന്റെ സ്മരണയിലായി നമുക്കുറക്കെ പാടാം..

ഏകദേശ സാരം :

എന്റെ രക്ഷിതാവേ, നാളെ പാപികളെ നരകത്തിൽ നിന്നും രക്ഷപ്പെടുത്തുന്ന മുഹമ്മദ്‌ നബി(صلى الله عليه وسلم ) തങ്ങളുടെ മേൽ നീ ഗുണം ചെയ്യേണമേ,

ഉന്നത സ്ഥാനീയനും പ്രപഞ്ചത്തിന്റെ അഭിമാനവുമായ അഹ്‌മദ്‌ നബിയുടെ ജന്മം കൊണ്ട്‌ അല്ലാഹു നമ്മെ ആദരിച്ചിരിക്കുന്നു.

എല്ലാ ഗുണങ്ങളും മേളിച്ചവരാണ്‌ മുഹമ്മദ്‌ നബി (صلى الله عليه وسلم ) അമ്പർ സുഗന്ധം വീശുന്നുണ്ടവിടുന്ന്.

ലോകത്തിനു മുഴുവനും കാരുണ്യമാണവർ, വിശ്വാസികൾക്ക്‌ അനുഗ്രഹമാണ്‌, മഹ്‌ശറിൽ ശുപാർശകനാണവിടുന്ന്,

സ്രഷ്ടാവായ അല്ലാഹു ഏറ്റവും പരിമളമായ രീതിയിൽ മദ്‌ഹ്‌ പറഞ്ഞ ഒരാളെക്കുറിച്ച്‌ സൃഷ്ടികൾ എന്തു മഹിമ പറയാനാണ്‌. ?

ത്വാഹാ നബിയെ സ്നേഹിക്കുന്നവരേ, അവിടുത്തെ ശഫാഅത്ത്‌ കൊണ്ട്‌ നിങ്ങൾ സന്തോഷിക്കൂ, നിശ്ചയം നാം ഹൗളുൽ കൗസറെന്ന പാനം കൊണ്ട്‌ അനുഗ്രഹിക്കപ്പെടും.

ആ ഹബീബിനെ പ്രേമിക്കുന്നവർക്കാണ്‌ സർവ്വ സന്തോഷവും, പൂർണ്ണ ചന്ദ്രനെപ്പോലെ അവരുടെ മുഖങ്ങൾ പ്രകാശിക്കും.

ഓ, സന്മാർഗത്തിന്റെ പതാക വാഹകരേ, പ്രഭയുള്ള റബീഅ് പോലെ അങ്ങയെ സ്മരിക്കുന്ന കാലത്തോളം അല്ലാഹു അങ്ങയ്ക്ക്‌ കാരുണ്യം ചൊരിയട്ടേ.

وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin- 300

Tuesday, February 16, 2010

115 -ഖുർ‌ആൻ ‘ഖതം‘ ദുആ

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين


നല്ലവരായ വായനാക്കാർക്കായി ഈ ദു‌ആ‍ാ സമർപ്പിക്കുന്നു. ഇത് വിശുദ്ധ ഖുർ‌ആ‍ൻ ‘ഖതം’ തീർത്താൽ ചെയ്യുന്ന ദുആയാണ്. പ്രത്യേകിച്ച് മരണപ്പെട്ടവർക്ക് വേണ്ടി (ഖുർ‌ആൻ ഖതം തീർത്താൽ )

സർവ്വ ശക്തനായ അല്ലാഹു നമ്മെയും നമ്മുടെ മാതാപിതാക്കളെയും ഗുരുവര്യന്മാരെയും നമ്മിൽ നിന്ന് മരണപ്പെട്ടവരെയും അവന്റെ സ്വർഗലോകത്ത് ഒരുമിച്ച് കൂട്ടി അനുഗ്രഹിക്കട്ടെ. ആമീൻ




بسم الله الرحمن الرحيم



اَلْحَمْدُ ِللهِ الَّذِي أَنْفَذَ فِي بَرِيَّتِهِ أَحْكَامَهُ ° وَأَجْرَى بِمَشِيئَتِهِ أَقْلاٰمَهُ °وَقَدَّرَ عَلَى الْأَنَامِ حِمٰامَهُ ° وَأَنْزَلَ عَلَى نَبِيِّهِ الْمَخْصُوصِ بِالْكَر ٰامَةِ ° كُلُّ نَفْسٍ ذٰائِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ ° هُنٰالِكَ يُقَالُ لِلْمُجْرِمِ أَنِ امْتٰازْ ° وَنُحِّيَ الْمُؤْمِنُ عَنْ سَوٰاءِ الْجَحِيمِ فَاجْتٰازْ ° وَثُبِّتَ السَّعِيدُ عَلَى الصِّرٰاطِ فَاجْتٰازَ° فَمَنْ زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَمَنْ أُلْقِيَ فِي النَّارِ فَقَدْ آلَ إِلَى الثُّبُورِ ° وَمَنْ أُدْخِلَ الْجَنَّةَ فَقَدْ ظَفِرَ بِالسُّرُورِ° وَمَا الْحَيٰاةُ الدُّنْيَا إِلاَّ مَتَاعُ الْغُرُورِ ° اَلْحَمْدُ ِللهِ رَبِّ الْعٰالَمِينَ °اَللّٰهُمَّ صَلِّ وَسَلِّمْ عَلَى سَيِّدِنَا مُحَمَّدٍنِ النَّبِيِّ الْأُمِّيِّ الْهٰاشِمِيِّ الْقُرَشِيِّ الْعَرَبِيِّ الْمَدَنِيِّ ° صٰاحِبِ النَّصِيحَيْنِ وَابْنِ الذَّبِيحَيْنِ وَجَدِّ الصَّبِيحَيْنِ ° أَفْصَحِ الْعَرَبِ وَأَكْرَمِهِمْ ° وَأَفْضَلِ الْأَنْبِيآءِ وَأَرْحَمِهِمْ ° اَللَّهُمَّ ارْزُقْنٰا فِي الدُّنْيٰا زِيٰارَتَهُ ° وَفِي الْآخِرَةِ شَفَاعَتَهُ ° وَلاٰ تَحْرِمْنٰا فِي الْجِنٰانِ رُؤْيًتَهُ ° وَأَوْرِدْنٰا حَوْضَهُ الْمَوْرُودْ ° وَاحْشُرْنَا اللَّهُمَّ غَداً تَحْتَ ظِلِّ لِوٰائِهِ الْمَعْقُودْ ° وَأَجِرْنٰا اللَّهُمَّ مِنْ هَوْلِ يَوْمِ الْقِيٰامة وَنَصَبِهِ ° وَزَلاٰزلِهِ وَتَعَبِهِ ° وَاجْعَلِ اللَّهُمَّ يٰا كَرِيمُ ثَوٰابَ قِرٰاءَتِنٰا هٰذِهِ وَبَرَكَةَ دُعٰائِنٰا نُقَدِّمُهٰا وَنُهْدِيهٰا إِلَى رُوحِ سَيِّدِنٰا وَنَبِيِّنٰا وَحَبِيبِنٰا وَشَفِيعِنٰا وَقُرَّةِ أَعْيُنِنٰا أَبِي الْقَاسِمِ مُحَمَّدٍ صَلَّى اللهُ عَلَيْهِ وَسَلَّمَ ° ثُمَّ إِلَى رُوحِ آبٰائِهِ وَإِخْوٰانِهِ مِنَ الْأَنْبِيَآءِ وَالْمُرْسَلِينَ ° وَجَمِيعِ الصَّحٰابَةِ وَالتَّابِعِينَ ° وَأَهْلِ بَيْتِهِ الطَّاهِرِينَ ° ثُمَّ مَنِ اجْتَمَعْنٰا هٰهُنٰا بِسَبَبِهِ ° وَتَلَوْنَا الْقُرْآنَ الْعَظِيمَ لَكَ وَمِنْ أَجْلِهِ ° اِرْحَمِ اللَّهُمَّ مَثْوٰاهُ ° وَبُلَّ بِوٰابِلِ الرَّحْمَةِ ثَرٰاهُ ° وَآنِسْ وَحْشَتَهُ ° وَاغْفِرْ زَلَّتَهُ ° وَنَفِّسْ كُرْبَتَهُ ° وَنَوِّرْ مَحَلَّتَهُ ° وَارْفَعْ دَرَجَتَهُ ° وَكُنْ لَنَا وَلَهُ وَلِيًّا ° وَبِنَا وَبِهِ حَفِيًّا ° اَللَّهُمَّ وَامْحُ مٰا كَانَ مِنَ السَّيِّئٰاتِ فِي طِرْسِهِ ° وَافْسَحْ لَهُ بِالْقُرْآنِ الْعَظِيمِ مَا ضَاقَ مِنْ رَمْسِهِ °وَاجْعَلِ الْحُورَ الْكَوٰاعِبَ مِنْ أُنْسِهِ ° اَللَّهُمَّ وَآتِهِ بِالْيَمِينِ كِتٰابَهُ ° وَاجْعَلْ مِنَ النُّورِ الْمُسْتَنِيرِ جِلْبٰابَهُ ° وَصَيٍّرِ الْجَنَّةَ بَعْدَ ذٰلِكَ مَآبَهُ ° وَجُدْ بِعَفْوِكَ عَلَى قَبِيحِ أَفْعٰالِهِ° وَتَجٰاوَزِ اللَّهُمَّ عَنْ زَلَلِـهِ وَأَخْطَالِهِ ° اَللَّهُمَّ وَأَلْبِسْهُ مِنَ السُّنْدُسِ وَالْإِسْتَبْرَقِ ° وَآنِسْهُ يَوْمَ الْفَزَعِ فَلاٰ يَقْلَقْ ° وَثَبِّتْهُ عَلَى الصِّرٰاطِ فَلاٰ يَزِلَّ وَلاٰ يَزِيغَ وَلاٰ يَزْلَقْ ° اَللَّهُمَّ وَاجْعَلْ لَنٰا وَلَهُ يَوْمَ الْقِيٰامَةِ نُوراً ° وَلَقِّهِ مِنْكَ نَضْرَةً وَسُرُوراً° وَأَطْيَبَ ذَوٰاقًا وَكَأْسًا دِهٰاقًا ° وَاجْعَلْهُ وَإِيَّانٰا يٰا مَوْلاٰنٰا مِنَ الْوُجُوهِ النَّاضِرِ ° الَّتِي إِلَى رَبِّهٰا نٰاظِرَة ° وَلاٰ تَجْعَلْهُ وَإِيّٰانٰا يٰا مَوْلاٰنَا مِنَ الْوُجُوهِ الْبٰاسِرَة ° الَّتِي تَظُنُّ أَنْ يُفْعَلَ بِهٰا فَاقِرَة ° إِنَّكَ أَهْلُ التَّقْوَى وَأَهْلُ الْمَغْفِرَة ° اَللَّهُمَّ وَأَهْلُ الْقُبُورِ مِنَ الْمُسْلِمِينَ وَالْمُسْلِمٰات وَالْمُؤْمِنِينَ وَالْمُؤْمِنٰاتِ ° أَدْخِلِ اللَّهُمَّ عَلَيْهِمْ يٰا كَرِيمُ فِي قُبُورِهِمُ الرَّوْحَ وَالرَّيْحٰانَ ° وَالْفُسْحَةَ وَالرِّضْوٰانَ ° وَالْبِشٰارَةَ وَالْأَمٰانَ ° بِجِوٰارِِكَ فِي رَفِيعِ الْجِنَانِ ° إِنَّكَ كَرِيمُ مَنَّانٌ ° اَللَّهُمَّ وَنَحْنُ عَبِيدُكَ الْفُقَرٰآءُ الضُّعَفَآءُ الْمَسٰاكِينُ الْمُحْتٰاجُونَ الْمُقَصِّرُونَ ° اِرْحَمْنَا إِذٰا صِرْنَا إِلَى مٰا صٰارُوا إِلَيْهِ قَبْلَنٰا ° وَبٰارِكِ اللَّهُمَّ لَهُمْ فِِيمٰا صٰارُوا إِلَيْهِ وَلَنٰا ° واجْعَلْ فِيهِ فَرَحَنَا لاٰ تَرَحَنَا ° وَاجْعَلْ مَلَكَ الْمَوْتِ عَلَيْهِ السَّلاٰمْ بِقَبْضِ أَرْوٰاحِنَا رَؤُوفًا رَحِيماً حَفِيًّا ° وَرٰافِقِ اللَّهُمَّ بِنَا وَبِهِ وَجَمِيعِ الْمُسْلِمِينَ مَعَ مَنْ كٰانَ صِدِّيقًا وَنَبِيًّا ° فِي جَنَّتِكَ الَّتِي لاَ يَسْمَعُونَ فِيهَا لَغْوًا إِلاَّ سَلاَمًا وَلَهُمْ رِزْقُهُمْ فِيهَا بُكْرَةً وَعَشِيًّا دَعْوٰاهُمْ فِيهَا سُبْحَانَكَ اللَّهُمَّ وَتَحِيَّتُهُمْ فِيهَا سَلاَمٌ وَآخِرُ دَعْوٰاهُمْ أَنِ الْحَمْدُ ِللهِ رَبِّ الْعَالَمِينَ° وَصَلَّى اللهُ وَسَلَّمَ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ أَجْمَعِينْ آمين.





وآخر دعوانا أن الحمد لله رب العالمين وصلى الله وسلم على سيدنا محمد وعلى آله

ഈ ദുആയുടെ PDF ഫയൽ ഇവിടെ ക്ലിക് ചെയ്ത് ഡൌൺലോഡ് ചെയ്യാം


Islamic Bulletin-115

114-A-സംഘടിത നിസ്കാരം-സംശയങ്ങൾക്ക് മറുപടി

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

സംഘടിത നിസ്കാരം പ്രാധാന്യവും നിബന്ധനകളും എന്ന വിഷയത്തിൽ , മാന്യ വായനക്കാരന്റെ സംശയം പ്രസക്തമാണെന്ന് തോന്നിയതിനാൽ അല്പം വിശദീകരിക്കുന്നു. സഹോദരന്റെ സംശയങ്ങളാണ് ഇംഗ്ഗീഷിലുള്ളത്.

Assalamu Alaikum
Dear Concerned
I am working in Makkah, I would like to ask some doubts about Pray with Jama’a that raised when I read these Islamic Bulletins regarding it. Please not the following doubts and could you please let me to clear my doubts:-

വ അലൈക്കുമുസ്സലാം, താങ്കളുടെ സംശയങ്ങൾക്കുള്ള മറുപടികൾ പലതും പല ബുള്ളറ്റിനുകളിലായി വന്നിട്ടുണ്ട് . എന്നാലും പ്രസക്തമായതു കൊണ്ട് വിശദീകരിക്കാം.

ആദ്യത്തെ സംശയം

1) There is mentioned in bulletin – the gap between Imam and between line should be less than or maximum of three feet (muzham).but even in Haram,there is a empty swaff after the Imam and before the firast line ( to keep safety for Imam)

മറുപടി

താങ്കൾ പറഞ്ഞത് പോലെ അങ്ങിനെ ഒരു സ്വഫ് ഒഴിച്ചിടുന്നതായി ശ്രദ്ധയിൽ പെട്ടിട്ടില്ല. ഹറമിൽ ഇമാം ഒന്നുകിൽ ഇബ്‌റാഹിം മഖാമിന്റെ പിന്നിലാണ് നിൽക്കാറുള്ളത്. അവിടെ പ്രത്യേകം സ്വഫുകൾ ഒഴിവിടാറില്ല. അല്ലെങ്കിൽ ‘മഖാം അഹ്‌മദുബുനു ഹമ്പൽ’ എന്ന പേരിൽ അറിയപ്പെടുന്ന സ്ഥലത്തെ ഗ്ഗ്ലാസുകൊണ്ടുള്ള റൂമിനു താഴെയാണ് നിൽക്കാറുള്ളത്. അവിടെയും ഇങ്ങിനെ സ്വഫുകൾ ഒഴിവിടാറില്ല.

കൂടാതെ മൂന്ന് മുഴം എന്ന നിർണ്ണയം ഏകദേശമാണ്. അതായത് ഇമാമിന്റെയും മ‌അ്മൂമിന്റെയും അല്ലെങ്കിൽ മ‌അമൂമുകളുടേ സ്വഫുകൾക്കിടയിൽ കൂടുതൽ ദൂരമുണ്ടാവരുത് എന്നാണ് ഉദ്ദേശ്യം. അതിന് ചില ഇമാമുകൾ നൽകിയ അളവാണ് മൂന്ന് എന്നത്. അപ്പോൾ ചെറിയ വിത്യാസങ്ങളൊന്നും പ്രശ്നമല്ല.

അതുപോലെ ഈ പരിധി ജമാ‌അത്തിന്റെ പ്രത്യേക പുണ്യം കിട്ടാ‍നുള്ള അകലമാണ്. തുടർച്ച ശരിയാ‍വാൻ 300 മുഴം വരെ ദൂരമുണ്ടായാലും ശരിയാകുമെന്ന് മുമ്പ് വിശദീകരിച്ചതാണ്.

മറ്റൊരു കാര്യം, ഈ പറഞ്ഞ ദൂര പരിധി മസ്ജിദുൽ ഹറാമല്ലാത്ത പള്ളികളിലാണെന്നും ചില മഹാന്മാർ രേഖപ്പെടുത്തിയിട്ടുണ്ട്. മസ്ജിദുൽ ഹറാമിന്റെ പ്രത്യേകതകളിൽ ഒന്നാണ് ഈ ദൂര പരിധിയില്ലെന്നത്. അതിന്റെ ഉള്ളിൽ എവിടെ വെച്ച് നിസ്കരിച്ചാലും ജമാ‌അത്തിന്റെ കൂലി ലഭിക്കുമെന്നും.

രണ്ടാമത്തെ സംശയം :

2) Some Imams in Saudi are not reciting ‘Bismi’ or who believe it is not to be recite musty.

ഒന്നാമതായി ഒരു മുസ്‌ലിമിനെയും നാം തെറ്റിദ്ധരിക്കാതിരിക്കുക. അവരുടെ ന്യൂനതകൾ ചികഞ്ഞന്വേഷിക്കുകയും വേണ്ട. ഇമാമുമാരൊക്കെ നല്ലവരും അവർ അവരുടെ ബാധ്യത പൂർണ്ണമായും ഭംഗിയായും നിർവ്വഹിക്കുന്നവരാണെന്നും വിശ്വസിക്കുക. (പ്രത്യക്ഷ തെറ്റുകൾ കാണാത്ത കാലത്തോളം ) സൌദിയിലെ അധിക ഇമാമുമാരും ഹമ്പലി മദ്‌ഹബ് പിൻ‌പറ്റുന്നവരാണ്. ഹമ്പലി മദ്‌ഹബനുസരിച്ചും ബിസ്മി ഫാതിഹയിൽ പെട്ട ആയത്താണ്. പക്ഷെ ആ ആയത്തിനെ മറ്റ് ആയത്തുകളെപ്പോലെ ഉറക്കെ ഓതണമോ അല്ല പതുക്കെ ഓതിയാൽ മതിയോ എന്നതിലാണ് ശാഫി‌ഈ മദ്‌ഹബും ഹമ്പലി മദ്‌ഹബും തമ്മിൽ അഭിപ്രായ വിത്യാസമുള്ളത്. ശാഫി‌ഈ മദ്‌‌ഹബനുസരിച്ച് ഉറക്കെ ഓതലും, ഹമ്പലി മദ്‌ഹബ് പ്രകാരം പതുക്കെ ഓതലുമാണ് സുന്നത്ത്. അപ്പോൾ അവർ ഉറക്കെ ഓതുന്നില്ലെങ്കിലും പതുക്കെയോതുന്നുണ്ട്. ശാഫി‌ഈ മദ്‌ഹബനുസരിച്ചും പതുക്കെ ഓതിയാലും നിസ്കാരം സ്വഹീഹാകുമല്ലോ. അതെ സമയം ഒരു ഇമാം തീരേ ബിസ്മി ( ഉറക്കെയോ പതുക്കെയോ ) ഓതുന്നില്ല എങ്കിൽ ശാഫി‌ഈ മദ്‌ഹബുകാർക്ക് അവരോട് തുടർന്ന് നിസ്കരിക്കാൻ പറ്റില്ല.

മൂ‍ന്നാമത്തെ ചോദ്യം

3) Here nobody doing Kunooth in swalath ul Fajr, but we are following Imam shafi, wehave to make sujood for Sahvu before ending pary,but it is not favorite in Masjid as to follow the majority of Muslims.

ആദ്യമായി ഖുനൂത്ത് ഒരു നിർബന്ധമായ കർമ്മമല്ലെന്ന് ഓർമ്മിക്കുക. മനപ്പൂർവ്വം ഒഴിവാക്കിയാൽ പോലും കുറ്റമോ നിസ്കാരത്തിന് അസാധുതയോ വരികയില്ല. പക്ഷെ ആ പുണ്യം നഷ്ടപ്പെടും. അപ്പോൾ ഖുനൂത് ഓതാത്ത ഇമാമിന്റെ കൂടെയാണ് നിസ്കരിക്കുന്നതെങ്കിൽ ഇ‌അ്തിദാലിൽ ചെറിയ തോതിൽ ഖുനൂത് നിർവ്വഹിക്കാവുന്നതാണ്.
ഉദാ‍:‌ اللهم اهدني في من هديت وعافني فيمن عافيت وصلى الله وسلم على سيدنا محمد وعلى آله ഇത്രയും ചൊല്ലിയാൽ തന്നെ ഖുനൂതിന്റെ സുന്നത്ത് ലഭിക്കും. അതിന് അര മിനുറ്റ് പോലും വേണ്ടി വരില്ല.

ഇവിടെ , ഇമാം ചെയ്യാത്ത ഒരു പ്രവൃത്തി മ‌അ്മൂം ചെയ്തത കാരണം ഇമാം സലാം വീട്ടിയാൽ മ‌അമൂമിന് സുജൂദ് ചെയ്യൽ സുന്നത്തുണ്ട്. അത് പറ്റുമെങ്കിൽ ചെയ്യുക. അല്ല സുഹൃത്ത് പറഞ്ഞപോലെ ,മറ്റുള്ളവർ കണ്ടാ‍ൽ തെറ്റിദ്ധരിക്കുമെങ്കിൽ ഒഴിവാക്കാവുന്നതാണ്. അത് മൂലം നിസ്കാരത്തിന് ന്യൂനതയൊന്നും വരുന്നില്ല.

നാലാമത്തെ ചോദ്യം


4) If we are completing our fathiha when imam got up from ruku, then the fellow guy will angry to do this , they want to follow Imam or pray it again because we lost our one rakaha

ഇത് സൌദിയിലൊക്കെ സാധാരണ അഭിമുഖീകരിക്കുന്ന ഒരു പ്രശ്നമാണ്. ഇമാം അധിവേഗത്തിൽ വജ്ജഹ്തുവും ഫാതിഹയും സൂറത്തുമൊക്കെ ഓതി റുകൂ‌ഇലേക്ക് പോകും. നാം ഇതെല്ലാം കഴിയുമ്പോഴേക്ക് ഇമാം റുകൂഇൽ നിന്ന് ഉയർന്നിട്ടുണ്ടാകും. ശാഫി‌ഈ മദ്‌ഹബ് അനുസരിച്ച് ഇത്തരം മ‌അ്മൂമുകൾ (ഇമാമിന്റെ കൂടെ തുടക്കം മുതൽക്ക് തുടർന്നവർ) ക്ക് ഫാ‍തിഹ പൂർത്തിയാക്കാൻ വേണ്ടി മൂന്ന് ഫർള് വരെ പിന്താമെന്നാണ്. എന്നാൽ നാം അവരോടൊപ്പം റുകൂഅ് ചെയ്തിട്ടില്ലെങ്കിൽ അവർ ഉപദേശിക്കുകയും ചിലപ്പോൾ നിസ്കാരം ശരിയായിട്ടില്ലെന്ന് വരെ പറഞ്ഞേക്കാം. മാത്രമല്ല അവർ നമ്മെ തെറ്റിദ്ധരിക്കാനും ഇട വരും. അത്തരം ഘട്ടങ്ങളിൽ നാം ശ്രദ്ധീക്കേണ്ടുന്നവ.

ഒന്ന്, നല രീതിയിൽ , നമ്മുടെ മദ്‌ഹബിലെ വീക്ഷണം ( മൂന്ന് ഫർള് വരെ പിന്താൻ പറ്റുമെന്ന കാര്യം ) അവർക്ക് മനസ്സിലാക്കി കൊടുക്കുക. അറിവുള്ളവർ അതിനെ അംഗീകരിക്കും.

രണ്ടാമതായി, ഇത്തരം ഘട്ടങ്ങളിൽ ഇമാമിന്റെ തൊട്ടു പിന്നാലെയോ ഒപ്പമോ ഫാതിഹ ഓതുക. വജ്ജഹ്തു ചുരുക്കുക. اللهم باعد بيني وبين خطاياي كما باعدت بين المشرق والمغرب എന്നത് പോലുള്ള ദുആ ചെയ്താലും വജ്ജഹ്തു ലഭിക്കും.

മൂന്നാമതായി, നമ്മുടെ മദ്ബനുസരിച്ച് ‘റുകൂഅ് കിട്ടിയാലേ റക്‌അത്ത് കിട്ടുകയുള്ളൂ’ എന്ന മസ്‌അല മസ്ബൂഖിന് മാത്രമാണെന്നും വിശദീകരിച്ച് കൊടുക്കുക

Note: മുകളിൽ വിവരിച്ച വിഷയവുമായി ഇതേ രൂപത്തിലുള്ള സംശയങ്ങൾ ഉന്നയിച്ച വായനക്കാർക്കും ഈ മറുപടികൾ ഉപകരിക്കുമെന്ന് വിശ്വസിക്കട്ടെ.

وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin-114-A

114 -സംഘടിത നിസ്കാരത്തിന്റെ പ്രാധാന്യവും നിബന്ധനകളും-ഭാഗം-15

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം- 01, 02, 03 , 04, 05, 06 ,07, 08,09, 10, 11, 12,13, 14

ഒന്നിലധികം പേർ പള്ളിയിൽ എത്തിയപ്പോൾ അവിടെ നടക്കുന്ന ജമാ‌അത്ത് അവസാനിക്കാറായിട്ടുണ്ടെങ്കിൽ ജമാ‌അത്തിന്റെ മുഴുവൻ പ്രതിഫലവും ലഭിക്കാൻ വേണ്ടി ആ ജമാ‌അത്ത് നിസ്കാരം കഴിഞ്ഞ ശേഷം മറ്റൊരു ജമാ‌അത്ത് ആരംഭിക്കുന്നതാണുത്തമം.

ഫാതിഹയും സൂറത്തും ഉറക്കെ ഓതേണ്ട നിസ്കാരങ്ങളിൽ ഇമാമിനു മാത്രമല്ല, ഒറ്റക്ക് നിസ്കരിക്കുന്നവർക്കും ഉറക്കെ ഓതൽ സുന്നത്താണ്. ഇമാം ഉറക്കെ ഓതിയിട്ടില്ലെന്ന കാരണത്താൽ തുടർച്ചയോ ജമാ‌അത്തോ നഷ്ടപ്പെടുകയില്ല.

ഒറ്റക്ക് നിസ്കരിക്കുന്നവനും മ‌അമൂമിനും പോക്കുവരവിലെ തക്‌ബീറുകൾ ഉറക്കെ ചൊല്ലൽ കറാഹത്താണ്.

പ്രത്യേക സൂറത്തുകൾ ഓതൽ സുന്നത്തുള്ള നിസ്കാരങ്ങളിൽ അവ തന്നെ ഓതണം. ഉദാ:- വെള്ളിയാഴ്ച സുബഹിയിൽ സൂറ:സജദയും, മ‌ഗ്‌രിബിൽ സൂറ: അൽ കാഫിറൂനയും സൂറ:ഇഖ്‌ലാസും.

പ്രത്യേക സൂറത്തുകൾ ഓതണമെന്ന നിർദ്ദേശമില്ലാത്ത നിസ്കാരങ്ങളിൽ ഖുർ‌ആനിന്റെ ക്രമപ്രകാരം ഓതലാണ് സുന്നത്ത്. ആദ്യ റക്‌അത്തിൽ രണ്ടാമത്തെ റക്‌അത്തിലേതിനേക്കാൾ വലിയ സൂറത്ത് ഓതൽ നല്ലതാണ്. ക്രമമനുസരിച്ച് ആദ്യ റക്‌അത്തിൽ ഓതിയ സൂറത്ത് ചെറുതാണെങ്കിലും ക്രമം പാലിക്കുന്നതാണ് ഉത്തമം.

മ‌അ്മൂം ഒരാൾ മാത്രമാണെങ്കിൽ ഇമാമിന്റെ വലതുഭാഗത്തായി അടുത്തു നിൽക്കുകയാണ് വേണ്ടത്. പിന്നീട് ഒരാൾ കൂടി വന്നാൽ അദ്ദേഹം ഇമാമിന്റെ ഇടതുഭാഗത്തായി ചേർന്നു നിന്ന് തക്‌ബീർ ചൊല്ലി കൈ കെട്ടിയ ശേഷം രണ്ട്പേരും കൂടി പിന്നിലേക്ക് മാറുകയാണ് വേണ്ടത്.

കൈ ചുമലിനു നേരെ ഉയർത്തേണ്ട തക്‌ബീറുകൾ

ഒന്നാമത്തെ തക്‌ബീറിലും (തക്‌ബീറത്തുൽ ഇഹ്‌റാം ), എല്ലാ റക്‌അത്തുകളിലും റുകൂഇലേക്ക് പോകുമ്പോഴും, റുകൂഇൽ നിന്ന് ഉയരുമ്പോഴും ,ഒന്നാം അത്തഹിയ്യാത്തിൽ നിന്ന് ഉയരുമ്പോഴുമാണ് കൈ ഉയർത്തൽ സുന്നത്തുള്ളത്. ഒന്നാമത്തെയും മൂന്നാമത്തെയും റക്‌അത്തുകളിൽ സുജൂദിൽ നിന്ന് ഉയരുമ്പോൾ കൈ ഉയർത്തൽ സുന്നത്തില്ല.


وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin-114

113 -സംഘടിത നിസ്കാരത്തിന്റെ പ്രധാന്യവും നിബന്ധനകളും-ഭാഗം-14

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം- 01, 02, 03 , 04, 05, 06 ,07, 08,09, 10, 11, 12,13

ഇമാമിന് ഓത്ത് കിട്ടാതെ വന്നാൽ :


ജമാ‌അത്ത് നിസ്കാ‍രത്തിൽ ഓർമ്മക്കുറവിനാൽ ഇമാമിനു സൂറത്തിന്റെ ചില ഭാഗങ്ങൾ പാരായണം ചെയ്യാൻ കഴിയാതെ ശങ്കിച്ചു നിന്നാൽ ബാക്കി ചൊല്ലിക്കൊടുക്കൽ മ‌അമൂമിന് സുന്നത്താണ്.

പക്ഷെ ഇമാമിനെ ഓർമ്മപ്പെടുത്തുക എന്നതിനു പുറമെ ഖുർ‌ആ‍ൻ ഓതുക എന്നുകൂടെ കരുതുകയോ അല്ലെങ്കിൽ ഖുർ‌ആൻ ഓതുന്നു എന്ന് മാത്രം കരുതുകയോ വേണം. ഇത് രണ്ടുമില്ലാതെ കേവലം തിരുത്തിക്കൊടുക്കൽ എന്നു കരുതുകയോ ഒന്നും കരുതാതിരിക്കയോ ചെയ്താൽ മ‌‌അ്മൂമിനെ നിസ്കാരം നഷ്ടപ്പെടും.

ഇമാമിന് പിഴവ് സംഭവിച്ചാൽ :

ഇമാമിന് വല്ല പിഴവും സംഭവിച്ചാൽ, ദിക്‌ർ എന്ന ലക്ഷ്യത്തോടേ ‘സുബ്‌ഹാനല്ലാഹ്’ എന്ന് പറഞ്ഞ് ഇമാമിന്റെ ശ്രദ്ധ ക്ഷണിക്കാവുന്നതാണ്. തുടരുന്നത് സ്ത്രീയാണെങ്കിൽ വലത്കയ്യിന്റെ പള്ളഭാഗം ഇടത് കൈപത്തിയുടെ പിൻഭാഗത്ത് അടിക്കലാണ് സുന്നത്ത്.

മസ്ബൂഖ്:

ഇമാമിന്റെ ഫാതിഹക്ക് ശേഷം തുടർന്നതിനാലോ, ചലന ശേഷി കുറഞ്ഞതിനാലോ മറ്റോ സുജൂദിൽ നിന്ന് എഴുന്നേൽക്കാൻ വൈകിയതിനാലോ, ഇമാം അതിവേഗത്തിൽ ഓതിയതിനാലോ ഇമാമോടൊപ്പം ഖിയാമിലായിരിക്കെ ഫതിഹ ഓതാൻ സമയം ലഭിക്കാത്തയാളാണ് മസ്ബൂഖ്.

ഗണനീയമായ റക്‌അത്തിൽ ഇമാമോടൊപ്പം മസ്ബൂഖിന് അടക്കം ലഭിച്ചാൽ അയാളുടെ ഫാതിഹ ഇമാം വഹിക്കുകയും റക്‌അത്ത് ലഭിക്കുകയും ചെയ്യും. മസ്ബൂഖ് തന്നെ നിർത്തം സുന്നത്തുകളെല്ലാം ഉപേക്ഷിച്ച് ഫാതിഹക്ക് വേണ്ടി പരമാവധി ഉപയോഗപ്പെടുത്തണം. സുന്നത്തെടുക്കുകയാണെങ്കിൽ ഇമാം റുകൂ‌ഇലായിരിക്കെ അത്ര തന്നെ സമയം ഫാതിഹക്ക് വേണ്ടി ചെലവഴിക്കുകയും എന്നിട്ട് ഇമാമോടൊപ്പം റുകൂ‌അ് ലഭിക്കുകയും ചെയ്താൽ റക്‌അത്ത് ലഭിക്കും.


وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin- 113

Monday, February 15, 2010

112 - സംഘടിത നിസ്കാരത്തിന്റെ പ്രാധാന്യവും നിബന്ധനകളും-ഭാഗം-13

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം- 01, 02, 03 , 04, 05, 06 ,07, 08,
09, 10, 11, 12

ഇമാം ശ്രദ്ധിയ്ക്കേണ്ടത് :

ഇമാമത്ത് നിൽക്കുമ്പോൾ താഴെ പറയുന്ന കാര്യങ്ങൾ ശ്രദ്ധിയ്ക്കേണ്ടതാണ്.

1) തന്നെ വെറുക്കുന്ന ഒരു ജനതയ്ക്ക് വേണ്ടി ഇമാം നിൽക്കാതിരിക്കൽ
2) ബാങ്കിനോ ഇമാമത്തിനോ വേണ്ടി ഒരാളോടു നിർദ്ദേശിക്കപ്പെട്ടാൽ ഇമാമത്ത് തെരഞ്ഞെടുക്കുക.
3) അല്ലാഹുവിന്റെ തൃപ്‌തി കരസ്ഥമാക്കാൻ വേണ്ടി സമയത്തിന്റെ ആദ്യത്തിൽ നിസകരിക്കൽ. വലിയ ജമാ‌അത്ത് പ്രതീക്ഷിച്ചു കൊണ്ട് സമയത്തിന്റെ അവസാനം വരെ കാത്തിരിക്കുന്നതിനേക്കാൾ ശ്രേഷ്ഠം സമയത്തിന്റെ ആദ്യത്തിൽ നിസ്കരിക്കലാണ്.
4) ആത്മാർത്ഥതയോട് കൂടി ഇമാമത്ത് നിൽക്കൽ
5) അണികളെ നേരെയാക്കിയതിനു ശേഷം തക്ബീറത്തുൽ ഇഹ്‌റാം ചെയ്യുക.
6) ബാങ്ക് വിളിക്കുന്ന ആൾ ഇഖാമത്തിൽ നിന്നും വിരമിച്ച ശേഷം തൿബീർ ചൊല്ലുക. (ജമാ‌അത്തിനായി കാത്തിരിക്കുന്നവർ, ഇഖാമത്ത് കഴിഞ്ഞതിനു ശേഷമാണ് ഇരുന്ന സ്ഥലത്ത് നിന്ന് എഴുന്നേൽക്കേണ്ടത്, അല്ലെങ്കിൽ ഇഖാമത്ത് കൊടുക്കുന്നയാൾ “ഖദ്ഖാമത്തിസ്സലാത്ത്” എന്ന വചനം പറയുമ്പോഴാണ് )
7) തൿബീറത്തുൽ ഇഹ്‌റാമും മറ്റു തക്‌ബീറുകളും ഉറക്കെ ചൊല്ലുക.
8) ഇമാം, ജമാ‌അത്തിന്റെ ശ്രേഷ്ഠത ലഭിക്കാൻ വേണ്ടി ഇമാമത്തിനെ കരുതണം.

ഇമാം ഖുനൂത് നിർവഹിക്കാതിരുന്നാൽ മ‌അ്മൂം വിട്ട്പിരിയാതെ പെട്ടെന്ന് ഖുനൂത് നിർവഹിക്കണം. ഇമാം രണ്ടാമത്തെ സുജൂദിലേക്ക് പ്രവേശിക്കുന്നത് വരെ മാത്രമേ ഇമാമിനെ പിന്തി നിൽകാവൂ. ഇമാം രണ്ടാം സുജൂദിലേക്ക് പ്രവേശിച്ചതിനു ശേഷവും മഅ്മൂം ഇ‌അ്തിദാലിൽ തന്നെ നിന്നാൽ മ‌അമൂമിന്റെ നിസ്കാരം നഷ്ടപ്പെടും. ഇത്തരം ഘട്ടത്തിൽ വേഗത്തിൽ ഖുനൂത് നിർവ്വഹിച്ച് ഇമാമിനോടൊപ്പം ഒന്നാം സൂജൂദിൽ തന്നെ ചേരലാണ് നല്ലത്. ഖുനൂത് ലഭിക്കാൻ വേണ്ടി നാം സാധാരണ ചൊല്ലുന്ന ഖുനൂത് തന്നെ നിർവഹിക്കണമെന്നില്ല. ഖുർ‌ആനിലോ ഹദീസിലോ വന്ന ഏതെങ്കിലും ഒരു ദുആയും ഒരു സ്വലാത്തും ചൊല്ലിയാൽ മതി.

(തുടരും.ഇൻശാ അല്ലാഹ് )


وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin-112

111 - സംഘടിത നിസ്കാരത്തിന്റെ പ്രാധാന്യവും നിബന്ധനകളും-ഭാഗം-12

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം- 01, 02, 03 , 04, 05, 06 ,07, 08,

09, 10, 11

അനിവാര്യത കൂടാതെ പുത്തൻ‌വാദിയെയും തെമ്മാടിയെയും നന്മയുടെയും അറിവിന്റെയും ആളുകൾ തുടരൽ ഹറാമാണ്.

ഇമാമിനു സുന്നത്തായ കാര്യങ്ങൾ :

1) അണി നേരയാക്കാൻ കൽ‌‌പ്പിക്കൽ
2) തുടരാൻ ഉദ്ദേശിച്ചു കൊണ്ട് പള്ളിയിൽ പ്രവേശിച്ചയാളെ റുകൂ‌അ്, അവസാനത്തെ അത്തഹിയ്യാത്ത് എന്നിവയിൽ അല്പം കാത്തിരിക്കുക.
3) ഫാത്വിഹ പൂർത്തിയാക്കാൻ വേണ്ടി പിന്തിയ മ‌അ്മൂമിനെ രണ്ടാം സുജൂദിൽ കാത്തിരിക്കുക.
4) സുന്നത്തിനെതിരെ പ്രവർത്തിക്കുന്ന മ‌അ്മൂമിന് സാധിക്കുന്ന രീതിയിൽ നിർദ്ദേശം നൽകൽ
5) അശുദ്ധി പോലുള്ളത് കൊണ്ട് നിസ്കാരത്തിൽ നിന്ന് പുറത്ത് പോകുന്ന ഇമാം നിസ്കാര പൂർത്തീകരണത്തിനു വേണ്ടി പ്രതിനിധിയെ നിറുത്തൽ
6) പൂർണ്ണതയോട് ഏറ്റവും അടുത്ത രൂപത്തിൽ നിസ്കാരത്തെ ലഘുവാക്കൽ


7) സ്ത്രീകളുടെ ഇമാം സ്ത്രീയാണെങ്കിൽ സ്വഫിനിടയിൽ വേർതിരിയാൻ മാത്രം മുന്തി നിൽക്കുക.

പുരുഷന്മാരുടെ കൂടെ സ്ത്രീകൾ നിസ്കരിക്കുമ്പോൾ സ്ത്രീകൾ ഏറ്റവും പിന്നിലാണ് നിൽക്കേണ്ടത്. സ്വന്തം ഭർത്താവോ മകനോ പിതാവോ ആണ് ഇമാമെങ്കിൽ പോലും അവൾക്ക് ഇമാമിന്റെ വലത് ഭാഗത്ത് നിൽക്കാൻ പാടില്ല. പിന്നിലാണ് നിൽക്കേണ്ടത്.


وآخر دعوانا أن الحمد لله رب العالمين وصلى الله وسلم على سيدنا محمد وعلى آله



Islamic Bulletin-111

Sunday, February 14, 2010

110 -സംഘടിത നിസ്കാരത്തിന്റെ പ്രാധാന്യവും നിബന്ധനകളും-ഭാഗം-11

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം- 01, 02, 03 , 04, 05, 06 ,07, 08, 09, 10

വിത്യസ്ഥ മദ്‌ഹബുകാർ തമ്മിൽ തുടർന്ന് നിസ്കരിക്കുമ്പോൾ അതാത് മദ്‌ഹബ് പ്രകാരം ശരിയാണെങ്കിലും മ‌അ്മൂമിന്റെ മദ്‌ഹബ് പ്രകാരം ഇമാമിന്റ് നിസ്കാരം ശരിയായില്ലെങ്കിൽ തുടർച്ച സ്വഹീഹാകില്ല. ഉദാ: മ‌അ്മൂം ശാഫി‌ഈ ആയിരിക്കെ ഹനഫിയായ ഇമാം ഫാതിഹയിൽ ബിസ്‌മി ഓതിയില്ല.

ഇമാമിന്റെ അയോഗ്യത നിസ്കാരത്തിനിടയ്ക്ക് വ്യക്തമായാൽ നിസ്കാരം പുനരാ‍രംഭിക്കുകയും ശേഷം വ്യക്തമായാൽ മടക്കി നിസ്കരിക്കുകയും വേണം. എന്നാൽ ഇമാം അശുദ്ധിക്കാരനെന്നോ മ‌അ്മൂമിന്റെ പ്രത്യക്ഷ നോട്ടത്തിൽ വ്യക്തമാകാത്ത നജസ് ഇമാമിന്റെ ശരീരത്തിലോ വസ്ത്രത്തിലോ നിസ്കരിക്കുന്ന സ്ഥലത്തോ ഉണ്ടെന്ന് നിസ്കാരത്തിനിടയ്ക്ക് ബോധ്യപ്പെട്ടാൽ പുനരാ‍രംഭിക്കുന്നതിനു പകരം ഇമാമുമായി ബന്ധം വേർ പിരിഞ്ഞ് നിസ്കരിക്കണം. ശേഷമാണ് അറിഞ്ഞതെങ്കിൽ മടക്കി നിസ്കരിക്കേണ്ടതില്ല.

ഇമാമത്തിന് ഏറ്റവും അർഹൻ

1) അംഗീകൃത ഇസ്‌ലാമിക ഭരണാധികാരി.
2) നാട്ടിലെ ഗവർണർ (ഇസ്ലാമിക ഭരണത്തിൻ കീഴിൽ )
3) പള്ളിയിൽ ഇമാമത്ത് കൊണ്ട് ഏല്പിക്കപ്പെട്ടയാ‍ൾ
4) വീട്ടിൽ വെച്ചാണെങ്കിൽ വീട്ടുടമ
5) കർമ ശാസ്ത്ര വിദഗ്ദൻ
6) നന്നായി ഓത്തറിയുന്നയാൾ
7) കൂടുതൽ ഭയ ഭക്തി ഉള്ളയാൾ
8)കൂടുതൽ പ്രായമുള്ളയാൾ
9) നല്ല തറവാട്ടുകാരൻ
10) സൽകീർത്തിയുള്ളവൻ
11) ശരീരവും വസ്ത്രവും കൂടുതൽ വൃത്തിയുള്ളവൻ
എന്നീ ക്രമത്തിലാണ്.

ഇസ്‌ലാമിൽ പുതിയ വാദം ഉന്നയിക്കുന്നവരെയും, തെമ്മാടിയെയും, വസ്‌വാസുള്ള വ്യക്തിയെയും ,ചേലാകർമം നടത്താത്ത ആളെയും ,ഹർകത്തുകൾ മാറ്റുന്നവനെയും, അക്ഷരങ്ങൾ ആവർത്തിക്കുന്നവനെയും തുടരൽ കറാഹത്താണ്. അതിനേക്കാൾ ശ്രേഷ്ഠം ഒറ്റയ്ക്ക് നിസ്കരിക്കുന്നതാണ്.


وآخر دعوانا أن الحمد لله رب العالمين وصلى الله وسلم على سيدنا محمد وعلى آله


Islamic Bulletin-110

109 - സംഘടിത നിസ്കാരത്തിന്റെ പ്രാധ്യാന്യവും നിബന്ധനകളും-ഭാഗം-10

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം- 01, 02, 03 , 04, 05, 06 ,07, 08, 09

ഇമാം റുകൂഇൽ നിന്ന് ഉയരുന്നഹ്റ്റിനു മുമ്പ് ഇമാമോടൊപ്പം റുകൂഇൽ അടക്കം ലഭിക്കത്തക്ക രീതിയിൽ എപ്പോൾ തുടർന്നാലും ആ റക്‌അത്ത് ലഭിയ്ക്കും. ഇമാം സലാം വീട്ടുന്നതിനു മുമ്പ് എപ്പോൾ തുടർന്നാലും ജമാ‍അത്ത് ലഭിക്കുകയും തുടർന്ന അളവിൽ ജമാ‌അത്തിന്റെ പുണ്യം ലഭിക്കുകയും ചെയ്യും.

ഇമാമിന്റെ രണ്ട് സലാമും കഴിഞ്ഞാൽ പിന്തുടർന്നവർ ഉടനെ എഴുന്നേൽക്കേണ്ടതാണ്. പക്ഷെ അവന്റെ ഇരുത്തത്തിന്റെ സ്ഥാനമാകുന്ന രണ്ടാമത്തെ റക്‌അത്തിലാണ് ഇമാം സലാം വീട്ടിയതെങ്കിൽ അതിനു ശേഷം ഇരുന്നത് കൊണ്ട് വിരോധമില്ല. മറിച്ച് ഇരുത്തത്തിന്റെ സ്ഥാനമല്ലാത്ത ഒന്നാമത്തെയോ മൂന്നാമത്തേയോ റക്‌അത്തിലാണ് ഇമാം സലാം വീട്ടിയതെങ്കിൽ ഉടനെ എഴുന്നേൽക്കൽ മനപ്പൂവ്വം താമസിപ്പിച്ചാൽ നിസ്കാരം അസാധുവാകുന്നതാണ്.

ഇമാമിന്റെ നിസ്കാരത്തിന്റെ തുടക്കത്തിൽ സന്നിഹിതനാവുകയും ഇമാം തക്‌ബീറത്തുൽ ഇഹ്‌റാം ചൊല്ലിയ ഉടനെ തുടരുകയും ചെയ്യുന്നത് പ്രത്യേകം പുണ്യമുള്ള കാര്യമാണ്. നാല്പത് ദിവസം ഇത് പതിവാക്കിയൽ നരകത്തിൽ നിന്നും കാപട്യത്തിൽ നിന്നും മുക്തനാകുമെന്ന് ഹദീസിലുണ്ട്.

ഇമാമിനു ഉണ്ടായിരിക്കേണ്ട നിബന്ധനകൾ :


1) മ‌അ്മൂമിന്റെ വിശ്വാസത്തിൽ ഇമാമിന്റെ നിസ്കാരം ശരിയാകുക.
2) ഇമാമിന്റെ നിസ്കാരം മടക്കി നിസ്കരിക്കൽ നിർബന്ധമായ നിസ്കാരമല്ലാതിരിക്കുക.
3)തെറ്റു കൂടാതെ നിർബന്ധ വചനങ്ങൾ ചൊല്ലാൻ സാധിക്കുന്നവനായിരിക്കുക.
4) നപുംസകത്തിന്റെ ഇമാം സ്ത്രീ‍യോ, പുരുഷന്റെതെ സ്ത്രീയോ നപുംസകമോ ആകാതിരിക്കുക.

ഒരു മഹല്ലിലെ ഇമാം തെമ്മാടിയോ പുത്തൻ ചിന്താഗതിക്കാരനോ ആണെങ്കിൽ അയാളെ തുടർന്ന് നിസ്കരിക്കാതെ ഒറ്റയ്ക്ക് നിസ്കരിക്കുന്നതാണ് നല്ലത്.

ശറ‌ഇയായ കാരണം കൊണ്ട് ഇമാമിനെ വിട്ടു പിരിയുന്ന മ‌അ്മൂമിന് നിസ്കാരത്തിൽ പൂർണ്ണമായും ജമാ‌അത്തിന്റെ പുണ്യം ലഭിയ്ക്കും.


وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin-109

Saturday, February 13, 2010

108- സംഘടിത നിസ്കാരത്തിന്റെ പ്രാധാന്യവും നിബന്ധനകളും-ഭാഗം-09

بسم الله الرحمن الرحي

مالحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം- 01, 02, 03 , 04, 05, 06 ,07, 08


റുകൂ‌ഇല്‍ ഇമാമിനെ തുടരുമ്പോള്‍ പ്രത്യേകം ശ്രദ്ധിക്കേണ്ടതുണ്ട്. നിയ്യത്തും തക്‍ബീറും നില്‍‌പും നിര്‍വ്വഹിച്ച് ഇമാമിനോടൊപ്പം റുകൂ‌ഇല്‍ അടങ്ങിത്താമസിച്ചാല്‍ മാത്രമേ റ‌ക‌അത്ത് കിട്ടുകയുള്ളൂ.

ഈ മ‌അമൂം (റുകൂഇല്‍ ഇമാമിനെ തുടരുന്നവന്‍) തക്‍ബീറത്തുല്‍ ഇഹ്‌റാം ചൊല്ലുമ്പോള്‍ നിസ്കാരത്തിന്റെ സാധാരണ നിയ്യത്തുകള്‍ക്ക് പുറമേ ഇത് ഇഹ്‌റാമിന്റെ തക്‍ബീറാണെന്ന് കൂടി കരുതണം. അങ്ങനെ കരുതിയില്ലെങ്കില്‍ റുകൂഇലേക്ക് കുനിയുമ്പോള്‍ നിര്‍ബന്ധമായും തക്‍ബീര്‍ ചൊല്ലണം. മറിച്ച് ഒരു തക്‍ബീര്‍ മാത്രം ചൊല്ലുകയും അതു ഇഹ്‌റാമിനും റുകൂഇനും കൂടിയാണെന്ന് കരുതുകയോ അല്ലെങ്കില്‍ ഒന്നും കരുതാതിരിക്കുകയോ ചെയ്താല്‍ പറ്റുകയില്ല.

ഇതേ പ്രകാരം നി‌റുത്തത്തിലല്ലാതെ തുടരുന്നവര്‍ ശ്രദ്ധിക്കേണ്ട ഒരു കാര്യമുണ്ട്. ഫര്‍ള് നിസ്കരിക്കുമ്പോള്‍ തക്‍ബീറത്തുല്‍ ഇഹ്‌റാം നിറുത്തത്തില്‍ വച്ചായിരിക്കല്‍ നിര്‍ബന്ധമാണ്. അതിനു മുമ്പ് നിറുത്തത്തിന്റെ അതിര്‍ത്തി വിടുന്ന വിധം കുനിഞ്ഞാല്‍ ഫര്‍ള് നിസ്കാരം സാധുവാകുന്നതല്ല.

റുകൂഇനു ശേഷമുള്ള ഏതെങ്കിലും ഫര്‍ളില്‍ തുടര്‍ന്നാല്‍ ആ റക‌അത്ത് കിട്ടുകയില്ലെങ്കിലും തുടര്‍ച്ച് സാധുവാകുന്നതാണ്. അങ്ങനെ തുടരുമ്പോള്‍ നിന്നുകൊണ്ട് തക്‍ബീറത്തുല്‍ ഇഹ്‌റാം ചൊല്ലുകയും ശേഷം തക്‍ബീര്‍ ചൊല്ലാതെ ഇമാമിന്റെ ഒപ്പം ചേരുകയും ഇമാം ചെയ്യുന്നതുപോലെയെല്ലാം ചെയ്ത് ഇമാം രണ്ട് സലാമും വീട്ടിയ ശേഷം ആ റക‌അത്ത് മടക്കി നിസ്കരിക്കുകയും വേണം.

ചുരുക്കത്തില്‍ ഇമാം റുകൂഇല്‍ നിന്നുയര്‍ന്ന ശേഷം എത്തുന്നവര്‍ ഇമാം അടുത്ത റക‌അത്തിലേക്ക് വരുന്നതുവരെ നോക്കി നില്‍ക്കേണ്ടതില്ല. ഏതവസരത്തിലും തുടരാവുന്നതാണ്.വൈകിത്തുടര്‍ന്നവന്‍ ഇമാമിന്റെ സലാമിനു ശേഷം ബാക്കി റ‌ക‌അത്ത് നിസ്കരിക്കാനായി നില്‍ക്കുമ്പോള്‍ മ‌അമൂമിന്റെ ആദ്യത്തെ അത്തഹിയ്യാത്തിനുള്ള ഇരുത്തത്തിന്റെ സ്ഥാനമായ രണ്ടാം റക‌അത്തിലാണ് ഇമാമിന്റെ കൂടെ ഇരുന്നതെങ്കില്‍ തക്‍ബീര്‍ ചൊല്ലി എഴുന്നേല്‍ക്കണം. മറിച്ച് ഇരുത്തത്തിന്റെ സ്ഥാനമല്ലാതെ ഒന്നാമത്തെയോ മൂന്നാമത്തെയോ റക‌അത്തിലാണ് ഇരുന്നതെങ്കില്‍ ഇമാം സലാം വീട്ടിയ ശേഷം എഴുന്നേല്‍ക്കുമ്പോള്‍ തക്‍ബീര്‍ ചൊല്ലേണ്ടതില്ല.

وآخر دعوانا أن الحمد لله رب العالمين وصلى الله وسلم على سيدنا محمد وعلى آله


Islamic Bulletin-108

107- സംഘടിത നിസ്കാരത്തിന്റെ പ്രാധാന്യവും നിബന്ധനകളും-ഭാഗം-08

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين


ഭാഗം- 01, 02, 03 , 04, 05, 06 ,07

ഇമാ‍മിന്റെ തക്‍ബീറത്തുല്‍ ഇഹ്‌റാമിനോടൊപ്പം മ‌അമൂം തക്‍ബീര്‍ ചൊല്ലിയാല്‍ മ‌അമൂമിന്റെ നിസ്കാരം അസാധുവാകുന്നതാണ്. ഈ അബദ്ധം തക്‍ബീറിന്റെ ഒരക്ഷരത്തില്‍ ഒപ്പമായാലും സം‌ഭവിക്കുന്നതാണ്. അതിനാല്‍ ഇമാമിന്റെ തക്‍ബീര്‍ പൂര്‍ണ്ണമായതിന്റെ ശേഷമേ മ‌അമൂം തക്‍ബീര്‍ തുടങ്ങാവൂ. തക്‍ബീറിനു ശേഷം മ‌അമൂമിന് ഫാതിഹ പൂര്‍ത്തിയാക്കി ഓതാന്‍ സമയം കിട്ടുകയില്ലെന്നു തോന്നിയാല്‍ വജ്ജഹ്‌തു, അ‌ഊദു തുടങ്ങിയ സുന്നത്തുകളില്‍ വ്യാപൃതനാവാതെ ഉടനെ നിര്‍ബന്ധമായ ഫാതിഹ ഓതുകയാണ് വേണ്ടത്.

ഇപ്രകാരം ഇമാം സൂറത്ത് ഓതുകയില്ലെന്നു തോന്നിയാല്‍ ഇമാമിനോടൊപ്പം ഫാതിഹ തുടങ്ങല്‍ കറാഹത്തില്ലെന്നു മാത്രമല്ല, പിന്നാലെ ഓതാന്‍ സമയം കിട്ടുകയില്ലെങ്കില്‍ ഒന്നിച്ച് ഓതല്‍ നിര്‍ബന്ധവുമാണ്.

ഇമാം ഖുനൂത്ത് ഓതുമ്പോള്‍ ‘ഫ‌ഇന്നക്ക തഖ്‌ളീ’ മുതല്‍ കൂടെ ഓതല്‍ കറാഹത്തില്ലെന്ന് മാത്രമല്ല , സുന്നത്ത് കൂടിയാണ്. ഖുനൂത്തിന് ശേഷമുള്ള സ്വലാത്ത് ഇമാമോടൊപ്പം ചൊല്ലാതെ അതിനു ആമീന്‍ പറയുകയാണ് സുന്നത്ത്.

ഇമാം ഫാതിഹക്ക് ശേഷം ആമീന്‍ പറയുമ്പോള്‍ ഒപ്പം തന്നെ മ‌അമൂം ആമീന്‍ പറയേണ്ടതാണ്. കാരണം ഇമാമിന്റെ ആമീനോട് കൂടെ മലക്കുകള്‍ ആമീന്‍ ചൊല്ലുന്നതും ആ കൂട്ടത്തില്‍ മ‌അമൂം ആമീന്‍ ചൊല്ലിയാല്‍ അവന്റെ ദോഷങ്ങള്‍ പൊറുക്കപ്പെടുന്നതുമാണ്. മഹത്തുക്കളോടു കൂടെയുള്ള പ്രാര്‍ത്ഥനക്ക് കൂടുതല്‍ പ്രതിഫലമുണ്ടാകുന്നതാണ്. അതിനാല്‍ ഇമാം ആ‍മീന്‍ തുടങ്ങുമ്പോള്‍ തന്നെ മ‌അമൂം ആമീന്‍ തുടങ്ങേണ്ടതും ഒന്നായി അവസാനിപ്പിക്കേണ്ടതുമാണ്. ബാക്കിയുള്ളതെല്ലാം (പ്രവര്‍ത്തിക്കുന്നതും ചൊല്ലുന്നതും) ഇമാമിനോടൊത്ത് ചെയ്യല്‍ കറാഹത്താണ്.

അണിയില്‍ നിന്ന് ഒറ്റപ്പെട്ട് നില്‍ക്കല്‍ കറാഹത്താണ്. മുമ്പിലുള്ള അണിയില്‍ സ്ഥലം കിട്ടുമെങ്കില്‍ അതിലേക്ക് കയറി നില്‍ക്കുകയാണ് വേണ്ടത്. അതില്‍ സ്ഥലമില്ലെങ്കില്‍ പിന്നില്‍ നിന്ന് തക്‍ബീറത്തുല്‍‍ ഇഹ്‌റാല്‍ ചൊല്ലുകയും ശേഷ്ം മുമ്പിലുള്ള അണിയില്‍ നിന്ന് ഒരാളെ അധികം അനക്കം കൂടാതെ ഇങ്ങോട്ട് കൂട്ടുകയുമാണ് വേണ്ടത്. ഇതിനു മുന്നിലുള്ള സഹായിക്കലും സുന്നത്താണ്.
ജമാ‌അത്തില്‍ കറാഹത്തായ കാര്യങ്ങള്‍ ചെയ്യുന്നതുകൊണ്ട് സം‌ഘടിതമായി നിസ്കരിക്കുന്നതിന്റെ പുണ്യം നഷ്ടപ്പെടുന്നതാണ്. ഇതു പ്രത്യേകം ശ്രദ്ധിക്കേണ്ടതാണ്.


وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin-107

Wednesday, February 10, 2010

106 -സം‌ഘടിത നിസ്കാരത്തിന്റെ പ്രാധാന്യവും നിബന്ധനകളും-ഭാഗം-07

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം- 01, 02, 03 , 04, 05, 06

നിസ്കരിച്ച് കൊണ്ടിരിക്കുമ്പോള്‍ ഇമാമിന്റെ ദേഹത്തോ വസ്ത്രത്തിലോ നജസ് വീഴുകയോ ഔറത്ത് വെളിവാകുകയോ ചെയ്താല്‍ ഉടനെ വിട്ടുപിരിയേണ്ടതാണ്. ഈ തകരാറ് ആദ്യമേ ഉണ്ടെന്ന് ബോധ്യമായാല്‍ മ‌അമൂം മടക്കി നിസ്കരിക്കേണ്ടതാണ്. വിട്ടുപിരിഞ്ഞത് കൊണ്ട് ഫലമില്ല. പുരുഷന്മാരുടെ ഇമാം പുരുഷന്മാരായിരിക്കല്‍ നിര്‍ബന്ധമാണ്. പുരുഷന്മാര്‍ സ്ത്രീകളെ തുടര്‍ന്ന് നിസ്കരിച്ചാല്‍ സാധുവാകുന്നതല്ല.

ജമാ‌അത്തില്‍ ശ്രദ്ധിക്കേണ്ടത് : -

ജമാ‌അത്തായി നിസ്കരിക്കാന്‍ പള്ളിയില്‍ വരുന്നവര്‍ ഇഖാമത്തിനു മുമ്പായി സുന്നത്ത് നിസ്കരിക്കാന്‍ ശ്രമിക്കാറുണ്ട്. പക്ഷേ ആ സുന്നത്ത് നിസ്കാരം ഇഖാമത്തിനു മുമ്പ് പൂര്‍ത്തിയാക്കാന്‍ സമയമില്ലെങ്കില്‍ അതില്‍ പ്രവേശിക്കല്‍ കറാഹത്താണ്.

തഹിയ്യത്ത് നിസ്കാരമാണെങ്കിലും കറാഹത്ത് തന്നെയാണ്. ഇങ്ങനെ വൈകി വരുന്നവര്‍ ഫര്‍ളിന്റെ നിയ്യത്ത് ചെയ്യുമ്പോള്‍ തഹിയ്യത്തിനെയും കൂടി കരുതിയാല്‍ അതിന്റെ കൂലി കൂടി ലഭിക്കുന്നതാണ്. മസ്‌ജിദുല്‍ ഹറാമിലേക്ക് പ്രവേശിച്ചാലുള്ള തഹിയ്യത്ത് ത്വവാഫാണെന്ന് ഓര്‍ക്കുമല്ലോ. ത്വവാഫിന് സാധിക്കാതെ വരുമ്പോള്‍ മാത്രമേ അവിടെ രണ്ട് റക‌അത്ത് നിസ്കരിച്ച് തഹിയ്യത്ത് നിര്‍വ്വഹിക്കാവൂ.

ഇമാമിനോട് തുടര്‍ന്ന് തക്‍ബീര്‍ ചൊല്ലാനുള്ള ധൃതിയില്‍ എവിടെയെങ്കിലും വന്നു നിന്നു നിസ്കാരത്തില്‍ പ്രവേശിക്കുന്നതില്‍ പല തെറ്റുകളുമുണ്ടാകാറുണ്ട്. മുമ്പിലെ അണിയില്‍ സ്ഥലം ഒഴിവുള്ളതോടെ പിന്നില്‍ നില്‍ക്കല്‍ കറാഹത്താണ്.

ഇമാമിന്റെ വലതു ഭാഗം മഹത്വമുള്ളതാണെന്നും അവിടെ ചെന്ന് നില്‍‌ക്കണമെന്നുള്ള ആഗ്രഹത്തില്‍ ഇടതുഭാഗത്തുള്ളവരേക്കാള്‍ കൂടുതല്‍ പേര്‍ വലതു ഭാഗത്തു വന്നുനില്‍ക്കുന്നതും കറാഹത്താണ്. ഇമാമിനെ മധ്യത്തിലാക്കി അണിയില്‍ രണ്ടു ഭാഗവും സമമായി നില്‍ക്കുകയാണ് വേണ്ടത്. ഒരു ഭാഗത്ത് കൂടുതല്‍ ആളുകള്‍ നില്‍ക്കല്‍ കാറാഹത്താണ്. ഇമാമിനോട് അടുത്തടുത്ത് നില്‍ക്കല്‍ കൂടുതല്‍ പുണ്യമുള്ളതാണ്. അടുത്ത് നിന്ന ഒരാള്‍ മറ്റൊരാള്‍ക്ക് വേണ്ടി ആ സ്ഥലം ഒഴിഞ്ഞ്കൊടുത്ത് ദൂരെനില്‍ക്കലും ഒന്നാം അണിയില്‍ നിന്നവന്‍ മറ്റൊരാള്‍ക്ക് വേണ്ടി ഒഴിഞ്ഞ് കൊടുത്ത് രണ്ടാം അണിയില്‍ നില്‍ക്കലും കറാഹത്തു തന്നെയാണ്. ഉസ്താദിനു വേണ്ടിയോ മറ്റോ ആയിരുന്നാലും കറാ‍ഹത്താണ്.

പള്ളിയിലാകുമ്പോള്‍ ഇടതുഭാഗത്തും വലതുഭാഗത്തുമുള്ള രണ്ടു ചുമരുകളോ മറ്റോ അണികളുടെ അറ്റമായി ഗണിക്കപ്പെടുന്നതാണ്. മൈതാനത്താകുമ്പോള്‍ നിസ്കരിക്കാന്‍ തയ്യാറാക്കിയ സ്ഥലത്തിന്റെ രണ്ടറ്റങ്ങളോ മറ്റോ അണികളുടെ പരിധിയായി ഗണിക്കണം. ഈ പരിധിവരെ അണി പൂര്‍ത്തിയാകും‌മുമ്പ് മറ്റൊരു അണി ആരം‌ഭിക്കല്‍ കറാഹത്താണ്. അണികള്‍ക്കിടയില്‍ തൂണോ ചുവരോ മിമ്പറോ ഉണ്ടാകുന്നതിനു വിരോധമില്ല.

وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin-106

105 -സം‌ഘടിത നിസ്കാരത്തിന്റെ പ്രാധാന്യവും നിബന്ധനകളും-ഭാഗം-06

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം- 01, 02, 03 , 04, 05

ഫാതിഹ പൂര്‍ണ്ണമായി ഓതാന്‍ സമയം ലഭിക്കാത്തവന്‍ കിട്ടിയ സമയം വജ്ജഹ്‌ത്തു ഓതാനോ മറ്റു സുന്നത്തിലേക്കോ തിരിക്കരുത്. ഫാതിഹയില്‍ നിന്ന് സാധിക്കുന്നത്ര ഓതുകയും ഇമാമിന്റെ കൂടെ റുകൂഅ് ചെയ്യുകയുമാണ് വേണ്ടത്.

അങ്ങനെ ഇമാമിന്റെ കൂടെ റുകൂഇലെത്തുകയും അടക്കം കിട്ടുകയും ചെയ്താല്‍ അവന് ആ റക‌അത്ത് ലഭിക്കും. ഇനി ഇമാമിന്റെ കൂടെ അടക്കം കിട്ടിയില്ലെങ്കില്‍ ആ റക‌അത്ത് നഷ്ടപ്പെടും. ഇമാം സലാം വീട്ടിയ ശേഷം ഒരു റക‌അത്ത് നിസ്കരിക്കണം.

ഫാതിഹക്ക് സമയം ലഭിക്കാത്തവന്‍ അറിയാതെയോ മറ്റോ സുന്നത്തില്‍ വ്യാപൃതനാവുകയോ ഒന്നും ഓതാതെ നില്‍‌ക്കുകയോ ചെയ്താല്‍ അത്രയും സമയം ഫാതിഹ നിര്‍ബന്ധമായും ഓതണം. ഓതിയ ശേഷം റുകൂഅ് ചെയ്യുകയും ഇമാമോടു കൂടി അടക്കം കിട്ടുകയും ചെയ്താല്‍ ആ റക‌അത്ത് അവന് ലഭിക്കും.

ഇനി ഫാതിഹയില്‍ നിന്ന് അത്രയും സമയം ഓതിയപ്പോഴേക്കും ഇമാം റുകൂ‌ഇല്‍ നിന്ന് ഉയര്‍ന്നാല്‍ ഇമാമോട് കൂടി യോജിക്കുകയും അവസാനം ഒരു റക‌അത്ത് കൂടി നിസ്കരിക്കുകയും വേണം. ഇനി ഇമാം സുജൂദിലേക്ക് കുനിയുന്നത് വരെ ഫാതിഹയില്‍ നിന്ന് നിര്‍ബന്ധമുള്ളത്ര ഓതിക്കഴിഞ്ഞില്ലെങ്കില്‍ ഇമാമിനെ നിര്‍ബന്ധമായും വിട്ട് പിരിയണം. കാരണം തുടര്‍ന്ന്കൊണ്ടിരിക്കുമ്പോള്‍ രണ്ടു ഫര്‍ള് കൊണ്ട് ഇമാമിനേക്കാള്‍ പിന്തുവാനോ നിര്‍ബന്ധമുള്ളത്ര ഫാതിഹ ഓതാതെ ഇമാമിനോട് യോജിക്കാനോ പാടില്ലാത്തതാണ്.

ഇമാമുമായി തുടര്‍ച്ചക്ക് തടസ്സമുണ്ടാകാത്ത വിധം സുന്നത്തുകളില്‍ യോജിക്കേണ്ടതാണ്. അപ്പോള്‍ സുജൂദ് സുന്നത്തുള്ള ആയത്ത് ഇമാം ഓതുമ്പോള്‍ ഇമാം സുജൂദ് ചെയ്യാതെ മ‌അ്മൂം മാത്രം ചെയ്യുകയോ ഇമാം ചെയ്യുമ്പോള്‍ മ‌അമൂം ഉപേക്ഷിക്കുകയോ ചെയ്താല്‍ മ‌അമൂമിന്റെ നിസ്കാരം അസാധുവാകുന്നതാണ്.

മ‌അമൂമിന്റെ വിശ്വാസപ്രകാരം ഇമാമിന്റെ നിസ്കാരം സാധുവാകേണ്ടതാണ്. ഫാതിഹയില്‍ ബിസ്മി ചൊല്ലല്‍ നിര്‍ബന്ധമാണെന്ന് വിശ്വസിക്കുന്നവര്‍ ബിസ്മി ചൊല്ലാത്ത ഇമാമിനെ തുടര്‍ന്നാല്‍ നിസ്കാരം സാധുവാകുന്നതല്ല. സ്ത്രീകളെ തൊട്ടാല്‍ വുളു മുറിയുമെന്ന് വിശ്വസിക്കുന്നവര്‍ അതു കൊണ്ട് വുളു മുറിഞ്ഞ ഇമാമിനെ തുടര്‍ന്നാല്‍ സാധുവാകുന്നതല്ല.

وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin-105

Monday, February 8, 2010

104 -സം‌ഘടിത നിസ്കാരത്തിന്റെ പ്രാധാന്യവും നിബന്ധനകളും-ഭാഗം-05

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം-
01, 02, 03 , 04

അം‌ഗീകൃത കാരണങ്ങളുണ്ടെങ്കില്‍ മൂന്ന് ഫര്‍ള് വരെ ഇമാമിനെ വിട്ട് പിന്താവുന്നതാണ്. ഇമാമിന്റെ കൂടെ മ‌അമൂമിന് ഫാതിഹ ഓതാനുള്ള സമയമുണ്ടായിട്ടും ഓതിത്തീര്‍ക്കാന്‍ സാധിക്കാതിരുന്നാല്‍ മൂന്ന് ഫര്‍ള് കൊണ്ട് പിന്താവുന്നതാണ്. ഇതേപ്രകാരം വജ്ജഹ്‌ത്തു ഓതിയതുകൊണ്ടോ അ‌ഊദു ഓതിയതുകൊണ്ടോ അശ്രദ്ധ കാരണമായിട്ടോ മ‌അമൂമിനു ഫാതിഹ പൂര്‍ത്തിയാക്കാന്‍ സാധിക്കാതിരുന്നാലും മൂന്ന് ഫര്‍ള് കൊണ്ട് പിന്താവുന്നതാണ്. ഇമാമോടൊപ്പം റുകൂ‌ഇലേക്ക് കുനിഞ്ഞ ശേഷമാണ് ഇങ്ങനെ ഓര്‍മ്മ വരുന്നതും സം‌ശയം വരുന്നതുമെങ്കില്‍ ഫാതിഹ ഓതാന്‍ വേണ്ടി മടങ്ങാന്‍ പാടില്ല. ഇമാമോടൊപ്പം തുടരുകയും ഇമാം സലാം വീട്ടിയ ശേഷം ഒരു റക‌അത്ത് നിസ്കരിക്കുകയുമാണ് വേണ്ടത്.

മേല്‍ പ്രസ്താവിച്ച അം‌ഗീകൃത കാരണങ്ങളുണ്ടായല്‍ മ‌അമൂം വേഗം ഫാതിഹ ഓതി പൂര്‍ത്തിയാക്കല്‍ നിര്‍ബന്ധമാണ്. ഇഅ‌തിദാലും രണ്ട് സുജൂദുകള്‍ക്കിടയിലുള്ള ഇരുത്തവും ദീര്‍ഘമായ ഫര്‍ളുകളായി പരിഗണിക്കപ്പെടുകയില്ല. അപ്പോള്‍ ഇമാം റുകൂ‌ഉം രണ്ട് സുജൂദും ചെയ്ത് കഴിയുമ്പോഴേക്കും മ‌അമൂം ഫാതിഹ ഓതിത്തീര്‍ന്നാല്‍ ഉടനെ റുകൂഅ് ചെയ്യുകയും അവന്റെ ക്രമമനുസരിച്ച് നിസ്കരിക്കേണ്ടതുമാണ്. അങ്ങനെ നിസ്കരിക്കുമ്പോള്‍ അടുത്ത റക‌അത്തിലേക്ക് ഉയരുമ്പോഴേക്കും ഇമാം റുകൂഇല്‍ എത്തിയിട്ടുണ്ടെങ്കില്‍ ഈ മ‌അമൂം, ഇമാമിന്റെ നിറു‍ത്തത്തില്‍ ഫാതിഹ ഓതാന്‍ സമയം കിട്ടാത്ത മസ്‌ബൂഖിനെപ്പോലെയാണ്. അവന്റെ ഫാതിഹയെ ഇമാം വഹിക്കും. ഫാതിഹ ഓതാതെ ഇമാമിന്റെ കൂടെ റുകൂ‌ഇലേക്ക് പോയാല്‍ മതി.

അം‌ഗീകൃത കാരണമുള്ളവന്‍ ദീര്‍ഘമായ മൂന്ന് ഫര്‍ള് കൊണ്ട് പിന്തിയിട്ടും ഫാതിഹ ഓതിത്തീര്‍ന്നിട്ടില്ലെങ്കില്‍ ഉടനെ ഇമാമുമായി വിട്ടുപിരിയുകയോ അല്ലെങ്കില്‍ ഇമാമുമായി യോജിച്ച് ഇമാം ചെയ്ത്കൊണ്ടിരിക്കുന്നതിലേക്കു പോകുകയോ വേണം. ഇമാം സലാം വീട്ടിയ ശേഷം ഒരു റക‌അത്ത് നിസ്കരിക്കുകയും വേണം. ഉദാഹരണമായി ഇമാമിന്റെ രണ്ടാം സുജൂദിന്റെ ശേഷം അടുത്ത റക‌അത്തിലേക്കുയരുമ്പോഴും മ‌അമൂം ഫാതിഹ ഓതിത്തിര്‍ത്തിട്ടില്ലെങ്കില്‍ ഉടനെ ഇമാമുമായി വിട്ട്പിരിയാത്ത പക്ഷം , നില്‍‌പ് തുടരുകയും ഇമാമിന്റെ കൂടെ അടുത്ത റക‌അത്തിലെ റുകൂ‌ഉം മറ്റും ചെയ്യുകയും ഇമാം സലാം വീട്ടിയ ശേഷം ഒരു റക‌അത്തുകൂടി നിസ്കരിക്കുകയും ചെയ്യേണ്ടതാണ്. ഇനി രണ്ടാമത്തെ സുജൂദിന് ശേഷം ഇമാം അത്തഹിയ്യാത്തില്‍ ഇനിക്കുകയാണെങ്കില്‍ മ‌അമൂമിന്റെ ഫാതിഹ പൂര്‍ത്തിയായില്ലെങ്കില്‍ പോലും ഇമാമോട് യോജിച്ച് കൊണ്ട് ഇരിക്കുകയും മറ്റുകാര്യങ്ങളെല്ലാം തുടര്‍ന്നു ചെയ്യുകയും ഇമാമിന്റെ സലാമിന്റെ ശേഷം ഒരു റക‌അത്ത് നിസ്കരിക്കുകയും ചെയ്യേണ്ടതാണ്.
(തുടരും ..ഇൻശ അല്ലാഹ്)

وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin-104

103 - സം‌ഘടിത നിസ്കാരത്തിന്റെ പ്രാധാന്യവും നിബന്ധനകളും-ഭാഗം-04

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം-
01, 02, 03


അദാ‌ആയി നിസ്കരിക്കുന്നവനോട് ഖളാ‌ആയി നിസ്കരിക്കുന്നവനും മറിച്ചും , ഇശാ‌അ്, ളുഹര്‍, അസ്വര്‍ എന്നിവയിലേതെങ്കിലുമൊന്നു നിസകരിക്കുന്നവന്‍ അവയില്‍‌പെട്ട മറ്റൊന്ന് നിസ്കരിക്കുന്നവനോടും , സുന്നത്ത് നിസ്കരിക്കുന്നവനോട് ഫര്‍ള് നിസ്കരിക്കുന്നവനും മറിച്ചും തുടന്ന് നിസ്കരിച്ചാല്‍ സാധുവാകുന്നതാണ്. ഇതുമൂലം ജമാ‍‌അത്തിന്റെ കൂലി നഷ്ടപ്പെടുന്നതുമല്ല. എങ്കിലും ഒറ്റക്ക് നിസ്കരിക്കലാണ് ഈ തുടര്‍ച്ചയേക്കാള്‍ പുണ്യകരം.

മുന്തുകയും പിന്തുകയും അരുത്.

മ‌അമൂം ഇമാമിനേക്കാള്‍ പ്രവൃത്തികളില്‍ മുന്‍‌കടക്കരുത്. പൂര്‍ണ്ണമായ രണ്ട് ഫര്‍ള് മുമ്പിലായാല്‍ നിസ്കാരം തന്നെ അസാധുവാകും. മറന്നോ അറിവില്ലാതെയോ ഇങ്ങനെ ചെയ്താല്‍ വിരോധമില്ല. പക്ഷേ മുന്തി ചെയ്ത ഫര്‍ളുകള്‍ പരിഗണിക്കപ്പെടുകയില്ല. ഇവ ഇമാമിനോടൊപ്പം വീണ്ടും ചെയ്യല്‍ നിര്‍ബന്ധമാണ്. മറന്നുകൊണ്ടോ മറ്റോ ഇമാമിന്റെ കൂടെ ചെയ്തില്ലെങ്കില്‍ ഇമാം സലാം വീട്ടിയ ശേഷം ഒരു റക‌അത്ത് കൂടെ നിസ്കരിക്കേണ്ടതാണ്. ഒരു പൂര്‍ണ്ണമായ ഫര്‍ള് കൊണ്ട് മാത്രമാണ് ഇമാമിനേക്കാള്‍ മുന്തുന്നതെങ്കില്‍ മ‌അമൂമിന്റെ നിസകാരം സാധുവാകുന്നതാണ്. അതോടൊപ്പം ആ പ്രവര്‍ത്തനം ഹറാമുമാണ്. ഇമാമിനേക്കാള്‍ ഒരു ഫര്‍ളിന്റെ തുടക്കം കൊണ്ട് മാത്രം മുന്തിയാലും നിസ്കാരം സാധുവാണ്. പക്ഷേ അതു കറാഹത്താണ്.

ഉദാഹരണമായി ഇമാം റുകൂ‌ഇലാകുമ്പോള്‍ മ‌അമൂം ഇ‌അതിദാലിലേക്കുയര്‍ന്നാല്‍ നിസ്കാരം സാധുവാണെങ്കിലും ആ പ്രവൃത്തി ഭൂഷണമല്ല.

ഇമാമിനേക്കാള്‍ പ്രവൃത്തികളില്‍ പിന്താന്‍ പാടില്ല. കാരണമില്ലാതെ പൂര്‍ണ്ണമായ രണ്ട് ഫര്‍ള് കൊണ്ട് ഇമാമിനേക്കാള്‍ പിന്തിയാല്‍ മ‌അമൂമിന്റെ നിസ്കാരം അസാധുവാകും. ഉദാഹരണമായി ഇമാം റുകൂ‌ഉം ഇ‌അതിദാലും കഴിഞ്ഞ് സുജൂദിലേക്ക് കുനിഞ്ഞ് കൊണ്ട് നിര്‍ത്തത്തിന്റെ അതിര്‍ത്തി വിട്ടുകടക്കുമ്പോഴും മ‌അമൂം കാരണമില്ലാതെ നിര്‍ത്തത്തില്‍ തുടരുകയാണെങ്കില്‍ അവന്റെ നിസ്കാരം അസാധുവാകുന്നതാണ്. എന്നാല്‍ ഇമാം ഇ‌അതിദാലില്‍ നിന്നൊഴിവാകുന്നതിന്റെ മുമ്പ് മ‌അമൂം റുകൂ‌ഇലെത്തുകയും ഇമാം സുജൂദില്‍ നിന്നൊഴിവാകുന്നതിന്റെ മുമ്പ് മ‌അമൂം ഇഅ‌തിദാലിലെത്തുകയും ചെയ്താല്‍ വിരോധമില്ല.

(തുടരും .ഇൻശാ അല്ലാഹ് )


وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin-103

Sunday, February 7, 2010

102- സംഘടിത നിസ്കാരത്തിന്റെ പ്രാധാന്യവും നിബന്ധനകളും-ഭാഗം-03

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം -01 , 02

ഇമാമും മ‌അ്മൂമും പള്ളിയല്ലാത്ത കെട്ടിടത്തിലായാൽ അവർക്കിടയിൽ ഏകദേശം മുന്നൂറ് മുഴത്തേക്കാൾ കൂടുതൽ ദൂരമില്ലാതിരിക്കേണ്ടതാണ്. അവർക്കിടയിൽ സ്വഫ്ഫുകളുണ്ടെങ്കിൽ ഇമാമിന്റെയും ആദ്യ സ്വഫ്ഫിന്റെയുമിടക്കും എല്ലാ ഓരോ സ്വഫ്ഫുകൾക്കിടയിലും ഈ ദൂരം പരിഗണിക്കപ്പെടും.മാത്രമല്ല, മ‌അമൂം നിൽക്കുന്ന സ്ഥലത്തുനിന്ന് പിന്നോട്ട് നീങ്ങാതെ സാധാരണ നടത്തം കൊണ്ട് ഇമാമിന്റെയടുത്തേക്ക് ചെന്നെത്താൻ കഴിയും വിധം മുമ്പിൽ മാർഗതടസ്സമില്ലാതിരിക്കുകയും ഇമാമിന്റെയോ അല്ലെങ്കിൽ അണികളിലുള്ള മറ്റുള്ളവരെയോ കാണുന്നതിനെ തടയുന്ന മറയില്ലാതിരിക്കുകയും വേണം. അപ്പോ‍ൾ അവർക്കിടയിൽ വിരിയോ ചുമരോ വാതിലോ ഉണ്ടാവാൻ പാടില്ല.

പള്ളിയോ മറ്റ് കെട്ടിടങ്ങളോ അല്ലാത്ത മൈതാനിയിലാണ് ഇമാമും മ‌അമൂമുമെങ്കിൽ അവർക്കിടയിലും മേൽ പറഞ്ഞ ദൂരം പരിഗണിക്കപ്പെടുന്നതാണ് ഒരാൾ പള്ളിയിലും മറ്റൊരാൾ പള്ളിയല്ലാത്തിടത്തുമായാൽ, പള്ളിയല്ലാത്തിടത്താവുമ്പോഴുള്ള നിബന്ധനകളെല്ലാം അവിടെ പരിഗണിക്കപ്പെടുന്നതാണ്. പക്ഷെ അവർക്കിടയിലുള്ള ദൂരം കണക്കാക്കുന്നത് പള്ളിയുടെ അറ്റം മുതലാണ്. പള്ളിയുണ്ടാക്കിയ ശേഷം പള്ളിയുടെ സൌകര്യത്തിനായി ഉണ്ടാക്കിയതും പള്ളിയായി വഖഫ് ചെയ്യപ്പെടാത്തതുമായ ചെരുവുകൾക്കും മറ്റും പള്ളിയുടെ നിയമം ബാധകമല്ല. അതിനാൽ ചെരുവിൽ നിന്ന് പള്ളിയിലുള്ള ഇമാമിനെ തുടരുമ്പോൾ മേല്പറഞ്ഞ കാര്യങ്ങളെല്ലാം കണക്കിലേടുക്കേണ്ടതാണ്. തുടർച്ച സാധുവാകാനാണ് മേൽ‌പറയപ്പെട്ടദൂരം.

ഇമാമിന്റെയും മ‌അമൂമിന്റെയും ഇടയിലോ ഇമാമിന്റെയും ആദ്യത്തെ സ്വഫിന്റെയും ഇടയിലോ മറ്റ് സ്വഫ്ഫുകൾക്കിടയിലോ മൂന്ന് മുഴത്തിലധികം ദൂരമുണ്ടായാൽ ജമാ‌അത്തിന്റെ പ്രത്യേക കൂലി നഷ്ടപ്പെടുന്നതാണ്. ഇമാമിന്റെയും മ‌അമൂമിന്റെയും നിസ്കാരങ്ങൾ ഒരേ സ്വഭാവമുള്ളതാകണം. മയ്യിത്തു നിസ്കരിക്കുന്നവൻ ജുമു‌അ നിസ്കരിക്കുന്നവനോട് കൂടി തുടർന്നാൽ സാ‍ധുവാകുന്നതല്ല. ളുഹർ നിസ്കരിക്കുന്നവൻ ജുമു‌അ നിസ്കരിക്കുന്നവനോട് കൂടി തുടർന്നാൽ സാധുവാകുന്നതാണ്. റക്‌അത്തിന്റെ എണ്ണം വിത്യാസപ്പെടുന്നത് കൊണ്ട് വിരോധമില്ല. ഇമാം സലാം വീട്ടിയ ശേഷം ബാക്കി റക്‌അത്തുകൾ പൂർത്തിയാക്കിയാൽ മതി.

ഇരുന്നും കിടന്നും നിസ്കരിക്കുമ്പോൾ നിന്ന് നിസ്കരിക്കുന്നവരോടും തയമ്മും ചെയ്തവർ വുളൂ‌അ് ചെയ്ത് നിസ്കരിക്കുന്നവരോടും മറിച്ചും തുടരുന്നതിനു വിരോധമില്ല.

മ‌അമൂമുമായി നിസ്കരിക്കുന്നവനെയോ മ‌അമൂമോ അല്ലയോ എന്ന് സംശയിക്കപ്പെടുന്നവനെയോ മടക്കി നിസകരിക്കൽ നിർബന്ധമായവനെയോ തുടർന്നാൽ സാധുവകുന്നതല്ല. ഇമാമും മ‌അമൂമും ഓതാനറിയാത്തവരാണെങ്കിൽ അന്യേന്യം തുടരുന്നതിനു വിരോധമില്ല. പക്ഷെ ഇമാമിനറിയാത്ത ഭാഗം തന്നെ മ‌അമൂമിനും അറിയാതിരിക്കണം. ഇമാമിനറിയാത്തത് മ‌അമൂമിനറിയുമെങ്കിൽ തുടരാൻ പറ്റുകയില്ല.


وآخر دعوانا أن الحمد لله رب العالمين وصلى الله وسلم على سيدنا محمد وعلى آله


Islamic Bulletin-102

101 -സംഘടിത നിസ്കാരത്തിന്റെ പ്രാധാന്യവും നിബന്ധനകളും -ഭാഗം -02

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين
ഭാഗം 01

അണികളോട് ഇതൊക്കെ പാലിക്കാൻ പറയലും അത് പാലിച്ചിട്ടുണ്ടോ എന്ന് ഉറപ്പ് വരുത്തലും ഇമാമിന് സുന്നത്താണ്.

ശേഷം ഇമാം നിയ്യത്ത് ചെയ്ത് തക്ബീർ ചൊല്ലുകയും ശേഷം തുടരുന്നവരും തക്ബീർ ചൊല്ലുക. (മ‌അ്മൂം ഇമാമിനോടു കൂടെ നിസ്കരിക്കുന്നു എന്നും, ഇമാം ഇമാമായി നിസ്കരിക്കുന്നു എന്നും കരുതണം. ജുമുഅ നിസ്കാരത്തിൽ ഈ കരുത്ത് രണ്ട് കൂട്ടർക്കും നിർബന്ധമാണ് ) ശേഷം ഇമാമും മ‌അ്മൂമുകളും വജ്ജഹത്തു ഓതണം. പിന്നീട് ഇമാം ഫാത്വിഹ ഉറക്കെ ഓതുമ്പോൾ മ‌അമൂം അത് ശ്രദ്ധിച്ച് കേൾക്കണം. ഇമാമിന്റെ ഫാ‍ത്വിഹ അവസാനിച്ച് രണ്ട് കൂട്ടരും ഒരുമിച്ച് ആമീൻ പറഞ്ഞതിനു ശേഷം മ‌അമൂം ഫാതിഹ പതുക്കെ ( സ്വന്തം ശരീരം കേൾക്കത്തക്കവിധം )ഓതണം. ഇവർ ഫാതിഹ ഓതുന്ന സമയം കഴിഞ്ഞതിനു ശേഷം ഇമാം സൂറത്ത് ഉറക്കെ ഓതണം. തുടരുന്നവർ അത് ശ്രദ്ധിച്ച് കേൾക്കണം. ഇമാമിനെ പിന്തുടർന്ന്കൊണ്ട് മാത്രമേ പിന്നിലുള്ളവർക്ക് എന്തും ചെയ്യാൻ പാടുള്ളൂ. ഇമാമിനു മുമ്പ് റുകൂഇലേക്കോ മറ്റോ പ്രവേശിച്ചുപോയാൽ ഉടനെ തിരിച്ചുപോരണം. എന്നിട്ട് ഇമാമിനെ പിന്തുടരണം. ഇമാമിനു വല്ല തെറ്റും പറ്റിയാൽ سبحان الله എന്ന് ഇമാം കേൾക്കത്തക്ക വിധം മ‌അ്മൂം പറയണം.

മടമ്പുകൾ കൊണ്ട് ഇമാമിനേക്കാൾ മ‌അമൂം മുന്തി നിൽക്കരുത്. ഒപ്പം നിൽക്കൽ കറാഹത്തും ജമാ‌അത്തിന്റെ പ്രതിഫലം നഷ്ടപ്പെടുത്തുന്നതുമാണ്.

ഇമാമിനെയോ അണിയിലുള്ളവരെയോ കണ്ടിട്ടോ, ഇമാമിന്റെ ശബ്ദം എത്തിച്ച് കൊടുക്കുന്ന ‘മുബല്ലിഗി’ ന്റെയോ ശബ്ദം കേട്ടിട്ടോ, ഇമാമിന്റെ ചലനങ്ങൾ അറിയുന്നില്ലെങ്കിൽ തുടർച്ച സാധുവാകുകയില്ല.

ഇമാമും തുടർന്ന് നിസ്കരിക്കുന്നവരും ഒരു സംഘമാണെന്ന് പറയത്തക്കവിധം ഒരു സ്ഥലത്ത് ഒരുമിച്ച് കൂടണം. ഇമാമും മ‌അ്മൂമും ഒരേ പള്ളിയിലാണെങ്കിൽ കൂടുതൽ ദൂ‍രത്താകുന്നതിനോ രണ്ട് മുറികളിലാകുന്നതിനോ കെട്ടിടത്തിന്റെ രണ്ട് നിലകളിലാകുന്നതിനോ വിരോധമില്ല. പക്ഷെ ,പള്ളിയിൽ നിന്ന് പുറത്ത് പോകാതെ സാധാരണ രൂപത്തിലുള്ള നടത്തം കൊണ്ട് മാത്രം ഇമാമിന്റെയടുത്ത് ചെന്നുചേരാനുള്ള വഴിയുണ്ടായിരിക്കണം. ഈ വഴിയിൽ അടച്ചിട്ടതോ പൂട്ടിയതോ ആയ വാതിലുണ്ടാവുന്നതിനു വിരോധമില്ല. ഒരു സംഘമെന്നും ഒരു വീട്ടുകാരനെന്നും പറയപ്പെടാത്ത വിധം വാതിലുകൾ ആണിവെച്ച് ബന്ധിക്കുകയോ മുകളിലെ നിലയിൽ കയറാനുള്ള കോണി ഇല്ലാതാവുകയോ ചെയ്യരുത്.

പള്ളിയുടെ കോണി പള്ളിയല്ലാത്ത സ്ഥലത്ത് നിന്നാണെങ്കിൽ പള്ളിയിൽ നിന്ന് പുറത്ത് വരാതെ ഇമാമിന്റെയടുത്ത് വരാൻ സാധ്യമല്ലാത്തത് കൊണ്ടും ഒരു സ്ഥലത്ത് സമ്മേളിച്ചവരായി ഗണിക്കപ്പെടാത്തത് കൊണ്ടും ആ കോണി ഫലം ചെയ്യുകയില്ല. (തുടരും ..ഇൻശാ അല്ലാഹ് )

وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin-101

Friday, February 5, 2010

100 - സം‌ഘടിത നിസ്കാരത്തിന്റെ പ്രാധാന്യവും നിബന്ധനകളും-ഭാഗം- 01


بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين



ഇമാം ബുഖാരിയും മുസ്‌ലിമും റിപ്പോര്‍ട്ട് ചെയ്ത ഹദീസില്‍ നബി (സ) പറയുന്നതായി കാണാം. ‘സം‌ഘടിത നിസ്കാരം ഒറ്റക്ക് നിസ്കരിക്കുന്നതിനേക്കാള്‍ ഇരുപത്തേഴിരട്ടി പുണ്യമുള്ളതാണ്'. മറ്റൊരു ഹദീസിലൂടെ നബി (സ) പറയുന്നു : എന്റെ ആത്മാവ് ആരുടെ കൈയ്യിലാണോ അവനെത്തന്നെ സത്യം , ഞാന്‍ ഇങ്ങനെ വിചാരിച്ചുപോയി. വിറക് ശേഖരിക്കാന്‍ കല്‍പ്പിക്കുക, പിന്നീട് നിസ്കരിക്കാന്‍ കല്‍‌പ്പിക്കുക, എന്നിട്ട് ജനങ്ങള്‍ക്ക് ഇമാമായി നില്‍ക്കാന്‍ ഒരാളോട് നിര്‍ദ്ദേശിക്കുക, എന്നിട്ട് ചില ആളുകളുടെ വീടുകളിലേക്ക് പോയി ജമാ‌അത്തുകളില്‍ പങ്കെടുക്കാത്ത അവരോടൊപ്പം അവരുടെ വീടുകള്‍ അഗ്നിക്കിരയാക്കുക. ഇങ്ങനെ ചെയ്താലെന്തെന്ന് ഞാന്‍ ചിന്തിച്ച് പോയി. (ബുഖാരി, മുസ്‌ലിം) .

ഉസ്മാന്‍ (റ) നബി (സ) യില്‍ നിന്ന് റിപ്പോര്‍ട്ട് ചെയ്യുന്നു. ആരെങ്കിലും ഇശാ നിസ്കാരം സം‌ഘടിതമായി നിര്‍വ്വഹിച്ചാല്‍ അവന്‍ രാത്രി പകുതി വരെ നിസ്കരിച്ചതുപോലെയാണ്. ആരെങ്കിലും സുബ്‌ഹി നിസ്കാരം സം‌ഘടിതമായി നിര്‍വ്വഹിച്ചാല്‍ അവന്‍ ഒരു രാത്രി മുഴുവ്നും നിസ്കരിച്ചത് പോലെയാണ്.

ജുമുഅ‌ നിസ്കാരം സം‌ഘടിതമായി നിസ്കരിക്കല്‍ നിര്‍ബന്ധമാണ്.

ഒറ്റക്കു നിസ്കരിക്കുന്നതും സം‌ഘം ചേര്‍ന്നു നിസ്കരിക്കുന്നതും വ്യത്യാസമുണ്ട്. സം‌ഘടിതമായി നിസ്കരിക്കുമ്പോള്‍ ചില പ്രത്യേക മുറകള്‍ പാലിക്കേണ്ടതുണ്ട്. മ‌അ‌മൂമീങ്ങളുടെ വരികള്‍ വളയരുത്. കാലിന്റെ മടമ്പുകളും ചുമലുകളും ഒരേനിലയില്‍ ആയിരിക്കണം. വരിയില്‍ അവിടവിടെ വിടവുകള്‍ ഉണ്ടാവരുത്. ആദ്യത്തെ വരി പൂര്‍ത്തിയായ ശേഷമേ മറ്റൊരു വരി തുടങ്ങാവൂ. ഒരു വരിക്കുള്ള ആളുകള്‍ പൂര്‍ത്തിയായില്ലെങ്കില്‍ ആദ്യം വരുന്നവന്‍ ഇമാമിന്റെ വലതു ഭാഗത്തും രണ്ടാമന്‍ ഇടതുഭാഗത്തും മൂന്നാമന്‍ അവരുടെ വലതുഭാഗത്തും നാലാമന്‍ അവരുടെ ഇടതുഭാഗത്തും, ഇങ്ങനെയാണ് വരി പൂര്‍ത്തിയാക്കേണ്ടത്. രണ്ടുവരികള്‍ക്കിടയിലും ഇമാമിന്റെയും ആദ്യവരിയുടേയും ഇടയിലും മൂന്നു മുഴത്തിലധികം അകലമുണ്ടാവരുത്.

ഭൌതിക രൂപത്തിലുള്ള ഐക്യം മാനസിക രൂപത്തിലുള്ള ഐക്യത്തിനു പ്രേരണ നല്‍കുന്നു. വരികള്‍ നേരെ നിറുത്താതെ തെറ്റിനില്‍ക്കുന്ന പക്ഷം നിങ്ങളുടെ മനസ്സുകളും ഭിന്നിച്ച്കൊണ്ടേയിരിക്കുമെന്ന് നബി (സ) താക്കിതു ചെയ്തു . ഇമാമോട് കൂടി നിസ്കരിക്കാനൊരുങ്ങിയാല്‍ മുന്നിലേക്ക് വരാതെ പിന്നിലേക്ക് പിന്തിനില്‍ക്കുന്നതും നബി (സ) വിരോധിച്ചിട്ടുണ്ട്. അത്തരക്കാരെക്കുറിച്ച് നബി (സ) പറഞ്ഞു. ‘ഒരു ജനത പിന്തിനില്‍ക്കുന്ന കാലത്തോളം അല്ലാഹുവും അവരെ പിന്തിച്ചു തന്നെ നിര്‍ത്തും.’

( തുടരും .ഇൻശാ അല്ലാഹ് )

وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin-100

99 - ഇസ്‌ലാം പരിചയപ്പെടുത്തുന്ന അല്ലാഹു

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين


ലോകത്തിനൊരു സൃഷ്ടാവുണ്ട്. അവനെത്രേ അല്ലാഹു. ജീവന്‍ നല്‍കി വായുവും വെള്ളവും സൌകര്യപ്പെടുത്തി ഭൂമിയെ ജീവിത യോഗ്യമാക്കിയ അവന്‍ ഏകനാണ്. അവനല്ലാതെ ദൈവമില്ല. അവനെ നാം ആരാധിക്കണം. മറ്റാരെയും ആരാധിച്ചുകൂടാ.

മനുഷ്യന്‍ തന്റെ ചീവിത ചലനങ്ങളെക്കുറിച്ച് മരണശേഷം ആ സൃഷ്ടാവിന്റെ മുമ്പില്‍ കണക്കുബോധിപ്പിക്കേണ്ടതായി വരും. അന്നു നന്മ ചെയ്തവനു നന്മയും തിന്മ ചെയ്തവനു തിന്മയും പ്രതിഫലമായി കിട്ടും.

ഇസ്‌ലാമിലെ അല്ലാഹു ഏതെങ്കിലും ജനവിഭാഗത്തിന്റെ കുലദൈവമല്ല. ഈ പ്രപഞ്ചത്തെയും അതിനപ്പുറവുമുള്ള സര്‍വ്വ സൃഷ്ടികളേയും ശ്യൂനതയില്‍ നിന്ന് സൃഷ്ടിച്ചു നിലനില്‍‌പ്പ് നല്‍‌കി പരിപാലിച്ച് അനുക്രമം വളര്‍ത്തികൊണ്ട്‌വരുന്ന സര്‍വ്വശക്തനും സര്‍വ്വജ്ഞനുമായ പ്രപഞ്ച കര്‍ത്താവാണ്. അവന്‍ മുസ്‌ലിംകളുടേയും ഹൈന്ദവരുടേയും ക്രിസ്ത്യാനികളുടേയും മറ്റെല്ലാ ജനവിഭാഗങ്ങളുടേയും കറുത്തവരുടേയും വെളുത്തവരുടേയും പാശ്ചാത്യരുടേയും പൌരസ്ത്യരുരുടേയും അഖില ചരാചരങ്ങളുടേയും സൃഷ്ടാവും പരിപാലകനുമാണ്.

യാതൊരു ഗുണവുമില്ലാത്ത അന്ധമായ ശക്തിയാണ് ദൈവമെന്ന അനുമാനത്തെ ഇസ്‌ലാം അം‌ഗീകരിക്കുന്നില്ല്ല. ഇങ്ങനെ അനുമാനിക്കുന്നവര്‍ക്ക് അല്ലാഹുവിനെ ഭയപ്പെടേണ്ടതുമില്ലല്ലോ. കാരണം അവര്‍ അവനേക്കാള്‍ ഉയര്‍ന്നവരാണ്.

ഖുര്‍‌ആന്‍ അല്ലാഹുവിനെ പരിചയപ്പെടുത്തുന്നത് കാണുക. ‘അല്ലാഹു ! അവനല്ലാതെ വേറെ ആരാധ്യനില്ല. ജീവനുള്ളവന്‍. സ്വയം പര്യാപ്തനായ സര്‍വ്വനിയന്താവ്. അവന് ഒരു വിധ മയക്കവും ഉറക്കവും ബാധിക്കുന്നില്ല. ആകാശഭൂമിയിലുള്ളതെല്ലാം അവന്റേതാണ്. അവന്റെ അനുവാദമില്ലാതെ അവന്റെയടുക്കല്‍ ശുപാര്‍ശ ചെയ്യുന്നവര്‍ ആരുണ്ട്? അവരുടെ മുന്നിലുള്ളതും പിന്നിലുള്ളതും അവനറിയാം. അവന്റെ അറിവില്‍ നിന്ന് അവനുദ്ദേശിച്ചല്ലാതെ യാതൊന്നും അവര്‍ അറിയുന്നില്ല. അവന്റെ അധികാരം ആകാശഭൂമികളെ ഉള്‍ക്കൊണ്ടിരിക്കുന്നു. അവയുടെ സം‌രക്ഷണം അവനു ഭാരമല്ല. അവന്‍ അത്യുന്നതനും മഹത്വമേറിയവനുമാണ്.’ (2:255)

അവന്റെ സത്ത സൃഷ്ടികളില്‍ നിന്ന് വേറിട്ട് നില്‍ക്കുന്നതാണ്. പ്രപഞ്ച സത്തയെ തനി ഇല്ലായ്മയില്‍ നിന്ന് സൃഷ്ടിച്ചവനാണവന്‍.


وآخر دعوانا أن الحمد لله رب العالمين وصلى الله وسلم على سيدنا محمد وعلى آله


Islamic Bulletin -99

Thursday, February 4, 2010

98 -തബർ‌റുക്


بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

മുസ്‌ലിം സമുദായത്തിൽ നിരാക്ഷേപം നടന്ന് വരുന്ന ഒരാചാരമാണ് ബറകത്തെടുക്കൽ . തെളിവുകളുടെ പിൻബലമുള്ള ഈ തബർ‌റുക് അഥവാ അനുഗ്രഹം നേടലിന്റെ രീതി പലതാണ്. തിന്നൽ ,കുടിക്കൽ, നോട്ടം, ആലിംഗനം, കൈ ചുംബിക്കൽ, ഹസ്തദാനം. സ്പർശനം തുടങ്ങി പലത് കൊണ്ടും ബർക്കത്തെടുക്കാവുന്നതാണ്.

അനസ് (റ) നെ തൊട്ട് നിവേദനം : നബി(സ) തങ്ങൾ സുബ്‌ഹി നിസ്കരിച്ച് കഴിയുമ്പോഴേക്കും പാത്രങ്ങളിൽ വെള്ളവുമായി അവിടുത്തെ സേവകരായ സ്വഹാബാക്കൾ തിരു സന്നിധിയിലെത്താറുണ്ട്. പാത്രവുമായി ആരു വന്നാലും അതിലൊക്കെ അവിടുന്ന് തന്റെ തൃക്കരം ഒന്ന് മുക്കാതെ വിടാറില്ല. പലപ്പോഴും തണുപ്പുള്ള പ്രഭാതമായിരിക്കുമിത്. തബർ‌റുക് മോഹിച്ചാണ് സ്വഹാബാക്കൾ ഇത് ചെയ്യാറുള്ളത് (മുസ്‌ലിം ,ശറഹുൽ മുഹദ്ദബ് )

അനസ്ബുനു മാലിക് (റ)ൽ നിന്നും നിവേദനം: നബി (സ) തങ്ങൾ പലപ്പോഴും ഞങ്ങളുടെ വീട്ടിൽ വരലും അവിടെ ചിലപ്പോഴൊക്കെ ഉറങ്ങാറുമുണ്ട്. ഒരിക്കൽ നബി (സ) വന്ന് അവിടെ എന്റെ മാതാവിന്റെ വിരിപ്പിൽ കിടന്നുറങ്ങി. സ്ഥലത്തില്ലാ‍തിരുന്ന മഹതി വിവരമറിഞ്ഞയുടനെ വീട്ടിലെത്തിയപ്പോൾ തിരുനബി(സ) ഉറക്കത്തിൽ നന്നായി വിയർത്തിട്ടുണ്ടെന്ന് കണ്ടു. അവർ ഉടനെ തന്നെ തന്റെ കൊച്ച് ചെപ്പ് തുറന്ന് ആ വിയർപ്പ് മുഴുവൻ ഒപ്പിയെടുത്ത് ചെപ്പിൽ നിറച്ചു. ഇതിനിടയിൽ ഉറമ്മമുണർന്ന പ്രവാചകർ (സ) തങ്ങൾ ചോദിച്ചു. ‘ഹേ ഉമ്മുസുലൈം ! നീ എന്താണ് ചെയ്യുന്നത് ?’ മഹതി ഇങ്ങിനെ പ്രതിവചിച്ചു. ‘ഈ വിയർപ്പിന്റെ ബറക്കത്ത് ഞങ്ങളുടെ കുഞ്ഞുങ്ങൾക്ക് വേണ്ടി പ്രതീക്ഷിച്ച് ശേഖരിക്കുകയാണ്’ തൽ‌സമയം നബി (സ) മഹതിയോട് പറഞ്ഞതിതാണ് “ നീ ചെയ്തത് ശരിയാണ്” (സ്വഹീഹ് മുസ്‌ലിം )

ജാബിർ (റ) പറയുന്നു. ഞാൻ രോഗിയായി കിടക്കുന്ന സന്ദർഭത്തിൽ നബി (സ) എന്നെകാണാൻ വന്നു. എനിക്ക് തീരെ ബോധമില്ലായിരുന്നു. നബി(സ) വുളൂ‌അ് ചെയ്യുകയും ശേഷം അതിൽ നിന്നും തന്റെ തൃക്കരം കൊണ്ട് എന്റെ ശരീരത്തിൽ അല്‌പം ഒഴിക്കുകയും ചെയ്തപ്പോൾ എനിക്ക് ബോധം തിരിച്ച് കിട്ടുകയും ചെയ്തു.

ഇങ്ങിനെ അനേകം സ്വഹീഹായ തെളിവുകളെകൊണ്ട് തബർ‌റുക് സ്ഥിരപ്പെട്ടിട്ടുണ്ട്.


وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin-98

97 - ആത്മ വിശുദ്ധി ( ഇമാം ഹദ്ദാദ് رضي الله عنه കവിതയിൽ നിന്ന്


بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين



وَزيِّنِ الْقَلْبَ بِالإِخْـلاٰصِ مُجْتَهِداً
وَاعْلَمْ بِأَنَّ الرِّيَا يُلْقِيـكَ فِي الْعَطَبِ

കഠനാദ്ധ്വാനം നടത്തി നീ നിന്റെ ഹൃദയത്തെ ഇഖ്‌ലാസുകൊണ്ടലങ്കരിക്കുക.
നിശ്ചയം ലോകമാന്യം നിന്നെ നാശത്തിലേക്കെറിയുന്നതാണ്.

وَنَقِّ جَيْبَكَ مِـنْ كُلِّ الْعُيُوبِ وَلاٰ
تَدْخُلْ مَدٰاخِلَ أَهْـلِ الْفِسْقِ وَالرِّيبِ

നിന്റെ കിശയെ (ശരീരത്തെ) എല്ലാ തിന്മകളിൽ നിന്നും ശുദ്ധീകരിക്കുക.
തെമ്മാടികളുടെയും ആശയക്കുഴപ്പമുണ്ടാക്കുന്നവരുടെയും ഇടങ്ങളിലേക്ക് നീ പ്രവേശിക്കരുത്

وَاحْفَظْ لِسَانَكَ مِنْ طَعْنٍ عَلَى أَحَدٍ
مِنَ الْعِبَادِ وَمِنْ نَقْــلٍ وَمِنْ كَذِبٍ

കളവ്, പരദൂഷണം എന്നിവയെതൊട്ടും (അല്ലാഹുവിന്റെ )അടിമകളെ ആക്ഷേപിക്കുന്നതിനെ തൊട്ടും നിന്റെ നാവിനെ നീ സൂക്ഷിക്കുക

وَكُنْ وَقُوراً خَشُوعاً غَيْرَ مُنْهَمِكِ
فِي اللَّهْوِ وَالضَّحْكِ وَالْأَفْرٰاحِ وَاللَّعِبِ

നീ ശാന്തശീലനും ഭയഭക്തിയുള്ളവനുമാകുന്നതോടെ ,കളിയിലോ ആഹ്‌ളാദങ്ങളിലോ ചിരിയിലോ വിനോദങ്ങളിലോ വ്യാപൃതനാവാതിരിക്കുക.

وَنَزِّهِ الصَّدْرَ مِنْ غِشٍّ وَمِنْ حَسَدٍ
وَجٰــانِبِ الْكِبْرَ يٰا مِسْكِينُ وَالْعُجْبِ

വഞ്ചനയിൽ നിന്നും അസൂയയിൽ നിന്നും നിന്റെ ഹൃദയത്തെ ശുദ്ധീകരിക്കുക.
ഓ പാവം മനുഷ്യാ ! അഹങ്കാരത്തിൽ നിന്നും പൊങ്ങച്ചത്തിൽ നിന്നും നീ ദൂരെയാവുക.

وَارْضَ التَّوٰاضُعَ خُلْقاً إِنَّهُ خُلُقُ الْـ
أَخْيٰـارِ فَاقْتَدْ بِهِمْ تَنْجُو مِنَ الْوَصَبِ

നീ താഴ്മയെ ശീലമായി തൃപ്തിപ്പെടുക. നിശ്ചയം അത് സജ്ജനങ്ങളുടെ സ്വഭാവമാണ്. നീ സജ്ജനങ്ങളെ പിന്തുടരുക എന്നാൽ എല്ലാ ആന്തരിക രോഗങ്ങളിൽ നിന്നും നീ രക്ഷപ്പെടുന്നതാണ്.

يَا رَبِّ إِنَّكَ مَقْصُودِي وَمُعْتَمَــدِي
وَمُرْتَجٰــايَ لِدُنْيٰــايَ وَمُنْقَـلَبِي

എന്റെ രക്ഷിതാവേ, ഈ ലോകത്തും പരലോകത്തും നീയാണ് എന്റെ ലക്ഷ്യം.
എന്റെ അവലംബവും പ്രതീക്ഷയും നിന്നിലാണ്.

فَاغْفِرْ وَسٰـامِحْ عُبَيْداً مَّا لَهُ عَمَـلٌ
بِالصَّالِحٰاتِ وَقَـدْ أَوْعَى مِنَ الْحُـوَبِ

അതിനാൽ കർമ്മങ്ങൾ കുറഞ്ഞ ഈ കൊച്ചടിമയ്ക്ക് സൽകർമ്മങ്ങളുടെ ബർക്കത്ത് കൊണ്ട് നീ പൊറുത്ത് തരികയും വിട്ട് വീഴ്ച ചെയ്യുകയും ചെയ്യണേ. നിശ്ചയം പാപങ്ങൾ നിറഞ്ഞവനാണ് ഞാൻ

فَإِنْ عَفَـوْتَ فَفَضْلٌ مِّنْكَ يَا صَمَدُ
فَجُــدْ عَــلَي إِلٰهِي وَأَزِلْ رَهَبِي

നീ വിട്ട് വീഴ്ച ചെയ്യുകയാണെങ്കിൽ ‘സമദായ’ അല്ലാഹുവേ അത് നിന്റെ ഓദാര്യമാണ്. നാഥാ നീ എന്നോട് ഔദാര്യം കാണിക്കുകയും എന്റെ ഭയം അകറ്റുകയും ചെയ്യേണമേ

ثُمَّ الصَّـلاةُ عَـلَى الْهَادِي وَعِتْرَتِهِ
مُحَمَّــدٍ مَا هَمَى وَدْقٌ مِنَ السُّحْبِ

പിന്നീട് സത്യമാർഗത്തിലേക്ക് നയിക്കുന്ന മുഹമ്മദ് നബിയുടെ മേലിലും അവിടുത്തെ കുടുംബത്തിന്റെ മേലിലും മേഘത്തിൽ നിന്നും മഴത്തുള്ളികൾ ഉറ്റുവീഴുന്ന കാലത്തോളം നിന്റെ രക്ഷ ചൊരിയേണമേ
*** ***

وآخر دعوانا أن الحمد لله رب العالمين وصلى الله وسلم على سيدنا محمد وعلى آله

PDF FILE ഇവിടെ ക്ലിക് ചെയ്യുക

Islamic Bulletin-97

Wednesday, February 3, 2010

96 - നജസുകളും ശുചീകരണവും- ഭാഗം-05

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം- 01, 02, 03, 04

വഴികളിലുള്ള നജസ് കലർന്ന മണ്ണ്, വെള്ളം എന്നിവ കുറഞ്ഞതാണെങ്കിൽ വിടുതിയുണ്ട്. അത് നായ ,പന്നി പോലെയുള്ള ഗൌരവമുള്ള നജസ് കലർന്നതായാലും,നജസ് കലർന്നതാണെന്ന് പൂർണ്ണ ബോധ്യമുണ്ടെങ്കിലും അപ്രകാരം തന്നെ. എന്നാൽ നജസ് ശരീരത്തിലേക്കോ മറ്റോ തെറിച്ചാൽ കഴുകി ശുദ്ധിയാക്കുക തന്നെ വേണം. കാരണം അത് സൂക്ഷിച്ച് നടക്കാൻ പ്രയാസമില്ലെന്നത് തന്നെ. വഴിയിലുള്ള നജസ് പൊറുക്കപ്പെടുന്നത് സ്ഥലകാല വിത്യാസമനുസരിച്ചാണ്. മഴയുള്ള സമയം സൂക്ഷിച്ച് നടക്കുക ക്ലേശകരമായതിനാൽ വഴിയിൽ നിന്ന് തെറിക്കുന്നത് കൊണ്ട് വിരോധമില്ല. വസ്ത്രത്തിന്റെ താഴ്ഭാഗത്ത് വിടുതിയുള്ളത് മുകൾഭാഗത്താണെങ്കിൽ വിടുതിയുണ്ടാവുകയില്ല.

നിർമ്മാതാക്കൾ സ്പ്രേ/ പെർഫ്യൂമിൽ നജസ് ഉപയോഗിക്കുന്നുണ്ടെന്ന് പറയുകയോ നജസ് ഉപയോഗിച്ചതായി വ്യക്തമായ തെളിവുകൾ ലഭിക്കുകയോ ചെയ്താൽ അത് ഉപയോഗിക്കൽ അനുവദനീയമല്ല. അപ്പോൾ അതിനെ ദാനം ചെയ്യലും വില്പന നടത്തലും സാധുവല്ല. അത്തരം സ്പ്രേ അടിച്ച് നിസ്കരിച്ചാലു തഥൈവ. നജസാണെന്നറിഞ്ഞ് സ്പ്രേ വസ്ത്രത്തിലോ ശരീരത്തിലോ അടിക്കുന്നതും ഹറാമാണ്.

പള്ളിയിലോ മുസ്‌ഹഫിലോ മറ്റ് ആദരണീയ വസ്തുക്കളിലോ നജസായതായി കണ്ടാൽ ഉടനെ അത് നീക്കം ചെയ്യൽ നിർബന്ധമാണ്.
നജസായ സ്ഥലത്ത് നജസ് മറയത്തക്കവിധം പായയോ മറ്റോ വിരിച്ച് നിസ്കരിച്ചാൽ സാധുവാകും. പക്ഷെ അങ്ങിനെ നിസ്കരിക്കൽ കറാഹത്താണ്. നജസിലേക്ക് തിരിഞ്ഞ് നിൽക്കലും കറാഹത്ത് തന്നെ.

വിടുതിയില്ലാത്ത നജസ് ഒരാളുടെ ശരീരത്തിലോ വസ്ത്രത്തിലോ കണ്ടാൽ അത് അയാൾക്ക് കാട്ടിക്കൊടുക്കേണ്ടത് മറ്റുള്ളവരുടെ കർത്തവ്യമത്രെ. ശരീരത്തിൽ നമ്മുടെ കണ്ണെത്താത്ത ഭാഗത്ത് നജസുണ്ടെന്ന് വന്നേക്കാം. അത് ശ്രദ്ധയിൽ പെടുത്തുമ്പോൾ സന്തോഷപൂർവ്വം സ്വീകരിക്കേണ്ടത് നമ്മുടെ ചുമതലയാണ്. ഓരോ മുസ്‌ലിമും ശരീരവും വസ്ത്രവും വീടും എപ്പോഴും വൃത്തിയാക്കി വെക്കണമെന്നാണ് ഇസ്‌ലാം നിർദ്ദേശിക്കുന്നത്.

وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin-96

Tuesday, February 2, 2010

95 - നജസുകളും ശുചീകരണവും - ഭാഗം-04

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം- 01 , ഭാഗം - 02 , ഭാഗം - 03

ഛർദ്ദിച്ചതും നജസാണ്. ആമാശയത്തിൽ എത്തിയ വസ്തു മാറ്റം കൂടാതെയാണ് ഛർദ്ദിച്ച് പുറത്ത് വരുന്നതെങ്കിൽ പോലും നജസാണ്. ആ‍മാശയത്തിൽ എത്തുന്നതിനു മുമ്പ് പുറത്ത് പോന്നാൽ നജസല്ല. മുലകുടി പ്രായത്തിലുള്ള കുട്ടികൾക്ക് തുടർച്ചയായി ഛർദ്ദിയുണ്ടായാൽ അത് മുലയൂട്ടുന്നവരുടെ മുലയിലാകുന്നത് കൊണ്ട് വിരോധമില്ല. അവരെ ചുംബിക്കുമ്പോഴും സ്പർശിക്കുമ്പോഴും ശരീരത്തിൽ ആയതിനു വിടുതിയില്ല. ഉറങ്ങുന്ന ആളുടെ വായിൽ നിന്ന് ഒലിക്കുന്ന വെള്ളം ആമാശയത്തിൽ നിന്നുള്ളതാണെങ്കിൽ നജസാണ്. മുറിയാതെ തുടർച്ചയായി പുറത്ത് വരികയാണെങ്കിൽ അത് നജസായിരിക്കും (ആമാശയത്തിൽ നിന്നാണെന്ന് മനസ്സിലാക്കാം )

നജസുകളിൽ പ്രത്യേകം പ്രാധാന്യമർഹിക്കുന്നതാണ് ലഹരി പാനീയങ്ങൾ. കള്ള്, ചാരായം ,ബ്രാണ്ടി,റാക്ക് തുടങ്ങിയ എല്ലാം ഇതിൽ പെടുന്നതണ്. പാ‍നീയങ്ങളെന്ന് പറയുമ്പോൾ കഞ്ചാവ്, അവീൻ തുടങ്ങിയവ നജസല്ല. അത് ഉപയോഗിക്കൽ ഹറാം തന്നെയാണ്. ലഹരി വസ്തു ചേർത്തതാണെന്നുറപ്പുള്ള ടോണിക്, അരിഷ്ടം തുടങ്ങിയവയും നജസാണ്. രോഗ ശാമനത്തിനു വേണ്ടി കുടിക്കുന്നതിനു വിരോധമില്ലെങ്കിലും ദേഹത്തിൽ നിന്നും വസ്ത്രത്തിൽ നിന്നും അത് കഴുകി വൃത്തിയാക്കേണ്ടതാണ്.

മനുഷ്യൻ ,മത്സ്യം ,വെട്ടുകിളി എന്നിവയുടെതല്ലാ‍ത്ത ശവവും നജസാ‍ണ്. ഈച്ച പോലുള്ള ചെറു ജീവികളുടെ ശവവും ഇതിൽ‌പ്പെടും. എന്നാൽ ഒലിക്കുന്ന രക്തമില്ലാത്തതിനാൽ ഇത്തരം ചെറു ജീവികളുടെ ശവം നജസല്ലെന്ന് ഇമാം ഖഫാൽ (റ) അടക്കമുള്ള ചിലർ അഭിപ്രായപ്പെട്ടിട്ടുണ്ട്. മറ്റ് ചില മദ്‌ഹബിലും ഇത് നജസല്ല. ഈച്ചയുടെ ശല്യമുള്ള സ്ഥലത്ത് നിസ്കരിക്കുമ്പോൾ അവയുടെ ശവം ശരീരത്തിൽ ഉണ്ടായാലും നിസ്കാരം സാധുവാകുമെന്ന് മറ്റ് ചിലരും അഭിപ്രായപ്പെട്ടിട്ടുണ്ട്. ഈ അഭിപ്രായ ഭിന്നത പാറ്റയുടെ കാര്യത്തിലും ബാധകമാണ്.

ശവം നജസായി കണക്കാക്കുന്ന ജീവികളുടെ ജീവനുള്ള അവസ്ഥയിൽ വേർപ്പെടുത്തിയ അവയവങ്ങളും നജസാ‍ണ്. പശു, ആട് ,കോഴി മുതലായ ഭക്ഷിക്കാവുന്ന ജീവികളുടെ ശവവും ജീവനുള്ളപ്പോൾ വേർപ്പെടുത്തിയ അവയവങ്ങളും നജസാണ്. രോമം ,തൂവൽ എന്നിവ നജസല്ല. പക്ഷെ പൂച്ച, കാക്ക പോലുള്ള മാംസം ഭക്ഷിക്കൽ നിരോധിച്ചിട്ടുള്ളവയുടെ ശരീരത്തിൽ നിന്ന് ജീവനുള്ളപ്പോൾ കൊഴിയുന്ന രോമവും തൂവലും നജസാണ്. പാമ്പ് ഉരിയുന്ന തോൽ (ആവരണം )നജസാണെന്നും ചിലന്തിവല നജസല്ലെന്നും അഭിപ്രായമുണ്ട്.

(ബാക്കി അടുത്ത ബുള്ളറ്റിനിൽ .ഇൻശാ അല്ലാഹ് )

وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin-95

Monday, February 1, 2010

94 - നജസുകളും ശുചീകരണവും -ഭാഗം-03

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം-01 , ഭാഗം-02

മുറിവ്, വ്രണം ,ചിരങ്ങ് ,മുഖക്കുരു, ചോരക്കുരു തുടങ്ങിയവയിൽ നിന്ന് പുറപ്പെടുന്ന രക്തം, ചലം എന്നിവക്ക് വിടുതിയുണ്ട്. എന്നാൽ രക്തവും ചലവും പ്രവർത്തി മൂലമുണ്ടായതോ ( ഞെക്കിപ്പിഴിയൽ തുടങ്ങിയവ) അന്യസ്ഥലത്തേക്ക് വ്യാപിച്ചതോ ആവരുത്. ഈ നിലയിലാണെങ്കിൽ കുറഞ്ഞത് മാത്രമേ വിടുതി ചെയ്യപ്പെടുകയുള്ളൂ. മൂട്ട, കൊതുക്, ചെള്ള്, പേൻ തുടങ്ങിയ ഒലിക്കുന്ന രക്തമില്ലാത്ത ജീവികളിൽ നിന്ന് ശരീരത്തിലോ വസ്ത്രത്തിലോ നിസ്കരിക്കുന്ന സ്ഥലത്തോ രക്തം ആയാൽ വിടുതിയുണ്ട്. ഈ ജീവികളെ ശരീരത്തിലോ വസ്ത്രത്തിലോ വെച്ച് കൊന്ന കാരണത്താൽ രക്തം പുറപ്പെട്ടിട്ടുണ്ടെങ്കിൽ അത് കുറഞ്ഞതാണെങ്കിൽ മാത്രമേ പൊറുക്കപ്പെടുകയുള്ളൂ. ഇവയെ കൊന്നാൽ അവയുടെ ശരീര ഭാഗത്തിന് വിടുതിയില്ല. അത് നജസാണ്.

നായ, പന്നി എന്നിവയിൽ നിന്നുള്ള രക്തത്തിനു വിടുതിയില്ല. ശരീരത്തിൽ രക്തം കുത്തിയെടുത്ത സ്ഥലത്തു നിന്നും, കൊമ്പ് വെപ്പിച്ച സ്ഥലത്ത് നിന്നും ,ഇഞ്ചക്ഷൻ ചെയ്ത സ്ഥലത്ത് നിന്നും രക്തം പുറപ്പെടുന്ന പക്ഷം അതും മാപ്പ് ചെയ്യപ്പെടുന്നതാണ്. അപ്രകാരം തന്നെയാണ് ഊൻ പൊട്ടിയതിനാൽ വരുന്ന രക്തവും. നിസ്കരിക്കുന്നവൻ അത് വിഴുങ്ങുന്നില്ലെങ്കിൽ നിസ്കാരം സാധുവാകുന്നതാണ്. പ്രസ്തുത രക്തത്തോട് കലർന്ന ഉമിനീര് വിഴുങ്ങരുത്. നോമ്പ് ബാത്വിലാകുന്ന കാര്യങ്ങൾ കൊണ്ട് നിസ്കാരവും ബാത്വിലാവുമല്ലോ. ഹൈള് രക്തം, മൂക്കിൽ നിന്നും പുറപ്പെടുന്ന രക്തം എന്നിവയിൽ നിന്നും കുറഞ്ഞതിന് വിടുതിയുണ്ട്.

മൂലക്കുരുവിൽ നിന്ന് പുറപ്പെടുന്ന നീരും മാ‍പ്പ് ചെയ്യപ്പെടും. നിസ്കാരത്തിനു മത്രമാണ് മേൽ പറഞ്ഞ വിടുതികളെല്ലാം. ഇവ കുറഞ്ഞ വെള്ളത്തിലായാൽ ആ വെള്ളം ശുചീകരണത്തിനു പറ്റുകയില്ല. വിടുതിയുള്ള നജസിന് മറ്റൊരു നിബന്ധന കൂടിയുണ്ട്. ഈ വസ്തുവിനെ ശുദ്ധിയാക്കണമെന്ന ഉദ്ദേശ്യത്തോടെ അവിടെ വെള്ളം നനക്കരുത്. നനച്ചാൽ മാപ്പില്ല്ലാത്ത നജസിന്റെ വിധി ഇതിനു ബാധകാണ്. അപ്പോൾ മറ്റ് നജസുകളെപ്പോലെ കഴുകി വൃത്തിയാക്കണം. ഉദാഹരണമായി ചൊറി, ചിരങ്ങ് തുടങ്ങിയവയിൽ നിന്ന് നമ്മുടെ ശരീരത്തിലായ രക്തം കഴുകാൻ പാത്രത്തിലെ കുറഞ്ഞ വെള്ളം നജസിന്മേൽ ഒഴിച്ച് ശുദ്ധിയാക്കുകയാണ് വേണ്ടത്. എന്നാൽ ഇറച്ചയിലുള്ള കുറഞ്ഞ രക്തം മാപ്പ് ചെയ്യപ്പെടും. കഴുകുന്ന വെള്ളത്തിനു കുറഞ്ഞ പകർച്ചയുണ്ടാകുന്നതിന് വിരോധമില്ല.

وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin-94

93 - നജസുകളും ശുചീകരണവും-ഭാഗം-02


بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين


ഭാഗം 01 ഇവിടെ

3) മദ്ധ്യ നിലയിലുള്ളത് :

മലം , മൂത്രം, മദ്‌യ്, വദ്‌യ്‌, രക്തം, ചലം, ഛർദ്ദിച്ചത്, ലഹരി പദാർത്ഥം, ശവം തുടങ്ങിയവയാണ് മദ്ധ്യ നിലയിലുള്ള നജസ്.

നായ , പന്നീ എന്നിവയുടെ മലം ,മൂത്രം , വിയർപ്പ് ,രക്തം, ഇന്ദ്രിയം എന്നിവ ഗൌരവമുള്ള നജസ് തന്നെയാണ്. അത് ശരീരത്തിലോ മറ്റോ ആയാൽ ഏഴു തവണ തന്നെ കഴുകണം.

മറ്റ് ജീവികളുടെ മൂത്രവും മലവും മദ്ധ്യ നിലയിലുള്ള നജസാണ്. എന്നാൽ കാള ,പശു, ആട് പോലുള്ള മാംസം ഭക്ഷിക്കപ്പെടുന്നതിന്റെ കാഷ്ടവും മൂത്രവും ശുദ്ധിയുള്ളതാണെന്ന് ഇസ്തകരി, റു‌അ്യാനി رحمهما الله തുടങ്ങിയ ശാഫി‌ഈ പണ്ഡിതന്മാർ പറയുന്നു. മറ്റു ചില മദ്‌ഹബിലും ഈ അഭിപ്രായമുണ്ട്. എലിയുടെ ശല്യം അധികമുള്ള സ്ഥലങ്ങളിലെ വെള്ളത്തിൽ അതിന്റെ കാഷ്ടം ആയാൽ വെള്ളം മലിനമായിട്ടില്ലെങ്കിൽ വിരോധമില്ലെന്ന് ചിലർക്ക് അഭിപ്രായമുണ്ട്.

വെള്ളത്തിൽ വസിക്കുന്ന ജീവികളുടെ കാഷ്ടത്താൽ വെള്ളം മലിനമാകുന്നില്ലെങ്കിൽ വിരോധമില്ല. വാവൽ, പല്ലി തുടങ്ങിയവയുടെ മൂത്രവും കാഷ്ടവും വസ്ത്രം ,ശരീരം, സ്ഥലം തുടങ്ങിയവയിൽ പുരളുന്നത് കൊണ്ട് വിരോധമില്ല. സൂക്ഷിക്കാൻ വിഷമമാകുമ്പോഴും ഉപദ്രവം കൂടുതലാവുമ്പോഴുമാണിത്.

മനുഷ്യരെ വിഷമിപ്പിക്കുന്ന മറ്റൊരു പ്രശ്നമാണ് പക്ഷികളുടെ കാഷ്ടം. കൂടുതൽ ശല്യമുണ്ടാകുമ്പോൾ ഇതും പൊറുക്കപ്പെടുന്നതാണ്. എന്നാൽ അവയുടെ കാഷ്ടം നിറഞ്ഞ പള്ളികളിലും മറ്റും അത് ചവിട്ടുകയോ നനവോട് കൂടി സ്പർശിക്കുകയോ ചെയ്യരുത്. ഉപ്പിലിട്ട മത്സ്യത്തിന്റെ ഉള്ളിലുള്ള മാലിന്യങ്ങൾ നീക്കിയ ശേഷമേ ഭക്ഷിക്കാവൂ. ചെറിയ തരം മത്സ്യങ്ങൾക്ക് ഇത് ബാധമമല്ലെന്നാണ് ചില പണ്ഡിതന്മാരുടെ അഭിപ്രായം.

സ്ത്രീ പുരുഷ സമ്പർക്കവേളയിലോ വികാരാധിക്യത്താലോ പുറപ്പെടുന്ന ഒരു തരം ദ്രവത്തിനാണ് മദ്‌യ് എന്ന് പറയുന്നത്. ഇത് നജസാണ്. വസ്ത്രത്തിലോ ശരീരത്തിലോ ആയാൽ കഴുകി ശുദ്ധിയാക്കണം. ഇതുമായി കൂടിക്കലരുമ്പോൾ ഇന്ദ്രിയവും നജസാകുന്നു. ഭാരമുള്ള വസ്തുക്കൾ ചുമക്കുമ്പോ‍ഴോ മൂത്രം ഒഴിച്ച ഉടനെയോ പുറപ്പെടുന്ന ഒരു തരം വെള്ളത്തിനാണ് വദ്‌യ് എന്ന് പറയുന്നത് ഇതും നജസ് തന്നെയാണ് ( ബാക്കി അടുത്ത ബുള്ളറ്റിനിൽ .ഇൻശാ അല്ലാഹ്)
وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin-93
Related Posts with Thumbnails