Monday, August 31, 2009

ബുള്ളറ്റിൻ-166-റമളാൻ-4

بسم الله الرحمن الرحيم

الحمد لله رب العالمين وصلى الله وسلم على سيدنا محمد وعلى آله وصحبه أجمعين

വിശുദ്ധ റമദാന്‍- ഭാഗം 4


ഇബ്‌നു തൈമിയ്യ തന്റെ ഫതാവയില്‍ പറയുന്നു.



والمعتمد على الحساب في الهلال ، كما أنه ضال في الشريعة ، مبتدع في الدين ، فهو مخطىء في العقل وعلم الحساب ، فإن العلماء بالهيئة يعرفون أن الرؤية لاتنضبط بأمر حسابي ، وإنما غاية الحساب منهم إذا عدل أن يعرف كم بين الهلال والشمس من درجة وقت الغروب مثلا ، لكن الرؤية ليست مضبوطة بدرجات محدودة ، فإنها تختلف باختلاف حدة النظر وكلاله ، وارتفاع المكان الذي يتراءى فيه الهلال وانخفاضه ...... "

( مجموع الفتاوى ( 25/ 20

ചന്ദ്രപ്പിറവിയില്‍ കണക്കവലം‌ബമാക്കുന്നവന്‍ ശരീഅത്തില്‍ വഴിതെറ്റിയവനായത് പോലെ ദീനില്‍ പുത്തനാശയക്കാരനും കൂടിയാണ്. ഗോളശാസ്ത്ര പണ്ഡിതന്മാര്‍ തന്നെ കണക്ക് ആ‍സ്പദമാക്കി മാസപ്പിറവി ദര്‍ശനം കൃത്യമാകില്ലെന്ന് മനസ്സിലാക്കിയവരാണ്. അവരുടെ കണക്കിന്റെ പരമാവധി അത് ശരിയായാല്‍ തന്നെ അസ്‌തമന സമയത്ത് സൂര്യന്റെയും ചന്ദ്രന്റെയും ഇടയില്‍ എത്ര ഡിഗ്രി അകല്‍ച്ചയുണ്ടെന്ന് ഗ്രഹിക്കലാണ്. പക്ഷെ ഇത് കൊണ്ടാകട്ടെ ദര്‍ശനത്തിന്റെ കാര്യം കൃത്യമാക്കാനാകില്ല. കാരണം നോക്കുന്നവന്റെ കാഴ്ചയും അവന്‍ നില്‍ക്കുന്ന സ്ഥലത്തിന്റെ വ്യത്യാസവും അനുസരിച്ച് ദര്‍ശനം വ്യത്യാസമാകാന്‍ ന്യായമുണ്ട്. (ഫതാവാ ഇബ്‌നു തൈമിയ്യ 25-207)

വ്രതം നിര്‍ബന്ധമാകുന്നവര്‍

പ്രായപൂര്‍ത്തിയും ബുദ്ധിയും ആരോഗ്യവുമുള്ള എല്ലാ മുസ്‌ലിമിനും റമളാന്‍ നോമ്പ് നിര്‍ബന്ധമാണ്. ആര്‍ത്തവ രക്തം, പ്രസവ രക്തം എന്നിവ സ്രവിച്ച്കൊണ്ടിരിക്കുന്ന സ്ത്രീകള്‍ക്ക് നിസ്കാരം പോലെ നോമ്പും നിര്‍ബന്ധമില്ല.ശുദ്ധീകരണത്തിന് ശേഷം അവര്‍ നോമ്പ് ഖളാ‍‌അ‌ വിട്ടേണ്ടതാണ്.
നോമ്പെടുത്താല്‍ അധികമായേക്കുമെന്ന് ഭയക്കുന്ന രോഗം, നോമ്പുപേക്ഷിക്കാന്‍ കാരണമാണെങ്കിലും അക്കാരണത്താല്‍ മുന്‍‌കൂട്ടി അത്താഴവും നിയ്യത്തുമെല്ലാം ഒഴിവാക്കുന്ന സ്വഭാവം ശരിയല്ല, അനുവദനീയവുമല്ല. അത്തരക്കാര്‍ സമയത്ത് തന്നെ നിയ്യത്ത് ചെയ്ത് നോമ്പില്‍ പ്രവേശിച്ച് പ്രയാസം നേരിടുമ്പോള്‍ നോമ്പ് മുറിക്കുവാനേ പാടുള്ളൂ. അധികം ചൂടുള്ള രാജ്യങ്ങളില്‍ ജോലി ചെയ്യുന്നവര്‍, കടല്‍ ജോലിക്കാര്‍, ഇവരെല്ലാം രാത്രി നിയ്യത്ത് ചെയ്ത് നോമ്പില്‍ പ്രവേശിക്കല്‍ നിര്‍ബന്ധമാണ്. വിഷമം നേരിടുമ്പോള്‍ നോമ്പ് ഒഴിവാക്കാവുന്നതാണ്. പരമാവധി പിടിച്ച് നിന്ന് പുണ്യം നേടലാണ് ഉത്തമം.

Islamic Bulletin # 166

Friday, August 28, 2009

ബുള്ളറ്റിൻ-165-റമളാൻ-3

بسم الله الرحمن الرحيم

الحمد لله رب العالمين وصلى الله وسلم على سيدنا محمد وعلى آله وصحبه أجمعين

വിശുദ്ധ റമളാൻ-‍ ഭാഗം 3

ഇനി ആരോഗ്യപരമായി നോക്കിയാലും നോമ്പിന്നു പല മഹത്വങ്ങളുമുണ്ട്. വിവിധ രോഗങ്ങള്‍ക്ക് ഇന്ന് ഡോക്ടര്‍മാര്‍ ശൂപാര്‍ശ ചെയ്യുന്നത് വ്രതമാണ്. അഥവാ അന്നപാനാദികള്‍ വര്‍ജ്ജിക്കല്‍. യാതൊരു വിശ്രമവുമില്ലാതെ പ്രവര്‍ത്തിച്ച്കൊണ്ടിരിക്കുന്ന ദഹനേന്ദ്രിയങ്ങള്‍ക്ക് വ്രതം വിലപ്പെട്ട ഒരു വിശ്രമ വേളയാണ്. ക്രമാതീതമായ ഭക്ഷണവും അജീര്‍ണതയും പല രോഗികളിലും കാണാറുണ്ട്. ഇതിന്നു ഏറ്റവും സുഗമവും പ്രായോഗികവുമാ‍യ പ്രതിവിധി നോമ്പനുഷ്ടിക്കലാണെന്ന് വൈദ്യശാസ്ത്രം അം‌ഗീകരിച്ചിരിക്കുന്നു. ഇന്ന് പല സമുദായങ്ങളും വ്രതാനുഷ്ഠാനം ഒരാരാധനയായി നിര്‍വ്വഹിച്ചുവരുന്നുണ്ടെങ്കിലും അവ വ്യവസ്ഥാപിതമോ പറയത്തക്ക ഫലങ്ങള്‍ കിട്ടുന്നവയോ അല്ല. മുസ്‌ലിംകളുടെ വ്രതാനുഷ്ഠാനം കൊണ്ടുണ്ടാകുന്ന നേട്ടങ്ങള്‍ അവമുഖേന ലഭിക്കുന്നില്ലെന്നത് അവിതര്‍ക്കിതവും സുസമ്മതവുമായ ഒരു വസ്തുതയാകുന്നു.

ശ‌അബാന്‍ മാസം 30 നാള്‍ പൂര്‍ത്തിയാവുകയോ ആ മാസം 29 ന് മാസപ്പിറവി ദൃശ്യമാവുകയോ ചെയ്താലാണ് റമദാന്‍ പ്രവേശിച്ചതായി സ്ഥിരപ്പെടുക. ശവ്വാലും ഇങ്ങനെത്തന്നെ. കണക്കുകൂട്ടി നോക്കി നോമ്പും പെരുന്നാളും തീരുമാനിക്കുന്ന രീതി ഇസ്‌ലാമികമല്ല.

ഇമാം ബദ്‌റുദ്ദീനുല്‍ ഐനി എഴുതുന്നു. ‘ശാരിഅ് (അല്ലാഹുവും റസൂലും) നോമ്പിനേയും മറ്റും ചന്ദ്രപ്പിറവി ദര്‍ശനത്തോടാണ് ബന്ധിപ്പിച്ചിരിക്കുന്നത്. കണക്കവലംബമാക്കുന്നതില്‍ സമുദായത്തിന് വിഷമമുണ്ടാകാതിരിക്കാനാണിത് . സമുദായത്തില്‍ ഇത് തന്നെയാണ് നിലനിന്ന് പോന്നതും. പിന്നീട് ഒരു ജനതയില്‍ ഇതെല്ലാം അറിയുന്നവരുണ്ടായാലും. ‘ നിങ്ങളുടെ മേല്‍ മേഘാവൃതമായാല്‍ ശ‌അബാന്‍ 30 പൂര്‍ത്തിയാക്കുക‘ എന്ന നബി വചനത്തിന്റെ ബാഹ്യം തന്നെ കണക്ക് തീരെ അവലം‌ബിച്ച് കൂടെന്നാണ് കുറിക്കുന്നത്. വല്ലപ്പോഴും കണക്കവലം‌ബിക്കാമായിരുന്നുവെങ്കില്‍ കണക്കറിയുന്നവരോട് നിങ്ങള്‍ ചോദിക്കുക എന്ന് നബി (സ) പറയേണ്ടിയിരുന്നു. എന്നാല്‍ ഒരു വിഭാഗം കണക്കുകാരിലേക്ക് മടങ്ങിയിരിക്കുകയാണ് (പുത്തന്‍ പ്രസ്ഥാ‍നക്കാരായ റാഫിളുകളാണ് ഈ വിഭാഗം) സ്വലഫുസ്സ്വാലിഹുകളുടെ ഇജ്‌മാ‌അ് ഇവര്‍ക്കെതിരില്‍ രേഖയാണ്. ഈ വിജ്ഞാനത്തില്‍ ആഴത്തിലിറങ്ങിച്ചെന്ന് പഠനം നടത്തുന്നത് തന്നെ നിശ്ചയം ശരീഅ‌ത്ത് വിലക്കിയിട്ടുണ്ട്. കാരണം ഗോളശാസ്ത്രകണക്ക് കൊണ്ട് കേവലം ഊഹമോ അനുമാനമോ മാത്രമാണ് ലഭിക്കുന്നത്. ഉറപ്പോ മികച്ച ഭാവനയോ ലഭിക്കുന്നില്ല‘. (ഉം‌ദത്തുല്‍ ഖാരി വാ: 10, പേ : 286, 287)

സുപ്രസിദ്ധ ശാഫി‌ഈ പണ്ഡിതനായ ഇമാം റാഫി‌ഈ പറയുന്നു. ‘റമളാനിന്റെ സ്ഥിരീകരണം മേല്‍ പ്രസ്താവിച്ച രണ്ട് മാര്‍ഗ്ഗങ്ങളിലധിഷ്ഠിതമാണ്. ജ്യോതി ശാസ്ത്രമോ കണക്കുകളോ ഈ വിഷയത്തില്‍ അവലം‌ബിക്കാവതല്ല. വ്രതം ആരംഭിക്കുന്നതിലോ അവസാനിപ്പിക്കുന്നതിലോ പ്രസ്തുത മാനദണ്ഡങ്ങള്‍ അനുകരിക്കപ്പെടരുതെന്ന് തഹ്‌ദീബില്‍ വ്യക്തമാക്കിയിട്ടുണ്ട്. (ശര്‍ഹുല്‍ കബീര്‍, 6/269)

Islamic Bulletin # 165

Sunday, August 16, 2009

ബുള്ളറ്റിൻ-164-റമളാൻ-2

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം : 1 ,

വിശുദ്ധ റമളാൻ -ഭാഗം-2

അല്ലാഹുവിന്റെ ശാസന മുൻ നിറുത്തി ഉണമ പ്രഭാതം മുതൽ ( فجر الصادق ) സൂ‍ര്യാസ്തമയം വരെ പ്രത്യേക കരുത്തോടുകൂടി ആഹാര പാനീയങ്ങൾ ,സംയോഗം മുതലായവ പരിത്യജിക്കുന്ന ആരാധനക്കാണ് നോമ്പ് എന്ന് പറയുന്നത്. വ്രതാനുഷ്ഠാനം ഒരു രൂപത്തിലല്ലെങ്കിൽ മറ്റൊരു രൂപത്തിൽ പൂർവ്വവേദക്കാർക്കും വിധിക്കപ്പെട്ടിരുന്നു.

അല്ലാഹുവിന്റെ ദീനായ പരിശുദ്ധ ഇസ്‌ലാം ലക്ഷ്യം വെക്കുന്ന വിശിഷ്ട യോഗ്യതകളും നേടിയെടുക്കാൻ മനുഷ്യനെ സജ്ജമാക്കുന്ന ആരാധനയാണ് നോമ്പ്. അത് കൊണ്ടാണ് പൂ‍ർവ്വീക സമുദായങ്ങൾക്കും അത് നിർബന്ധമാക്കപ്പെട്ടത്. അന്ന പാനാദികളിലും വികാര വിചാരങ്ങളിലും ഉള്ള മനുഷ്യന്റെ ആസകതിക്ക് വ്രതം കടിഞ്ഞാണിടുന്നു. ‘ നിങ്ങൾ മുത്തഖികൾ ആകാൻ വേണ്ടി’ എന്നു നോമ്പിന്റെ ലക്ഷ്യമെന്ന നിലക്ക് ഖുർ‌ആൻ സ്പഷ്ടമാക്കിയല്ലോ. മനുഷ്യന്റെ ജീവിതം ഹൃസ്വമാണെങ്കിലും അത് വിജയകരമായെങ്കിലേ അവൻ സൌഭാഗ്യംവാനും മോക്ഷം സിദ്ധിച്ചവനും ആയിത്തീരൂ. അത് ലഭിക്കാൻ സൂക്ഷ്മത അഥവാ ‘ തഖ്‌വ’ അനിവാര്യമാണ്.

ഒരു മുസ്‌ലിം അവന്റെ ജീവിതത്തിന്റെ എല്ലാ ചലനങ്ങളും സൂക്ഷമതയോടേ മാത്രമേ ചെയ്യാവൂ. അവ യഥാവിധി നിർവഹിച്ചാൽ അവന്റെ ജീവിതം വിജയകരമായി. ശരീരത്തെയും ഹൃദയത്തെയും നിയന്ത്രിക്കുക അതിന്നാവശ്യമാണ്. കുറ്റ കൃത്യങ്ങൾക്ക് വശംവദനാകുന്ന മനുഷ്യൻ ഒന്നുകിൽ അതിന്റെ ഭവിഷ്യൽഫലങ്ങൾ ഓർക്കുന്നില്ല. ഇതവന്റെ മാനസിക ദൌർബല്യം കാരണമാണുണ്ടാകുന്നത്. ഇനി ഭവിഷ്യത്ത് അറിഞ്ഞ് കൊണ്ട് തന്നെ ദുർവൃത്തികൾ ചെയ്യുന്നവരോ ? ശരീരത്തെ നിയന്ത്രിക്കുന്നതിൽ പരാജിതരാണവർ. ഈ രണ്ട് വിധം വ്യതിയാനങ്ങളിൽ നിന്നും മുക്തി നേടാനുള്ള ശക്തമായ പരിശീലനമാണ് നോമ്പ്മുഖേന മനുഷ്യൻ നേടുന്നത്.

ദരിദ്രനും ധനികനും തമ്മിലുള്ള അകൽച്ച പരിഹൃതമാകുവാൻ പര്യാപ്‌തമായ ഒരു മാ‍ധ്യമം കൂടിയാണ് വ്രതാനുഷ്ഠാനം. ജീവിതത്തിന്റെ സമുന്നതങ്ങളിൽ വിരാചിക്കുന്ന പലർക്കും തങ്ങളുടെ പരിസരങ്ങളിൽ നരകിച്ച് കഴിഞ്ഞ് കൂടുന്ന പട്ടിണിപ്പാവങ്ങളെപറ്റി ഒന്നുമറിയില്ല. പത്ത് പതിനഞ്ച് മണിക്കൂർ അന്നപാനാദികൾ വർജിച്ച് കഴിച്ച് കൂട്ടുമ്പോൾ അവർ ദാരിദ്ര്യത്തെയും ദരിദ്രന്മാരെയും മനസ്സിലാക്കും. അല്ലാഹു തങ്ങൾക്ക് ചെയ്തുതന്ന അനുഗ്രഹമായ സമ്പത്തിന്റെ ഒരു വിഹിതം ആ പാവങ്ങൾക്ക് നൽകാൻ വ്രതം അവരെ അനുസ്മരിപ്പിക്കുന്നു. സമ്പന്ന മനസ്സുകളിൽ ഇതുവഴി ദരിദ്രരോട് അനുകമ്പയും ആർദ്രതയും വളരുകയും ചെയ്യും. ഈ ദൃശ്യമായ ഒട്ടേറെ നേട്ടങ്ങൾ നോമ്പ്‌വഴി ലക്ഷ്യമാക്കുന്നു. ഇതെല്ലാം ഉൾകൊള്ളിച്ച് കൊണ്ടാണ് ‘ നിങ്ങൾ ഭക്തിയുള്ളവരാകാൻ വേണ്ടി’ എന്ന് അല്ലാഹു പറഞ്ഞത്.


اَللَّهُمَّ بٰارِكْ لَنَا فِي شَعْبَانَ وَبَلِّغْنَا رَمَضٰانَ وَوَفِّقْنَا فِيهِ لِلصِّيٰامِ وَالْقِيٰامِ وَتِلاٰوَةِ الْقُرْآنِ يٰا ذَا الْجَلاٰلِ وَالْإِكْرٰامْ

وآخر دعوانا أن الحمد لله رب العالمين وصلى الله وسلم على سيدنا محمد وعلى آله وصحبه أجمعين


Islamic Bulletin # 164

Saturday, August 15, 2009

ബുളളറ്റിൻ-163-റമളാൻ-1

بسم الله الرحمن الرحيم

الحمد لله رب العالمين وصلى الله وسلم على سيدنا محمد وعلى آله وصحبه أجمعين


വിശുദ്ധ റമളാൻ -ഭാഗം-1


يَا أَيُّهَا الَّذِينَ آمَنُواْ كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ (سورة البقرة183


സത്യ വിശ്വാ‍സികളെ, നിങ്ങളുടെ മുമ്പുള്ളവർക്ക് നോമ്പ് നിർബന്ധമാക്കപ്പെട്ടത് പോലെ നിങ്ങൾക്കും നോമ്പ് നിർബന്ധമാക്കപ്പെട്ടിരിക്കുന്നു. നിങ്ങൾ തഖ്‌വയുള്ളവരാവാൻ വേണ്ടി( അഥവാ അത് മൂലം നിങ്ങൾക്ക് ദോഷബാധയെ തടയാവുന്നതാണ്.) (അൽ-ബഖറ : 183 )


شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَى وَالْفُرْقَانِ فَمَن شَهِدَ مِنكُمُ الشَّهْرَ فَلْيَصُمْهُ وَمَن كَانَ مَرِيضًا أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ يُرِيدُ اللّهُ بِكُمُ الْيُسْرَ وَلاَ يُرِيدُ بِكُمُ الْعُسْرَ وَلِتُكْمِلُواْ الْعِدَّةَ وَلِتُكَبِّرُواْ اللّهَ عَلَى مَا هَدَاكُمْ وَلَعَلَّكُمْ تَشْكُرُونَ (سورة البقرة185 )


ജനങ്ങൾക്ക് മാർഗദർശകമായിക്കൊണ്ടും സത്യാ‍സത്യവിവേചനത്തിനുതകുന്നതായും സന്മാർഗ ദർശനത്തിനുള്ള വ്യക്തമായ ദൃഷ്ടാന്തങ്ങളായിക്കൊണ്ടും വിശുദ്ധ ഖുർ‌ആൻ അവതരിക്കപ്പെട്ട മാസമാകുന്നു റമളാൻ. അതിനാൽ നിങ്ങളിൽ ആരെങ്കിലും ആ മാസത്തിൽ സന്നിഹിതരായാൽ അവനതിൽ നോമ്പ് അനുഷ്ടിക്കണം. ആരെങ്കിലും രോഗിയാവുകയോ യാത്രയിലാവുകയോ ചെയ്താൽ മറ്റു ദിവസങ്ങളിൽ എണ്ണം പൂർത്തിയാക്കണം. അല്ലാഹു നിങ്ങൾക്ക് സൌകര്യത്തെയാണ് ഉദ്ദേശിക്കുന്നത് ,പ്രയാസമുദ്ദേശിക്കുന്നില്ല. നിങ്ങൾ എണ്ണം പൂർത്തിയാക്കാനും നിങ്ങളെ നേർമാർഗത്തിലാക്കിയതിനും അല്ലാഹുവിന്റെ മഹത്വം പ്രകീർത്തനം ചെയ്യുവാനും അവനോട് നിങ്ങൾ നന്ദി കാണിക്കുവാനുമാകുന്നു. ( അൽ ബഖറ 185 )


അപ്പോൾ ,മനുഷ്യ കുലത്തിനു മുഴുവനും മാർഗദർശനമായ ഖുർ‌ആൻ അവതരിച്ച മാസമാണ് വിശുദ്ധ റമദാൻ. റമദാനിന്റെ ഏറ്റവും വലിയ ശ്രേഷ്ഠതയാണ്.

ഇമാം ബുഖാരിയും മുസ്‌ലിമും റിപ്പോർട്ട് ചെയ്ത ഹദീസിൽ കാണാം ‘ റമളാൻ ആഗതമായാൽ സ്വർഗത്തിന്റെ കവാടങ്ങൾ തുറക്കപ്പെടുകയും നരക വാതിലുകൾ കൊട്ടിയടക്കപ്പെടുകയും പിശാചിനെ ബന്ധിക്കപ്പെടുകയും ചെയ്യുമെന്ന്. ഇമാം മുസ്‌ലിം (റ) റിപ്പോർട്ട് ചെയ്ത ഹദീസിൽ കാണാം ‘ ഒരു റമളാൻ അടുത്ത റമളാൻ വരേക്കുമുള്ള പാപങ്ങൾ പൊറുക്കപ്പെടാൻ കാരണമാണ്’ . മറ്റൊരു ഹദീസാണ് ‘ നോമ്പുകാരന് രണ്ട് സന്തോഷമുണ്ട് ; ഒന്ന് നോമ്പ് തുറക്കുമ്പോഴും മറ്റൊന്ന് അല്ലാഹുവിന്റെ കണ്ട് മുട്ടുമ്പോഴും’ . ഇത്തരത്തിൽ റമളാനിന്റെ മഹത്വമറിയിക്കുന്ന അനേകം നബി വചനങ്ങൾ കാണാം.

വിശുദ്ധ റമളാൻ, ലൈലത്തുൽ ഖദ്‌റിന്റെ മാസമാണ്. ഖുർ‌ആനിന്റെ മാസമാണ്. റമളാനിൽ ഉം‌റ ചെയ്താൽ തിരുനബി(സ്)യോടൊന്നിച്ച് ഹജ്ജ് ചെയ്ത ഫലം കിട്ടുന്ന മാസമാണ്. മക്കം ഫത്‌ഹ് വരിച്ച മാ‍സമാണ്. ഇങ്ങനെ ഒട്ടനേകം പുണ്യങ്ങൾ നിറഞ്ഞ, ലോക മുസ്ലിംങ്ങൾക്ക് ആത്മീയതയുടെ പൂക്കാലാമായ മാസമാണ് റമളാൻ.

അല്ലാഹു വിശുദ്ധ റമളാനിനെ ഗുണമായി സാക്ഷി പറയുന്നവരിൽ നാമേവരേയും മാതാപിതാക്കളെയും കുടുംബത്തേയും ഉൾപ്പെടുത്തി അനുഗ്രഹിക്കട്ടെ. ആമീൻ


اَللَّهُمَّ بٰارِكْ لَنَا فِي شَعْبَانَ وَبَلِّغْنَا رَمَضٰانَ وَوَفِّقْنَا فِيهِ لِلصِّيٰامِ وَالْقِيٰامِ وَتِلاٰوَةِ الْقُرْآنِ يٰا ذَا الْجَلاٰلِ وَالْإِكْرٰامْ



وآخر دعوانا أن الحمد لله رب العالمين وصلى الله وسلم على سيدنا محمد وعلى آله وصحبه أجمعين

Islamic Bulletin # 163

ബുള്ളറ്റിൻ-76-അല്ലാഹുവിന്റെ പ്രവാചകർ-21

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين


ഭാഗം 1, 2 ,3, 4, 5 , 6 ,7,8,9, 10,

11 ,12,13, 14, 15,16,17,18,19, 20


അല്ലാഹുവിന്റെ പ്രവാചകര്‍ صلى الله عليه وسلم -ഭാഗം-21

തിരു ദൂതരേ സലാം .......... ! അല്ലാഹുവിന്റെ ഇഷ്ട ഭാജനമേ സലാം .........!

اَلصَّلاٰةُ وَالسَّلاٰمُ عَلَيْكَ يٰا سَيِّدِي يٰا رَسُولَ الله ، اَلصَّلاٰةُ وَالسَّلاٰمُ عَلَيْكَ يٰا سَيِّدِي يٰا رَحْمَةً لِلْعٰالَمِينْ.

അങ്ങയോട് ഏല്‍പ്പിക്കപ്പെട്ട കാര്യം യഥാവിധി നിര്‍വ്വഹിച്ചെന്ന് ഞങ്ങള്‍ക്കുറപ്പാണ്. ദൌത്യം നിര്‍വ്വഹിച്ചെന്നും ഞങ്ങളെപ്പോലുള്ള ഉമ്മത്തിന്റെ നന്മ എന്നും കാംക്ഷിച്ചെന്നും അന്ത്യം വരെ ഇലാഹീ മാര്‍ഗ്ഗത്തില്‍ കഠിന പ്രയത്നം ചെയ്തെന്നും ഞങ്ങള്‍ ദൃഢമായി വിശ്വസിക്കുന്നു.جَزٰاكَ اللهُ عَنَّا خَيْرَ الْجَزٰٰاء

ഞങ്ങളുടെ നായകാ... അങ്ങയെ ഞങ്ങള്‍ അളവറ്റു സ്നേഹിക്കുന്നു എന്ന യാഥാര്‍ത്ഥ്യത്തിനും അല്ലാഹു സാക്ഷിയാണ്. അങ്ങയുടെ ഇഷ്ടക്കാരെയും ഞങ്ങള്‍ സ്നേഹിക്കുന്നു. അല്ലാഹുവിന്റെ അനുഗ്രഹവും മാപ്പും പരലോകത്ത് ലഭ്യമാകാനാണിതെല്ലാം ചെയ്യുന്നത് . അങ്ങയുടെ ഹൌദുല്‍ കൌസറിലേക്ക് നയിക്കപ്പെടാനും തീരാദാഹത്തിനു ശാശ്വത ശമനം ലഭിക്കാനും ഞങ്ങള്‍ കൊതിക്കുന്നു.

പരിമളാത്മക നബി ചരിത്രങ്ങള്‍ ആവര്‍ത്തിക്കുമ്പോഴെല്ലാം ഞങ്ങളാ അനുഭൂതിയില്‍ ലയിക്കുന്നു. ആഘോഷവേളയില്‍ ആ സുഗന്ധ തൂവല്‍ സ്പര്‍ശം ഞങ്ങളുടെ ശരീരത്തിലൂടെ ഇഴയുന്നത് ഞങ്ങള്‍ അറിയുന്നു. ഞങ്ങളുടെ മനസ്സിനെയത് അജയ്യമാക്കുന്നു. ഇക്കിളിപ്പെടുത്തുന്നു. തന്നിമിത്തം ഞങ്ങളിലെ നിശ്ചയദാര്‍ഢ്യം മൂര്‍ച്ചയേറുന്നു. ഞങ്ങളുടെ കോശങ്ങളില്‍ വിശ്വാസത്തിന്റെ ഇന്ധനം നിറയുകയാണ്. രൂപഭേതമില്ലാതെ കുറ്റകര നൂതനത്വം കടത്തിക്കുട്ടാതെ, ദുര്‍മാര്‍ഗ്ഗം കലര്‍ത്താതെ ഞങ്ങള്‍ ലോകത്തൊന്നാകെ സന്തോഷത്തിന്റെ അല ഒഴുക്കിയ ആ ആദരണീയ ദിനങ്ങള്‍ ആഘോഷിക്കുന്നു. ലോകത്തിന്റെ അന്ത്യം എന്നാണെന്ന് ചോദിച്ച് വന്ന ബദുവിനോട് അങ്ങ് പറയുകയുണ്ടായി . ‘ എന്നായാലും നീ എന്താണതിനു ഒരുക്കിവെച്ചത് ?’ അയാളുടെ നിര്‍മ്മല ഹൃദയം തുറന്ന് അയാള്‍ പറയുന്നു. ‘പെരുത്ത് നോമ്പും നിസ്കാരവും ധര്‍മ്മവുമൊന്നും ഞാന്‍ തയ്യാറാക്കിയിട്ടില്ല. പക്ഷെ ഞാന്‍ അല്ലാഹുവിനേയും റസൂലിനേയും സ്നേഹിക്കുന്നു.‘ സ്നേഹത്തിന്റെ വില പ്രദര്‍ശിപ്പിക്കുന്ന, അതിന്റെ ആഴവും പരപ്പും കാണിക്കുന്ന, അതിന്റെ ഉപകാരം അടിവരയിട്ട് അതിലേക്കാകര്‍ഷിച്ച് കൊണ്ട് അവിടന്ന് ഇങ്ങനെ പ്രതികരിച്ചല്ലോ. ‘മനുഷ്യന്‍ അയാള്‍ ഇഷ്ടപ്പെടുന്നവരോടൊപ്പമാണ് ‘. അതേ, പ്രിയപ്പെട്ട പ്രവാചകരേ, ഞങ്ങളുമിതാ --- അപാകതളേറെയുണ്ടെങ്കിലും --- അങ്ങയെ സ്നേഹിക്കുന്നു. ഈ പാപികളേയും അങ്ങയോടൊപ്പം കൂട്ടുമല്ലോ.

ജനനായകന്‍ തിരുദൂതരേ, താങ്കള്‍ക്ക് സ്വലാത്തും സലാമും ബര്‍ക്കത്തും നിറയട്ടെ.

പ്രിയ വായനക്കാരേ, തിരു നബി (صلى الله عليه وسلم ) യുടെ തിരു ചരിത്ര ദീപസ്തംഭത്തില്‍ നിന്നും കൊളുത്തിയ ദീപശിഖകളായിരുന്നു നാം വായിച്ചത്. പാരാവാരം പോലെ പരന്ന പ്രവാചക ദര്‍ശനങ്ങളുടെ വര്‍ണ്ണ രാജിയില്‍ നിന്നുള്ള മങ്ങിയ പ്രകാശ ധാര. ഹബീബിന്റെ (صلى الله عليه وسلم ) പൂങ്കാവനത്തില്‍ വളര്‍ന്ന പുഷ്പ സമുച്ചയത്തില്‍ നിന്നും അറുത്തെടുത്ത പൂവിതളുകള്‍. പരിമളം പരത്തുന്ന ചരിത്ര നീലിമയിലെ മിന്നല്‍ പിണറുകള്‍. സര്‍വ്വശക്തനായ അല്ലാഹു നമ്മില്‍ നിന്നതു സ്വീകരിക്കട്ടെ. അനേകമനേകം റബീഉല്‍ അവ്വലുകള്‍ ആഘോഷിക്കാനും അവിടത്തെ പ്രകീര്‍ത്തനങ്ങള്‍ പാടാനും എഴുതാനും പറയാനും ജീവിതത്തില്‍ പകര്‍ത്താനും അവന്‍ തുണക്കട്ടെ. മരണപ്പെട്ടുപോയ നമ്മുടെ മാതാ-പിതാ-ഗുരുവര്യര്‍ക്കും കുടുംബത്തിനും മക്കള്‍ക്കും അല്ലാഹു പൊറുത്തുകൊടുക്കട്ടെ. നമുക്കും അല്ലാ‍ഹു മാപ്പ് നല്‍കട്ടെ. നാളെ ഹബീബിന്റെ (صلى الله عليه وسلم ) കൂടെ സ്വര്‍ഗലോകത്ത് ഒരുമിച്ച്കൂടാന്‍ അവന്‍ അനുഗ്രഹിക്കട്ടെ, آمين


اَللَّهُمَّ يَا رَبَّنَا بِجَاهِ نَبيِِّكَ الْمُصْطَفَى وَرَسُـولِكَ الْمُرْتَضَى طَهِّـرْ قُلُوبَنا مِنْ كُلِّ وَصْفٍ يُبَاعِدُنَا عَنْ مُشَاهَدَتِكَ وَمَحَبَّتِك وأَمِتْنَا عَلَى السُّنَّةِ وَالْجَمَاعَةِ وَالشَّوقِ إِلَى لِقَائِكَ يَا ذَا الْجَلاٰلِ وَالْإِكْرٰامِ وَصَلَّى الله عَلَى سَيِّدِنَا مُحَمَّدٍ خَاتِمِ النَّبِيينَ وَإِمٰامِ الْمُرْسَلِينَ وَعَلَى آلِهِ وَصَحْبِهِ أَجْمَعِينَ وَسَلاٰمٌ عَلَى الْمُرْسَلِينَ وَالْحَمْدُ ِلله رَبِّ الْعَالَمِينَ.

وآخر دعوانا أن الحمد لله رب العالمين وصلى الله وسلم على سيدنا محمد وعلى آلهوصحبه أجمعين

Islamic Bulletin # 76

( റമളാൻ ബുള്ളറ്റിൻ കഴിഞ്ഞതിനു ശേഷം ബുള്ളറ്റിൻ നമ്പർ 77 മുതലുള്ളത് പോസ്റ്റ് ചെയ്യുന്നതായിരിക്കും. ഇൻശാ അല്ലാഹ് )

Friday, August 14, 2009

ബുള്ളറ്റിൻ-75-അല്ലാഹുവിന്റെ പ്രവാചകർ-20

بسم الله الرحمن الرحيم

الحمد لله رب العالمين وصلى الله وسلم على سيدنا محمد وعلى آله وصحبه أجمعين


ഭാഗം 1, 2 ,3, 4, 5 , 6 ,7,8,9, 10,
11 ,12,13, 14, 15,16,17,18,19


അല്ലാഹുവിന്റെ പ്രവാചകര്‍ صلى الله عليه وسلم -ഭാഗം-20

ഇത്തരം എണ്ണിയാലൊടുങ്ങാത്ത മഹത്വങ്ങളുടെ ഉടമയാണ് നമ്മുടെ നേതാവായ മുഹമ്മദ് നബി صلى الله عليه وسلم. പ്രിയപ്പെട്ട വാ‍യനക്കാരേ, കൂടുതല്‍ കൂടുതല്‍ അവിടത്തെ അറിയാനും അവിടത്തോടുള്ള സ്നേഹം രൂഢമൂലമാക്കാനും അവിടത്തെ ചരിത്രങ്ങള്‍ വായിക്കുക. നബി (സ) യെ ഒരു ഭൂതകാല ചരിത്ര പുരുഷനായി കാണുന്നതിന് പകരം അവിടത്തെ സമകാലിക സാന്നിധ്യമായിക്കൊണ്ടാണ് കാണേണ്ടത്. അവിടത്തെ സാമീപ്യത്തെ ആനന്ദം തുളുമ്പുന്ന കണ്ണുകളോടും തുഷ്ടി കൊള്ളുന്ന ഹൃദയത്തോടും കൂടി ഒരു വര്‍ത്തമാനകാല അനുഭവമായി നാം ഉള്‍ക്കൊള്ളണം. നബി (സ) യുമായുള്ള പ്രണയഭാവം ശക്തവും ഗാഢവുമാകുന്നതു വഴിയാണ് ഇത് സാധ്യമായിത്തീരുക. അവിടത്തെ അല്ലാഹുവിനാല്‍ നിയുക്തനായ ഗുരുവും മാര്‍ഗ്ഗദര്‍ശിയും മാതൃകാപുരുഷനുമായി അറിയുകയും അം‌ഗീകരിക്കുകയും ജീവിതത്തിന്റെ വൈവിധ്യമാര്‍ന്ന മേഖലകളുമായി ബന്ധപ്പെട്ട് അവിടന്ന് പഠിപ്പിച്ച പാഠങ്ങളുടെ അനശ്വരതയും യുക്തിഭദ്രതയും ഗ്രഹിക്കുകയും ചെയ്യുന്നതിന്റെ ഫലമായിട്ടായിരിക്കും ഈ പ്രണയഭാവം ചിലരില്‍ ശക്തിപ്പെടുന്നത്. മറ്റുചിലരില്‍ ഇത്തരം കാരണങ്ങളൊന്നുമില്ലാതെ തന്നെ തങ്ങളുടെ ഹൃദയവിശുദ്ധിയും നിഷ്കളങ്കതയും വഴി അവിടത്തെ ചൈതന്യത്തില്‍ നിന്ന് ഒരു പ്രസരണമായി ആ പ്രണയം എത്തിച്ചേരുന്നതാവാം. ഇനിയും ചിലരില്‍ അവിടത്തെക്കുറിച്ചുള്ള ഒരു പ്രഭാഷണമോ ഗാനമോ കേള്‍ക്കുന്നതിനിടയിലായിരിക്കും പതുക്കെ പ്രണയം കടന്നുകൂടുക. അവിടന്ന് എങ്ങനെ മനുഷ്യരാശിയുടേയും മുഴുവന്‍ ചരാചരങ്ങളുടെയും വിമോചകനും രക്ഷകനുമായി എന്ന ചിന്തയോടുള്ള പ്രതികരണമായും അവിടത്തോടുള്ള പ്രണയം ചിലരില്‍ അങ്കുരിച്ച് ശക്തിപ്പെടും. അവിടത്തെ വ്യക്തിത്വത്തിന്റെ മാഹാത്മ്യവും സ്വഭാവഗുണവും പെരുമാറ്റ മര്യാദകളുമെല്ലാം അവിടത്തോടുള്ള സ്നേഹത്തിനും അനുരാഗത്തിനും നിമിത്തങ്ങളായി പലരിലും തീര്‍ന്നേക്കാം. വേറെ പലര്‍ക്കും എത്ര കിണഞ്ഞ് ശ്രമിച്ചാലും അവിടത്തോട് തങ്ങളുടെ ഹൃദയത്തില്‍ അനുരാഗം ഉണ്ടാക്കിയെടുക്കാന്‍ കഴിയാതെ വരാം. അവിടത്തെ അനുസരിച്ച് കൊള്ളാന്‍ നരകഭയവും സ്വര്‍ഗമോഹവും ഹേതുവായി അവര്‍ തയ്യാറാകും.

ചുരുക്കത്തില്‍ ഏതുപായത്തിലൂടെയും പ്രവാചകസ്നേഹമെന്ന സിദ്ധി കൈവരുത്താന്‍ ശ്രമിക്കേണ്ടത് വിശ്വാസിയായിരിക്കാന്‍ അഭിലഷിക്കുന്ന ഏതൊരു വ്യക്തിയുടേയും സര്‍വ്വപ്രധാനമായ കര്‍ത്തവ്യമത്രേ. അവിടത്തെക്കുറിച്ചുള്ള അറിവാണ് പ്രണയസിദ്ധി കൈവരുത്തുന്നതെങ്കില്‍ വീണ്ടും വീണ്ടൂം അവിടത്തെ അറിയാന്‍ പരിശ്രമിച്ച്കൊണ്ടിരിക്കണം. അവിടത്തെ അപദാനങ്ങളും പ്രകീര്‍ത്തനങ്ങളുമുള്‍ക്കൊള്ളുന്ന ഗാനാലാപനങ്ങളോ പ്രഭാഷണങ്ങളോ ആണ് ഒരാളില്‍ സ്നേഹസിദ്ധിയുണ്ടാക്കുന്നതെങ്കില്‍ അവയുടെ നിരന്തരമായ ശ്രവണത്തിലൂടെ അതിനെ പരിപോഷിപ്പിക്കണം. സ്വലാത്തും സലാമും വഴി അവിടത്തെ നാമം ആവര്‍ത്തിച്ച്കൊണ്ടിരിക്കുന്നത് മുഖേനയാണ് അവിടത്തോട് സാമിനബിപ്യവും സ്നേഹവും വളര്‍ത്താനാവുകയെങ്കില്‍ അത്തരം അനുഷ്ഠാനങ്ങള്‍ വഴി അതിനെ വര്‍ദ്ധിപ്പിക്കണം. ഇങ്ങനെ ഏതുവിധേനയും അവിടത്തെ പ്രേമഭാജനമാക്കി മാറ്റിയെടുക്കാന്‍ യത്നിച്ചേ തീരൂ ഓരോ സത്യവിശ്വാസിയും. ഒന്നിലധികം ഉപായങ്ങളിലൂടെയാണ് കഴിയുന്നതെങ്കില്‍ അവയത്രെയും ഉപയോഗപ്പെടുത്തിയും ആ സിദ്ധി സ്വായത്തമാക്കണം. അല്ലാഹു തൌഫീഖ് ചെയ്യട്ടെ ആമീൻ


وَعَـلَى النَّبِيِّ وَآلِـهِ صَلَّى الله *** وَعَـلٰى صَحٰابَتِهِ الْأُولىٰ رَضِيَ الله

Islamic Bulletin # 75

Thursday, August 13, 2009

റമളാൻ ബുള്ളറ്റിനുകൾ ആരംഭിക്കുന്നു

അസ്സലാമു അലൈക്കും , പ്രിയപ്പെട്ട വായനക്കാരെ

വിശുദ്ധ റമളാൻ മാസം ഒരിക്കൽ കൂടി നമ്മിലേക്ക് വരികയാണല്ലോ. ഈ അവസരത്തിൽ വിശുദ്ധ റമളാനിനെ സംബന്ധിച്ചും റമളാനിലെ അമലുകളെ കുറിച്ചും വിശദീകരിക്കുന്ന ബുള്ളറ്റിനുകൾ നിങ്ങളിലേക്കെത്തിക്കാൻ ശ്രമിക്കുന്നതാണ് .ഇൻശാ അല്ലാഹ്.


രണ്ട് ബുള്ളറ്റിനുകളോടെ ഹബീബ് (സ) തങ്ങളെ സംബന്ധിച്ചുള്ള ബുള്ളറ്റിനുകൾക്ക് തത്കാലം ഒരു വിരാമം കുറിക്കുകയാണ്. പിന്നീട് തുടരുന്നതാണ് ഇൻശാ അല്ലാഹ്.


റമളാൻ ബുളളറ്റിനുകൾക്ക് ശേഷം പഴയ ബുള്ളറ്റിനുകളുടെ തുടർച്ചയായി വന്നിട്ടുളളവ പോസ്റ്റ് ചെയ്യുന്നതാണ്. ഇൻശാ അല്ലാഹ്.


ഏറെ തിരക്കുകൾക്കിടയിലും ബുള്ളറ്റിനുകൾ തയ്യാറാക്കുന്ന പ്രിയ ഉസ്താദിനും ബ്ലോഗിൽ പോസ്റ്റ് ചെയ്യാൻ സഹായിക്കുന്നവർക്കും വായനക്കാർക്കും മറ്റ് എല്ലാ നല്ലവരായ സഹോദരങ്ങൾക്കും അല്ലാഹു അർഹമായ പ്രതിഫലം നൽകുമാറാകട്ടെ. സ്വാലിഹായ ഒരു അമലായി നാഥൻ സ്വികരിക്കട്ടെ. തെറ്റു കുറ്റങ്ങൾ അവൻ പൊറുത്തു തരട്ടെ.. റമളാനിനെ അർഹിക്കുന്ന ആദരവോടെ സ്വീകരിക്കാൻ നാഥൻ തുണയ്ക്കട്ടെ. ദുആ വസിയത്തോടെ


നിങ്ങളുടെ സഹോദരൻ

ബുള്ളറ്റിൻ-74-അല്ലാഹുവിന്റെ പ്രവാചകർ-19

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം 1, 2 ,3, 4, 5 , 6 ,7,8,9, 10,

അല്ലാഹുവിന്റെ പ്രവാചകര്‍ صلى الله عليه وسلم -ഭാഗം-19


‘മിഅ‌റാജി’നെക്കുറിച്ച്
വിശൂദ്ധഖുര്‍‌ആനിലെ ‘അന്നജ്‌മ്‌‘ സൂറ:യില്‍ വന്ന സൂക്തങ്ങളുടെ തുടക്കത്തിന്റെ പരാവര്‍ത്തനം ഇങ്ങനെയാണ്. ‘താഴത്തേക്കിറങ്ങിയ താരകം സാക്ഷി, നിങ്ങളുടെ കൂട്ടുകാരന്‍ വഴി തെറ്റിയിട്ടില്ല‘. നിങ്ങളുടെ കൂട്ടുകാരന്‍ എന്ന പ്രയോഗത്തില്‍ നബി (സ) യുടെ ജനകീയതയും സ്വദേശക്കാരുമായുള്ള സുഹൃദ്നിര്‍വിശേഷമായ ഇടപെടലും പ്രതിഫലിച്ച് കാണാം. അവിടന്ന് അവരുടെ ഇടയിലേക്ക് നിയുക്തനായ അല്ലാഹുവിന്റെ ദൂതനും ഗുരുവും പ്രവാചകനും മാര്‍ഗ്ഗദര്‍ശിയുമെല്ലാമായതിനൊപ്പം ഒരു ഉറ്റ ചങ്ങാ‍തിയുടെ സഹവാസമാണ് അവരുമായി പങ്ക്‌വെച്ചിരുന്നത് എന്ന ചരിത്ര സത്യത്തിന്റെ സാക്ഷ്യമാണീ പ്രയോഗം.

നബി (സ) ഇല്ലാകുമായിരുന്നെങ്കില്‍ ലോകത്തിലുണ്ടാകുമായിരുന്ന ശ്യൂന്യത ഒന്നു സങ്കല്‍പ്പിച്ച് നോക്കൂ. അപ്പോള്‍ മനസ്സിലാകും നബി (സ) ലോകത്തിലേക്ക് എന്താണ് നിറച്ച് കൊടുത്തതെന്ന്. ‘പ്രപഞ്ചത്തിനാകെയും അനുഗ്രഹമായിട്ടല്ലാതെ താങ്കളെ നാം നിയോഗിച്ചിട്ടില്ല’എന്ന ഖുര്‍‌ആനിക മൊഴിയുടെ വിശദമയ ഒരു പ്രപഞ്ചനം ഈ ആശയ പശ്ചാത്തലത്തില്‍ ഏറെ പ്രസക്തമായിരിക്കും. മാ‍നവ ജീവിതവുമായി ബന്ധപ്പെടുന്ന ഏതു മേഖലയെടുത്തു പരിശോധിച്ചാലും അവിടെയൊക്കെ നബി (സ) എന്ത് പൂരണമാണ് വരുത്തിയതെന്ന് അക്കമിട്ട് നിരത്താനാകും. മാനവക മൂല്യങ്ങളായും നേട്ടങ്ങളായും പരിഗണിക്കുന്നതെന്തും അവിടത്തെ സാന്നിധ്യത്തിന്റെയും പ്രബോധനത്തിന്റെയും പ്രത്യക്ഷമോ പരോഷമോ ആയ ഫലങ്ങളാണെന്ന് തെളിയിച്ചു പറയാന്‍ യാതൊരു പ്രയാസവുമില്ല. ഇതും ലോകത്തറിയപ്പെട്ട നേതാക്കള്‍ക്കില്ലാത്ത മഹത്വമാണ്.

നബി (സ)യുടെ മറ്റൊരു മഹത്വമാണ് മനുഷ്യന്റെ സാന്മാര്‍ഗ്ഗിക ജീവിതം പ്രോജ്ജ്വലവും മ്യൂല്യാധിഷ്ഠിതവുമായിക്കേണ്ടതിന് വേണ്ട സര്‍വ്വഗുണങ്ങളും അവയുടെ പൂര്‍ണ്ണമായ അര്‍ത്ഥത്തിലും നിലയിലും അവിടത്തെ ജീവിതത്തില്‍ കാണാമായിരുന്നു എന്നത്. ഏതെല്ലാം ഗുണങ്ങളും പ്രവര്‍ത്തനങ്ങളും ഒരുമിച്ച് ചേരുമ്പോഴാണോ ഒരു മനുഷ്യന്‍ സര്‍വ്വോത്തമനും പരിപൂര്‍ണ്ണനുമായിത്തീരുന്നത് അവയെല്ലാം ഒന്നിനൊന്ന് പൊരുത്തപ്പെട്ടും ബന്ധപ്പെട്ടുമാണ് അവിടത്തെ അസ്തിത്വത്തില്‍ സമ്മേളിച്ചിരുന്നത്. മന:ശുദ്ധി , വിനയം, ലജ്ജ, പ്രസന്നത, നിസ്വാര്‍ത്ഥത, കൃത്യനിഷ്ഠ, ക്ഷമ, നിഷ്‌കപടത, ഭക്തി, നിരാഢം‌ബരത്വം, ഔദാര്യം, ധൈര്യം, ദയ, കാരുണ്യം, മഹാമനസ്കത, പരോപകാരതല്‍പ്പരത, വിട്ടുവീഴ്ചാ മനസ്ഥിതി, തുടങ്ങിയ മഹനീയ ഗുണങ്ങള്‍ നിറഞ്ഞുനില്‍ക്കുന്നതായിരുന്നു അവിടത്തെ വ്യക്തിത്വം. പ്രപഞ്ച സൃഷ്ടാവാ‍യ അല്ലാഹുവിനാല്‍ വാഴ്ത്തപ്പെടാന്‍ മാത്രം തികവാര്‍ന്നു നിന്നിരുന്നു ആ വ്യക്തിത്വത്തില്‍ മുഴുവന്‍ മാനുഷിക ഗുണങ്ങളുമെന്നതാണ് നമ്മെ ചിന്തിപ്പിക്കേണ്ടത്. ‘അങ്ങ് മഹത്തായ സ്വഭാവത്തിനുടമയാകുന്നു’ എന്നാണ് അല്ലാഹു നമ്മുടെ ഹബീബിനെ (സ) വിശേഷിപ്പിച്ചത്.

അവിടത്തെ എടുത്തുപറയേണ്ട മറ്റൊരു സവിശേഷതയാണ്, കാലാകാലങ്ങളില്‍ ജീവിച്ചവരും ഇനി ജീവിക്കാനിരിക്കുന്നവരുമായ മാനവവം‌ശത്തിന് ഒന്നടങ്കം മാര്‍ഗ്ഗദര്‍ശനമായിട്ടാണ് മുഹമ്മദ് നബി (സ) യുടെ ദൌത്യം എന്നത്. അപ്രകാരം തന്നെ മനുഷ്യ കുലത്തില്‍ പിറന്നു ജീവിച്ചു മണ്‍‌മറഞ്ഞു പോകുന്ന സകല വ്യക്തികളും പാരത്രികലോകത്തില്‍ പുനര്‍ജനിച്ചെഴുന്നേറ്റുവരുന്ന അത്യന്തം വെപ്രാളം പിടിച്ച നിസ്സഹായ ഘട്ടത്തില്‍ അല്ലാഹുവിന്റെ സന്നിധിയില്‍ അവര്‍ക്കുവേണ്ടി ശിപാര്‍ശ ചെയ്യാന്‍ സാധികാരം മുന്നോട്ട് വരുന്ന നേതാവാണ് നമ്മുടെ പ്രിയപ്പെട്ട ഹബീബ് (സ). സര്‍വ്വശക്തനായ അല്ലാഹു ആ ശിപാര്‍ശമൂലം രക്ഷപ്പെടുന്നവരില്‍ നമ്മേയും മാതാപിതാക്കളേയും കുടും‌ബത്തേയും ഉള്‍പ്പെടുത്തി അനുഗ്രഹിക്കട്ടെ, ആമീന്‍.

فَاقَ النَّبِيِّّينَ فِي خَلْقٍ وَفِي خُلُقٍ

وَلَـمْ يُـدٰانُوهُ فِي عِلْمٍ وَلاٰ كَرَمِ

مَـوْلاٰيَ صَلِّ وَسَلِّمْ دٰائِماً أَبَداً

عَلَى حَبِيبِكَ خَيْـرِ الْخَلْقِ كُلِّهِمِ

Islamic Bulletin # 74

Wednesday, August 12, 2009

ബുള്ളറ്റിൻ-73-അല്ലാഹുവിന്റെ പ്രവാചകർ-18

بسم الله الرحمن الرحيم

الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം 1, 2 ,3, 4, 5 , 6 ,7,8,9, 10,
11 ,12,13, 14, 15,16,17

അല്ലാഹുവിന്റെ പ്രവാചകര്‍ صلى الله عليه وسلم ഭാഗം-18

മുഹമ്മദ് നബി(സ)യുടെ മാഹാത്മ്യം വിളിച്ചോതുന്ന മറ്റൊരു അല്‍ഭുത സം‌ഭവമായിരുന്നു തന്റെ ആകാശാരോഹണം. നബി (സ) അവിടത്തെ ഈ യാത്രയില്‍ അല്ലാഹുവിന്റെ സിം‌ഹാസനമായ ‘അര്‍ശ്’ വരെ എത്തി. അതിനപ്പുറം അല്ലാഹുവുമായുള്ള സം‌ഭാഷണസ്ഥാനത്തോളവും ഭൂരിഭാഗം പണ്ഡിതരുടേയും അഭിപ്രായമനുസരിച്ച് അല്ലാഹുവിനെ ദര്‍ശിക്കാനുള്ള അവസരവും ഈ യാത്രയില്‍ അവിടത്തേക്ക് സാധ്യമായി. മഹത്വത്തിന്റെ പരമപദം ചൂടുകയായിരുന്നു അവിടന്ന്. റസൂൽ(സ) തങ്ങൾ ‘അടുത്തടുത്ത് രണ്ട് വില്ലകലമോ അഥവാ അതിലേറെ സമീപസ്ഥമോ ആയിത്തിര്‍ന്നു’ എന്ന് അന്നജ്‌മ സൂറ:യില്‍ ഇതിനെക്കുറിച്ച് വായിക്കാം. അല്ലാഹുവിന്റെ തിരുസന്നിധാനവുമായി നബി തിരുമേനി (സ) എത്രമാത്രം ഉറ്റുചേര്‍ന്നുവെന്നാണ് ആ വാക്യം മനസ്സിലാക്കിത്തരുന്നത്. അല്ലാഹുവിന്റെ ഏറ്റവും സമീപസ്ഥനായ മലക്ക് ജിബ്‌രീലിന് (അ) കൂടി പ്രവേശനമില്ലാത്ത ഉത്തും‌ഗതയിലേക്കാണ് അന്നേരം അവിടന്ന് ഉഡ്ഢയനം ചെയ്തത്. ‘ഇനി ഒരിഞ്ച് മുന്നോട്ട് നീങ്ങിയാല്‍ ഞാന്‍ കത്തിക്കരിഞ്ഞുപോകും’ എന്ന് പറഞ്ഞ്കൊണ്ട് ജിബ്‌രീല്‍ (അ) പിന്‍‌മാറുകയാണുണ്ടായത്. വിജ്ഞാനത്തിന്റെ മാലാഖയായ ജിബ്‌രീല്‍ (അ) ന്റെ മഹത്വം അവസാനിക്കുന്നിടത്ത് മുഹമ്മദ് മുസ്ഥ്വഫാ (സ) യുടെ മഹത്വം ആരം‌ഭിക്കുന്നേയുള്ളുവെന്ന് ധ്വനി.

അത്യുന്നതും പരമജ്ഞാനിയുമായ അല്ലാഹുവിന് ശേഷം മറ്റാരും തന്നെ യാതൊരു വിഷയത്തിലും അവിടത്തോളം ശ്രേഷ്ഠനായി ഇല്ലെന്ന് സാരം. അവിടന്ന് ഉത്തും‌ഗതയുടെ പരമപദം പൂകിയപ്പോള്‍ അവിടത്തോടൊപ്പം രണ്ടാമതാരും തന്നെ (ജിബ്‌രീല്‍ (അ) പോലും) ഉണ്ടാവാതിരുന്നത് ഇക്കാരണം കൊണ്ടാണ്.

ആദ്ധ്യാത്മികതയുടെ ഉത്തും‌ഗപദം പ്രാപിച്ചിട്ടും, അല്ലാഹുവിനോടുള്ള സാമിപ്യത്തിന്റെ പരമാനന്ദമനുഭവിച്ചിട്ടും അവിടന്ന് അതില്‍ തങ്ങിനില്‍ക്കാതെ മണ്ണിലേക്ക് മടങ്ങിപ്പോന്നുവെന്നതാണ് അവിടത്തെ സം‌ബന്ധിക്കുന്ന അല്‍ഭുതകരമായ മറ്റൊരു വിശേഷം. പ്രകാശപൂരിതമായ അല്ലാഹുവിന്റെ സന്നിധാനത്തില്‍ എത്തിനില്‍ക്കുകയും സ്വര്‍ഗ്ഗീയാനന്ദങ്ങള്‍ കണ്ണാലെ കാണുകയും ചെയ്ത ഒരാള്‍ ലൌകിക ജീവിതത്തെക്കുറിച്ചോര്‍ക്കുകയും അതിലേക്ക് മടങ്ങിപ്പോരുകയും ചെയ്യണമെങ്കില്‍ അദ്ദേഹത്തിന്റെ ദര്‍ശന വിചാരങ്ങള്‍ എന്തുമാത്രം മനുഷ്യസ്പര്‍ശിയായിരിക്കണം! ഒരു ആദ്ധ്യാത്മിക ജ്ഞാനിയായിരുന്ന അബ്ദുല്‍ ഖുദ്ദൂസ് ഗാം‌ഗൂഹി (റ) ഇതില്‍ ഇപ്രകാരം അല്‍ഭുതപ്പെടുകയുണ്ടായി. ‘അറേബ്യയിലെ മുഹമ്മദ് (സ) തനിക്കുണ്ടായ മിഅ‌റാജ് അനുഭവം വിട്ട് ഭൂമിയിലേക്ക് മടങ്ങിപ്പോരുകയുണ്ടായി. അല്ലാഹുവാണെ, എനിക്കാണാ അനുഭവമുണ്ടായിരുന്നതെങ്കില്‍ ഞാന്‍ പിന്നെ ഇങ്ങോട്ട് മടങ്ങിപ്പോരുമായിരുന്നില്ല. ‘ മുഹമ്മദ് നബി (സ) ലോകത്ത പ്രചരിപ്പിച്ചതും പ്രാവര്‍ത്തികമാക്കിയതുമായ ഇസ്‌ലാം മതത്തിന്റെ മാനവിക വാദം ഇവിടെ സുതാര്യമാവുകയാണ്. അത്യന്തം വിസ്മയകരമായ ഈ മാനസികാവസ്ഥയിലും , ഭൌമാതിര്‍ത്തിക്കപ്പുറം എത്രയോ ഉയരത്തില്‍ നിന്നുകൊണ്ട് ഭൂമിയിലെ സാധാരണ മനുഷ്യരെക്കുറിച്ച് ചിന്തിക്കുന്ന നബി (സ) യെയാണ് പിന്നീട് നാം ശ്രദ്ധിക്കുന്നത്. എല്ലാ മഹത്വങ്ങളുടേയും നെറുകയില്‍ നിന്ന് കൊണ്ട് സ്വസമുദായത്തെക്കുറിച്ച് ചിന്തിക്കുന്ന നബി സ) യെ, ആ അസുലഭ മുഹൂര്‍ത്തത്തില്‍ അല്ലാഹുവുമായി സം‌വദിക്കാനും അല്ലാഹുവിന്റെ അതിമനോഹരമായ ‘അസ്സലാമു അലൈക്ക അയ്യുഹന്നബിയ്യു വറഹ്‌മത്തുല്ലാഹി വബറകാത്തുഹൂ’ എന്ന സലാം ലഭിച്ചപ്പോള്‍ അതില്‍പ്പോലും തന്റെ ഉമ്മത്തിനെ പങ്കാളികളാക്കി ‘അസ്സലാമു അലൈനാ വ‌അലാ ഇബാദില്ലാഹിസ്സ്വാലിഹീന്‍’ എന്ന് പ്രതിവചിച്ച തിരുനബിയെ (സ) , അവരില്‍ ചുമത്തപ്പെടുന്ന ദൈവിക ചുമതലയുടെ ഘനം ലഘൂകരിക്കാന്‍ കെഞ്ചിയഭ്യര്‍ത്ഥിക്കുന്ന ഹബീബിനെ (സ), അല്ലാഹുവുമായി തനിക്കുണ്ടായ ഈ അഭിമുഖീഭാവത്തിന്റെ അനുഭൂതിവിശേഷം തന്റെ സമുദായത്തിലെ ഓരോ അം‌ഗത്തിനും ദിനേന അഞ്ചുനേരം ഉണ്ടാകുവാന്‍ വേണ്ടി അവര്‍ക്കായി നിസ്കാരം സത്യവിശ്വാസിയുടെ മിഅ‌റാജ് ‘ ആണെന്ന് അരുളിയ തിരു നബിയെ (സ) .

بُشْـرٰى لَنَا مَعْشَرَ الْإِسْلاٰمِ إِنَّ لَنَا

مِنَ الْعِنَـايَـةِ رُكْنـاً غَيْرَ مُنْهَدِمِ

مَـوْلاٰيَ صَلِّ وَسَلِّمْ دٰائِماً أَبَداً

عَلَى حَبِيبِكَ خَيْـرِ الْخَلْقِ كُلِّهِمِ

Islamic Bulletin # 73

ബുള്ളറ്റിൻ-72-അല്ലാഹുവിന്റെ പ്രവാചകർ-17

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين


ഭാഗം 1, 2 ,3, 4, 5 , 6 ,7,8,9, 10,
11 ,12,13, 14, 15,16


അല്ലാഹുവിന്റെ പ്രവാചകർ صلى الله عليه وسلم-ഭാഗം-17


ഔന്നത്യ സോപാനങ്ങളേറിയ നബി(സ)യുടെ പദവിക്കോ സ്ഥാനത്തിനോ വ്യക്തിത്വത്തിനോ തുല്യത കാണാൻ ഒരിക്കലും ഒരു കണ്ണിനും ആവില്ലെന്നതാണ് സത്യം. അനന്തവും അജ്ഞാതവും അവർണ്ണനീയവുമായ അണ്ഡകടാഹങ്ങളിലെവിടെയുമില്ല അവിടത്തെക്ക് തുല്യൻ. ജിന്നിനോ മലക്കിനോ മനുഷ്യനോ മറ്റ് ജീവജാലങ്ങൾക്കോ നബി(സ)യെപ്പോലൊരാളെ കാണാനോ അനുഭവിക്കാനോ സാധിക്കില്ല. ബാഹ്യമായ നേത്രം കൊണ്ട് നോക്കിയാലും ജ്ഞാനാത്മകമായ ആന്തരിക ന്യയനങ്ങളാൽ നോക്കിയാലും അവിടത്തെ അതുല്യത അതിശയകരമായിട്ടേ അനുഭവപ്പെടൂ. ആ പ്രത്യേകത അവിടത്തെ ആത്മീയവും ആന്തരീകവുമായ വശങ്ങളെ മാത്രം സംബന്ധിക്കുന്നതല്ല. ഭൌതികമായ ദേഹ രൂപത്തെയും സംബന്ധിക്കുന്നതാണ്. അവിടത്തെ ദേഹം സ്പർശിച്ച സ്ഥലത്തോളം മഹിമ ഭൂമിയിൽ ക‌അ‌്ബാലയമുൾപ്പെടെ യാതൊരു വസ്തുവിനുമില്ലെന്നാണ് ലോക പണ്ഡിത ശ്രേഷ്ഠരുടെ അഭിപ്രായം.

നബി(സ)യുടെ സർവോപരിയായ മാഹാത്മ്യത്തെയും സ്തുത്യർഹമായ വ്യക്തിത്വത്തെയും പ്രവചനപരമായി പ്രതിഫലിപ്പിക്കുന്നതായിരുന്നു അവിടത്തെ നാമകരണം തന്നെ. അല്ലാഹുവിന്റെ നാമങ്ങളിലൊന്നായ ‘ഹമീദ്’ എന്നതിനോട് ധാതുബന്ധവും അർത്ഥത്തിൽ ഐക്യവുമുള്ളതാണ് മുഹമ്മദ് എന്ന നാമം. രണ്ടിന്റെയും അർത്ഥം ‘സ്തുതിക്കപ്പെട്ടവൻ’ എന്നുതന്നെ. ദൈവികമായ യുക്തിയും പ്രചോദനവും ഈ നാമകരണത്തിനു പിന്നിൽ പ്രവർത്തിച്ചിരുന്നുവെന്ന് വ്യക്തം.

നബി(സ) ഗർഭസ്ഥ ശിശുവായിരുന്നപ്പോൾ മാതാവ് മഹതി رضي الله عنها കണ്ട സ്വപനം പ്രസിദ്ധമാണ്. ‘ഈ ഗർഭത്തിലിരിക്കുന്ന ശിശു സമൂഹത്തിന്റെ നേതാവായി തീരുമെന്നും ‘മുഹമ്മദ്’ എന്നായിരിക്കണം നാമകരണം ചെയ്യുന്നതെന്നുമുള്ള ഒരു അറിയിപ്പാണ്’ സ്വപനത്തിലൂടെ മഹതിക്ക് ലഭിച്ചത്. സർവ്വ ലോകത്തും എക്കാലവും സ്തുതിക്കപ്പെടുകയാണല്ലോ അവിടന്ന്.

അല്ലാഹുവിന് പങ്കുകാരുണ്ടാവുകയെന്നത് അസാധ്യവും പാടില്ലാത്തറ്റുമായതിനാൽ അല്ലാഹുവിനു മുമ്പിൽ സമർപ്പിക്കപ്പെടുന്ന സ്തുതി കീർത്തനങ്ങൾക്കും നബി(സ)യെ കുറിച്ചുയർത്തപ്പെടുന്ന സ്തുതികീർത്തനങ്ങൾക്കുമിടയിൽ സ്രഷ്ടാവിനെയും സൃഷ്ടിയെയും തമ്മിൽ മൌലികമായി വേർതിരിച്ച് കാണിക്കുന്ന വിത്യാസങ്ങൾ ഉണ്ടെന്ന കാര്യം സദാ സമരണീയമായിരിക്കേണ്ടതുണ്ട്. നബി(സ) ക്ക് സിദ്ധമായ എല്ലാ മഹാത്മ്യങ്ങളുടെയും നിമിത്തകാരണം അല്ലാഹുവാണെന്ന അടിസ്ത്ന അറിവിൽ നിന്നാണീ വേർതിരിവുകളും വ്യതിരിക്തകളും പുറപ്പെടുന്നത്. അല്ലാഹു ഏകനും നിത്യനും സ്വയം സമ്പൂർണ്ണനുമാണ്. ഒന്നും എവിടെ നിന്നും സ്വീകരിക്കേണ്ടതില്ലാത്തവിധം പൂർണ്ണനാണ് അവനെങ്കിൽ അവനിൽ നിന്ന് പൂർണ്ണത സ്വീകരിച്ചിട്ട് വേണം നബി(സ)ക്കും മറ്റൊരാൾക്കും പൂർണ്ണത നേടാൻ. സൃഷ്ടികൾ ആശയ തലത്തിലായിരിക്കുമ്പോഴും ആകാരതലത്തിലായിരിക്കുമ്പോഴും അവനെ ആശ്രയിക്കുകയും അവനിൽ നിന്നും പുറപ്പെട്ട് അവനെ ലക്ഷ്യമാക്കുകയാണ് ചെയ്യുന്നത്. ഈ വിത്യാസം മനസ്സിലാക്കുന്നിടത്ത് നിന്നാണ് ‘തൌഹീദിന്റെ മാപകം’ ഉരുത്തിരിഞ്ഞു കിട്ടുന്നത്.


فَعَلَيْكَ مِنّٰا كُلَّ وَقْتٍ دٰائِمًـا *** أََزْكٰى الصَّلاٰةِ مَعَ السَّلاٰمِ السَّرْمَدِ


Islamic Bulletin # 72

Monday, August 10, 2009

ബുള്ളറ്റിൻ-71-അല്ലാഹുവിന്റെ പ്രവാചകർ-16


بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം 1, 2 ,3, 4, 5 , 6 ,7,8,9, 10,
11 ,12,13, 14, 15

അല്ലാഹുവിന്റെ പ്രവാചകര്‍-صلى الله عليه وسلم(ഭാഗം-16)

തിരുനബി(സ)യുടെ അസാധാരണ സ്ഥാനത്തെ മനസ്സിലാക്കാന്‍ പറ്റുന്ന മറ്റൊരു അല്‍ഭുതമാണ് അവിടത്തെ വഴികളില്‍ കാര്‍മേഘം തണല്‍ വിരിച്ച് നല്‍കാറുണ്ടായിരുന്നു എന്നത്. അബൂത്വാലിബിന്റെ കൂടെ സിറിയയിലേക്ക് യാത്ര പുറപ്പെടുമ്പോള്‍ നബി (സ) യും കൂടെപ്പോയി. വഴിയില്‍ ഒരു സന്യാസിയുടെ മഠത്തിനടുത്തെത്തിയപ്പോള്‍ അവര്‍ ഇറങ്ങി സാമഗ്രികളെല്ലാം താഴെയിറക്കിവെച്ചു. മുമ്പ് അതു വഴി പോകുമ്പോള്‍ അവരവിടെ ഇറങ്ങാറുണ്ടായിരുന്നു. എന്നാല്‍ മുന്‍യാത്രകളില്‍ നിന്ന് വ്യത്യസ്തമായി ഇത്തവണ സന്യാസി അവരുടെ അടുത്തേക്ക് വന്നു. നബി (സ) യെയാണ് അദ്ദേഹം ശ്രദ്ധിച്ച്കൊണ്ടിരുന്നത്. ഒടുവിലദ്ദേഹം കുട്ടിയുടെ കൈ പിടിച്ച് കൊണ്ട് പറഞ്ഞു. ‘ഇയാള്‍ ലോകത്തിന്റെ നേതാവാണ്, പ്രപഞ്ചനാഥന്റെ ദൂതനാണ്. ലോകത്തിനനുഗ്രഹമായി ഇദ്ദേഹത്തെ അവന്‍ നിയോഗിക്കും.’ അപ്പോള്‍ ഖുറൈശി പ്രമുഖരില്‍പ്പെട്ട ആരോ ഒരാള്‍ ചോദിച്ചു. നിങ്ങള്‍ക്കെങ്ങനെയാണിത് മനസ്സിലായത് ? സന്യാസി പറഞ്ഞു. ‘നിങ്ങള്‍ കുന്നിറങ്ങിവരുമ്പോള്‍ വഴിക്കുണ്ടായിരുന്ന മരങ്ങളും കല്ലുകളുമെല്ലാം ഇദ്ദേഹത്തിന്റെ മുമ്പില്‍ തലതാഴ്ത്തി നമസ്കരിക്കുന്നുണ്ടായിരുന്നു. ഇദ്ദേഹം പ്രവാചകനായത് കൊണ്ടാണ് അങ്ങനെ സം‌ഭവിച്ചത്. ഇദ്ദേഹത്തിന്റെ കൈപ്പലയ്ക്ക് ചുവടെ ഒരു ഉരുണ്ട പ്രവാചക മുദ്രയുണ്ട്. ഞാനതുകൊണ്ടാണിദ്ദേഹത്തെ തിരിച്ചറിഞ്ഞത്.‘ അനന്തരം സന്യാസി അവര്‍ക്ക് വേണ്ടി ഭക്ഷണമൊരുക്കി. അപ്പുറത്ത് ഒട്ടകങ്ങളെ നോക്കി നില്‍ക്കുകയായിരുന്ന നബി (സ) യെ ഭക്ഷണത്തിനു വിളിക്കാന്‍ ആളെ വിട്ടു. നബി (സ) വരുമ്പോള്‍ മേഘം അവിടത്തേക്ക് തണലായി വന്നു. സം‌ഘത്തിലുണ്ടായിരുന്നവരെല്ലാം അത് കണ്ട്കൊണ്ടിരിക്കുമ്പോള്‍ ഒരു മരക്കൊമ്പ് നബി (സ) യുടെ ഭാഗത്തേക്ക് ചാഞ്ഞു. സന്യാസി മറ്റുള്ളവരെ നോക്കി ‘കണ്ടോ മരം ഈ കുട്ടിയുടെ ഭാഗത്തേക്ക് ചാഞ്ഞുവരുന്നത്. ആരാണീ കുട്ടിയുടെ രക്ഷിതാവ് ?‘ അവര്‍ മറുപടി പറഞ്ഞു. ‘അബൂത്വാലിബ് ‘ അബൂബക്കറിനേയും ബിലാലിനേയും رضي الله عنهما കൂട്ടി സന്യാസിയുടെ കൂടെ അബൂത്വാലിബ് നബി (സ) യെ അയച്ചുകൊടുത്തു. സന്യാസി നബി (സ) യ്ക്ക് റൊട്ടിയും സൈത്തെണ്ണയും നല്‍കി. ചെറുപ്പത്തില്‍ ആടുനോക്കാന്‍ പോയിരുന്നപ്പോഴും നബി (സ)ക്ക് മേഘം തണല്‍ വിരിച്ചുകൊടുത്ത സം‌ഭവങ്ങളുണ്ടായിട്ടുണ്ട്.

ഉയിര്‍ത്തെഴുന്നേല്‍പ്പ് നാളിലും അവിടത്തെ സ്ഥാനം മറ്റാര്‍ക്കും എത്തിപ്പിടിക്കാന്‍ പറ്റാത്തതാണ്. അന്നാളിലെ ജനങ്ങളുടെ പരിഭ്രാന്തിയെ വിശുദ്ധ ഖുര്‍‌ആനും അവിടത്തെ തിരുവചനങ്ങളും നന്നായി ചിത്രീകരിക്കുന്നുണ്ട്. അത്യുഷ്ണം കൊണ്ട് നരകിക്കുകയായിരിക്കും ഓരോരുത്തരും. ഓരോ മനുഷ്യനും അയാളുടെ പാപത്തിന്റെ തോതനുസരിച്ച് വിയര്‍പ്പില്‍ അകപ്പെട്ടിരിക്കും. കൊടും പാപികള്‍ വിയര്‍പ്പില്‍ മുങ്ങി കുളിക്കുകയായിരിക്കും. ‘അല്ലാഹു നമ്മേയും കുടും‌ബത്തേയും മാതാപിതാക്കളേയും ഈ ഹബീബിന്റെ ബര്‍ക്കത്ത് കൊണ്ട് കാത്ത് രക്ഷിക്കുമാറാകട്ടെ ആമീന്‍.’ ആ ഘട്ടത്തിലാണ് അവിടത്തെ തണലിന്റെ ശീതളിമ അവരുടെ രക്ഷക്കെത്തുക. ഇമാം തിര്‍മിദിയും മറ്റും അബൂസ‌ഈദുല്‍ ഖുദ്‌രില്‍ (റ) നിന്ന് നിവേദനം ചെയ്യുന്നു.ഉയര്‍പ്പുനാളില്‍ ഞാന്‍ മുഴുവന്‍ മനുഷ്യരുടേയും നേതാവായിരിക്കും. ഇത് അഹന്തയല്ല. ലിവാ‌ഉല്‍ ഹം‌ദ് എന്ന ധ്വജം എന്റെ കൈയിലായിരിക്കും. ഇത് അഹന്തയല്ല. ആദം ഉള്‍പ്പെടെയുള്ള എല്ലാ നബിമാരും എന്റെ കൊടിക്കീഴിലായിരിക്കും. അന്നാളില്‍ ഭൂമി പിളര്‍ന്ന് ആദ്യം പുറത്തിറങ്ങുന്നത് ഞാനായിരിക്കും. ശുപാര്‍ശ സ്വീകരിക്കപ്പെടുന്നത് എന്റേതായിരിക്കുകയും ചെയ്യും.‘
അന്നാ‍ളിന്റെ ഭയാനതകള്‍ക്കിടയിലും നമുക്ക് വേണ്ടി നമുക്ക് വേണ്ടി ശബ്ദിക്കുന്ന നേതാവാണ് നമ്മുടെ പ്രിയപ്പെട്ട ഹബീബ്
صلى الله عليه وسلم .

يٰا عٰـاشِـقِينَ تَوَلَّهُوا فِي حُبِّـهِ * هٰذٰا هُوَ الْحَسَنُ الْجَمِيلُ الْمُفْرَدُ

يَا رَبِّ صَلِّ عَلَى النَّبِيِّ مُحَمَّـدٍ * مُنْجِي الْخَلاٰئِقِ مِنْ جَهَنَّمَ فِي غَدٍ


Islamic Bulletin # 71

ബുള്ളറ്റിൻ-70-അല്ലാഹുവിന്റെ പ്രവാചകർ-15

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം 1, 2 ,3, 4, 5 , 6 ,7,8,9, 10,
11 ,12,13, 14

അല്ലാഹുവിന്റെ പ്രവാചകര്‍-صلى الله عليه وسلم(ഭാഗം-15)

തിരുനബി(സ) എല്ലാ അർത്ഥത്തിലും കാരുണ്യമായിരുന്നു. അവിടന്നിലൂടെ പരിപൂർണ്ണമാക്കപ്പെട്ട മതമായ ഇസ്‌ലാം മാനവരാശിക്ക് നൽകുന്നത് കാരുണ്യമാണ്. അവിടുത്തെ ചരിത്രം കാരുണ്യമാണ് സംഭാവന ചെയ്യുന്നത്. അവിടത്തെ ചര്യകൾ കാരുണ്യമാണ് ചൊരിയുന്നത്. സർവ്വലോക രക്ഷിതാവ് അതുകൊണ്ടാണ് وما أرسلناك إلا رحمة للعالمين ( ലോകങ്ങൾക്ക് മുഴുവൻ കാരുണ്യമായിട്ടല്ലാതെ താങ്കളെ നാം സൃഷ്ടിച്ചിട്ടില്ല ) എന്ന സാക്ഷ്യപത്രം നൽകിയത്.

ആ ഹബീബിന് തന്റെ ഉമ്മത്തിനോടുള്ള കാരുണ്യത്തിന്റെ വലിപ്പമറിയാൻ ഒരു ഹദീസ് ഉദ്ദരിക്കട്ടെ ‘ മഹനായ അബൂത്വൽഹത്തുൽ അൻസാരി(റ) പറയുന്നു. ഒരു ദിവസം നബി(സ)യെ വളരെ സന്തോഷവാനായും മുഖ പ്രസന്നതയുള്ളവരായും കാണപ്പെട്ടു. അനുചരന്മാർ ചോദിച്ചു. അല്ലാഹുവിന്റെ പ്രവാചകരേ, എന്താണിന്നൊരു വല്ലാത്ത സന്തോഷം ! അവിടുന്നരുളി , അതേ, അല്ലാഹുവിന്റടുക്കൽ നിന്നുള്ളൊരു ദൂതൻ വന്ന് എന്നെ ഇങ്ങിനെ അറിയിച്ചു. അങ്ങയുടെ ഉമ്മത്തിൽ നിന്ന് ആരെങ്കിലും ഒരു സ്വലാത്ത് അങ്ങയുടെ മേലിൽ ചൊല്ലുകയാണെങ്കിൽ അവന്ന് പത്ത് ഹസനാത്തുകൾ എഴുതപ്പെടുകയും പത്ത് പാപങ്ങളെ പൊറുക്കപ്പെടുകയും പത്ത് സ്ഥാനങ്ങൾ ഉയർത്തപ്പെടുകയും അല്ലാഹു അവന്റെ മേൽ ഒരു സ്വലാത്ത് നൽകുകയും ചെയ്യും’

ചിന്തിക്കുക. ! തന്റെ ഉമ്മത്തിന്റെ വിജയത്തിന് തന്റെ മേൽ ചൊല്ലപ്പെടുന്ന ഒരു സ്വലാത്ത് കാരണമാവും അത് മൂലം തന്റെ ഉമ്മത്ത് രക്ഷപ്പെടും എന്ന് മനസ്സിലാക്കിയതാണ് അവിടുത്തെ സന്തോഷവാനാക്കാനുള്ള ഹേതുവായത് !

ഉമ്മത്തിനോടുള്ള അതിയായ കാരുണ്യത്തിന്റെ മറ്റൊരു അടയാളമാണ് അന്ത്യദിനം വരേക്കുമുള്ള തന്റെ ഉമ്മത്തിനായി കാലേക്കൂട്ടി ഉള്ഹിയ്യത്ത് അറുത്ത് നൽകിയെന്നത് ‘ഉള്ഹിയ്യത്ത് അറുക്കുന്ന സമയത്ത് അവിടന്ന് പ്രാർത്ഥിക്കുകയുണ്ടായി. ‘ അല്ലാഹുവേ ഇത് എന്റെയും എന്റെ ഉമ്മത്തിൽ നിന്ന് ഉള്ഹിയ്യത്ത് അറുക്കാൻ കഴിയാത്ത പാപപ്പെട്ടവരുടെയും ഉള്ഹിയ്യത്താണ്’ എന്ന്‌.

മുഹമ്മദ് നബി(സ)യുടെ തേജോമയമായ അസാധാരണ വ്യക്തിത്വത്തെ മനസ്സിലാക്കുമ്പോഴേ അവിടത്തോടുള്ള സ്നേഹവും ബഹുമാനവും അത്‌മൂലമുണ്ടാകുന്ന അനുസരണവും ഉണ്ടാവുകയുള്ളൂ.. അവിടത്തെ മഹത്വങ്ങൾ മനസ്സിലാക്കാൻ ചില സത്യങ്ങൾ കുറിക്കട്ടെ. പരമ പ്രകാശമായ അല്ലാഹുവിന്റെ ഒളികൊണ്ട് പടക്കപ്പെട്ട അവിടത്തെ അസ്തിത്വത്തിന്റെ ബാഹ്യാവരണമായ ശരീരം ആ ഒളിയുടെ പ്രോജ്വലനത്താൽ നിഴൽ രഹിതമായിരുന്നു. ജീവശാസ്ത്രപരവും വൈദ്യശാസ്ത്രപരവുമായ സവിശേഷകതകൾ ഉള്ളതിനോടൊപ്പം പൂർണ്ണമായും ആത്മികരിക്കപ്പെട്ട ഒരസ്തിത്വത്തിന്റെ നിഴലായിരുന്നു അവിടത്തെ ദേഹരൂപം. അതിനാൽ ആത്മ പ്രകാശം പ്രസരിപ്പിക്കുന്നതയിരുന്നു അത്. സ്വയം പ്രകാശമായിരിക്കുകയും പ്രകാ‍ശം പ്രസരിപ്പിക്കുകയും ചെയ്യുന്ന യാതൊന്നിനും നിഴലുണ്ടായിരികുകയില്ല. സുര്യൻ ഉദാഹരണം. വിശുദ്ധ ഖുർ‌ആനിൽ ‘അൽ അഹ്സാബ് സൂറ: 48 ൽ ‘ വെളിച്ചം പരത്തുന്ന വിളക്ക്’ (സിറാജൻ മുനീറാ ) എന്ന് നബി(സ)യെ വിളിച്ചിരിക്കുന്നത് കാണാം.

നബി(സ)യുടെ തിരു ശരീരത്തെക്കുറിച്ച് നിഴൽ രഹിതമെന്ന് പറയുന്നത് ആലങ്കാരികമായല്ല. യാഥാർത്ഥമായിത്തന്നെയാണ്. എന്നാൽ അല്ലാഹുവിന്റെ ഒളികൊണ്ട് പടക്കപ്പെട്ടതാണ് തിരുമേനി(സ)യുടെ അസ്തിത്വം എന്നതിന് അവിടന്ന് അല്ലാഹുവിന്റെ ഘടകമാണെന്നർത്ഥമില്ല. ആദ്യന്ത്യവിഹീനനും സ്വയം പൂർണ്ണനുമായ അല്ലാഹുവിന്റെ ഘടകമായി ഒരു സൃഷ്ടി ഉണ്ടായിരിക്കുക സാധ്യവുമല്ല. തിരുനബി(സ)യുടെ പ്രകാശം അല്ലാഹുവിന്റെ സൃഷ്ടിയാണ്. ദൈവിക സത്തയല്ല്ല

اَلصَّلاٰةُ وَالسَّلاٰمُ عَلَيْكَ يٰا رَحْمَةً لِلْعٰالَمِينْ

اَلصَّلاٰةُ وَالسَّلاٰمُ عَلَيْكَ يَا مُحِبَّ الْمَسَاكِينِ

اَلصَّلاٰةُ وَالسَّلاٰمُ عَلَيْكَ يَا شَفِيعَ الْمُذْنِبِينَ

Islamic Bulletin # 70

Sunday, August 9, 2009

ബുള്ളറ്റിൻ-69-അല്ലാഹുവിന്റെ പ്രവാചകര്‍-14

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം 1, 2 ,3, 4, 5 , 6 ,7,8,9, 10,
11 ,12,13

അല്ലാഹുവിന്റെ പ്രവാചകര്‍-صلى الله عليه وسلم(ഭാഗം-14)


അചേതന വസ്തുക്കളോട് അവിടന്ന് കാണിച്ച കാരുണ്യത്തിന്റെ ഉദാഹരണമാണ് ഇമാം അഹ്‌മദ് (റ) റിപ്പോര്‍ട്ട് ചെയ്ത, നൂറു കണക്കിന് സ്വഹാ‍ബത്തിന്റെ സാന്നിധ്യത്തില്‍ മദീനയില്‍ നടന്ന പ്രസിദ്ധമായ സം‌ഭവം. നബി (സ) മസ്‌ജിദുന്നബവിയില്‍ പ്രസം‌ഗിക്കുമ്പോള്‍ ചാരിനിന്നിരുന്ന ഒരു ഈത്തപ്പനത്തടി ഉണ്ടായിരുന്നു. മുസ്‌ലിംകള്‍ കൂടിവന്നപ്പോള്‍ പിന്നിലുള്ളവര്‍ക്ക് നബി (സ) യെ കാണാനും അവിടത്തെ പ്രസം‌ഗം എല്ലാവര്‍ക്കും കേള്‍ക്കാനും പറ്റുന്ന രൂപത്തില്‍ പള്ളിയില്‍ മിമ്പര്‍ സ്ഥാപിക്കുകയുണ്ടായി. അടുത്ത ദിവസം അവിടുന്ന് ഈ പുതിയ മിമ്പറില്‍ വെച്ച് പ്രസം‌ഗമാരം‌ഭിച്ചപ്പോള്‍, അതുവരെ കൈവെച്ചും ചാരിനിന്നും പ്രസം‌ഗിച്ചിരുന്ന പ്രസ്തുത ഈത്തപ്പനയുടെ കഷ്ണം സങ്കടത്താല്‍ കരയാന്‍ തുടങ്ങി. സ്വഹാബത്ത് പറയുന്നു : പള്ളിയില്‍ അസാധാരണമായ ഒരു കരച്ചില്‍, കുഞ്ഞിനെ കാണാതെ വരുമ്പോള്‍ തള്ളയൊട്ടകം സങ്കടപ്പെട്ട് കരയുന്നതുപോലുള്ള കരച്ചില്‍. ആരാണ് കരയുന്നതെന്നോ എവിടെനിന്നാണ് ശബ്ദമെന്നോ ഞങ്ങള്‍ക്ക് മനസ്സിലായിരുന്നില്ല. നബി (സ) മിമ്പറില്‍ നിന്നിറങ്ങി അതുവരേക്കും പ്രസം‌ഗിക്കുമ്പോള്‍ ചാരിനിന്നിരുന്ന മരത്തടിയുടെ അടുക്കല്‍ ചെന്ന് അതിനെ തന്റെ മാറോടണച്ചു താലോലിക്കുകയും സമാധാനിപ്പിക്കുകയും ചെയ്യുന്നത് കണ്ടപ്പോഴാണ് ഈ നിര്‍ജീവമായ മരത്തടിയാണ് കരയുന്നതെന്ന് ഞങ്ങള്‍ക്ക് മനസ്സിലായത്. അവിടന്നതിനെ തന്നോടണച്ചു പിടിച്ച് സ്വകാര്യം പറഞ്ഞപ്പോള്‍ അതിന്റെ കരച്ചില്‍ പതുക്കെപ്പതുക്കെ നിലച്ചു. ഇത് വിശദീകരിച്ചു കൊണ്ട് നബി (സ) ഇങ്ങനെ പറയുകയുണ്ടായി. ‘വേണമെങ്കില്‍ നിന്നെ ഒരു ഫലം കായ്‌ക്കുന്ന ഈത്തപ്പനയായി ഞാന്‍ മുളപ്പിച്ചു തരാം. അല്ലെങ്കില്‍ നാളെ സ്വര്‍ഗ്ഗത്തിലെ ഈത്തപ്പനമായി നിന്റെ സ്ഥാനം ഉയര്‍ത്തിത്തരാം എന്നു പറഞ്ഞാ‍യിരുന്നു ഞാനതിനെ സമാശ്വസിപ്പിച്ചത് ‘.ആ ഉണങ്ങിയ മരത്തടി സ്വര്‍ഗ്ഗജീവിതം തെരെഞ്ഞെടുക്കുകയായിരുന്നു. പിന്നിടതിനെ അവിടെ മറവ് ചെയ്യുകയും ചെയ്തു. ഈ സം‌ഭവം അയവിറക്കി കൊണ്ട് മഹാനായ ഹസ്സന്‍ ബസ്വരി (റ) കരയുകയും ഇങ്ങനെ പറയാറുമുണ്ടായിരുന്നു. ‘അചേതന വസ്തുക്കളില്‍പ്പെട്ട മരം പോലും നബി (സ) യെ കാണാനും അവിടുത്തെ സാമീപ്യം കൊതിച്ചുകൊണ്ടും തേങ്ങിയെങ്കില്‍ അവിടത്തെ കാണാന്‍ വേണ്ടി കരയാന്‍ ഏറ്റവും അര്‍ഹര്‍ നാമാണെന്ന്.’

ശത്രുക്കള്‍ക്ക് പോലും അവിടത്തെ കാരുണ്യം കിട്ടിയത് ഹദീസുകളില്‍ കാണാം. അബൂഹുറൈറ (റ) യില്‍ നിന്നും ഇമാം ബുഖാരി (റ) റിപ്പോര്‍ട്ട് ചെയ്യുന്നു. ‘റിയാദിന്റെ ഭാഗത്തേക്ക് ദീനീ പ്രചരണത്തിന് പോയ സ്വഹാബീസംഘം ബന്ധിയായി കൊണ്ടുവന്ന സുമാമ എന്നയാളെ നബി (സ) യുടെ തീരുമാനത്തിനായി മദീനത്തെ പള്ളിയില്‍ ഒരു തൂണില്‍ കെട്ടിയിട്ടു. നബി (സ) കടന്നുവന്നുകൊണ്ട് ചോദിച്ചു. ഓ സുമാമ, എന്താണ് നിനക്ക് പറയാനുള്ളത് ? സുമാമ പ്രതികരിച്ചു. മുഹമ്മദേ, എനിക്ക് നല്ലതേ പറയാനുള്ളൂ. നിനക്ക് വേണമെങ്കില്‍ എന്നെ വധിക്കാം, ഞാനതിന്നര്‍ഹനാണ്. അല്ല നീ വെറുതെ വിടുകയാണെങ്കില്‍ ഞാന്‍ നന്ദിയുള്ളവനായിരിക്കും. അതുമല്ല, നീ എന്റെ മോചനത്തിന് ധനം ആവശ്യപ്പെടുകയാണെങ്കില്‍ നിനക്കെന്തും ചോദിക്കാം, ഞാനത് തരാം. നബി (സ) ആഗ്രഹിച്ചതുപോലുള്ള ഒരു മറുപടി കിട്ടാത്തത് കണ്ടപ്പോള്‍ അദ്ദേഹത്തിന്റെ കാര്യത്തില്‍ ഒരു തീരുമാനവുമെടുക്കാതെ നാളത്തേക്ക് മാറ്റിവെച്ചു. പിറ്റേ ദിവസവും നബി (സ) തന്റെ ചോദ്യമാവര്‍ത്തിച്ചു. സുമാമയുടെ മറുപടിയിലും യാതൊരു മാറ്റവുമുണ്ടായില്ല. കാരുണ്യവാനായ നബി (സ) യുടെ ആഗ്രഹം ഈ മനുഷ്യന്‍ എങ്ങനെയെങ്കിലും ഇസ്‌ലാം മതം സ്വീകരിച്ചിരുന്നെങ്കില്‍ എന്നായിരുന്നു. മൂന്നാം ദിവസവും നബി (സ) ഇതേ ചോദ്യം ആവര്‍ത്തിച്ചു. അപ്പോഴും അദ്ദേഹം പഴയ മറുപടി തന്നെ പറഞ്ഞു. അവിടെയാണ് നമ്മുടെ ഹബീബിന്റെ (സ) കാരുണ്യത്തിന്റെ കവാടം തുറക്കുന്നത്. അവിടന്ന് അടുത്തുള്ള സ്വഹാബത്തിനോടായി പ്രഖ്യാപിച്ചു. സുമാമയെ കെട്ടഴിച്ച് വിടൂ, അവന്‍ കുടും‌ബത്തിലേക്ക് പോകട്ടേ. അവര്‍ അഴിച്ചുവിട്ടപ്പോള്‍ അദ്ദേഹം അടുത്തുള്ള ഈത്തപ്പനത്തോട്ടത്തില്‍ ചെന്ന് കുളിച്ച് വൃത്തിയായി നബി (സ) യുടെ അരികില്‍ വന്ന് പ്രഖ്യാപിക്കുകയുണ്ടായി. ‘അശ്‌ഹദു അന്‍‌ലാഇലാഹ ഇല്ലല്ലാഹ് വ‌അന്ന മുഹമ്മദന്‍ റസൂലുല്ലാഹ്.’ പുന്നാര നബിയേ, ലോകത്തെനിക്കേറ്റവും വെറുപ്പുള്ള മുഖം അങ്ങയുടേതായിരുന്നു. ഇപ്പോഴത് ഏറ്റവും ഇഷ്ടമുള്ള മുഖമായി മാറി. ലോകത്തെനിക്കേറ്റവും വെറുപ്പുള്ള മതം അങ്ങയുടെ മതമായിരുന്നു. ഇന്നതേറ്റവും ഇഷ്ടമുള്ള മതമായി മാറി.‘ നോക്കൂ ആ കാരുണ്യത്തിന്റെ ഫലം.

ഇത്രയും വിശാലമനസ്കതയുള്ള, കാരുണ്യത്തിന്റെ കേദാരമായ മുഹമ്മദ് നബി (സ) യെ ലോകര്‍ക്ക് പരിചയപ്പെടുത്തുന്നതില്‍ നാം പരാജയപ്പെട്ടു. അതാണ് ഇന്ന് ഇസ്‌ലാമിനേയും പുണ്യപ്രവാചകരായ മുഹമ്മദ് നബി (സ) യേയും ലോകം ഭീകരവാദിയും മറ്റുമായി ചിത്രീകരിക്കാനുണ്ടായ കാരണം.


اَللَّهُمَّ صَلِّ عَلىٰٰ سَيِّدِنَا مُحَمَّدٍ صَلاةً دٰائِمَةً مَقْبُولَةً تُؤَدِّي بِهَا عَنَّا حَقَّهُ الْعَظِيمْ .

Islamic Bulletin # 69

ബുള്ളറ്റിൻ-68-അല്ലാഹുവിന്റെ പ്രവാചകര്‍-13

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം 1, 2 ,3, 4, 5 , 6 ,7,8,9, 10,
11 ,12

അല്ലാഹുവിന്റെ പ്രവാചകര്‍-صلى الله عليه وسلم (ഭാഗം-13)

മനുഷ്യേതര ജീവജാലങ്ങൾക്കും അചേതന വസ്തുക്കൾക്ക് പോലും ഹബീബ് صلى الله عليه وسلم നൽകിയ കാരുണ്യത്തിന് തെളിവായി അനേകം ഉദാഹരണങ്ങൾ ഇനിയുമുണ്ട്. ചിലത് കാണുക :

മഹതി ആഇശ (റ) ഉദ്ദരിക്കുന്നു. നബി(സ)യും അനുചരന്മാരും ഇരിക്കുന്ന സദസ്സിൽ ഒരു കാട്ടറബി താൻ പിടികൂടിയ ഉടുമ്പിനെയുമായി കടന്നു വന്നു. കൂടിയിരിക്കുന്നവരോട് നബി(സ)യെ ചൂണ്ടി ഇതാരാണെന്ന് ചോദിച്ചു. ഇത് അല്ലാഹുവിന്റെ പ്രവാചകരാണെന്ന ഉത്തരം കേട്ടതോടെ അയാൾ ഇങ്ങിനെ പ്രതികരിച്ചു. ‘ ഞാൻ ലാത്തയെയും ഉസ്സയെയും മുൻ‌നിർത്തി ആണയിട്ടു പറയട്ടെ, ഈ ഉടുമ്പ് വിശ്വസിക്കാതെ ഞാൻ താങ്കളിൽ വിശ്വസിക്കുകയില്ല’ അയാൾ ഉടുമ്പിനെ നബി(സ)യുടെ മുന്നിലേക്ക് വിട്ടു. അവിടന്ന് ഉടുമ്പിനെ വിളിച്ചപ്പോൾ അത് എല്ലാവർക്കും വ്യക്തമായി മനസ്സിലാക്കാൻ കഴിയും വിധം ഭംഗിയായി അറബിയിൽ ഉത്തരം നൽകി. തുടർന്ന് അവിടന്ന് അതിനോട് ‘ നീ ആരെയാണ് ആരാധ്യനായി കാണുന്നത് ?’ എന്ന് ചോദിച്ചു. ആ ഉടുമ്പ് മറുപടി നൽകി. ‘ ആകാശത്തിലെ സിംഹാസനവും ഭൂമിയിലെ അധികാരവും സമുദ്രത്തിലെ സഞ്ചാര മാർഗങ്ങളും സ്വർഗത്തിലെ കാരുണ്യവും നരകത്തിലെ ശിക്ഷയും ആരുടേതാണോ അവനെ’. അനന്തരം തിരുനബി ‘ഞാൻ ആരാണെന്നതിനോട് ചോദിച്ചു. ഉടുമ്പിന്റെ മറുപടി. ‘ അങ്ങ് പ്രപഞ്ച നാഥന്റെ ദൂതനും അന്ത്യപ്രവാചകനും ആകുന്നു. അങ്ങയെ വിശ്വസിച്ചവന് മോക്ഷവും അങ്ങയെ തള്ളിയവൻ പരാജയവും ഭവിക്കും’ എന്നായിരുന്നു. ഇതിന് സാക്ഷ്യം വഹിച്ച ആ കാട്ടറബി ശഹാദത്ത് ചൊല്ലി മുസ്ലിമായി മാറി.

നോക്കൂ സഹോദര-സഹോദരിമാരെ, ഈ ഉടുമ്പ് നബി(സ)യെ പരിചയപ്പെടുത്തിയ രൂപത്തിൽ പോലും അവിടത്തെ ഉമ്മത്തായ നാം അവിടത്ത പരിചയപ്പെടുത്തുന്നുണ്ടോ ? ചിന്തിക്കുക.

ഒരു തോട്ടത്തിൽ യജമാനനോ അയാ‍ളുടെ ആൾക്കാരോ അല്ലാത്ത ആരും ചെന്നാലും ചവിട്ടുകയും മറ്റ് ഉപദ്രവങ്ങൾ ചെയ്യുകയും ചെയ്യുന്ന ഒരു ഒട്ടകം ഉണ്ടായിരുന്നു. ഒരിക്കൽ നബി(സ) അവിടെ ചെന്ന് ഒട്ടകത്തെ വിളിച്ചപ്പോൾ അത് തലതാഴ്ത്തി ആദരവി പ്രകടിപ്പിച്ച് അവിടത്ത് മുമ്പിലെത്തി. ചുണ്ട് നിലത്ത് വെക്കുകയും മുട്ടു കുത്തുകയും ചെയ്തു. അന്നേരം തിരുനബി (സ) ഇപ്രകാരം പ്രതിവചിച്ചു. ‘ ഞാൻ അല്ലാഹുവിന്റെ ദൂതനാണെന്നറിയാത്ത യാതൊരു വസ്തുവും ആകാശത്തോ ഭൂമിയിലോ ഇല്ല. ജിന്നിലും മനുഷ്യ വർഗത്തിലും ചില ധിക്കാരികൾ ഉണ്ടെന്ന് മാത്രം’ ആ ഒട്ടകം അതിന് ജോലി കൂടുതലും ഭക്ഷണം കിട്ടുന്നത് കുറവുമാണെന്ന പരാതി തന്നോട് പറഞ്ഞതായി അവിടന്ന് അതിന്റെ ഉടമസ്ഥരെ അറിയിച്ചതും മറ്റും ചരിത്രങ്ങളിൽ കാണാം.

നബി(സ)തങ്ങളുടെ ഒട്ടകമായിരുന്ന ഖസ്‌വ അവിടത്തോട് സംസാരിക്കാറുണ്ടായിരുന്നെവെന്ന് ചരിത്രത്തിൽ കാണുന്നു. അതിന്റെ സ്ഥിതിഗതികളെല്ലാം അവിടത്തോട് തുറന്ന് പറഞ്ഞിരുന്നുവത്രെ. അത് മേഞ്ഞ് കൊണ്ടിരിക്കുമ്പോൾ പുല്ലും ചെടിയുമൊക്കെ അതിന് തിന്നാൻ പാകത്തിൽ അടുത്തേക്ക് നിന്ന് കൊടുക്കുകയും ഹിംസ്ര ജന്തുക്കൾ അതിനെ കണ്ടാൽ നീ മുഹമ്മദിന്റെ ഒട്ടകമല്ലേ എന്ന് പറഞ്ഞ വിട്ടകന്ന് പോവുകയുമായിരുന്നു പതിവ്. അവിടത്തെ വിയോഗത്തിനു ശേഷം തിന്നാനോ കുടിക്കാനോ കൂട്ടാക്കാതെ അധിക നാൾ കഴിയുന്നതിനു മുമ്പ് ആ ഒട്ടകം മരണപ്പെടുകായാണുണ്ടായത്.

الله سَلاٰمُ الله == عَلَى طٰهٰ رَسُولِ الله
صَلاٰةُ الله سَلاٰمُ الله == عَلَى يٰس حَبِيبِ الله

Islamic Bulletin # 68

Saturday, August 8, 2009

ബുള്ളറ്റിൻ-67-അല്ലാഹുവിന്റെ പ്രവാചകർ-12

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം 1, 2 ,3, 4, 5 , 6 ,7,8,9, 10,
11

അല്ലാഹുവിന്റെ പ്രവാചകര്‍-صلى الله عليه وسلم (ഭാഗം-12)

നിങ്ങള്‍ക്കിടയില്‍ നിങ്ങളില്‍ നിന്ന് തന്നെ ഒരു ദൈവദൂതന്‍ ഇതാ ആഗതനായിരിക്കുന്നു. നിങ്ങള്‍ വിഷമിക്കുന്നത് അവര്‍ക്കസഹ്യമാണ്. നിങ്ങളുടെ വിജയത്തില്‍ അതീവ തല്‍‌പരനുമാണാദൂതന്‍. സത്യവിശ്വാസികളോട് അലിവും കാരുണ്യവുമുള്ളവരാകുന്നു’ (9:128)

സമൂഹത്തിന് തിരുനബിയോടിത്രമാത്രം ആര്‍ത്തിയുള്ള സ്നേഹത്തിന്റെ രഹസ്യമിതാണ്. ഒടുക്കമില്ലാത്ത കാരുണ്യം തിരുനബിയിലൂടെ നമുക്കല്ലാഹു നിശ്ചയിച്ചിരിക്കുന്നു. ആ തിരുജീവിതത്തിലും മരണത്തിലും പുനര്‍ജന്മത്തിലും പരന്ന് കിടക്കുന്ന കാരുണ്യത്തിന്റെ മഞ്ഞുതുള്ളികളാണ് ഈ സമുദായത്തിന് ശന്തിയേകുന്നത്. നിയമലം‌ഘനങ്ങളുടേയും പാഴായിപ്പോകുന്ന അനുസരണങ്ങളുടേയും അകച്ചൂടില്‍ വിങ്ങിപ്പൊള്ളുന്ന ഹൃദയത്തില്‍ പെയ്തിറങ്ങുന്ന മഞ്ഞുമഴകളാണാകാരുണ്യം. ആ കാരുണ്യം മനുഷ്യരില്‍ മാത്രം ഒതുങ്ങുന്നില്ല. പടച്ചതമ്പുരാനൊഴിച്ചുള്ള സര്‍വ്വ വസ്തുക്കള്‍ക്കും ആ കാരുണ്യത്തിന്റെ കിരണങ്ങള്‍ കിട്ടിയിട്ടുണ്ട്.

മഹതി ഉമ്മുസലമയെ ഉദ്ധരിച്ച് കൊണ്ട് ഖാളി ഇയാള് തന്റെ ‘അശ്ശിഫ’ യില്‍ രേഖപ്പെടുത്തുന്നു. ഒരിക്കല്‍ നബി തിരുമേനി (സ) മരുഭൂമിയില്‍ കൂടി സഞ്ചരിക്കവേ ‘ഹേ ദൈവദൂതരേ’ എന്നൊരു വിളി കേട്ടു. അവിടന്ന് തിരിഞ്ഞ് നോക്കിയപ്പോഴുണ്ട് ഒരു മാന്‍പേട കയറില്‍ ബന്ധിതമായ അവസ്ഥയില്‍ നില്‍ക്കുന്നു. തൊട്ടടുത്തായി ഒരു കാ‍ട്ടറബി കിടന്നുറങ്ങുന്നുമുണ്ട്. നബി (സ) മാന്‍പേടയുടെ അരികില്‍ ചെന്ന് ‘എന്തുവേണം’ എന്നന്വേഷിച്ചു. ‘ഇതാ ഈ കാട്ടറബി എന്നെ പിടീച്ചുകെട്ടിയിരിക്കുകയാണ്. അക്കാണുന്ന മലയില്‍ എന്റെ രണ്ട് കുഞ്ഞുങ്ങളുണ്ട്. അങ്ങ് എന്നെ ഒന്നഴിച്ച് വിട്ടാലും. ഞാനാ കുഞ്ഞുങ്ങള്‍ക്ക് മുല കൊടുത്തിട്ട് ഉടനെ തിരികെ വന്ന് കൊള്ളാം’. എന്ന് അത് അവിടത്തേക്ക് അതിന്റെ സങ്കടമുണര്‍ത്തി. ‘നീ അങ്ങനെത്തന്നെ ചെയ്യുമോ ?’ അവിടന്ന് ചോദിച്ചു. മാന്‍പേട പറഞ്ഞു ‘ഇല്ലെങ്കില്‍ ഞാന്‍ മഹാ ദുഷ്ടയായിരിക്കും. പലിശ തിന്നുന്നവനേക്കാള്‍, അങ്ങയുടെ പേര് കേട്ടിട്ട് സ്വലാത്ത് ചെല്ലാത്തവനേക്കാള്‍ ദുഷ്ട’. അവിടന്ന് അതിനെ കെട്ടഴിച്ച്‌വിട്ടു. അത് പറഞ്ഞത് പോലെ കുഞ്ഞുങ്ങളെ മുലയൂട്ടി തിരിച്ച് വന്നപ്പോള്‍ അവിടന്ന് യഥാസ്ഥാനത്ത് തന്നെ അതിനെ കെട്ടിയിട്ടു. അതിന്നിടയില്‍ ആ കാട്ടറബി ഉറക്കമുണര്‍ന്നു. അപ്പോള്‍ നബി (സ) യെ തിരിച്ചറിഞ്ഞു. അവിടത്തോടായി ഇങ്ങനെ തിരക്കി. ‘ദൈവദൂതരേ ഞാനെന്തെങ്കിലും ചെയ്തു തരേണ്ടതുണ്ടോ ?‘ നബി (സ) : ‘ഇതിനെ വിട്ടയക്കുക‘. അയാള്‍ അതിനെ കെട്ടഴിച്ചുവിട്ടപ്പോള്‍ അത് ‘അശ്‌ഹദു അന്‍ ലാഇലാഹ ഇല്ലല്ലാഹ് വ‌അന്നക റസൂലുല്ലാഹ് ‘ എന്ന് പറയുന്നത് കേള്‍ക്കാമായിരുന്നു. പ്രിയ സഹോദരീ സഹോദരന്മാരേ , നമ്മുടെ നേതാവിന്റെ കാരുണ്യമാണിത്. അതാണ് നമ്മുടെ ‘അശ്‌റഖ ബൈത്തിലൂടെ‘ നാം ഉരുവിടുന്നത്.


وَأَتٰاكَ الْعَوْدُ يَبْكِي == وَتَـذَلَّلْ بَيْنَ يَـدَيْكَ
وَاسْتَجٰـارَتْ يٰا حَبِيبِي == عِنْدَكَ الظَّبْيُ النَّفُورُ

يٰا نَبِي سَلاٰمْ عَلَيْكُمْ == يٰا رَسُولْ سَلاٰمْ عَلَيْكُمْ
يٰا حَبِيبْ سَلاٰمْ عَلَيْكُمْ == صَلَوٰاتُ الله عَلَيْكُمْ


Islamic Bulletin # 67

ബുള്ളറ്റിൻ-66-അല്ലാഹുവിന്റെ പ്രവാചകർ-11

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം 1, 2 ,3, 4, 5 ,6 ,7,8,9, 10

അല്ലാഹുവിന്റെ പ്രവാചകര്‍-صلى الله عليه وسلم (ഭാഗം-11)


കണ്ണും മൂക്കുമില്ലാത്ത ഈ പ്രേമമാണ് വിശ്വാസത്തിന്റെ ചൈതന്യം. ഈ സ്നേഹപ്രകടനത്തിന്റെ മുഖങ്ങളാണ് മദീന മുനവ്വറയിലെ റൌദാ ശരീഫിന്‌ ചുറ്റും തിങ്ങിക്കൂടിയ ജനസഞ്ചയങ്ങളിൽ നാം കാണുന്നത്. നാടുകൾ തോറും നടക്കുന്ന് മീലാദ് സംഗമങ്ങളിൽ കാണുന്നത്. ഉമ്മമാരും കാരണവന്മാരും കുഞ്ഞുങ്ങളും ‘യാ നബീ സലാം അലൈക്കും’ എന്നുറക്കെ പാടുന്നത് അതിന്റെ ബഹിർസ്ഫുരണമായാണ്.

ഒരു പക്ഷെ ചിലരെങ്കിലും ഇത്തരം സ്നേഹപ്രകടനങ്ങൾ ‘ ബിദ്‌അത്തും ശിർക്കുമായി’ ചിത്രീകരിക്കുന്നുണ്ടാവാം. അവർക്ക് നല്ല മനസ്സുണ്ടാവട്ടെ എന്ന് നമുക്ക് പ്രാർത്ഥിക്കാം. നബി(സ) ജീവിതത്തിൽ ഒരിക്കൽ പോലും അറബിയല്ലാത്ത ഭാഷയിൽ ജുമുഅ ഖുതുബ നിർവഹിച്ചതായി രേഖയില്ല. എന്നിട്ടും അക്കൂട്ടർ മലയാളത്തിൽ ഖുതുബ നിർവഹിക്കുന്നു. ഇത് ബിദ്‌അത്തായി അവർ കാണുന്നില്ല. അവിടന്ന് (ബുഖാരിയും മുസ്ലിമും റിപ്പോർട്ട് ചെയ്ത ഹദീസ്) പ്രസ്താവിച്ചതാണ് ആകാശത്ത് ചന്ദ്രക്കല കാണുന്നതിനനുസരിച്ചാണ് നോമ്പും പെരുന്നാളും നിശ്ചയിക്കേണ്ടതെന്ന്. എന്നിട്ടും അക്കൂട്ടർ കണക്ക് നോക്കി മാസമുറപ്പിക്കുന്നു. അവിടെയും അവർ ബിദ്‌അത്ത് കാണുന്നില്ല. നമ്മുടെ ഭൌതികവും പാരത്രികവുമായ സർവ്വ വിജയത്തിനും കാരണക്കാരായ നബി(സ)യുടെ ജന്മ ദിനം ആഘോഷിക്കുകയോ അവിടത്തെ പ്രകീർത്തിക്കുകയോ കീർത്തനങ്ങൾ ആലപിക്കുകയോ ചെയ്താൽ അത് ബിദ്‌അത്തായി. ! !.

തിങ്കളാഴ്ച തോറും നോമ്പ് അനുഷ്ടിക്കാനുള്ള കാരണമന്വേഷിച്ചപ്പോൾ നബി(സ) പറഞ്ഞ മറുപടി. ‘ അന്നാണ് എന്നെ പ്രസവിക്കപ്പെട്ടത്’ എന്നായിരുന്നു. ഇത് ഇമാം മുസ്ലിം റിപ്പോർട്ട് ചെയ്ത സ്വഹീഹായ ഹദീസ് ആണ്. ഇതിലും വലിയ ഒരു തെളിവെന്തിനാണ് മുസ്ലിംകൾക്ക് ? ഒരു കാലത്ത് നമ്മുടെയൊക്കെ വീടുകളിൽ മൻഖൂസ് മൌലിദും ബദ്ർ മൌലിദുമെല്ലാം സ്ഥിരമായി പാ‍രായണം ചെയ്യാത്ത ഉമ്മമാരില്ലായിരുന്നു. ഇന്നതെല്ലാം ബിദ്‌അത്താക്കി പുറം തള്ളി ചിലർ. പകരം ഖുർആൻ വന്നോ ? ഇല്ല. ! വന്നത് ടി.വി യും പൈങ്കിളി മാസികകളും..!! അവയുടെ ദുരന്തഫലം നാ‍മും നമ്മുടെ മക്കളും അനുഭവിച്ച്കൊണ്ടിരിക്കുന്നു. അതിനാൽ മുമ്പേ നടന്നകന്ന മഹാന്മാരുടെ പാതയിൽ നമുക്കും ചേരാം.

സ്നേഹമെന്നാൽ ശരീര വ്യായാമമല്ല. മനസ്സിന്റെ ഉത്സവമാണ്. ഹൃദയത്തിൽ വിരിയുന്ന മഞ്ഞുപൂക്കളാണ് സ്നേഹം. ചിലർ ചോദിക്കുന്നത് കാണാം. സ്നേഹിക്കുക എന്നാൽ ഇത്തിബാ‍അ് (പിൻപറ്റൽ)അല്ലേ ? അവർക്ക് സ്നേഹമെന്തെന്നറിയില്ല. സ്നേഹിക്കാതെ പിന്തുടർന്നവർ മദീനയിലും ഉണ്ടായിരുന്നു. അവരും നിസ്കരിച്ചിരിന്നു. നോമ്പനുഷ്ഠിച്ചിരുന്നു. അവർ പുതിയ പള്ളിയുണ്ടാക്കിയിരുന്നു. പക്ഷെ ആ ഇത്തിബാ‍അ് അവർക്കെന്ത് നേടിക്കൊടുത്തു ? കപടവിശ്വാസികളെന്ന ടൈറ്റിൽ നൽകി വിശുദ്ധ ഖുർആൻ അവരെ മാനം കെടുത്തുകയല്ലേ ചെയ്തത് !

നമുക്ക് നൂറ് ശതമാനം തിരുനബിയെ ‘ഇത്ത്ബാ‍അ്’ ചെയ്യാ‍നാകുമോ ? ചില അപൂർവ്വ വ്യക്തിത്വങ്ങൽക്ക് കഴിഞ്ഞേക്കാം. എല്ലാവർക്കുമതാവില്ല. അതൊട്ടു കല്പിച്ചിട്ടുമില്ല. കഴിവിനപ്പുറം അമൽ ചെയ്യാൻ കല്പനയില്ല. ഇമാം ബൂസൂരി(റ) പറഞ്ഞത് കേട്ടില്ലേ. ‘ സ്വന്തം പാദങ്ങൾ പരാതിപ്പെടുമാറ് സുന്നത്ത് നിസ്കാരം നടത്തി അന്തിയുടെ ഇരുണ്ട യാമങ്ങളെ ജീവസ്സുറ്റതാക്കിയ തിരുനബിയുടെ ചര്യയോട് അക്രമം കാണിച്ചിരിക്കുന്നു ഞാൻ.’

തിരു സന്നിധിയിൽ അന്ത്യനാളും തിരക്കിയെത്തിയ ബദുവിന്റെ കഥയറിയില്ലേ ! അയാൾ ചോദിച്ചു. തിരുദൂതരെ അന്ത്യ നാൾ എപ്പോഴാണ് ? ‘ അതിനെന്താണ് നീ ഒരുക്കിയിരിക്കുന്നത് ? തിരുനബിയുടെ മറു ചോദ്യം .. ബദു വിന്റെ മറുപടി ഇപ്രകാരം. ‘ ഞാനധികം നിസ്കാരമോ നോമ്പുകളോ ഒരുക്കിയിട്ടില്ല. പക്ഷെ ഞാൻ അല്ലാഹുവിനെയും റസൂലിനെയും അഗാധമായി സ്നേഹിക്കുന്നു.’ തിരുനബി പ്രതിവചിച്ചു ‘ നീ ആരെ സ്നേഹിക്കുന്നുവോ , അവരോടൊപ്പമാണ്.’

തിരുപ്പിറവിയുടെ പൊൻപുലരി സ്നേഹപ്രകടനത്തിന്റെ അറിയിപ്പുകളുമായി കടന്നു വരുമ്പോൾ കടലാസു പൂക്കളിലും മധുരപാനീയത്തിലും തെളിയുന്ന ആഹ്ലാദം എന്നല്ല അത് ഈ മനസിന്റെ ഉത്സവമാണ്. കത്തിയാളുന്ന സ്നേഹജ്വാലയിൽ നമുക്ക് നടക്കാം നടന്നടുക്കാം തിരുസന്നിധിയിലേക്ക് ആ ബദുവിന്റെ പാതയിലൂടെ


وَصَلَّى عَلَى الْهَادِي وَآلٍ وَصَحْبِهِ --- صَـلاٰةً مَعَ التَّسْلِيمِ رَبُّ الْبَرِيَّةِ

Islamic Bulletin # 66

Friday, August 7, 2009

ബുള്ളറ്റിൻ-65-അല്ലാഹുവിന്റെ പ്രവാചകർ-10

بسم الله الرحمن الرحيم

الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം 1, 2 ,3, 4, 5 ,6 ,7,8,9

അല്ലാഹുവിന്റെ പ്രവാചകര്‍-صلى الله عليه وسلم (ഭാഗം-10)

ത്വല‌അല്‍ ബദ്‌റു അലൈനാ ** മിന്‍ സനിയ്യാത്തില്‍ വിദാഈ
വജബശ്ശുക്ക്‌റു അലൈനാ ** മാ ദ‌ആ ലില്ലാഹി ദാഈ

കവിതാ പൂക്കള്‍ വിതറി വര്‍ഷങ്ങള്‍ക്ക് മുമ്പ് തിരുമേനി (സ)യെ സ്വീകരിച്ച മദീനക്കാരെ നമുക്കനുസ്മരിക്കാം. അന്നവര്‍ മോടിയില്‍ വസ്ത്രം ധരിച്ചിരുന്നു. ആഹ്‌ളാദ ഭരിതരായിരുന്നു. ആഘോഷത്തിമര്‍പ്പിലായിരുന്നു. 1430 വര്‍ഷം മുമ്പവര്‍ പാടിയ പാട്ടിന്റെ ഈണം ഈത്തപ്പനയോലകളുളിലൂടെ മരുഭൂമിയില്‍ ഓളങ്ങള്‍ സൃഷ്ടിക്കുന്ന ഇളം കാറ്റില്‍ അലിഞ്ഞില്ലാതായോ? ഇല്ല, അതേറ്റ് പാടാന്‍ ഭൂലോകത്തില്‍ വിശ്വാസികള്‍ എന്നും നിലനില്‍ക്കുന്നു. തിരുസന്നിധിയെ കൊതിച്ച മദീനാ നിവാസികളുടെ ഹൃദയത്തിന്റെ കയ്യൊപ്പുള്ള പാട്ടുപാടി നമുക്കീ തിരുസന്നിധിയിലേക്ക് നടന്നടുക്കം.

ചരിത്രങ്ങളിലിന്നോളം ഒരു നേതാവും അനുയായികളാല്‍ ഇത്രയധികം സ്നേഹിക്കപ്പെട്ടിട്ടില്ല. ഒരു നേതാവിനേയും ഇത്രയധികം കാലം സ്തുതികീര്‍ത്തനങ്ങളാല്‍ അഭിഷേകം ചെയ്തിട്ടില്ല. ഒരു നേതാവിന്റെ വിശ്രമ സങ്കേതത്തിലും ഇത്രയധികം അനുയായികള്‍ ഒഴുകിയെത്തിയിട്ടില്ല. ഒരു നേതാവിന്റെ നഗരവും ഇത്രയധികം ജനനിബിഡമായി അവശേഷിച്ചിട്ടില്ല.

പതിനാല് നൂറ്റാണ്ട് പിന്നിടുമ്പോള്‍ മദീന ജനബാഹുല്യത്താ‍ല്‍ വീര്‍പ്പ് മുട്ടുന്നു.അന്ന് അഖബായില്‍ വന്ന് ക്ഷണിച്ചത് മുതല്‍ മദീനയിലെത്തിയ അനുചരവൃന്ദം തിരുനബി (സ) യുടെ സാമിപ്യം അതിരറ്റ് ആഗ്രഹിക്കുന്നു. അറേബ്യയുടെ വരണ്ട ഗ്രാമങ്ങളില്‍ നിന്ന്, പൌരസ്ത്യ രാജ്യങ്ങളില്‍ നിന്ന്, കനല്‍പഥങ്ങളായ ആഫ്രിക്കന്‍ മരുനാടുകളില്‍ നിന്ന്, മഞ്ഞുപെയ്യുന്ന ധ്രുവപ്രദേശങ്ങളില്‍ നിന്ന് പതിനാല് നൂറ്റാണ്ടായി അവിരാമം തുടരുന്ന തീര്‍ത്ഥാടനം.

എന്തായിരിക്കും ഈ ജനകോടികളുടെ ഹൃദയത്തില്‍ മിടിക്കുന്നത് ? അവരുടെ കാലുകളെ നയിക്കുന്നത് ആ നഗരത്തിന്റെ സൌന്ദര്യമാണോ ? മദീന ലോകത്തിലെ വന്‍ നഗരമല്ല. മദീനയിലെ തലയെടുപ്പുള്ള ഖുബ്ബയുടെ ഹരിതാഭയോ ? കെയ്‌റോവിലും, ഡമാസ്കസിലും ബാഗ്‌ദാദിലും അം‌ബരചും‌ബികളായ മിനാരങ്ങളെത്രെയുണ്ട് !! പാരീസും ന്യൂയോര്‍ക്കുമെല്ലാം നവീന കെട്ടിട ടെക്‍നോളജിയുടെ പറുദീസയാവുമ്പോള്‍ മദീനയുടെ മാര്‍ബിള്‍ നിലങ്ങളാവില്ല സന്ദര്‍ശകരുടെ ലക്ഷ്യം. താജ്‌മഹലിന്റെ നാട്ടില്‍ നിന്ന് ദൂരെയുള്ള മദീനയിലേക്ക് മാര്‍ബിളിന്റെ ശോഭ കാണാനെത്തുമോ ?

പിന്നെയെന്താവും ? അതിരുകളില്ലാത്ത സ്നേഹം! വക്കുകള്‍ മരിക്കുന്ന പ്രേമം! ഈ സ്നേഹത്തിന്റെ ശീതളിമയായിരുന്നു ഹിജ്‌റയുടെ നാളില്‍ ശത്രുക്കളുടെ ഊരിയ വാളിന്റെ നിഴലില്‍ പ്രവാചകരുടെ (സ) കട്ടിലില്‍ അവിടത്തെ സ്ഥാനത്ത് സുഖനിദ്ര കൊള്ളാന്‍ അലി (റ) യെ പ്രാപ്തമാക്കിയത്. ‘എന്നെ തൂക്കിലേറ്റാം, കണ്ഠം ഛേദിക്കാം, ഇഞ്ചിഞ്ചായി കഷ്‌ണിക്കാം, എനിക്കത് പ്രശ്‌നമേയല്ല. പക്ഷേ എന്റെ സ്നേഹനിധി അന്ത്യപ്രവാചകന്റെ (സ) കാലില്‍ ഒരു മുള്ളു തറക്കുന്നത് പോലും എനിക്ക് സഹിക്കാനാവില്ല‘ എന്ന് തൂക്കുമരച്ചുവട്ടില്‍ നിന്ന് പാടിയ ഖുബൈബിന്റെ (റ) ഹൃദയത്തില്‍ മരണവേളയിലും കവിത വിടര്‍ന്നത് ഈ സ്നേഹത്തിന്റെ കരുത്ത് കൊണ്ടായിരുന്നു.

يٰا رَبِّ باِلْمُصْطَفَى بَلِّغْ مَقَاصِدَنَا -- وَاغْفِرْ لَنٰا مٰا مَضٰى يٰا وٰاسِـعَ الْكَرَمِ

مَـوْلاٰيَ صَلِّ وَسَلِّمْ دٰائِماً أَبَداً -- عَلَى حَبِيبِكَ خَيْـرِ الْخَلْقِ كُلِّهِمِ

Islamic Bulletin # 65

Thursday, August 6, 2009

ബുള്ളറ്റിൻ-64-അല്ലാഹുവിന്റെ പ്രവാചകർ-9

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം 1, 2 ,3, 4, 5 ,6 ,7 ,8

അല്ലാഹുവിന്റെ പ്രവാചകര്‍-صلى الله عليه وسلم (ഭാഗം-9)

റബീഉൽ അവ്വൽ 12 : ലോകം മുഴുവൻ സന്തോഷത്താൽ നിറയുന്ന ദിനം. അവസരോചിതമായ കാരുണ്യത്തിന്റെ പൂത്താലമായി മദീനയിലെ റൌദാ ശരീഫിൽ വിശ്രമിക്കുന്ന തിരുനബിയുടെ പാതയിലേക്ക് നമുക്ക് നടക്കാം. കാലുകളില്ലാതെ യാത്രക്കൂലിയില്ലാതെ വഴികളുടെ ദുർഘടങ്ങളില്ലാത്തൊരു നടപ്പാത തിരുനബി(സ) ചൂണ്ടികാണിച്ചിരിക്കുന്നു. ഹൃദയഭിത്തികൾ പൊട്ടുമാറുസ്നേഹം നിറഞ്ഞ് തുളുമ്പുമ്പോൾ ചുണ്ടിൽ വിരിയുന്ന സ്വലാത്ത് തിരുസന്നിധിയിലേക്കുള്ള ഊടുവഴിയാണ്.

അല്ലാഹുവും മലക്കുകളും ചെയ്ത് കൊണ്ടിരിക്കുന്ന സ്വലാത്ത് ,സത്യവിശ്വാസത്തിന്റെ ബഹിർ സ്ഫുരണമായ സ്വലാത്ത് .നമുക്കത് നമ്മുടെ അരുമ മക്കളോടൊത്ത് നമ്മുടെ പ്രിയ ഭാര്യയോടൊത്ത് ,പ്രിയ കൂട്ടുകാരോടൊത്ത് പാടാം. പറയാം.

തിരുനബിയുടെ മേൽ ഒരു സ്വലാത്ത് ചൊല്ലിയാൽ അല്ലാഹു അവനു പത്ത് സ്വലാത്ത് ചെയ്യുന്നതാണ്’ (ഹദീസ്)

അതിനാൽ ഈ ബുള്ളറ്റിൻ സ്വലാത്തിനുള്ളതാവട്ടെ.


اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ بِعَدَدِ رَحْمَةِ الله ° اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ بِعَدَدِ فَضْلِ الله ° اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ بِعَدَدِ خَلْقِ الله ° اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ بِعَدَدِ مَا فِي عِلْمِ الله ° اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّـدٍ بِعَدَدِ كَلِمَاتِ الله ° اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ بِعَدَدِ كَرَمِ الله ° اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ بِعَدَدِ حُرُوفِ كَلاٰمِ الله ° اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ بِعَدَدِ قَطْرِ الْأَمْطَارِ ° اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ بِعَدَدِ وَرَقِ الْأَشْجَارِ ° اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ بِعَدَدِ رَمْلِ الْقِفَارْ° اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ بِعَدَدِ الْحُبُوبِ وَالثِّمَارِ ° اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ بِعَدَدِ مَا أَظْلَمَ عَلَيْهِ اللَّيْلُ وَأَشْرَقَ عَلَيْهِ النَّهَارُ ° اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ بِعَدَدِ اللَّيْلِ وَالنَّهَارِ ° اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ بِعَـدَدِ مَا خَلَقْتَ فِي الْبِحَارِ ° اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ بِعَدَدِ مَنْ صَلَّى عَلَيْهِ اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ بِعَدَدِ مَنْ لَّمْ يُصَلِّ عَلَيْهِ ° اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ بِعَدَدِ أَنْفَاسِ الْخَلاٰئِقِ ° اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ بِعَدَدِ نُجُومِ السَّمٰاوٰاتِ ° اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ بِعَدَدِ كُلِّ شَيْءٍ فِي الدُّنْيَا وَالآخِرَةِ ° اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ بِعَدَدِ مَـا خَلَقَ رَبِّي وَأَحْصَى ° وَصَلَوٰاتُ اللهِ تَعٰالَى وَمَلاٰئِكَتِهِ وَأَنْبِيٰائِهِ وَرُسُلِهِ وَجَمِيعِ خَلْقِهِ عَلَى سَيِّدِ الْمُرْسَلِينَ وَخَاتِمِ النَّبِيِّينَ وَإِمٰامِ الْمُتَّقِينَ وَقَائِدِ الْغُرِّ الْمُحَجَّلِينَ وَشَـفِيعِ الْمُذْنِبِين سَيِّدِنَا وَمَوْلاٰنَا مُحَمَّدٍ وَعَلَى آلِهِ وَأَصْحَابِهِ وَأَزْوٰاجِهِ وَذُرِّيَّتِهِ وَأَهْلِ بَيْتِهِ وَالْأَئِمَّةِ الْمٰاضِينَ وَالْمَشَايِخِ الْمُتَقَدِّمِينَ وَالشُّهَدٰاءِ وَالصَّالِحِينَ وَأَهْلِ طَاعَتِكَ أَجْمَعِينَ مِنْ أَهْلِ السَّمَاوٰاتِ وَالْأَرَضِينَ بِرَحْمَتِكَ يٰا أَرْحَمَ الرَّاحِمِينَ يٰا أَكْرَمَ الْأَكْرَمِينَ وَالْحَمْدُ ِللهِ رَبِّ الْعَالَمِينَ °


ഈ സ്വലാത്ത് ഒരു തവണ ചൊല്ലിയാൽ ഒരു ലക്ഷം ചൊല്ലിയ പ്രതിഫലം ലഭിക്കും. അല്ലാഹു സ്വീകരിക്കട്ടെ ആമീൻ

Islamic Bulletin # 64

ബുള്ളറ്റിൻ-63-അല്ലാഹുവിന്റെ പ്രവാചകര്‍-8

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം 1, 2 ,3, 4, 5 ,6, 7 ,

അല്ലാഹുവിന്റെ പ്രവാചകര്‍-صلى الله عليه وسلم (ഭാഗം-8)

മനസ്സിന്റെ അന്നം, ആത്മാവിന്റെ ആഹാരം, കണ്ണിന്റെ കുളിര്‍മ ഇതെല്ലാമാണ് സ്നേഹം. അതിനാല്‍ സ്നേഹം നിഷേധിക്കപ്പെടുന്നത് ജീവന്‍ നിഷേധിക്കപ്പെടുന്നതിന് തുല്യമായിരിക്കും. സ്നേഹിക്കാനും സ്നേഹിക്കപ്പെടാനും ആഗ്രഹിക്കുന്നവനാണ് മനുഷ്യന്‍. സ്നേഹിക്കപ്പെടാനുള്ള ആഗ്രഹത്തേക്കാള്‍ ശക്ത്മായിരിക്കും സ്നേഹിക്കാനുള്ള ആഗ്രഹം. പക്ഷേ അദൃശ്യനായ അല്ലാഹുവിനേയും മരിച്ചുപോയ നബി (സ) യെയും എങ്ങനെ സ്നേഹിക്കാനാകുമെന്ന് സംശയിക്കുന്നവരുണ്ട്. അല്ലാഹുവിനെയും നബി (സ) യെയും അനുസരിക്കുകയാണര്‍ത്ഥമെന്ന വ്യാഖ്യാനം കണ്ടുപിടിക്കുന്നിടത്തോളം വരെ ചിലര്‍ക്ക് എത്തിച്ചേരേണ്ടി വന്നത് ഈ സംശയം മൂലമാണ്.

വാസ്തവത്തില്‍ അല്ലാഹുവിനെയും നബി (സ) യേയും സ്നേഹിക്കുകയെന്നതിന് അല്ലാഹുവിനേയും നബി (സ) യേയും സ്നേഹിക്കുകയെന്ന് തന്നെയാണര്‍ത്ഥം. അനുസരിക്കുകയെന്നല്ല. അനുസരണം സ്നേഹത്തിന്റെ ഫലമായും ഭയത്തിന്റെ ഫലമായും മറ്റു പലതിന്റെ ഫലമായും മറ്റു പലതിന്റെ ഫലമായും ഉണ്ടാകാവുന്നതാണ്. എത്തരത്തിലുള്ള അനുസരണവും ഇസ്‌ലാമായി വിശേഷിപ്പിക്കുകയും ചെയ്യാം. എന്നാല്‍ സ്നേഹത്തിന്റെ ഫലമായുള്ള അനുസരണമാണ് വിശ്വാസത്തെ സമ്പൂര്‍ണ്ണമാക്കുന്നത്. നബി (സ) യോടുള്ള സ്നേഹമാണ് ഒരു വിശ്വാസിയെ നബി (സ) യില്‍ ലയിപ്പിക്കുന്നത്. നാം ഒരാളെ വിശ്വസിക്കുമ്പോഴാണ് അയാളെ അനുകരിക്കാന്‍ നമുക്ക് കഴിയുന്നത്. അനുസരണമാകട്ടെ, വിശ്വസിക്കാതെയും നടക്കും. ഏതൊരു സം‌സ്കാരത്തിന്റെയും അടിസ്ഥാനം അനുകരണമാണ്. ഇസ്‌ലാമിക സം‌സ്കാരം നബി (സ) യെ അനുകരിക്കലാണ്. അനുകരിക്കുകയെന്നാല്‍ എതിര്‍ബുദ്ധി കൂടാതെ പിന്‍പറ്റുക. അവിടന്ന് പഠിപ്പിച്ചതും പുലര്‍ത്തിയതുമായ സം‌സ്കാരത്തെ ഒരാള്‍ സ്വാം‌ശീകരിക്കുന്നത് അവിടത്തെ സ്നേഹിക്കുമ്പോഴാണ്. നബി (സ) യോടുള്ള സ്നേഹം ഹൃദയാന്തരാളത്തില്‍ സ്ഥാ‍നം പിടിച്ച് കഴിഞ്ഞാലാണ് പ്രത്യാഘാത – ഭയലേശമന്യേ അവിടത്തെ അനുകരിക്കുന്നതിന് ഒരാള്‍ തയ്യാറാകുന്നത്.

അദൃശ്യനാ‍യ അല്ലാഹുവിനേയും വഫാത്തായ നബി (സ) യേയും സ്നേഹിക്കാനാവില്ല എന്ന ധാരണ മതത്തിന്റെ ചൈതന്യമോ മനസ്സിന്റെ അവസ്ഥയോ അറിയാത്തവര്‍ക്ക് മാത്രമേ ഉണ്ടാകൂ. സ്നേഹം കൂടാതെ എങ്ങനെ അല്ലാഹുവിനെ ഒരാള്‍ക്ക് ആരാധിക്കാന്‍ പറ്റും ? സ്നേഹവും, ഭക്തിയും, ബഹുമാനവും, ഭയവും വണക്കവുമെല്ല്ലാം ചേര്‍ന്നിട്ടാണല്ലോ ആരാധനാമനസ്ഥിതിയുണ്ടാകുന്നത്. അല്ലാഹുവിനോട് അടുക്കുകയാണ് ആരാധനയുടെ ഉദ്ദേശ്യം. സ്നേഹിക്കാത്തവനോടെങ്ങനെ അടുപ്പം ആഗ്രഹിക്കാനാകും ? സ്നേഹത്തില്‍ മറ്റു മനുഷ്യരേക്കാളെല്ലാം നബി (സ) ക്കു മുന്‍‌ഗണന നല്‍കല്‍ വിശ്വാസിയെ സം‌ബന്ധിച്ചിടത്തോളം നിര്‍ബന്ധമാണെന്നാണ് പ്രമാണങ്ങള്‍ പരിശോധിച്ചാല്‍ കാണുക. മഹാനായ ഉമര്‍ (റ) ഒരിക്കല്‍ നബി (സ) യോട് പറഞ്ഞു. ‘അല്ലാഹുവിന്റെ ദൂതരേ, എനിക്കെന്നെക്കഴിച്ചാല്‍ മറ്റെന്തിനേക്കാളും സ്നേഹം അങ്ങയോടാണ്. ഇതു കേട്ടപ്പോള്‍ അവിടന്ന് പറഞ്ഞു ; അതു പറ്റില്ല ഉമറേ, താങ്കള്‍ക്ക് താങ്കളോടുള്ളതിനേക്കാളും സ്നേഹം എന്നോടായിരിക്കണം.’ തല്‍‌ക്ഷണം ഉമര്‍ (റ) പറഞ്ഞു. ‘അല്ലാഹുവിന്റെ ദൂതരേ, എനിക്കെന്തിലുമേറെ സ്നേഹം അങ്ങയോടാണ്. എന്നോടുള്ളതിനേക്കാളും.’ അവിടന്ന് പ്രതിവചിച്ചു; ‘എങ്കില്‍ ശരി.’ ഇത് ജീവിച്ചിരിക്കുന്ന കാലത്ത് നബി (സ) യെ കണ്‍‌മുമ്പില്‍ കാണുന്നവര്‍ക്ക് മാത്രം കഴിയുന്നതാണെന്ന് വാദിക്കാനിടയുണ്ട്.

എന്നാല്‍ അബൂഹുറൈറ (റ) യെ ഉദ്ധരിച്ച് കൊണ്ട് ഇമാം മുസ്‌ലിം (റ) രേഖപ്പെടുത്തിയ മറ്റൊരു നബിവാക്യം ഈ വാദത്തിനുള്ള സാധ്യത ഇല്ലാതാക്കുന്നു. ‘എന്നോട് തീവ്രമായ സ്നേഹമുള്ള ചിലയാളുകള്‍ എന്റെ സമുദായത്തില്‍ എനിക്ക് ശേഷമുണ്ടാകും. സ്വന്തം സ്വത്തും കൂട്ടുകുടും‌ബങ്ങളേയുമെല്ലാം ത്യജിച്ചാലും എന്നെയൊന്ന് കാണാന്‍ കഴിഞ്ഞെങ്കില്‍ എന്ന മോഹമായിരിക്കും അവര്‍ക്ക്.’

നബി (സ) യുടെ ദേഹവിയോഗത്തിന് ശേഷം അവിടന്ന് വെളിപ്പെടുത്തിയ വേദഗ്രന്ഥവും പഠിപ്പിച്ച പാഠങ്ങളും ഉപദേശിച്ച ഉപദേശങ്ങളും ഇവിടെയുണ്ട്. മുഹമ്മദ് നബി (സ) എന്ന ആളാണില്ലാത്തത്. ആ ആളിനെ കാണാനുള്ള മോഹമല്ലാതെ മറ്റൊന്നുമല്ല തീവ്രമായ പ്രവാചകസ്നേഹത്തിന്റെ താല്‍‌പര്യമായി ഈ വാക്യത്തില്‍ എടുത്തുപറഞ്ഞിരിക്കുന്നത്. നബി (സ) യുടെ ഭൌതിക ശരീരത്തിന്റെ അഭാവത്തിലാണ് അവരുടെ ഈ സ്നേഹമെന്ന് വ്യക്തം.

ആ ഹബീബിന്റെ മേല്‍ നമുക്ക് ചെല്ലാം.

وَصَـلِّ إِلـٰهِي كُلَّ يَـوْمٍ وَلَيْلَةٍ --- عَلَى أَحْمَدَ الْمُخْتٰارِ مُولَى الْفَضٰائِلُ

Islamic Bulletin # 63

Wednesday, August 5, 2009

ബുള്ളറ്റിൻ-62-അല്ലാഹുവിന്റെ പ്രവാചകർ-7

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം 1, 2 ,3, 4, 5 ,6

അല്ലാഹുവിന്റെ പ്രവാചകര്‍-صلى الله عليه وسلم (ഭാഗം-7)

ചരിത്രത്തിലെ പ്രതിഭാശാലികളേയും മഹാന്മാരേയും വായിച്ചറിയുന്ന പില്‍ക്കാലക്കാര്‍ അവരെ അഗാധമായി സ്നേഹിക്കുന്നതിന് എത്രയെത്ര ഉദാഹരണങ്ങള്‍. ഇം‌ഗ്ലീഷ് സാഹിത്യം പഠിക്കുന്നവര്‍ ഷേക്സ്‌പിയറിനേയും വിവിധ ചിന്തകളുടെ അനുധാവകര്‍ അതത് ചിന്താഗതിയുടെ ആചാര്യന്മാരേയും സ്നേഹിക്കുന്നത് സാധാരണമാണ്. നബി صلى الله عليه യില്‍ വിശ്വസിക്കുകയും അവിടത്തെ യഥാര്‍ത്ഥ വ്യക്തിത്വത്തെ സാനുരാഗം ഹൃദയത്തില്‍ സം‌വഹിക്കുകയും ചെയ്യുന്ന ഏതൊരു മുസ്‌ലിമിന്റെയും ജീവിതാഭിലാഷമാണ് അവിടത്തെ മരണാനന്തര വസതിയായ മദീനയിലെ വിശുദ്ധ റൌദയിലേക്ക് ഒരിക്കലെങ്കിലും തീര്‍ത്ഥാടനം നടത്തുകയെന്നത്. അല്ലാഹു നമുക്കെല്ലാവര്‍ക്കും നമ്മുടെ കുടും‌ബങ്ങള്‍ക്കും ആ മഹാ ഭാഗ്യം നല്‍കി അനുഗ്രഹിക്കട്ടെ ആമീന്‍.

മക്കയിലെത്തി ഹജ്ജ് നിര്‍വ്വഹിക്കാനവസരം ലഭിച്ച ഒരു മുസ്‌ലിം മദീനയില്‍ ചെന്ന് വിശുദ്ധ റൌദ കാണുന്നതിനു കൂടി അതുപയോഗപ്പെടുത്തുന്നതില്‍ താല്പര്യം കാട്ടാതെ മടങ്ങുകയാണെങ്കില്‍ അയാള്‍ക്ക് നബി صلى الله عليه യുമായുള്ള ബന്ധത്തിന്റെ ശക്തി എത്രയാണെന്നൂഹിക്കാന്‍ അതു തന്നെ മതി.

ഒരു അനുരക്തന് നബി صلى الله عليه യുടെ വിയോഗാനന്തരം അവിടത്തോടുള്ള അനുരാഗം പരമാവധി പ്രകടിപ്പിക്കാന്‍ സാധിക്കുന്നത് റൌദാ സന്ദര്‍ശനത്തിലൂടെയാണ്. മനസ്സില്‍ മുറ്റിനില്‍ക്കുന്ന സ്നേഹവായ്‌പിന്റെ അതിസമ്മര്‍ദ്ദം അടക്കുവാന്‍ അവിടന്ന് അന്ത്യവിശ്രമം കൊള്ളുന്ന മദീനയിലേക്കുള്ള പാതയിൽ ചരിക്കുകയല്ലാതെ അയാള്‍ എന്തു ചെയ്യും ? തന്റെ ഓരോ അനുയായിക്കും മുഴുവന്‍ ലോകത്തോടുമുള്ളതിനേക്കാള്‍ സ്നേഹം തന്നോടായിരിക്കണമെന്ന് അവിടത്തെ അഭ്യര്‍ത്ഥനയും വിശ്വാസികളുടെ വിശ്വാസത്തിന്റെ പരിപൂര്‍ണ്ണതയ്ക്കുള്ള ഉപാധിയുമായതിനാല്‍ അത്രയൊന്നും സ്നേഹം അവിടത്തോടരുത് എന്ന് പറയാന്‍ ആര്‍ക്കാണവകാശം ? അവിടത്തോടുള്ള സ്നേഹത്തിന് പരിധി നിര്‍ണ്ണയിക്കുന്നതില്‍പരം അപരാധം വേറെയുണ്ടോ ?

ഹൃദയത്തെ വ്യതിചലിക്കാനനുവദിക്കാതെ നബി صلى الله عليه യില്‍ തന്നെ കേന്ദ്രീകരിച്ച് കൊണ്ടായിരിക്കണം. വിശുദ്ധ റൌദ സന്ദര്‍ശിക്കുന്നത് . നബി صلى الله عليه യുടെ അഭാവം കൊണ്ട് വേദനിക്കുന്ന മനസ്സായിരിക്കണം സന്ദര്‍ശകന്റേത്. ലൌകികമായ ഒരു ചിന്തയും അലട്ടാതിരിക്കാന്‍ ശ്രദ്ധിക്കണം. അവിടത്തെ വ്യക്തിത്വത്തിന്റെ ബഹുവിധ മാനങ്ങളും അറിഞ്ഞിരിക്കണം. സ്നേഹ നിര്‍ഭരവും കാരുണ്യപൂര്‍ണ്ണവും അനുകമ്പാമയവുമായ ആ ജീവിതത്തില്‍ നിന്ന് അറിയുന്നിടത്തോളം അധ്യായങ്ങള്‍ ഓര്‍മ്മയില്‍ വരുത്തണം. അവിടന്ന് മനുഷ്യരാശിയുടെ നന്മക്ക് വേണ്ടി വരിച്ച ത്യാഗങ്ങളെക്കുറിച്ചറിവുണ്ടായിരിക്കണം. പ്രപഞ്ചത്തിന്റെ ഉല്‍ഭവത്തിനും നിലനില്‍പ്പിനും കാരണഭൂതനായ മഹാവ്യക്തിയുടെ സമീപത്താണ് ഞാന്‍ നില്‍ക്കുന്നതെന്ന തിരിച്ചറിവോടെയായിരിക്കണം അവിടെ നില്‍ക്കുന്നത്. നബി صلى الله عليه ഉണ്ടാകുമായിരുന്നില്ലെങ്കില്‍ താനുണ്ടാകുമായിരുന്നില്ല എന്ന സത്യത്തെ കുറിച്ച് ബോധം വേണം. ജനലക്ഷങ്ങള്‍ക്കിടയിലാണെങ്കിലും അവിടത്തേക്ക് ഏകനായിട്ടായിരിക്കണം ചെന്ന് ചേരേണ്ടത്. നബി صلى الله عليه യോടുള്ള അളവറ്റ ബന്ധവും കടപ്പാടും സ്വന്തം അസ്തിത്വത്തിന്റെ എല്ലാ അം‌ശങ്ങളിലും സജീവമാക്കി നിറുത്തണം. തന്റെ സ്നേഹം നബി صلى الله عليه യില്‍ അഗാധമായി തന്നെ ലയിപ്പിക്കുന്നതായി സ്വയം അനുഭവപ്പെടണം. ദുരാലോചനകളെല്ലാം വലിച്ചെറിഞ്ഞ് നിഷ്‌കളങ്കതയോടെ നബി صلى الله عليه യിലേക്ക് പൂര്‍ണ്ണമായങ്ങു പ്രവേശിക്കണം. എങ്കില്‍ അവിടത്തെ അടുപ്പവു ആലിം‌ഗനസ്പര്‍ശവും ശരിക്കും അനുഭവിക്കാനാകും. ആ ഹബീബിനെ നമുക്ക് പ്രകീര്‍ത്തിക്കാം.

وَصَـلِّ إِلـٰهِي كُلَّ يَـوْمٍ وَلَيْلَةٍ ----- عَلَى أَحْمَدَ الْمُخْتٰارِ مُولَى الْفَضٰائِلُ
Islamic Bulletin # 62

ബുള്ളറ്റിൻ-61-അല്ലാഹുവിന്റെ പ്രവാചകര്‍-6

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം 1, 2 ,3, 4, 5

അല്ലാഹുവിന്റെ പ്രവാചകര്‍- صلى الله عليه وسلم(ഭാഗം-6)

സ്നേഹത്തോളം ധൈര്യവും കരുത്തും പകരുന്ന മറ്റൊന്നില്ല. കാരണം ഒരാളുടെ അസ്തിത്വത്തിന്റെ ആ‍ഴങ്ങളിലേക്ക് വേരോട്ടമുള്ള മറ്റൊരു വികാരമില്ല. ഭയം കൊണ്ട് ഒരാളെ അനുസരിപ്പിക്കാന്‍ കഴിഞ്ഞേക്കാം. പക്ഷേ അത് അനുസരണമായിരിക്കയില്ല. ബാഹ്യമായ കീഴ്പ്പെടല്‍ മാത്രമായിരിക്കും. അടിമവേല പോലെ താഴ്ന്ന തരത്തിലുള്ള ഒന്നായിരിക്കുമത്. സ്നേഹമാണ് ഒരു കാര്യത്തിന്റെ മാനസികമായ അം‌ഗീകരണത്തിനും സ്വീകരണത്തിനും ഒരാളില്‍ സന്നദ്ധതയുണ്ടാക്കുന്നത്. എല്ലാ അസൌകര്യങ്ങളേയും തിക്താനുഭവങ്ങളേയും സ്നേഹം മധുരമാക്കിത്തരും. വേദനയെ ഔഷധമാക്കും. അചേതനമായതിനെ ചേതനയുറ്റതാക്കും. രാജാ‍വിനെ അടിമയാക്കും.

മഹാനായ ഉമര്‍ ഖാസി (റ) نور الله مرقده മദീനയില്‍ നബി صلى الله عليه യുടെ റൌളാശരീഫിന് മുമ്പില്‍ വെച്ച് പാടിയ ശ്രവണസുന്ദരമായ സ്നേഹകാവ്യം ആ വിശുദ്ധ റൌളയുടെ കവാടം തള്ളിത്തുറന്ന സം‌ഭവം പ്രസിദ്ധമാണ്. അത് സ്നേഹത്തിന്റെ ശക്തിയാണ്.

يٰا أَكْرَمَ الْكُرَمٰا عَـلَى أَعْتٰابِكُمْ --- عُمَرُ الْفَقِيرِ الْمُرْتَجِي لِجَنٰابِكُمْ

يَرْجُو الْعَطٰاءَ عَلَى الْبُكٰاءِ بِبٰابِكُمْ --- وَالدَّمْعُ مِنْ عَيْنَيْهِ سٰالَ سَجِيمٰا

صَلُّوا عَلَيْهِ وَسَلِّمُوا تَسْلِيمٰا


‘ബാഷ്പം നിറഞ്ഞൊഴുകുന്ന കണ്‍കളുമായി
വാതില്‍ക്കല്‍ വന്നിതാ നില്‍ക്കുന്നു ഞാ‍ന്‍
പാവമാണീ ഉമര്‍ മോഹമനവധി
ഒന്നു കടാക്ഷിക്കൂ ഔദാര്യവാരിധേ’



എന്നിങ്ങനെ തുടങ്ങുന്ന വരികള്‍ നബി صلى الله عليه യോടുള്ള സ്നേഹത്തെ അക്ഷരാ‍ര്‍ത്ഥത്തില്‍ പ്രതിധ്വനിപ്പിക്കുന്നു.യുക്തിയുടെ മണ്ഡലങ്ങള്‍ അതിരുകളുള്ളതാണ്. സ്നേഹമണ്ഡലം അനന്ത വിശാലമാണ്. കൊടുക്കലിനാണ് സ്നേഹത്തില്‍ സ്ഥാനമുള്ളത്. എടുക്കലിനോ വാങ്ങലിനോ അല്ല. താന്‍ സ്നേഹിക്കുന്ന വ്യക്തിക്കോ മൂല്യത്തിനോ വേണ്ടി ഒരാള്‍ മരണത്തിനു വരെ സന്നദ്ധനാകുന്നതില്‍ എടുക്കലോ വാങ്ങലോ അല്ല. ജീവന്‍ കൊടുക്കലാണ് നടക്കുന്നത്.

ആ ഹബീബിന്റെ മേല്‍ ഒന്നുറക്കെച്ചെല്ലൂ.

صَـلَّى اللهُ وَسَلَّمَ عَلَيْكَ وَعَلَى أَهْلِ بَيْتِكَ وَعَلَى أَزْوٰاجِكَ وَعَلَى أَصْحٰابِكَ وَعَلَى أُمَّتِكَ يٰا سَيِّدِي يٰا رَسُولَ الله


Islamic Bulletin # 61

Tuesday, August 4, 2009

ബുള്ളറ്റിൻ-60-അല്ലാഹുവിന്റെ പ്രവാചകര്‍-5

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം 1, 2 ,3, 4

അല്ലാഹുവിന്റെ പ്രവാചകര്‍ - صلى الله عليه وسلم (ഭാഗം-5)

ഒരാൾക്ക് മാനുഷികമായ വ്യക്തിത്വം അതിന്റെ തികവിൽ തന്നിൽ വികസിപ്പിക്കുന്നതിനും സ്വത്വത്തിന് മുക്തിയും അനശ്വരതയും നേടിയെടുക്കുന്നതിനും വേണ്ടി തന്റെതായ ഭാഗധേയം നിർവഹിക്കണമെങ്കിൽ അയാൾ കൈകൊണ്ടിരിക്കേണ്ട മൂല്യങ്ങൾ പ്രധാനമായും പ്രേമം, ബുദ്ധി, കർമ്മം എന്നിവയാണ്. സ്നേഹത്തിന്റെ ഏറ്റവും ഉയർന്ന രൂപമാണ് പ്രേമം. സ്നേഹത്തിന് അറബിയിൽ ‘ഹുബ്ബ്’ എന്നാണ് സാധാരണ പ്രയോഗിക്കാറുള്ളത്. സ്നേഹം അഗാധവും തീവ്രവുമാകുമ്പോൾ അത് ‘ഇശ്ഖ്’ അഥവാ പ്രേമം ആയി മാറുന്നു. നിങ്ങൾക്കൊരാളോട് സ്നേഹമാണുള്ളതെങ്കിൽ അയാളെ നിങ്ങൾ പലപ്പോഴും ഓർമ്മിക്കുകയും പലപ്പോഴും ഓർക്കാതിരിക്കുകയും ചെയ്യും. സദായിപ്പോഴും അയാൾ നിങ്ങളുടെ മനസ്സിൽ കൂടിപാർത്ത്കൊള്ളണമെന്നില്ല. അതേസമയം നിങ്ങൾക്കയാളോട് പ്രേമമാണുള്ളതെങ്കിൽ ,അയാൾ നിങ്ങളുടെ ചിന്തയെയും വികാരത്തെയും ബോധത്തെയും വിടാതെ പിന്തുടരും. നിങ്ങളുടെ മനസ്സിന്റെ സിംഹാസനത്തിൽ അയാൾ സദാ ഉപവിഷ്ടനായിരിക്കും. പുറത്താക്കാ‍ൻ ക്ലേശിക്കുന്തോറും മനസ്സിന്റെ അകത്തളത്തിൽ അയാൾ സ്ഥാനമുറപ്പിക്കുന്നതായാണ് അനുഭവപ്പെടുക.

കാമുകിയെ വിസ്മരിക്കാൻ വേണ്ടി പൂന്തോട്ടത്തിൽ പോയി ഇരുന്നപ്പോൾ പൂന്തോട്ടത്തിലെ ഓരോ പൂവിലും കാമുകിയുടെ കണ്ണ് ദർശിച്ച കാമുകന്റെ കഥ പോലെയാണ് പ്രേമം. സ്വത്വത്തിന് അതിന്റെ പ്രഭവസ്ഥാനത്തോടെ സന്ധിക്കാനുള്ള തപിക്കുന്ന ആശയാണ് ഇശ്ഖ്. സ്വത്വത്തിന്റെ പ്രഭവ സ്ഥാനം അല്ലാഹുവാണ്. അതിനാൽ ഈ പ്രേമം അലാഹുവിനോടുള്ളതാണ്. പക്ഷ അല്ലാഹുവിനെ കുറിച്ചുള്ള ബോധം മനുഷ്യ പ്രകൃതിക്ക് സഹജമാണെങ്കിലും അല്ലാഹുവിനോട് മനുഷ്യന് സ്നേഹമുണ്ടാകുന്നതും ആ സ്നേഹം പ്രേമമായി വളരുന്നതുമെല്ലാം മുഹമ്മദ് നബി(സ) മുഖേന അല്ലാഹുവിനെ അറിയുന്നതിന്റെ ഫലമായി മാത്രം സംഭവിക്കുന്നതാകുന്നു.

അന്ധവും അലക്ഷ്യവുമായ ഒന്നായിരിക്കരുത് ഈ പ്രേമം. അറിവിന്റെയും ആലോചനയുടെയും സഹായത്തോടെ ബോധപൂർവ്വം വളർത്തപ്പെടുന്നതായിരിക്കണം. ഈ നിലയിൽ ,മുഹമ്മദ് നബി(സ) യിലൂടെ പ്രസരിക്കുന്ന പ്രകാശത്തിലൂടെയാണ് നമുക്ക് അല്ലാഹുവിന്റെ ദർശനത്തിന്റെ പൂർണ്ണമായ രൂപം കൈവരിക്കാനാവുന്നത്. മുഹമ്മദ് നബി(സ) അല്ലാഹുവിനെ എന്തായി പഠിപ്പിച്ചുവോ അതാണ് നമ്മുടെ വിശ്വാസത്തിലുള്ള അല്ലാഹു. അപ്പോൾ പിന്നെ ഭൂമിയിൽ ജീവിച്ച മുഹമ്മദ് നബി(സ) യെ പ്രേമിക്കാതെ എങ്ങിനെ തിരുനബിയിലൂടെ പരിചയപ്പെടുത്തപ്പെട്ട അല്ലാഹുവിനെ പ്രേമിക്കാനാവും ? കാണാനാകുന്ന തന്റെ സഹോദരനെ സ്നേഹിക്കാത്തവൻ കാണാൻ കഴിയാത്ത ദൈവത്തെ എങ്ങിനെ സ്നേഹിക്കുമെന്ന് ബൈബിൾ ചോദിക്കുന്നത് പോലെ.

അല്ലാഹുവിനെ തേടുന്നവർക്ക് ദൈവിക ദർശനങ്ങളുടെ ഭൂമിയിലെ മാതൃകയാവാൻ അയക്കപ്പെട്ട മനുഷ്യ രൂപമാണല്ലോ മുഹമ്മദ് നബി(സ) . വിശുദ്ധ ഖുർആൻ അങ്ങിനെയാണ് നബി(സ) യെ വിശേഷിപ്പിച്ചിരിക്കുന്നത്. സർവസമ്പൂർണ്ണനായ അല്ലാഹുവിന്റെ പ്രേമഭാജന(ഹബീബ്)മായിരിക്കാൻ അർഹത നൽകുന്ന സർവ്വ ഗുണങ്ങളുടെയും സമ്മേളനമത്രെ അവിടന്ന്. ഈ നിലയിൽ അവിടത്തെ സമഗ്രമായി അറിയുമ്പോഴാണ് അവിടുത്തോട് ഒരാളുടെ മനസ്സിൽ ആത്മാർത്ഥമായ സ്നേഹം ജനിക്കുന്നത്. അത് ആത്മാവിൽ രൂഢമൂലമായി അനശ്വരമായ പ്രേമത്തിലേക്ക് വളരുന്നതും.

നാം ഏത് ഗുണത്തിന്റെ പേരിൽ ആരെ സ്നേഹിക്കുമ്പോഴും ആ ഗുണം അതിന്റെ പൂർണ്ണതയോടെ നബി(സ)യിലുണ്ട്. അതിനാൽ നബി(സ)യെ കുറിച്ചുള്ള അറിവ് കൂടുന്തോറും മറ്റുള്ള സ്നേഹിതന്മാരേക്കാളെല്ലാമുപരി നാം അവിടത്തെ സ്നേഹിക്കും. അങ്ങിനെ അല്ലാഹുവിനെ സമീപിക്കാൻ നമുക്ക് സാധിക്കും.

അല്ലാമാ ഇഖ്ബാലിന്റെ ഈ വരി ഇവിടെ കുറിക്കട്ടെ ‘ നീ നിന്റെ സ്നേഹഭാജനമായ മുഹമ്മദ് നബി(സ)ക്ക് സ്വയം സമർപ്പിക്കുന്ന നിത്യകാമുകനാകൂ. അങ്ങിനെ എല്ലാ കുരുക്കുകളിൽ നിന്നും മുക്തനായി നിനക്ക് ദൈവത്തിങ്കലെത്താം’

ആ ഹബീബിന്റെ പേരിൽ നമുക്കൊന്നായി പാടാം

صَـلَّى عَلَيْكَ اللهُ يٰا عَـدْنٰانِي يٰا مُصْطَفَى يٰا صَـفْوَةَ الرَّحْمٰنِ

Islamic Bulletin # 60

Monday, August 3, 2009

ബുള്ളറ്റിൻ-59-അല്ലാഹുവിന്റെ പ്രവാചകര്‍-4

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം 1, 2 ,3

അല്ലാഹുവിന്റെ പ്രവാചകര്‍ - صلى الله عليه وسلم (ഭാഗം-4)

അല്ലാഹുവുമായുള്ള സഹവാ‍സത്തിനും രമ്യപ്പെടലിനും അവിടത്തെ സഹായം കൂടിയേ തീരൂ. നബി (സ) മുഖേനയാണ് അല്ലാഹുവിനെ സ്നേഹിക്കാനും അല്ലാഹുവിന്റെ സ്നേഹം ലഭിക്കാനും കഴിയുകയുള്ളുവെന്ന് വിശുദ്ധ ഖുര്‍‌ആനില്‍ വ്യക്തമാക്കിയിട്ടുണ്ട്. ‘നിങ്ങള്‍ അല്ലാഹുവിനെ സ്നേഹിക്കുന്നുവെങ്കില്‍ എന്നെ പിന്തുടരുക. അല്ലാഹു അപ്പോഴാണ് നിങ്ങളെ സ്നേഹിക്കുക’ എന്ന് ജനങ്ങളെ അറിയിക്കാന്‍ അല്ലാഹു നിബിയോടാജ്ഞാപിച്ചിരിക്കുന്നത് കാണാം. (ഖു. 3:31)

മുഹമ്മദ് നബിയുടെ (സ) ചേവടികള്‍ പിന്തുടര്‍ന്നു കൊണ്ടല്ലാതെ അല്ലാഹുവില്‍ നേരിട്ട് എത്തിച്ചേരാന്‍ ആര്‍ക്കും ഒരു വഴിയുമില്ല. ദൈവവിചാരം കൊണ്ട് ജ്വലിക്കുന്ന മനസ്സാണ് ഒരാള്‍ക്കുള്ളതെങ്കില്‍ പോലും ക‌അ‌ബ വഴിക്കല്ലാതെ നിസ്കാരത്തില്‍ ദൈവികമായ ആഭിമുഖ്യം അയാളെ തിരിഞ്ഞുനോക്കുകയില്ലെന്നതാണ് സത്യം. അതു പോലെത്തന്നെ സത്യമാണ്, മുഹമ്മദ് നബിയെ (സ) പിന്തുടരുകയും അവിടത്തേക്ക് സിദ്ധിച്ച ‘നബിത്വ’വുമായി മനസ്സിനെ സന്ധിപ്പിക്കുകയും അവിടത്തോട് ‘സ്വലാത്തും’,‘സലാമും’വഴി ബന്ധം നിലനിര്‍ത്തിക്കൊണ്ടിരിക്കുകയും ചെയ്യാതെ ദൈവികമായ ആഭിമുഖ്യം ഒരാള്‍ക്കും സിദ്ധിക്കുകയില്ല എന്നത്. ദൈവത്തെയും അവന്റെ ദാസനേയും തമ്മില്‍ ബന്ധിപ്പിക്കുന്ന കണ്ണി അവിടന്നാകുന്നു.

മുഴുവന്‍ നന്മകളുടേയും പ്രതിരൂപവും മനുഷ്യമഹിമകളുടെ ഉദാത്തമാതൃകയുമാണ് നബി (സ) എന്നതിനാല്‍ അവിടത്തോടുള്ള സ്നേഹം അദമ്യമായിരിക്കുകയും അത് കരുത്തിന്റെ സ്രോതസ്സായി മാറുകയും ചെയ്തു കഴിഞ്ഞാല്‍ പിന്നെ ജീവിതം മൂല്യാധിഷ്ഠിതമായിരിക്കേണ്ടതിന് മനുഷ്യന് വേറെ അധ്യാപനങ്ങളെന്തിന് ? സ്നേഹത്തേക്കാള്‍ കരുത്തുറ്റ മൂല്യം വേറെയില്ല. ലക്ഷ്യവും മാര്‍ഗ്ഗവും പ്രചോദനവുമെല്ലാം ആകുവാന്‍ സ്നേഹത്തിന് കഴിയും. അല്ലാഹുവും അവന്റെ ദൂതനും (സ) മറ്റാരേക്കാളും എന്തിനേക്കാളും തനിക്കു പ്രിയപ്പെട്ടവരായെങ്കിലേ സത്യത്തിലുള്ള തന്റെ വിശ്വാസം ഒരാള്‍ക്ക് മധുരാനുഭൂതി പകരുകയുള്ളുവെന്ന് ബുഖാരിയും മുസ്‌ലിമും ഉദ്ധരിച്ചത് ഒരു തിരുമൊഴിയില്‍ കാണാം.

പരമസത്യമായ അല്ലാഹുവിനോടും അവന്റെ ദര്‍ശനങ്ങളുടെ ആള്‍‌രൂപമായി ഭൂമിയില്‍ ജീവിച്ച മുഹമ്മദ് നബി (സ) യോടുമുള്ള അതിരുവെക്കാത്ത സ്നേഹം തന്നെയല്ലേ യഥാര്‍ത്ഥ മതചൈതന്യം! സ്നേഹത്തിന്റെ മൂലസ്രോതസ്സായ അല്ലാഹുവിനേയും അതിന്റെ വാഹകനും ദായകനുമായ നബി (സ) യേയും ഓര്‍ത്തുകൊണ്ടേ മനുഷ്യര്‍ തങ്ങള്‍ക്ക് അന്യോന്യം പകരാനും ഇഷ്ടഭാജനങ്ങളില്‍ നിക്ഷേപിക്കാനും വേണ്ടി സിദ്ധിച്ചിരിക്കുന്ന സ്നേഹ-പ്രേമാദി വിശുദ്ധവികാരങ്ങളെ വിനിയോഗിക്കാവൂ.

നമുക്കൊന്നായി പാടാം.

صَلاٰةُ الله سَلاٰمُ الله عَلَى طۤهٰ رَسُولِ الله
صَلاٰةُ الله سَلاٰمُ الله عَلَى يٰسۤ حَبِيبِ الله

Islamic Bulletin # 59

ബുള്ളറ്റിൻ-58-അല്ലാഹുവിന്റെ പ്രവാചകര്‍-3

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ഭാഗം 1, 2

അല്ലാഹുവിന്റെ പ്രവാചകര്‍ - صلى الله عليه وسلم (ഭാഗം-3)

സ്നേഹത്തേക്കാൽ അന്യേന്യം അടുപ്പിക്കുന്ന ഘടകം വേറെയില്ല. സ്നേഹമില്ലാത്ത ഏതൊരു ബന്ധത്തിലും അകലവും അതിരുമുണ്ട്. അന്യോന്യം അകലം കൂടാതെ എന്തിനും സമീപിക്കാൻ അനുവദിക്കുന്ന ബന്ധം സ്നേഹം മാത്രം. അനുയായികൾ അവരുടേ ഹൃദയത്തിൽ സ്നേഹം വിരിച്ച വിരിപ്പിലേക്കായിരിക്കണം തന്നെ സ്വീകരിക്കുന്നതെന്ന് നബി(സ) ആഗ്രഹിച്ചതും അഭ്യർത്ഥിച്ചതും ഇതു കൊണ്ടായിരിക്കണം.

നബി(സ)യും ഉമ്മത്തും എന്നും എപ്പോഴും ഒരേ ലോകത്തിലായിരിക്കുന്നത് പരസ്പരം അളവറ്റ് സ്ൻഹേഹിക്കുമ്പോഴാണ്. ഇതത്രെ അവരെ മുഴുവൻ ഭൂഖണ്ഡങ്ങൾക്കും ദേശകാലാദികൾക്കും അതിതമായി ഒന്നാക്കിത്തീർക്കുന്നത്.

ചില ഉദാഹരണങ്ങൾ പ്രിയ വായനക്കാരുമായി പങ്കിടുന്നു.

ഉർവ(റ) വിൽ നിന്ന് ഇമാം ബൈഹഖി (റ) നിവേദനം ചെയ്ത സൈദുബുനു ദസ്‌നത്തിന്റ് കഥ പ്രവാചക സ്നേഹത്തിന്റെ തിലകക്കുറിയാണ്. മുഅ്മിനിന്റെ സ്നേഹത്തിന്റെ ആഴവും സൌന്ദര്യവും അതിൽ ദർശിക്കാം. സൈദുബ്നു ദസ്‌നയെ മക്കയുടെ വെളിയിലേക്ക് വധിക്കാനായി കൂട്ടിക്കൊണ്ട് പോവുകയാണ് ശത്രുക്കൾ. അന്ന് അവിശ്വാസിയായിരുന്ന അബുസുഫ്‌യാൻ ചോദിച്ചു. ഞാൻ സത്യം ചെയ്ത് ഒരു കാര്യം ചോദിക്കട്ടെ. നിന്റെ സ്ഥാനത്ത് തലവെട്ടാനായി മുഹമ്മദ് സന്നിഹിതനാവുകയും നീ നിന്റെ കുടുംബത്തിൽ സസുഖം കഴിയുന്നതും നിനക്ക് സ്വീകാര്യമാണോ ? സൈദ് (റ) മറുപടി ഇപ്രകാരമായിരുന്നു. ‘ എന്റെ ഹബീബ് മുഹമ്മദ് നബി(സ)ക്ക് ഇപ്പോൾ ഉള്ള സ്ഥലത്ത് വെച്ച് ഒരു മുള്ള് കുത്തുന്നതിനു പകരമായി പോലും ഞാ‍ൻ എന്റെ കുടുംബത്തിൽ സുഖമായി കഴിയാൻ ഇഷ്ടപ്പെടുന്നില്ല’. അപ്പോൾ അന്ന് അബു സുഫ്്യാൻ പറഞ്ഞു. ‘ മുഹമ്മദിന്റെ അനുയായികൾ അവനെ സ്നേഹിക്കുന്നത് പോലെ ആരും ആരെയും സ്നേഹിക്കുന്നത് ഞാൻ കണ്ടിട്ടില്ല’

അബ്ദുല്ലാഹിബ്നു സൈദിന്റെ കഥ ഇതിലും ഹൃദയഭേതകമാണ്. പ്രവചക വിയോഗവിവരം മകൻ അറിയിച്ചപ്പോൾ അദ്ധേഹം അതിയായ ദു:ഖത്തോടെ ഉന്മാദിയെപ്പോലെ വിലപിച്ച് ദുആ ചെയ്തു. ‘എന്റെ കാഴ്ച നീ തിരിച്ചെടുത്താലും! , എന്റെ സ്നേഹ ഭാജനം മുഹമ്മദ് (സ)ക്ക് ശേഷം എനിക്കാരെയും കാണണമെന്നില്ല.’. അല്ലാഹു പ്രാർത്ഥന സ്വീകരിക്കുകയും അദ്ധേഹത്തിനു കാഴ്ച ശക്തി നഷ്ടമാവുകയും ചെയ്തു. (മവാഹിബ് 6. 292 )

ഉഹ്ദ് യുദ്ധത്തിൽ ഒരു വനിത, തന്റെ പിതാവും, സഹോദരനും, ഭർത്താവും അരുമസന്താനവും ശഹീദായി, മഹതിയോട് ദുരന്തം വിവരം അറിയിക്കാനായി ആളുകളെത്തി. മഹതിയുടെ ചോദ്യം റസൂലിന് എന്ത് സംഭവിച്ചു എന്നായിരുന്നു ! റസൂലിന് ഒന്നും സംഭവിച്ചിട്ടില്ല. സുരക്ഷിതനാണെന്ന് അറിയിച്ചപ്പോൾ .മഹതിയുടെ പ്രതികരണം. അല്ലാഹുവിന് സ്തുതി. എനിക്ക് നബി(സ)യെ നേരിൽ കാണണം എന്നായിരുന്നു. അങ്ങിനെ നബി(സ) യെ നേരിൽ കണ്ടപ്പോൾ സന്തോഷത്താൽ മഹതി പറഞ്ഞു. തിരുദൂതരെ , അങ്ങ് രക്ഷപ്പെട്ടാൽ എനിക്കെല്ലാ നാശവും നിസാരമാണ്.

ചിന്തിക്കുക സഹോദര /സഹോദരികളെ, ഈ സ്വഹാബി വനിതയുടെ സ്നേഹം . സ്വന്തം ഭർത്താവിന്റെയും ,അരുമ മകന്റെയും ,പിതാവിന്റെയുമൊക്കെ ജീവനേക്കാളും തിരുനബി(സ)യുടെ ജീവന് വില കല്പിച്ചത്. നമുക്ക് ഉറക്കെ ചൊല്ലാം


يٰا عٰـاشِـقِينَ تَوَلَّهُوا فِي حُبِّـهِ === هٰذٰا هُوَ الْحَسَنُ الْجَمِيلُ الْمُفْرَدُ

يَا رَبِّ صَلِّ عَلَى النَّبِيِّ مُحَمَّـدٍ === مُنْجِي الْخَلاٰئِقِ مِنْ جَهَنَّمَ فِي غَدٍ

Islamic Bulletin # 58
Related Posts with Thumbnails