Saturday, July 3, 2010

223-ഹജ്ജ്-ഭാഗം-27


بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ദുൽ ഹജ്ജ് ഒമ്പത് –അറഫ

ളുഹറ് ബാങ്ക് കൊടുത്തതിനു ശേഷമാണ് അറഫയിലേക് പ്രവേശിക്കേണ്ടത്. പക്ഷെ ഇന്നത്തെ തിരക്ക കാരണം ഇത് പാലിക്കാൻ കഴിയാത്തതിനാൽ ളുഹറ് അവിടെ നിസ്കരിക്കാവുന്നതാണ്.

ദീർഘയാത്രക്കാർക്ക് ളുഹറും അസറും, ജം‌ഉം ഖസ്‌റുമാക്കാവുന്നതാണ്. എന്നാൽ ഹാജിമർക്കെല്ലാവർക്കും ജം‌അ് ആക്കാമെന്ന അഭിപ്രയമനുസരിച്ച് ജം‌അ് ആക്കി നിസ്കരിച്ചാലും ശരിയാകുന്നതാണ്. ഇന്നത്തെ ജനബാഹുല്യവും വുളു ഉണ്ടാക്കാനും മറ്റുമുള്ള ബുദ്ധിമുട്ടും സമയം ലാഭിച്ച് കൂടുതൽ സമയം ദിക്‌റിലും ദുആയിലുമായി മുഴുകുന്നതീനു വേണ്ടിയും അസറിനെ ളുഹറിലേക്ക് ജം‌അ് ആക്കി നിസ്കരിക്കുന്നതായിരിക്കും ഉത്തമം

പക്ഷെ ഖസ്‌റാക്കൽ യാത്രക്കാർക്ക് മാത്രമേ അനുവദനീയമാകൂ. അറഫയിലേക്ക് ചൂരുങ്ങിയത് 82 കിലോമീറ്ററെങ്കിലുമുള്ളവർക്ക് ജം‌ഉം ഖസ്‌റുമാക്കാവുന്നതാണ്.

ഖസ്‌റാക്കുന്നവരോടു കൂടെ പൂർത്തിയാക്കി നിസ്കരിക്കുന്നവർ മ‌അ്മൂമായി നിസ്കരിക്കുന്നതിനു വിരോധമില്ല.ഇമാം സലാം വീട്ടിയതിനു ശേഷം ബാക്കിയുള്ള രണ്ട് റക്‌അത്ത് നിസ്കരിച്ചാൽ മതി.

അറഫയിലോ മിനയിലോ ജുമുഅ ശാഫി‌ഈ മദ്‌ഹബിൽ നിസ്കരിക്കാൻ പറ്റുന്നതല്ല. എന്നാൽ അസീസിയ, ഷീഷാ പോലുള്ള മിനയുടെ പുറത്തുള്ള സ്ഥലങ്ങളിൽ താമസിക്കുന്നവർക്ക് ജുമുഅ നിസ്കരിക്കാവുന്നതാണ്.

അറഫയിൽ ളുഹറ് നിസ്കരിച്ച ഉടനെ “അറഫയിൽ നിൽക്കുക” എന്ന പുണ്യകർമ്മത്തിൽ വ്യാപൃതനാവണം. അറഫയുടെ അതിരുകളായി അടയാളപ്പെടുത്തിയ ബോർഡുകൾക്കുള്ളിൽ എവിടെ നിന്നാലും മതിയാകുന്നതാണ്. ജബലു റഹ്‌മയുടെ താഴ് ഭാഗത്തായിരുന്നു നബി(സ.അ) നിന്നിരുന്ന സ്ഥലം. സാധിച്ചാൽ അവിടെ നിൽക്കൽ കൂടുതൽ പുണ്യമുള്ളതാണ്. ജമലു റഹ്‌മയുടെ മുകളിൽ കയറൽ പുണ്യമില്ല. നബി (സ.അ) യോ സ്വഹാബത്തോ ചെയ്തിട്ടുമില്ല.

അറഫയിലും അറഫയിലേക്ക് പോകുന്ന വഴികളിലും അപകടങ്ങളിൽ‌പെടലും കൂട്ടം തെറ്റലുമൊക്കെ സാധാരണ സംഭവങ്ങളാ‍ണിന്ന്. എന്ത് സംഭവിച്ചാലും എന്ത് വിലകൊടുത്തും അല്പ സമയമെങ്കിലും അറഫയിൽ നിൽക്കാൻ ശ്രമം നടത്തണം. അറഫ ലഭിക്കാതിരുന്നാൽ ഹജ്ജ് ലഭിക്കുകയില്ലെന്ന് ഓർക്കുക. എന്തെങ്കിലും കാരണത്താൽ ഹോസ്പിറ്റലിൽ അഡിമിറ്റാകുകയോ മറ്റോ ചെയ്താൽ സുബ്‌ഹിയുടെ മുമ്പ് ഒരല്പ സമയമെങ്കിലും അറഫയിൽ ഏതെങ്കിലും വിധേന എത്തിപ്പെടാൻ കഴിയുമോ എന്ന് നോക്കണം.


وآخر دعوانا أن الحمد لله رب العالمين وصلى الله وسلم على سيدنا محمد وعلى آله وصحبه أجمعين

Islamic Bulletin-223

1 comment:

അഭിപ്രായങ്ങളും നിർദ്ദേശങ്ങളും സ്വാഗതം ചെയ്യുന്നു.

Related Posts with Thumbnails