Sunday, June 28, 2009

ബുള്ളറ്റിൻ-41- ജംഉം ഖസ്വ്‌റും (3)

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ജംഉം ഖസ്വ്‌റും (3)

മുന്തിച്ച് ജംഅ് ആക്കാനുള്ള നിബന്ധനകൾ (തുടർച്ച)

ഒന്ന് മുതൽ നാലു വരെ കഴിഞ്ഞ ബുള്ളറ്റിനിൽ വിവരിച്ചത് വായിക്കുക

5) ഒന്നാം നിസ്കാരം സാധുവായിട്ടുണ്ടെന്ന് അയാ‍ൾക്ക് ധാരണയുണ്ടാകുക. ആദ്യത്തെ നിസ്കാരം കഴിഞ്ഞപ്പോൾ തന്നെ അത് ശരിയായിട്ടില്ലെന്ന് അയാൾക്ക് ബോധ്യപ്പെട്ടാൽ അത് മടക്കി നിസ്കരിക്കണം. അതിനു ശേഷമേ രണ്ടാമത്തേത് നിർവഹിക്കാനാവൂ. രണ്ട് നിസ്കാരവും കഴിഞ്ഞതിനു ശേഷമാണ് ഒന്നാം നിസ്കാരം ബാത്വിലായിരുന്നുവെന്ന് ബോധ്യപ്പെട്ടതെങ്കിൽ രണ്ടും മടക്കി നിർവഹിക്കണം മടക്കി നിസ്കരിക്കലും ജംഅ് ആക്കിത്തന്നെ നിർവഹിക്കാം.

പിന്തിച്ച് ജംഅ് ആക്കുന്നതിന്റെ നിബന്ധനകൾ :

1) ആദ്യ നിസ്കാരത്തിന്റെ സമയത്ത് ഈ നിസ്കാരത്തെ അടുത്ത നിസ്കാരത്തിന്റെ കൂടെ ജംഅ് ആക്കി നിസ്കരിക്കാൻ പിന്തിക്കുന്നു. എന്ന് കരുതുക

2) യാത്ര അവസാനിക്കുന്നതിനു മുമ്പ് രണ്ടാമത്തെ നിസ്കാരം നിർവഹിക്കുക

സുന്നത്തുകൾ

പിന്തിച്ച് ജംഅ് ആക്കുമ്പോൾ തർത്തീ‍ബ് സുന്നത്തുണ്ട്. അഥവാ, ഒന്നാം നിസ്കാരം നിർവഹിച്ചതിനു ശേഷം രണ്ടാം നിസ്കാരം നിർവഹിക്കുക. അതിനു വിരുദ്ധം ചെയ്താലും നിസ്കാരം സാധുവാകും.

ഒന്ന് കഴിഞ്ഞയുടനെ മറ്റേത് നിർവഹിക്കലും സുന്നത്താണ്. ( ദീർഘമായ ഇടവേളയുണ്ടായാലും നിസ്കാരം സാധുവാകും ) ജംഅ് ആക്കുന്നു എന്ന് ഒന്നാം നിസ്കാരത്തിൽ കരുതലും സുന്നത്തുണ്ട്.

ഖസ്വ്‌റാക്കി നിസ്കരിക്കുന്നതിന്റെ നിബന്ധനകൾ :

1) യാത്രയുടെ ദൂരം 132 കി.മീ. ഉണ്ടായിരിക്കുക.
2 ) യാത്ര ഹലാലായിരിക്കുക
3) പൂർത്തിയായി നിസ്കരിക്കുന്നവനോട് തുടരാതിരിക്കുക (ഖസ്വ്‌റാക്കി നിസ്കരിക്കുന്നവനോട് പൂർത്തിയാക്കി നിസ്കരിക്കുന്നവന് തുടരാവുന്നതാണ് , ഇമാം സലാം വീ‍ട്ടിയതിനു ശേഷം ബാക്കിയുള്ളത് പൂർത്തിയാക്കിയാൽ മതി)
4) നിയ്യത്തിൽ ഖസ്വ്‌റാക്കലിനെ കരുതുക.
5) നിസ്കാരം കഴിയുന്നത് വരെ യാത്ര അവസാനിക്കാതിരിക്കുക

നിയ്യത്ത് :

മുന്തിച്ച് ജംഅ് ആക്കി നിസ്കരിക്കുമ്പോഴുള്ള നിയ്യത്ത്
:
ഉദാ :- അസ്‌ർ എന്ന ഫർള് നിസ്കാരത്തെ ളുഹ്‌റിലേക്ക് മുന്തിച്ച് ജംഅ് ആക്കി ഖസ്വ്‌റായിട്ട് അല്ലാഹുവിനു വേണ്ടി ഞാൻ നിസ്കരിക്കുന്നു. ജമാ അത്താണെങ്കിൽ ‘ഇമാമിനോട് കൂടെ‘ എന്നും ചേർക്കുക.

പിന്തിച്ച് ജംഅ് ആക്കി ഖസ്വ്‌റാക്കി നിസ്കരിക്കുമ്പോഴുള്ള നിയ്യത്ത്
:
ഉദാ: - ളുഹർ എന്ന ഫർള് നിസ്കാരത്തെ അസറിനോട് കൂടെ പിന്തിച്ച് ജംഅ് ആക്കി ഖസ്വ്‌റാക്കി അല്ലാഹുവിന് വേണ്ടി ഞാൻ നിസ്കരിക്കുന്നു ( ജമാഅത്തായിട്ടാണെങ്കിൽ ‘ ഇമാമിനോട് കൂടെ’ എന്നും കൂടെ ചേർക്കുക )


وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin # 41

Saturday, June 27, 2009

ബുള്ളറ്റിൻ-40- ജംഉം ഖസ്വ്‌റും ( 2)


بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ജംഉം ഖസ്വ്‌റും ( 2)

ഭാഗം 1 (click here )

പൊതു നിബന്ധനകൾ

ജംഉം ഖസ്വ്‌റും അനുവദനീയമാകാൻ, ഹലാലായ യാത്രയായിരിക്കണം. 132 കി.മീറ്ററെങ്കിലും ദൈർഘ്യമുള്ള യാത്രയിലായിരിക്കുകയും വേണം. 82 കി.മി ഉണ്ടായാൽ മതി എന്ന അഭിപ്രായവുമുണ്ട്. ഈ ദൂരം ഏതാനും നിമിഷങ്ങൾ കൊണ്ട് പിന്നിടുന്നതായാലും ജംഉം ഖസ്വ്‌റും അനുവദനീയമാണ്. സ്വന്തം നാടിന്റെ അതിർത്തി പിന്നിട്ട ശേഷമേ ജം ഉം ഖസ്വ്‌റും അനുവദനീയമാവുകയുള്ളൂ. തിരിച്ച് വരുമ്പോൾ സ്വന്തം നാടിന്റെ പരിധിയിലെത്തുന്നതോടെ ആനുകൂല്യം ഇല്ലാതാവുകയും ചെയ്യും.

മുന്തിച്ച് ജംഅ് ആക്കാനുള്ള നിബന്ധനകൾ

1) തർതീബ് : ജംഅ് ആക്കപ്പെടുന്ന രണ്ട് നിസ്കാരങ്ങളിൽ ആദ്യത്തെത് തന്നെയാവണം ആദ്യം നിർവഹിക്കേണ്ടത്.

2) ആദ്യത്തെ നിസ്കാരം അവസാനിക്കുന്നതിനു മുന്നെ രണ്ടാ‍മത്തെ നിസ്കാരം ഇതിലേക്ക് ജംഅ് ആക്കി നിസ്കരിക്കുന്നു എന്ന് കരുതണം. ആദ്യ നിസ്കാരത്തിന്റെ നിയ്യത്തിൽ തന്നെ ഇങ്ങിനെ കരുതലാണ് ഉത്തമം. മറന്ന് പോയാൽ ആദ്യത്തെ നിസ്കാരത്തിന്റെ സലാം വീട്ടുന്നതിനു മുന്നെ മനസ്സിൽ കരുതിയാൽ മതി. സലാം വീട്ടുന്നത് വരെ കരുതിയില്ലെങ്കിൽ രണ്ടാമത്തെ നിസ്കാരം അതിന്റെ സമയത്ത് തന്നെ നിർവഹിക്കൽ നിർബന്ധമാണ്.

3) ആദ്യത്തെ നിസ്കാരം കഴിഞ്ഞ ഉടനെ തന്നെ രണ്ടാമത്തെ നിസ്കാരം നിർവഹിക്കുക. രണ്ട് നിസ്കാരങ്ങളുടെ ഇടയിൽ കൂടുതൽ സമയ ദൈർഘ്യം ഉണ്ടാവാൻ പാ‍ടില്ല. അപ്പോൾ രണ്ടിനുമിടയിൽ മയ്യിത്ത് നിസ്കാരമോ മറ്റ് സുന്നത്തുകളോ നിസ്കരിക്കാൻ പാടില്ല. തയമ്മും, ഇമാമത്ത് കൊടുക്കൽ പോലുള്ള ദീർഘമല്ലാത്ത ഇടവേള പ്രശ്നമല്ല. രണ്ടിനുമിടയിൽ കൂടുതൽ സമയമുണ്ടായാൽ രണ്ടാം നിസ്കാരം അതിന്റെ സമയത്ത് തന്നെ നിർവഹിക്കൽ നിർബന്ധമാണ്.

4) ഒന്നാമത്തെ നിസ്കാരത്തിൽ നിന്ന് വിരമിച്ച് രണ്ടാമത്തേതിൽ പ്രവേശിക്കുന്നത് വരെ യാത്ര അവസാനിക്കാതിരിക്കുക. അഥവാ അവസാനിച്ചിട്ടുണ്ടെങ്കിൽ രണ്ടാമത്തേത് അതിന്റെ സമയത്ത് തന്നെ നിർവഹിക്കണം. രണ്ടാം നിസ്കാരത്തിനിടയിലോ അതിന്റെ ശേഷമോ ആണ് യാത്ര അവസാനിക്കുന്നതെങ്കിൽ പ്രശ്നമില്ല.

ബാക്കി ഭാഗം അടുത്ത ബുള്ളറ്റിനിൽ ഇൻശാ അല്ലാഹ്


وآخر دعوانا أن الحمد لله رب العالمين وصلى الله وسلم على سيدنا محمد وعلى آله


Islamic Bulletin # 40

Thursday, June 25, 2009

ബുള്ളറ്റിൻ-39- ജംഉം ഖസ്വ്‌റും(1)

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

ജംഉം ഖസ്വ്‌റും


ചില പ്രത്യേക സാഹചര്യങ്ങളിൽ രണ്ട് സമയത്തെ നിസ്കാരങ്ങൾ അവയിലൊന്നിന്റെ സമയത്ത് നിസ്കരിക്കുന്നതിനാണ് ‘ ജംഅ്’ എന്ന് പറയുന്നത്.

ളുഹ്‌റ്, അസ്വ്‌റ് എന്നിവ രണ്ടാലൊന്നിന്റെ സമയത്തും ,മഗ്‌രിബ്, ഇശാഅ് എന്നിവ രണ്ടാലൊന്നിന്റെ സമയത്തും നിസ്കരിക്കാം. അപ്പോൾ അസ്വ്‌റിനെ മഗ്‌രിബിലേക്കോ, തിരിച്ചോ, ഇശാഇനെ സുബ്‌ഹിയിലേക്കോ, തിരിച്ചോ സുബ്‌ഹിയെ ളുഹ്‌റിലേക്കോ തിരിച്ചോ ജംആക്കാൻ പാടുള്ളതല്ല.

നാല് റക്‌അത്തുള്ള നിസ്കാരങ്ങളെ രണ്ട് റക്‌അത്തുകളായി ചുരുക്കി നിസ്കരിക്കുന്നതിന് ‘ഖസ്വ്‌റ്’ എന്നു പറയുന്നു. സുബ്‌ഹിയിലും മഗ്‌രിബിലും ഖസ്വ്‌റില്ല. അവ സാധാരണ പോലെതന്നെ നിസ്കരിക്കണം.

ളുഹ്‌റ് , അസ്‌റ് എന്നിവ ളുഹറിന്റെ സമയത്തും മഗ്‌രിബ് , ഇശാ‍അ് എന്നിവ മഗ്‌രിബിന്റെ സമയത്തും നിസ്കരിക്കുന്നതിനെ ‘മുന്തിച്ച് ജംഅ് ആക്കുക’ എന്നു പറയുന്നു.

ളുഹ്‌റ് , അസ്വ്‌റ് എന്നിവ അസ്വ്‌റിന്റെ സമയത്തും , മഗ്‌രിബ് , ഇശാ‍അ് എന്നിവ ഇശാഇന്റെ സമയത്തും നിസ്കരിക്കുന്നതിനെ ‘പിന്തിച്ചു ജംആക്കുക’ എന്നും പറയുന്നു.

ജുമുഅയും അസ്വ്‌റും കൂടെ ജംആക്കുകയാണെങ്കിൽ മുന്തിച്ച് ജംഅ് ആക്കൽ മാത്രമേ സ്വഹീഹാകൂ. ജുമുഅയെ അസ്‌റിലേക്ക് ജംആക്കിയാൽ സാധുവാകുന്നതല്ല.

യാത്രക്കാർക്ക് അല്ലാഹു അനുവദിച്ച അനുകൂല്യങ്ങളാണ് ജംഉം, ഖസ്വ്‌റും. ഒരു മുസ്‌ലിം നിസ്കാരം നിർവ്വഹിക്കാതിരിക്കുന്ന സാഹചര്യം ഒരു തരത്തിലും ഉണ്ടാവാതിരിക്കാനാണിത്.

ഇവയുടെ നിയമങ്ങൾ മുഴുവനും ഒത്തിണങ്ങിയാൽ ജംഉം ഖസ്വ്‌റുമാണ് യാ‍ത്രക്കാരന് ഉത്തമം

ജംഉം, ഖസ്വ്‌റുമായി നിസ്കരിക്കുന്നതിന്റെ നിബന്ധനകൾ അടുത്ത ബുള്ളറ്റിനിൽ -ഇൻശാ അല്ലാഹ്

وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin # 39

Wednesday, June 24, 2009

ബുള്ളറ്റിൻ-38-വുളുഅ് മുറിയുന്ന കാര്യങ്ങൾ

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

വുളൂഅ് മുറിയുന്ന കാര്യങ്ങൾ

1) മുൻ ദ്വാരത്തിലൂടെയോ പിൻ ദ്വാരത്തിലൂടെയോ വല്ലതു പുറപ്പെടൽ
2) ബുദ്ധിയുടെ വകതിരിവ് നീങ്ങൽ
3) മുൻ കയ്യിന്റെ പള്ളകൊണ്ട് മനുഷ്യന്റെ ഗുഹ്യസ്ഥാനം തൊടൽ
4) അന്യസ്ത്രീ പുരുഷന്മാർ മറയില്ലാതെ പരസ്പരം തൊടൽ


കുളി നിർബന്ധമാകുന്ന കാര്യങ്ങൾ

വലിയ അശുദ്ധിയുണ്ടയാൽ കുളി നിർബന്ധമാകും. വലിയ അശുദ്ധിയുടെ കാരണങ്ങൽ ആറാണ്.

1) മനിയ്യ് പുറപ്പെടുക
2) സംയോഗം ചെയ്യുക
3) മുസ്ലിം മരിക്കുക (ശഹീദാണെങ്കിൽ കുളിപ്പിക്കരുത് )
4) സ്ത്രീകൾക്ക് ആർത്തവമുണ്ടാവുക
5) പ്രസവിക്കുക
6) പ്രസവ രക്തമുണ്ടാവുക


കുളിയുടെ ഫർളുകൾ

1) നിയ്യത്ത്
2) ശരീരം മുഴുവൻ കഴുകൽ

കുളി സ്വഹീഹാകാൻ ഫർളുകളും ശർഥ്വുകളും ഉണ്ടായാൽ മതിയെങ്കിലും സുന്നത്തുകളും കൂടെ കൂടുമ്പോഴേ അത് പൂർണ്ണമാകുകയുള്ളൂ


കുളിയുടെ രൂപം

1) കുളിയുടെ സുന്നത്തുകൾ നിർവ്വഹിക്കുന്നു എന്ന നിയ്യത്തോട് കൂടെ ബിസ്മി ചൊല്ലുക
2) ശരീരത്തിലെ മാലിന്യങ്ങൾ നീക്കുക
3) വായിൽ വെള്ളം കൊപ്‌ളിക്കുകയും മൂക്കിൽ വെള്ളം കയറ്റിച്ചീറ്റുകയും ചെയ്യുക
4) ശേഷം വുളൂഅ് ചെയ്യുക
5) കക്ഷം ,പൊക്കിൾ, ചെവി മുതലായവ സൂക്ഷിച്ച് കഴുകുക
6) താടിയും മുടിയും വെള്ളമെടുത്തു തിക്കകറ്റുക
7) ‘കുളി എന്ന ഫർളിനെ വീട്ടുന്നു’ എന്ന് നിയ്യത്ത് ചെയ്ത് തലയിൽ വെള്ളം ഒഴിച്ച് തേച്ച് കഴുകുക
8) പിന്നീട് വലത് വശവും ഇടത് വശവും വെള്ളം ഒഴിച്ച് തേച്ച് കഴുകുക
9) എല്ലാം മൂന്ന് തവണയാക്കുക
10) ഖ്വിബ്‌ലക്ക് മുന്നിട്ടും സംസാരം ഉപേക്ഷിച്ചും നിർവഹിക്കുക
11) അവസാനം വുളൂഇന്റെ അവസാനത്തിൽ ചൊല്ലുന്ന ദുആ ചെയ്യുക


وآخر دعوانا أن الحمد لله رب العالمين وصلى الله وسلم على سيدنا محمد وعلى آله
Islamic Bulletin # 38

Tuesday, June 23, 2009

ബുള്ളറ്റിൻ-37-യാത്രക്കാരന്റെ നിസ്കാരം

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين


യാത്രക്കാരന്റെ നിസ്കാരം

യാത്രയിലായാലും അല്ലെങ്കിലും നിസ്കാരം സമയത്ത് തന്നെ ചെയ്ത് തീർക്കൽ നിർബന്ധമാ‍ണ്. നിസ്കാര സമയം വാഹനത്തിലോ മറ്റൊ യാത്ര ചെയ്യുകയാണെങ്കിൽ നിസ്കാര സമയം തീരുന്നതിനു മുമ്പ് വാഹനം നിറുത്തി വാഹനത്തിൽ നിന്നിറങ്ങി നിസ്കരിക്കൽ നിർബന്ധമാണ്.

വാഹനത്തിൽ നിന്നിറങ്ങാനും മറ്റും സാധിക്കാതെ വന്നാൽ വാഹനത്തിൽ നിന്നു തന്നെ നിസ്കരിക്കേണ്ടതാണ്. ഖ്വിബ്‌ലക്ക് അഭിമുഖമായി നിസ്കരിക്കാൻ കഴിയുന്ന കപ്പൽ, നിർത്തിയിട്ട ട്രെയിൻ പോലുള്ള വാഹനങ്ങളിൽ സാധ്യമായാൽ ഖ്വിബ്‌ലക്ക് അഭിമുഖമായി ഫർളുകളെല്ലാം പൂർത്തീകരിച്ച് അധികചലനങ്ങളില്ലാതെ നിസ്കരിക്കേണ്ടതാണ്. മറ്റു നിബന്ധനകളെല്ലാം മേളിച്ചാൽ ആ നിസ്കാ‍രം മടക്കേണ്ടതില്ല.

ബസ്സിലോ വിമാനത്തിലോ മറ്റ് വാഹനങ്ങളിലോ യാത്ര ചെയ്യുമ്പോൾ വാഹനത്തിൽ നിന്നിറങ്ങാൻ പറ്റാത്ത സാഹചര്യത്തിൽ കഴിയുന്നത് പോലെ നിസ്കരിക്കണം. ഖ്വിബ്‌ലക്ക് അഭിമുഖമാകാതെയോ ഫർളുകൾ പൂർത്തീ‍കരിക്കാതെയോ നിസ്കരിച്ചതാണെങ്കിൽ അത് മടക്കി നിസ്കരിക്കണം.

തന്റെ നാട്ടിൽ നിന്നു ബാങ്ക് കേൾക്കാത്ത ഒരിടത്തേക്ക് യാത്ര ചെയ്യുന്നവന്, നടന്ന് കൊണ്ടോ വാഹനത്തിലിരുന്ന് കൊണ്ടോ സുന്നത്ത് നിസ്കരിക്കാവുന്നതാണ്. പക്ഷെ അനാവശ്യമായി അധിക പ്രവൃത്തികൾ ചെയ്യാനോ മനപ്പൂർവ്വം നജസിൽ ചവിട്ടാനോ പാടില്ല. നടന്ന് കൊണ്ട് നിസകരിക്കുന്നവൻ തക്‌ബീറത്തുൽ ഇഹ്‌റാം , സുജൂദ് ,രണ്ട് സുജൂദിനിടയിലെ ഇരുത്തം എന്നിവ ഖ്വിബ്‌ലക്ക് അഭിമുഖമായി തന്നെ ചെയ്യണം. അകാരണമായി ഖ്വിബ്‌ലയുടെ ഭാഗത്തേക്കല്ലാതെ തിരിയാൻ പാടില്ല.

ഫർളുകൾ പൂർത്തീകരിച്ച് ചെയ്യാനും നിസ്കാരത്തിൽ തീർത്തും ഖ്വിബ്‌ലക്ക് മുന്നിടാനും സാ‍ധിക്കാത്ത കാർ, ബസ്സ് തുടങ്ങിയ വാഹനങ്ങളിൽ യാത്ര ചെയ്യുന്നവർ സുന്നത്ത് നിസ്കരിക്കുന്നുവെങ്കിൽ തക്ബീറത്തുൽ ഇഹ്‌റാമിന്റെ സമയത്ത് സാധിക്കുമെങ്കിൽ ഖ്വിബ്‌ലക്ക് മുന്നിടണം. റുകൂഇനും സുജൂദിനും വേണ്ടി കുനിഞ്ഞാൽ മതി. സുജൂദിനു വേണ്ടി റുകൂഇനേക്കാൾ കൂടുതൽ കുനിയുകയും വേണം. കപ്പൽ , നിർത്തിയിട്ട ട്രെയിൻ തുടങ്ങിയ വാഹനങ്ങളിൽ സുന്നത്ത് നിസ്കരിക്കുമ്പോൾ ഫർളുകൾ പൂർത്തിയാക്കി നിസ്കരിക്കുകയും ഖ്വിബ്‌ലക്ക് അഭിമുഖമായി തന്നെ നിസ്കരിക്കുകയും വേണം. കപ്പിത്താന് ഇത് ബാധകമല്ല. മറ്റു വാഹനങ്ങളിൽ നിസ്കരിക്കും വിധത്തിലാണ് അയാൾ നിസ്കരിക്കേണ്ടത്. ജുമുഅ നിർബന്ധമാവുന്നവർക്ക് പ്രഭാത ശേഷം അനിവാര്യമല്ലാത്ത യാത്ര ചെയ്യൽ ഹറാമാണ്. (ജുമുഅ നഷ്ടപ്പെടുമെന്ന് ഭയന്നാലാണിത് )

وآخر دعوانا أن الحمد لله رب العالمين وصلى الله وسلم على سيدنا محمد وعلى آله


Islamic Bulletin # 37

Sunday, June 21, 2009

ബുള്ളറ്റിൻ-36-വിസർജ്ജന മര്യാദകൾ-4

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

വിസർജ്ജന മര്യാദകൾ-4



ഭാഗം 3

കക്കൂസിൽ നിന്ന് പുറത്ത്‌ കടക്കുമ്പോൾ വലത്‌ കാൽ മുന്തിക്കണം .അപ്പോൾ ചൊല്ലേണ്ടത്‌

غُفْرٰانَكَ الْحَمْدُ ِللهِ الَّذِي أَذْهَبَ عَنِّي الْأَذَى وَعٰافَانِي


അർത്ഥം:നാഥാ ,നിന്നോട്‌ ഞാൻ മാപ്പപേക്ഷിക്കുന്നു. എന്നിൽ നിന്നും ക്ലേശങ്ങൾ അകറ്റുകയും എനിക്ക്‌ സൗഖ്യം നൽകുകയും ചെയ്ത അല്ലാഹുവിന്‌ സർവ്വ സ്തുതിയും

ഈ ദിക്‌ റിനു ശേഷമാണ്‌ ആദ്യത്തെ ദിക്‌ ർ ( അല്ലാഹുമ്മ ത്വഹിൽ ഖൽബീ... ) ചൊല്ലേണ്ടത്‌ .

നാം ഉദ്ദേശിക്കുമ്പോൾ മലമൂത്രം ഒഴിവാക്കാനും അവ പിടിച്ചു വെക്കാനും കഴിവ്‌ തന്ന അല്ലാഹുവിനെ എത്ര സ്തുതിച്ചാലും മതിയാവുകയില്ല. വിസർജ്ജന പ്രക്രിയയിൽ തകരാറുകൾ സംഭവിച്ചാൽ അത്‌ വല്ലാത്ത വിഷമമായിത്തീരും. ഈ അനുഗ്രഹത്തിനനുസരിച്ചുള്ള നന്ദി നമ്മിൽ നിന്നുണ്ടാവുന്നില്ല. അതിന്‌ അല്ലാഹുവിനോട്‌ മാപ്പിറക്കേണ്ടിയിരിക്കുന്നു.

കക്കൂസുകളിൽ നിന്ന് ദിക്‌ റുകൾ ചൊല്ലരുത്‌. പുറത്ത്‌ വന്ന ശേഷമോ അല്ലെങ്കിൽ മനസ്സിൽ ചൊല്ലുകയോ ആണു വേണ്ടത്‌.

സഹോദരന്മാരേ, പരിശുദ്ധ ഇസ്‌ലാം എത്ര പവിത്രം ! മ്ലേച്ഛമായ ഈ മാലിന്യങ്ങൾ പുറത്തൊഴിവാക്കുന്നതിൽ പോലും എത്ര പുണ്യങ്ങളും ആരോഗ്യ സുരക്ഷയുമാണ്‌ നബി (സ )പഠിപ്പിച്ചു തന്നത്‌. നാം ഇസ്‌ലാമിന്റെ പ്രചാരകരും ആ നേതാവിന്റെ അനുയായികളുമാവുക. കഴിവിന്റെ പരമാവധി ഇത്തരം സുന്നത്തുകൾ നാം നമ്മുടെ നിത്യജീവിതത്തിലേക്കു പകർത്തുക. സർവ്വശക്തനായ അല്ലാഹു തുണക്കട്ടെ. ആമീൻ


وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin # 36, PDFഫയൽ
ഇവിടെ ക്ലിക്‌ ചെയ്ത്‌ ഡൗൺലോഡ്‌ ചെയ്യാം

Saturday, June 20, 2009

ബുള്ളറ്റിൻ-35-വിസർജ്ജന മര്യാദകൾ -3

بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

വിസർജ്ജന മര്യാദകൾ -3

ഭാഗം -1 ഇവിടെ
ഭാഗം -2 ഇവിടെ

അതേപോലെ കാറ്റിനഭിമുഖമായും കുളിക്കുന്നിടത്തും വഴിയിലും ഫലം കായ്ക്കുന്ന മരച്ചുവട്ടിലും ,ജനങ്ങൾ സാധാരണ സംസാരിച്ചു കൊണ്ടിരിക്കുന്ന വിശ്രമ സ്ഥലങ്ങളിലും മാളങ്ങളിലും മല മൂത്ര വിസർജ്ജനം കറാഹത്ത്‌ തന്നെ. (മാളങ്ങൾ ഇഴജന്തുക്കളുടെ സങ്കേതമാണല്ലോ )

മൂത്രിച്ച്‌ കഴിഞ്ഞാൽ 'ഇസ്തിബ്‌റാ ' ചെയ്യൽ (മൂത്രാവശിഷ്ടം പുറത്താക്കൽ ) സുന്നത്താണ്‌ ലിംഗം തടവുക , നടക്കുക തുടങ്ങിയ മാർഗങ്ങളാൽ 'ഇസ്തിബ്‌റാ ' ചെയ്യാവുന്നതാണ്‌. ശുദ്ധിയാക്കിയ ശേഷം മൂത്രാവശിഷ്ടം പുറത്ത്‌ വരാതിരിക്കാനാണ്‌ ഇങ്ങിനെ ചെയ്യുന്നത്‌.

മല മൂത്ര വിസർജ്ജന ശേഷം വെള്ളം കൊണ്ടോ കല്ലുകൊണ്ടോ ശുദ്ധിയാക്കൽ നിർബന്ധമാണ്‌. ഉറച്ചതും ഉണങ്ങിയതും നജസിനെ പിടിച്ചെടുക്കാൻ പറ്റിയതും ശുദ്ധിയുള്ളതുമായ വന്ദിക്കപ്പെടാത്ത ഏത്‌ സാധനവും കല്ല് പോലെ ഉപയോഗിക്കാവുന്നതാണ്‌.

കല്ലും അതുപോലുള്ള വസ്തുക്കളും കൊണ്ട്‌ ശുദ്ധിയാക്കണമെങ്കിൽ ശ്രദ്ധിയ്ക്കേണ്ട കാര്യങ്ങൾ :

പുറപ്പെട്ട നജസ്‌ ഉണങ്ങാതിരിക്കുക, പുറപ്പെട്ട സ്ഥലത്ത്‌ നിന്ന് മറ്റ്‌ ഭാഗങ്ങളിലേക്ക്‌ വ്യാപിക്കാതിരിക്കുക മറ്റ്‌ നജസായ വസ്തുക്കൾ അവിടെ ചേരാതിരിക്കുക എന്നിവയാണ്‌.

'മദ്‌യ്‌' പോലുള്ള നജസുകളും മൂത്രവും കൂടെ കലർന്നാൽ ശുദ്ധിയാക്കാൻ കല്ല് മതിയാവുകയില്ല. കല്ല് കൊണ്ട്‌ ശുചിയാക്കാൻ ചുരുങ്ങിയത്‌ മൂന്ന് തവണ തടവണം. ഒന്നോ രണ്ടോ തവണ കൊണ്ട്‌ ശുദ്ധിയായാലും മൂന്ന് തവണ തടവണം. മൂന്ന് കല്ല് കൊണ്ടോ ഒരു കല്ലിന്റെ മൂന്ന് ഭാഗം കൊണ്ടോ ആയാലും മതി. മൂന്ന് കൊണ്ട്‌ ശുദ്ധിയായില്ലെങ്കിൽ ശുദ്ധിയാവുന്നത്‌ വരെ തടവൽ നിർബന്ധമാണ്‌. മൂന്ന് ,അഞ്ച്‌, ഏഴ്‌ എന്നിങ്ങനെ ഒറ്റയാക്കൽ സുന്നത്താണ്‌. തെറിക്കുമെന്ന് ഭയമുള്ള സ്ഥലത്ത്‌ വെച്ച്‌ ശുദ്ധിയാക്കരുത്‌. ശുചീകരണത്തിനു ഇടത്‌ കൈയാണ്‌ ഉപയോഗിക്കേണ്ടത്‌. ശുചീകരണ ശേഷം ഇങ്ങിനെ ചൊല്ലണം.
َللَّهُمَّ طَهِّر قَلْبِي مِنَ النِّفَاقِ وَحَصِّنْ فَرْجِي مِنَ الْفَوٰاحِشِ.
അർത്ഥം :
'നാഥാ, കാപട്യത്തെ തൊട്ട്‌ എന്റെ ഹൃദയത്തെ നീ ശുദ്ധിയാക്കുകയും മ്ലേച്ഛ കാര്യങ്ങളിൽ നിന്ന് ഗുഹ്യസ്ഥാനത്തെ സംരക്ഷിക്കുകയും ചെയ്യേണമേ '

ബാക്കി അടുത്ത ബുള്ളറ്റിനിൽ .ഇൻശാ അല്ലാഹ്‌
وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin # 35, PDF ഫയൽ ഇവിടെ ക്ലിക് ചെയ്ത് ഡൌൺ ലോഡ് ചെയ്യാവുന്നതാണ്

Thursday, June 18, 2009

ബുള്ളറ്റിൻ-34-വിസർജ്ജന മര്യാദകൾ-2


بسم الله الرحمن الرحيم
الحمد لله رب العالمين وصلى الله وسلم على سيدنا محمد وعلى آله وصحبه أجمعين

വിസർജ്ജന മര്യാദകൾ-2


മലവും മൂത്രവും പുറപ്പെടുന്ന അവസരത്തിൽ മൌനം അവലംബിക്കണം. വിസർജ്ജന സമയം മിസ്‌വാക്ക് ചെയ്യുന്നതും വിസർജ്ജിച്ചതിൽ തുപ്പുന്നതും ശരിയല്ലെന്ന് പണ്ഡിതന്മാർ രേഖപ്പെടുത്തിയിട്ടുണ്ട്.

നിന്ന് മൂത്രിക്കൽ കറാഹത്താണ്. എന്നാൽ ഇരുന്ന് വിസർജ്ജിക്കാൻ പറ്റാത്ത അസുഖമോ മറ്റ് കാരണങ്ങളോ ഉണ്ടായാൽ നിന്ന് വിസർജ്ജനം ചെയ്യുന്നതിനു വിരോധമില്ല. നിന്ന് മൂത്രിക്കുകയോ കാഷ്ടിക്കുകയോ ചെയ്യുമ്പോൾ ശരീരത്തിലേക്ക് തെറിക്കുമ്പോൾ അത് ഹറാമാണ്.

വിസർജ്ജനത്തിനിരിക്കുമ്പോൾ കാൽമുട്ടിന്റെയും പൊക്കിളിന്റെയും ഇടയിലുള്ള ഭാഗം മറ്റുള്ളവരുടെ ദൃഷ്ടിയിൽ പെടാതിരിക്കാൻ പ്രത്യേകം ശ്രദ്ധിയ്ക്കേണ്ടതാണ്.

മുന്നിൽ മറയില്ലാത്ത പക്ഷം കഅബയിലേക്ക് മുന്നിട്ടും പിന്നിട്ടും മലമൂത്ര വിസർജ്ജനം ഹറാമാണ്. മുന്നിലുള്ള മറ ഒരു മുഴത്തോളം ഉയരമുണ്ടാകണം. മറയോടു മൂന്ന് മുഴമോ അതിൽ താഴെയോ അടുത്തിരിക്കുകയും വേണം.

പള്ളിയുടെ ചുമരുകൾക്കിടയിലും ഖബ്‌റിനു സമീപവും മലമൂത്ര വിസർജ്ജനം കറാഹത്താണ്. ഖബ്‌റിനു മുകളിൽ വിസർജ്ജനം ഹറാ‍മാകുന്നതാണ്. പള്ളിയിൽ പാത്രം വെച്ചിട്ടായാലും വിസർജ്ജനം ഹറാം തന്നെ. പള്ളി പൊളിച്ച് നീക്കിയ സ്ഥലത്ത് ,അല്ലെങ്കിൽ പൊളിഞ്ഞ്പോയ സഥലത്ത് മൂത്രിക്കുന്നതും ഇത് പോലെതന്നെ. അത്തരം സ്ഥലങ്ങൾക്ക് പള്ളിയുടെ വിധിതന്നെയാണുള്ളത്. ഇഅ്തികാ‍ഫിന്റെ നിയ്യത്തോടെ അവിടെ ഇരുന്നാൽ പ്രതിഫലം ലഭിക്കുന്നതുമാണ്.

ഭക്ഷണ പദാർത്ഥങ്ങളിലും വന്ദിക്കപ്പെടുന്ന സാധനങ്ങളിന്മേലും മലമൂത്ര വിസർജ്ജനം ഹറാമാണ്. ഭക്ഷണത്തിന്റെ അവശിഷ്ടങ്ങൾ വിസർജ്ജന സ്ഥലത്ത് ഇടരുത്. ഖുർ ആൻ, ഹദീസ്, ഫിഖ്‌ഹ് തുടങ്ങിയ ആദരണീയ ഗ്രന്ഥങ്ങളുടെ ഏടുകൾ വലിച്ചെറിയുന്നതും സൂക്ഷിക്കണം. വെള്ളത്തിലിടുകയോ മറ്റോ ചെയ്യുകയല്ലാതെ അതിനെ നിന്ദിക്കപ്പെടുന്ന ഒരവസ്ഥയുണ്ടാവരുത്. അല്ലാഹുവിന്റെ പേരുകളും മറ്റ് ആദരണീയ വചനങ്ങളുമുള്ള അറബി പത്രങ്ങൾ സുപ്ര (ഭക്ഷണം കഴിക്കുന്നിടത്ത് വിരിക്കുന്നതിന് ) യായി ഉപയോഗിക്കരുത്.

മറ്റുള്ളവരുടെ സ്ഥലത്ത് അവർക്ക് ഇഷ്ടമില്ലാതെ വിസർജ്ജനം ചെയ്യാൽ ഹറാമാണ്. അല്പാല്പമായി ഒഴുകുന്ന വെള്ളത്തിലും സമീപത്തും വിസർജ്ജനം കറാഹത്താണ്. അതിൽ തുപ്പലും മുക്ക് പിഴിയലും അങ്ങിനെ തന്നെ. (ബാക്കി അടുത്ത ബുള്ളറ്റിനിൽ --ഇൻശാ അല്ലാഹ് )


وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin # 34 , PDF ഫയൽ ഇവിടെ ക്ലിക് ചെയ്ത് ഡൌൺലോഡ് ചെയ്യാവുന്നതാണ്

Wednesday, June 17, 2009

ബുള്ളറ്റിൻ-33-വിസർജ്ജന മര്യാദകൾ-1

بِسْمِ اللّهِ الرَّحْمـَنِ الرَّحِيمِ


الحمد لله رب العالمين وصلى الله وسلم على سيدنا محمد وعلى آله وصحبه أجمعين

വിസർജ്ജന മര്യാദകൾ-1


മൃഗങ്ങളെപ്പോലെ വിസർജ്ജനം ചെയ്യുന്നത് മനുഷ്യന് യോജിച്ചതല്ല. പല മര്യാദകളും അതിനുമുണ്ട്. ഒരിക്കൽ സൽമാനുൽ ഫാരിസ് (റ)നോട് ബഹുദൈവ വിശ്വാസികൾ പരിഹാസരൂപത്തിൽ പറഞ്ഞു. നിങ്ങളുടെ കൂട്ടുകാ‍രനായ മുഹമ്മദ് നബി(സ) മലമൂത്രവിസർജ്ജനം പോലുള്ള കാര്യങ്ങൾ വരെ നിങ്ങൾക്ക് പഠിപ്പിച്ചു തരുന്നതായി കാണുന്നുണ്ട്.’ അപ്പോൾ അദ്ദേഹം പറഞ്ഞു. അതെ വലത് കൊണ്ട് ശൌച്യം ചെയ്യുന്നതും വിസർജ്ജന സമയത്ത് ഖിബ്‌ലയെ അഭിമുഖീകരിക്കുന്നതും അവിടുന്ന് നിരോധിച്ചിട്ടുണ്ട്. അപ്രകാരം തന്നെ കാഷ്ടം, എല്ല് എന്നിവ കൊണ്ട് ശൌച്യം ചെയ്യരുതെന്ന് കല്പിക്കുകയും ചെയ്തിട്ടുണ്ട്. (മുസ്‌ലിം)

വിസർജ്ജനത്തിൽ പോലും മത ശാസനകളുണ്ടോ എന്ന പരിഹാസപൂർവ്വമുള്ള ചോദ്യത്തിന് ഉണ്ടെന്നും, അത് കൊണ്ട് ഭൌതികവും പാരത്രികവുമായ നേട്ടങ്ങൾ ലഭിക്കുമെന്നും വ്യക്തമാക്കുകയാണ് സൽമാനുൽ ഫാരിസ് (റ ) ചെയ്തത്.

കക്കൂസിലേക്ക് (വിസർജ്ജന സ്ഥലത്തേക്ക് )പ്രവേശിക്കുന്നതിനു മുമ്പ് ഖുർ ആൻ, ഹദീസ്, ദിക്‌ർ , അല്ലാഹു, റസൂൽ തുടങ്ങിയ വന്ദിക്കപ്പെടുന്ന നാമങ്ങൾ എഴുതിയ സാധനങ്ങൾ ഒഴിവാക്കേണ്ടതാണ്. വിസർജ്ജന സ്ഥലത്തേക്ക് പ്രവേശിക്കുമ്പോൾ ഇടത് കാൽ മുന്നിൽ വെക്കണം. മലമൂത്ര വിസർജ്ജനാവശ്യത്തിനല്ലെങ്കിലും വിസർജ്ജനസ്ഥലത്തേക്ക് പ്രവേശിക്കുമ്പോൾ ഇടത് കാലാണ് മുന്തിക്കേണ്ടത്. പാദരക്ഷ ധരിക്കണം. തലമറക്കലും സുന്നത്താണ്. സുന്നത്ത് ലഭിക്കുന്നതിനു പുറമെ രോഗാണുക്കളെ തടയാനും ചെരിപ്പും തലപ്പാവും (തലമറക്കുന്നതും ) ഉപകരിക്കുമെന്ന് ആധുനിക വൈദ്യശാസ്ത്രവും പറയുന്നുണ്ട്.

വിസർജ്ജന സ്ഥലത്തേക്ക് പ്രവേശിക്കുന്നതിനു മുമ്പ് (കക്കൂസിന്റെ പുറത്ത് വെച്ച് ) ഇങ്ങിനെ ചൊല്ലണം.

بِاسْمِ اللهِ اَللَّهُمَّ إِنِّي أَعُوذُ بِكَ مِنَ الْخُبْثِ وَالْخَبٰائِثِ
അർത്ഥം :

‘അല്ലാഹുവിന്റെ നാമം സ്മരിച്ചുകൊണ്ട് , നഥാ ..അശുദ്ധിയിൽ നിന്നും *അശുദ്ധ വസ്തുക്കളിൽ നിന്നും നിന്നോട് ഞാൻ അഭയം തേടുന്നു.’

കക്കൂസ് എല്ലാ അശുദ്ധ വസ്തുക്കളുടെയും സങ്കേതമാണല്ലോ.അശുദ്ധിയിൽ നിന്നും അശുദ്ധ വസ്തുക്കളിൽ നിന്നും അല്ലാഹുവിനോട് രക്ഷ നേടാൻ മനുഷ്യൻ പ്രാർത്ഥിക്കുകയും പ്രവർത്തിക്കുകയും ചെയ്യേണ്ടതുണ്ട്. കക്കൂസിലേക്ക് പ്രവേശിച്ച ശേഷമാണ് ഈ ദിക്‌റിന്റെ കാര്യം ഓർത്തതെങ്കിൽ മനസ്സിൽ ചൊല്ലുകയല്ലാതെ നാവു കൊണ്ട് ഉച്ചരിക്കരുത്. ( *വിസർജ്ജന സ്ഥലം എല്ലാ പിശാചുക്കളുടെയും വാസസ്ഥലവും കൂടിയാണ് . ഇവിടെ അശുദ്ധ വസ്ഥുക്കളിൽ നിന്നുള്ള രക്ഷ തേടൽ കൊണ്ട് ഉദ്ദേശിക്കുന്നത് ആൺ/പെൺ പിശാചുക്കളിൽ നിന്നും മറ്റ് രോഗാണുക്കൾ ഉൾപ്പെടെയുള്ള എല്ലാ മാല്യന്യങ്ങളിൽ നിന്നുമാണെന്ന വിശാലമായ അർത്ഥമാണെന്ന് പണ്ഡിതന്മാർ വിവരിക്കുന്നു )

അനുബന്ധകാര്യങ്ങൾ അടുത്ത ബുള്ളറ്റിനിൽ ..ഇൻശാ അല്ലാഹ്

وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin # 33 , PDF ഫയൽ ഇവിടെ ക്ലിക് ചെയ്ത് ഡൌൺലോഡ് ചെയ്യാവുന്നതാണ്

Tuesday, June 16, 2009

ബുള്ളറ്റിൻ-32-അവസാ‍നത്തെ അത്തഹിയ്യാത്തിലെ ദുആ


بِسْمِ اللّهِ الرَّحْمـَنِ الرَّحِيم
ِالحمد لله رب العالمين وصلى الله وسلم على سيدنا محمد وعلى آله وصحبه أجمعين

അവസാനത്തെ അത്തഹിയ്യാത്തിലെ ദുആ


നിസ്കാരത്തിൽ അവസാനത്തെ അത്തഹിയ്യാത്തിൽ നബി (സ) യുടെ മേലിലുള്ള സ്വലാത്തിനു ശേഷം ഇങ്ങനെ ദുആ ചെയ്യൽ സുന്നത്താണ്‌.



اَللَّهُمَّ اغْفِرْ لِي مٰٰا قَدَّمْتُ وَمٰا أَخَّرْتُ وَمٰا أَسْرَرْتُ وَمٰا أَعْلَنْتُ وَمٰا أَسْرَفْتُ وَمٰا أَنْتَ أَعْلَمُ بِهِ مِنِّي إِنَّكَ أَنْتَ الْمُقَدِّمُ وَأَنْتَ الْمُؤَخِّرُ لاٰ إِلـٰهَ إِلاَّ أَنْتَ اَللَّهُمَّ إِنِّي أَعُوذُ بِكَ مِنْ عَذٰابِ الْقَبْرِ وَمِنْ عَذٰابِ النَّارِ وَمِنْ فِتْنَةِ الْمَحْيٰا وَالْمَمٰاتِ وَمِنْ فِتْنَةِ الْمَسِيحِ الدَّجَّالْ.


അർത്ഥം :
'അല്ലാഹുവേ, ഞാൻ ചെയ്തുപോയ ദോഷവും എന്നിൽ നിന്ന് ഇനി ഉണ്ടാകുന്ന ദോഷവും ഞാൻ രഹസ്യമായും പരസ്യമായും ചെയ്തതും എന്നേക്കാൾ കൂടുതലായി നീ അറിയുന്നതുമായ എല്ലാ ദോഷങ്ങളും എനിക്ക്‌ നീ പൊറുത്തു തരേണമേ നീയാണ്‌ മുന്തിക്കുന്നവനും പിന്തിക്കുന്നവനും . ഇബാദത്തിന്‌ അർഹൻ നീയല്ലാതെ മറ്റാരുമില്ല. അല്ലാഹുവേ ,ഖബ്‌റിലേയും നരകത്തിലേയും ശിക്ഷയിൽ നിന്നും ജീവിതത്തിലും മരണത്തിലുമുള്ള ആപത്തിൽ നിന്നും ചുറ്റിനടക്കുന്ന ദജ്ജാലിന്റെ ഫിത് നയിൽ നിന്നും ഞാൻ നിന്നോട്‌ കാവൽ തേടുന്നു'


آخر دعوانا أن الحمد لله رب العالمين وصلى الله وسلم على سيدنا محمد وعلى آله



Islamic Bulletin # 32 , PDF ഫയൽ ഇവിടെ നിന്ന് ഡൗൺലോഡ്‌ ചെയാവുന്നതാണ്‌.

Monday, June 15, 2009

ബുള്ളറ്റിൻ-31-മറവിയുടെ സുജൂദിനുള്ള കാരണങ്ങൾ (2)



بِسْمِ اللّهِ الرَّحْمـَنِ الرَّحِيم


ِالحمد لله رب العالمين وصلى الله وسلم على سيدنا محمد وعلى آله وصحبه أجمعين

മറവിയുടെ സുജൂദിനുള്ള കാരണങ്ങൾ (ഭാഗം -2)

സഹ്‌വിന്റെ സുജൂദിനുള്ള കാരണങ്ങൾ ആറ്‌ (1 മുതൽ 3 വരെ കാരണങ്ങൾ ബുള്ളറ്റിൻ 30 ൽ വിവരിച്ചത്‌ വായിക്കുക )

4) മനപ്പൂർവ്വം ചെയ്താൽ നിസ്കാരം ബാത്വിലാകുന്ന കാര്യം മറന്ന് കൊണ്ട്‌ ചെയ്യുക . ഉദാ: കുറഞ്ഞ സംസാരം ഇഅ്തിദാല്‌ പോലെയുള്ള ഹ്രസ്വ ഫർസുകളെ, അവയിൽ ചൊല്ലേണ്ട ദിക്‌റുകൾക്കാവശ്യമായ സമയത്തേക്കാൾ ദീർഘിപ്പിക്കുക. ഇവയെല്ലാം മനപ്പൂർവ്വം ചെയ്താൽ നിസ്കാരം ബാത്വിലാകും അത്തരം കാര്യങ്ങൾ മറന്ന് ചെയ്താൽ സഹ്‌ വിന്റെ സുജൂദ്‌ ചെയ്താൽ മതി.

5) വർദ്ധിച്ചതാകാനുള്ള സാധ്യതയോട്‌ കൂടി നിസ്കരിച്ചതിനെക്കുറിച്ച്‌ സംശയമുണ്ടാവുക. ഉദാ: അസർ നിസ്കാരം, നാലാം റക്‌അത്താണോ അതോ മൂന്നാം റക്‌അത്താണോ നിസ്കരിച്ചത്‌ എന്ന് സംശയിക്കുക. ഇങ്ങിനെ സംശയിക്കുമ്പോൾ നിസ്കരിച്ചത്‌ മൂന്നാണെന്ന് കരുതി ഒരു റക്‌അത്ത്‌ കൂടി നിസ്കരിക്കുകയാണ്‌ വേണ്ടത്‌. അത്‌ അഞ്ചാമത്താതാവാനും സാധ്യതയുള്ളതിനാൽ മറവിയുടെ സുജൂദ്‌ ചെയ്യണം

6) മേൽ വിവരിച്ച കാരണങ്ങളിൽ ഒന്ന് ഇമാമിൽ നിന്നുണ്ടായാൽ മഅ്മൂം സുജൂദ്‌ ചെയ്യണം. അതുണ്ടായത്‌ ഇമാമിനോട്‌ തുടരുന്നതിന്‌ മുമ്പാണെങ്കിലും, ഇമാം സുജൂദ്‌ ചെയ്തില്ലെങ്കിലും മഅ്മൂം സുജൂദ്‌ ചെയ്യണം. ഇമാം സുജൂദ്‌ ചെയ്താൽ അതിന്റെ കാരണം അറിയില്ലെങ്കിലും മഅ്മൂം സുജൂദ്‌ ചെയ്യണം. ഇല്ലെങ്കിൽ മഅ്മൂമിന്റെ നിസ്കാരം അസാധുവാകും. വൈകിതുടർന്നയാൾ തന്റെ ഇമാമിനോടു കൂടെ സുജൂദ്‌ ചെയ്താലും തന്റെ നിസ്കാരത്തിനൊടുവിൽ സുജൂദ്‌ മടക്കണം.
സുജൂദിന്റെ ഏതെങ്കിലും കാരണം മഅ്മൂമിൽ നിന്ന് അയാൾ മഅ്മൂമായിരിക്കെ ഉണ്ടായാൽ അയാൾ സുജൂദ്‌ ചെയ്യരുത്‌.

ഒന്നിലധികം കാരണങ്ങളുണ്ടായാലും രണ്ട്‌ സുജൂദുകൾ മാത്രം മതി. സുജൂദ്‌ ചെയ്യാതെ ബോധപൂർവ്വം സലാം വീട്ടിയാൽ സുജൂദിനുള്ള അവസരം പൂർണ്ണമായി നഷ്ടപ്പെടും. മറന്ന് കൊണ്ടാണ്‌ സലാം വീട്ടിയതെങ്കിൽ പെട്ടെന്ന് (നിസ്കാരം ബാത്വിലാകുന്ന കാര്യങ്ങൾ ചെയ്യുന്നതിന്‌ മുമ്പായി ) നിസ്കാരത്തിലേക്ക്‌ മടങ്ങി സുജൂദ്‌ ചെയ്യാവുന്നതാണ്‌. ശേഷം വീണ്ടും സലാം വീട്ടണം

آخر دعوانا أن الحمد لله رب العالمين وصلى الله وسلم على سيدنا محمد وعلى آله


Islamic Bulletin # 31, PDF ഫയൽ ഇവിടെ ക്ലിക് ചെയ്ത് ഡൌൺലോഡ് ചെയ്യാവുന്നതാണ്

Sunday, June 14, 2009

ബുള്ളറ്റിൻ-30-മറവിയുടെ സുജൂദിനുള്ള കാരണങ്ങൾ (1)



بِسْمِ اللّهِ الرَّحْمـَنِ الرَّحِيم
ِالحمد لله رب العالمين وصلى الله وسلم على سيدنا محمد وعلى آله وصحبه أجمعين


മറവിയുടെ സുജൂദിനുള്ള കാരണങ്ങൾ -ഭാഗം-1



മറവിയുടെ സുജൂ ദിനുള്ള കാരണങ്ങൾ ആറ്‌

1) ഏതെങ്കിലും അബ്‌ ആള്‌ സുന്നത്ത്‌ മറന്ന് കൊണ്ടോ ബോധപൂർവ്വമോ ഉപേക്ഷിക്കുക.(ഉദാ: ഖുനൂത്ത്‌ ,ഒന്നാമത്തെ അത്തഹിയ്യാത്ത്‌ ) ഇവയിൽ നിന്ന് ഒരു അക്ഷരം ഉപേക്ഷിച്ചാലും സുജൂദ്‌ സുന്നത്താണ്‌.

ഖുനൂത്ത്‌ ഓതാത്ത ഇമാമിനെ തുടർന്ന ശാഫിഇയ്യായ മഅ്മൂം ഖൂനൂത്ത്‌ ഉപേക്ഷിച്ചാൽ സഹ്‌വിന്റെ സുജൂദ്‌ ചെയ്യണം. മഅ്മൂം ഖുനൂത്ത്‌ ഓതിയാലും ഇത്‌ സുന്നത്താണ്‌ അവന്റെ ഇമാം അത്‌ ഓതിയിട്ടില്ലെന്നത്‌ കൊണ്ടാണിത്‌.

അബ്‌ആളിൽ പെടാത്ത ഏതെങ്കിലും സുന്നത്ത്‌ ഉപേക്ഷിച്ചാൽ (ഉദാ: റുകൂഇലെ ദിക്‌ റുകൾ ) സുജൂദ്‌ സുന്നത്തില്ല. അതറിഞ്ഞിട്ടും ബോധപൂർവ്വം സഹ്‌വിന്റെ സുജൂദ്‌ ചെയ്താൽ നിസ്കാരം ബാത്വിലാകും.

2) നിർണ്ണിതമായ ഒരു അബ്‌ആള്‌ സുന്നത്ത്‌ ചെയ്തോ ഇല്ലയോ എന്ന് സംശയിക്കുക ( ഉദാ: ഖുനൂത്ത്‌ ഓതിയോ ഇല്ലയോ എന്ന സംശയം)

3) നിർബന്ധമായിട്ടോ , സുന്നത്തായിട്ടോ ചൊല്ലാൻ നിർദ്ദേശമുള്ള വാചകം മറന്ന് കൊണ്ടോ ബോധപൂർവ്വമോ സ്ഥലം മാറ്റി ചൊല്ലുക. ഉദഹരണം : ഓതൽ നിർബന്ധമായ ഫാത്തിഹ നിറുത്തത്തിലാല്ലാത്ത സമയത്തോ, ഓതൽ സുന്നത്തായ ഖുനൂത്ത്‌ അവസാനത്തെ ഇഅ്ത്തിദാലിനു മുമ്പോ ശേഷമോ , ഹൈആത്ത്‌ സുന്നത്തിൽ പെട്ട സൂറത്ത്‌ ഓതൽ നിറുത്തത്തിൽ അല്ലാത്ത സമയത്തോ ഓതുന്നത്‌ പോലെ.

അതേ സമയം , ചൊല്ലണമെന്ന നിർദ്ദേശമുള്ള നിസ്കാരത്തിന്റെ തുടക്കത്തിൽ ചൊല്ലുന്ന തക്‌ബീറത്തുൽ ഇഹ്‌റാമോ അവസാനം ചൊല്ലേണ്ട സലാമോ, അതുപോലെ ചെയ്യണമെന്ന നിർദ്ദേശമുള്ള സുജൂദ്‌ പോലുള്ള കർമ്മങ്ങളോ ബോധപൂർവ്വം മറ്റൊരു സ്ഥലത്തേക്ക്‌ മാറ്റിയാൽ നിസ്‌കാരം തന്നെ അസാധുവാകും.

മറ്റ്‌ മൂന്ന് കാരണങ്ങൾ ബുള്ളറ്റിൻ 31 ൽ ഇൻശാ അല്ലാഹ്‌


آخر دعوانا أن الحمد لله رب العالمين وصلى الله وسلم على سيدنا محمد وعلى آله


Islamic Bulletin # 30 : PDF file ഇവിടെ ക്ലിക് ചെയ്ത് ഡൌൺലോഡ് ചെയ്യാവുന്നതാണ്.

Saturday, June 13, 2009

ബുള്ളറ്റിൻ-29- സഹ് വിന്റെ (മറവിയുടെ )സുജൂദ്

بِسْمِ اللّهِ الرَّحْمـَنِ الرَّحِيم


ِالحمد لله رب العالمين وصلى الله وسلم على سيدنا محمد وعلى آله وصحبه أجمعين


സഹ് വിന്റെ ( മറവിയുടെ) സുജൂദ്


നിസ്കാരത്തിൽ വന്നുപോകുന്ന ചില പ്രത്യേക പിഴവുകളുടെ പരിഹാരമായി സലാം വീട്ടുന്നതിനു തൊട്ട് മുമ്പ് സുന്നത്തുള്ള രണ്ട് സുജൂദുകൾക്കാണ് ‘സഹ്‌വിന്റെ സുജൂദ്’ എന്ന് പറയുന്നത്.

മയ്യിത്ത് നിസ്കാരമൊഴികെയുള്ള ഫർളും സുന്നത്തുമാ‍യ നിസ്കാരങ്ങളിൽ വരുന്ന പിഴവുകൾക്ക് ഈ സുജൂദ് സുന്നത്താണ്. സാധാരണ നിസ്കാരത്തിന്റെ സുജൂദുകളിൽ നിർബന്ധമായ അടങ്ങിത്താമസം, സുജൂദിന്റെ ഭാഗങ്ങളായ നെറ്റിത്തടം, രണ്ട് മുൻ കൈകളുടെയും പള്ളഭാഗം, രണ്ട് കാൽ മുട്ടുകൾ, കാർ വിരലുകളുടെ വെള്ളഭാഗം (അടിഭാഗം), എന്നിവ നിലത്ത് ഊന്നിവെക്കൽ , രണ്ട് സൂജൂദുകൾക്കിടയിൽ ഇരിക്കൽ തുടങ്ങിയവ ഈ സുജൂദിനും നിർബന്ധമാണ്. കൂ‍ടാതെ ഇമാമിനും ഒറ്റക്ക് നിസ്കരിക്കുന്നവനും സുജൂദിലേക്ക് പോകുമ്പോൾ പിഴവിനു വേണ്ടി സുജൂദ് ചെയ്യുന്നുവെന്ന കരുതലുണ്ടാവലും നിർബന്ധമാകും. മ അ്മൂന് ഇമാമിനെ തുടരൽ നിർബന്ധമാണെന്നത് കൊണ്ട് നിയ്യത്ത് വേണ്ട.

സാധാരണ നിസ്കാരത്തിന്റെ സുജൂദുകളിൽ സുന്നത്തായ കാര്യങ്ങൾ ( ദിക്ർ പോലുള്ളവ ) ഇവിടെയും സുന്നത്താണ്.

സഹ് വിന്റെ സുജൂദിലും സാധാരണ സുജൂദിലെ ദിക്‌ർ തന്നെയാണ് ശ്രേഷ്ഠം.

കൂടാതെ سُبْحٰانَ مَنْ لاٰ يَنَامُ وَلاٰ يَسْهُو എന്ന ദിക് റും ചൊല്ലുക.

അർത്ഥം :

‘ ഉറങ്ങുകയോ മറക്കുകയോ ചെയ്യാത്ത നാഥന്റെ പരിശുദ്ധിയെ ഞാൻ വാഴ്ത്തുന്നു.’

സഹ് വിന്റെ സുജൂദിനുള്ള കാരണങ്ങൾ ആറെണ്ണമാണ്.

അത് ബുള്ളറ്റിൻ 30 ൽ (ഇൻശാ അല്ലാഹ് )

بِسْمِ اللّهِ الرَّحْمـَنِ الرَّحِيمِالحمد لله رب العالمين وصلى الله وسلم على سيدنا محمد وعلى آله وصحبه أجمعين


Islamic Bulletin # 29 : PDF file ഇവിടെ ക്ലിക് ചെയ്ത് ഡൌൺലോഡ് ചെയ്യാവുന്നതാണ്

Friday, June 12, 2009

ബുള്ളറ്റിൻ-28-നിസ് കാര ശേഷം ദുആ


بِسْمِ اللّهِ الرَّحْمـَنِ الرَّحِيم
ِالحمد لله رب العالمين وصلى الله وسلم على سيدنا محمد وعلى آله وصحبه أجمعين

അഞ്ചു നേരത്തെ നിസ്‌കാര ശേഷം ദുആ ചെയ്യാൻ പറ്റിയത്



اَلْحَمْدُ لِلَّهِ رَبِّ الْعٰالَمِينَ حَمْداً يُوٰافِي نِعَمَهُ وَيُكَافِئُ مَزِيدَهُ ° اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى آلِ سَيِّدِنَا مُحَمَّدٍ ° اَللَّهُمَّ اغْفِرْ لَنَا ذُنُوبَنَا وَخَطَايَانَا كُلَّهَا اَللَّهُمَّ أَنْعِشْنَا وَاجْبُرْنَا وَاهْدِنَا لِصٰالِحِ الْأَعْمٰالِ وَالْأَخْلاٰقِ إِنَّهُ لاٰ يَهْدِي لِصَالِحِهَا وَلاٰ يَصْرِفُ سَيِّئَهَا إِلاَّ أَنْتَ تَوَفَّنَا مُسْلِمِينَ وَأَلْحِقْنَا بِالصَّالِحِينْ ° اَللَّهُمَّ إِنَّا نَعُوذُ بِكَ مِنَ الْهَمِّ وَالْحَزَنِ ، وَنَعُوذُ بِكَ مَنَ الْعَجْزِ وَالْكَسْلِ ، وَنَعُوذُ بِكَ مِنَ الْجُبْنِ وَالْبُخْلِ ، ونَعُوذُ بِكَ مِنْ غَلَبَةِ الدَّيْنِ وَقَهْرِ الرِّجٰالِ ° اَللّهُمَّ إِنَّا نَسْأَلُكَ الْعَفْوَ وَالْعَافِيَةَ وَالْمُعَافَاةَ الدَّائِمَةَ فِي الدِّينِ وَالدُّنْيَا وَالآخِرَة ° اَللَّهُمَّ إِنَّا نَسْأَلُكَ خَيْرَ هٰذَا الْيَوْمِ فَتْحَهُ وَنَصْرَهُ وَنُورَهُ وَبَرَكَتَهُ وَهُدَاه ° اَللهُمَّ إِنّاَ نَسْأَلُكَ خَيْرَ هَذاَ الْيَوْمِ ، وَخَيْرَ مَا فِيهِ ، وَخَيْرَ مَا قَبْلَهُ , وَخَيْرَ مَا بَعْدَهُ ، وَنََعُوذُ بِكَ مِنْ شَرِّ هٰذَا الْيَوْمِ ، وَشَرِّ مَا فِيهِ ، وَشَرِّ مَا قَبْلَهُ ، وَشَرِّ مٰا بَعْدَهُ ° اَللهُمَّ اجْعَل ْخَيْرَ عُمْرِنَا آخِرَهُ وَخَيْرَ أَعْمَالِنَا خَوٰاتِمَهُ وَخَيْرَ أَيَّامِنَا يَوْمَ لِقَائِكَ يَا رَبَّ الْعَالَمِينْ ° اَللهُمَّ إِنَّا نَعُوذُ بِكَ مِنْ جَهْدِ الْبَلاٰءِ وَدَرَكِ الشَّقَاءِ وَسُوءِ الْقَضَاءِ وَشَمَاتَةِ الْأَعْدٰاءْ ° اَللهُمَّ اغْفِرْ لَنَا وَارْحَمْنَا وَارْضَ عَنَّا وَتَقَبَّلْ مِنَّا وَأَدْخِلْنَا الْجَنَّةَ وَنَجِّنَا مِنَ النَّارِ وَأَصْلِحْ لَنَا شَأْنَنَا كُلَّهُ ° اَللهُمَّ زِدْنَا وَلاٰ تَنْقُصْنَا وَأَكْرِمْنَا وَلاٰ تُهِنَّا وَأَعْطِنَا وَلاٰ تَحْرِمْنَا وَآثِرْنَا وَلاٰ تُؤْثِرْ عَلَيْنَا ° اَللهُمَّ أَحْسِنْ عَاقِبَتَنَا فِي الأُمُورِ كُلِّهَا وَأَجِرْناَ مِنْ خِزْيِ الدُّنْيَا وَعَذٰابِ الآخِرَة اَللهُمَّ لاٰ تَدَعْ لَنَا ذَنْباً إِلاَّ غَفَرْتَهُ وَلاٰ عَيْباً إِلاَّ سَتَرْتَهُ وَلاٰ هَمّاً إِلاَّ فَرَّجْتَهُ وَلاٰ دَيْناً إِلاَّ قَضَيْتَهُ وَلاٰ حٰاجَةً مِنْ حَوَائِجِ الدُّنْيَا وَالآخِرَةِ هِيَ لَكَ فِيهَا رِضاً وَلَنَا فِيهَا صَلاٰحٌ إِلاَّ قَضَيْتَهَا يٰا أَرْحَمَ الرَّاحِمِينَ


وآخر دعوانا أن الحمد لله رب العالمين وصلى الله وسلم على سيدنا محمد وعلى آله





Islamic Bulletin # 28 . PDF ഫയൽ ഇവിടെ ക്ലിക് ചെയ്ത് ഡൌൺലോഡ് ചെയ്യാവുന്നതാണ്

Thursday, June 11, 2009

ബുള്ളറ്റിൻ-27-ഈമാൻ കാര്യങ്ങളും ഇസ്‌ലാം കാര്യങ്ങളും

بِسْمِ اللّهِ الرَّحْمـَنِ الرَّحِيم

ِالحمد لله رب العالمين وصلى الله وسلم على سيدنا محمد وعلى آله وصحبه أجمعين


ഈമാൻ കാര്യങ്ങളും ഇസ്‌ലാം കാര്യങ്ങളും



ഈമാൻ കാര്യങ്ങൾ ആറ്‌


1. അല്ലാഹുവിൽ വിശ്വസിക്കുക

2. അല്ലാഹുവിന്റെ മലക്കുകളിൽ വിശ്വസിക്കുക

3. അല്ലാഹുവിന്റെ ഗ്രന്ഥങ്ങളിൽ വിശ്വസിക്കുക

4. അല്ലാഹുവിന്റെ പ്രവാചകന്മാരിൽ വിശ്വസിക്കുക

5. അന്ത്യ ദിനത്തിൽ വിശ്വസിക്കുക

6. നന്മയും തിന്മയും ആയ എല്ലാ കാര്യങ്ങളും അല്ലാഹുവിൽ നിന്നാണെന്നും അവന്റെ മുൻ നിശ്ചയം അനുസരിച്ചാണെന്നും വിശ്വസിക്കുക



ഇസ്‌ലാം കാര്യങ്ങൾ അഞ്ച്‌

1. أَشْهَدُ أَنْ لا إِلهَ إِلاَّ اللهُ وَأَنَّ مُحَمَّداً رَّسُولُ الله ( അല്ലാഹു അല്ലാതെ ഇലാഹില്ലെന്നും മുഹമ്മദ്‌ നബി (സ) അല്ലാഹുവിന്റെ പ്രവാചകനാണെന്നും ) എന്ന കലിമത്തുതൗഹീദ്‌ ഹൃദയത്തിൽ വിശ്വസിച്ച്‌ നാവ്‌ കൊണ്ട്‌ വെളിവാക്കി പറയുക.
2. അഞ്ച്‌ സമയത്തെ നിസ്കാരം മുറപ്രകാരം നിലനിർത്തുക

3. സകാത്ത്‌ നൽകുക

4. റമദാനിൽ വ്രതമനുഷ്ഠിക്കുക

5. കഴിവുള്ളവർ ഹജ്ജ്‌ ചെയ്യുക



وآخر دعوانا أن الحمد لله رب العالمين وصلى الله وسلم على سيدنا محمد وعلى آله



Islamic Bulletin # 27, PDF ഫയൽ ഇവിടെ ക്ലിക് ചെയ്റ്റ് ഡൌൺലോഡ് ചെയ്യാം

Wednesday, June 10, 2009

ബുള്ളറ്റിൻ-26-വുളൂഇന്റെ സുന്നത്തുകൾ

بِسْمِ اللّهِ الرَّحْمـَنِ الرَّحِيم

ِالحمد لله رب العالمين وصلى الله وسلم على سيدنا محمد وعلى آله وصحبه أجمعين


വുളൂഇന്റെ സുന്നത്തുകൾ




1. വുളൂഇന്റെ സുന്നത്തുകൾ വീട്ടുന്നുവെന്ന് തുടക്കത്തിൽ നിയ്യത്ത് ചെയ്യുക.

2. ഖിബ്‌ലക്ക് മുന്നിടുക

3. മുൻകൈ രണ്ടും ഒപ്പം കഴുകുക.

4. മുൻകൈ കഴുകുമ്പോൾ ബിസ് മിയും മറ്റ് ദിക്‌റുകളും ചൊല്ലുക.

5. മിസ്‌വാക്ക് ചെയ്യുക

6. വായിൽ വെള്ളം കൊപ്‌ളിക്കുകയും മൂക്കിൽ വെള്ളം കയറ്റിചീറ്റുകയും ചെയ്യുക.

7. തല മുഴുവനും തടവുക.

8. ചെവി രണ്ടും (ഉള്ളും പുറവും )ഒന്നിച്ച് കഴുകുക.

9. കൈകാലുകളിൽ വലത്തേത് മുന്തിക്കുക

10. അവയവങ്ങൾ തേച്ച് കഴുകുക

11. തുടർച്ചയായി കൊണ്ട് വരിക

12. കൈമുട്ട്, കാൽ മടമ്പ് മുതലായ സ്ഥലങ്ങൾ സൂക്ഷിച്ച് കഴുകുക.

13. സംസാരം ഉപേക്ഷിക്കുക.

14. അവസാനം ദുആ ചെയ്യുക ( അടുത്ത ബുള്ളറ്റിനുകളിൽ ദുആ ഉൾപ്പെടുത്താം ഇൻശാ അല്ലാഹ്)

15. എല്ലാം മൂന്ന് തവണ ചെയ്യുക

16. അവശേഷിക്കുന്ന വെള്ളത്തിൽ നിന്ന് അല്പം കുടിയ്ക്കൽ




وآخر دعوانا أن الحمد لله رب العالمين وصلى الله وسلم على سيدنا محمد وعلى آله



Islamic Bulletin 26 , PDF ഫയൽ ഇവിടെ ക്ലിക് ചെയ്ത് ഡൌൺലോഡ് ചെയ്യാവുന്നതാണ്.

Tuesday, June 9, 2009

ബുള്ളറ്റിൻ-25-സത്യവും പ്രായശ്ചിത്തവും


بِسْمِ اللّهِ الرَّحْمـَنِ الرَّحِيم
ِالحمد لله رب العالمين وصلى الله وسلم على سيدنا محمد وعلى آله وصحبه أجمعين



സത്യവും പ്രായശ്ചിത്തവും


അല്ലാഹുവിന്റെ പേരു കൊണ്ടോ വിശേഷണം കൊണ്ടോ സത്യം ചെയ്യൽ സാധൂകരിക്കപ്പെടും ( ഉദാ: അല്ലാഹു തന്നെ സത്യം, അല്ലെങ്കിൽ അവന്റെ വിധിവചനം തന്നെ സത്യം എന്നിങ്ങനെ ) ഇങ്ങിനെ സത്യം ചെയ്യുന്നതിന്റെ വിധി കറാഹത്ത്.

മറ്റൊന്നുകൊണ്ടും സത്യം അനുവദനീയമല്ല. പരിശുദ്ധ കഅ്ബയെ കൊണ്ടുപോലും സത്യം ചെയ്യാൻ പാടില്ല.


ഇങ്ങിനെ അല്ലാഹു അല്ലത്ത വസ്തൂക്കളെകൊണ്ട് സത്യം ചെയ്യപ്പെടുമ്പോൾ ആ വസ്തുവിന് അല്ലാഹുവെപ്പോലെ മഹത്വം കല്‌പിച്ച് കൊണ്ടാ‍ണെങ്കിൽ മതത്തിൽ നിന്ന് പുറത്ത് പോകുന്നതാണ്.


ദേശ്യം കൊണ്ടോ മറ്റോ സത്യത്തിന്റെ വാക്ക് അറിയാതെ വന്നാൽ കുഴപ്പമില്ല.


ഒരാൾ ,നിർബന്ധ കാര്യമുപേക്ഷിക്കാനോ നിഷിദ്ധകാര്യം പ്രവർത്തിക്കാനോ സത്യം ചെയ്താൽ അവൻ കുറ്റക്കാരനാകുന്നതോടൊപ്പം അതിൽ നിന്ന് പിന്തിരിയലും കഫ്ഫാറത്ത് നൽകലും നിർബന്ധമാവുകയും ചെയ്യൂം



( അല്ലാഹുവിനോട് സത്യം ചെയ്യാൻ അവന്റെ പരിശുദ്ധ ഹറമുകൾ, പള്ളികൾ, മഹാന്മാരുടെ മഖാമുകൾ, എന്നിവ ഉപയോഗിക്കാറുണ്ട്. നമ്മുടെ നാട്ടിൽ സത്യം ചെയ്യുന്നതിൽ പ്രസിദ്ധമായ പള്ളിയാണ് കൊടിഞ്ഞിപ്പള്ളി. മഹാനായ മമ്പുറം തങ്ങൾ തറക്കല്ലിടുകയും മഹാനവർകളുടെ മേൽനോട്ടത്തിൽ പണികഴിപ്പിക്കുകയും ചെയ്ത പള്ളിയാണത്. അത് കൊണ്ട് അക്കാലം മുതൽ മുസ്ലിംകളും അല്ലാത്തവരും സത്യം ചെയ്യാൻ വരുന്ന പള്ളിയായി ഇതറിയപ്പെട്ടു. അധിക വെള്ളിയാഴ്ചകളിലും അവിടെ സത്യം ചെയ്യൽ നടക്കാറുണ്ട്. ഈ ബുളളറ്റിൻ എഴുതിയ ആളും ഒരിക്കൽ അത്തരം ഒരു സത്യം ചെയ്യൽ നടക്കുന്ന സമയത്ത് പള്ളിയിൽ ഉണ്ടായിരുന്നു. അവിടെ നടക്കുന്ന സത്യം മമ്പുറം തങ്ങളെ വിളിച്ചല്ല. മറിച്ച് ‘ അല്ലാഹുവാണ് സത്യം’ എന്നാണ് പറയുന്നത്. തെറ്റായ കാര്യത്തിനു സത്യം ചെയ്യുമ്പോൾ ഭയമുണ്ടാവാനാണ് ഇങ്ങിനെ ചെയ്യുന്നത്. പലരും ഹറാമായ കാര്യത്തിന് സത്യം ചെയ്യുന്നതിൽ നിന്ന് പിന്തിരിയാൻ ഇത്തരം സ്ഥലങ്ങളിൽ വെച്ച് സത്യം ചെയ്യുന്നത് കാ‍രണമാവാറുണ്ട്.

പ്രായശ്ചിത്തം

ന്യൂനതയില്ലാത്ത ഒരു സത്യവിശ്വാസിയായ അടിമയെ മോചിപ്പിക്കുക. അല്ലെങ്കിൽ ഒരു മുദ്ദ് ( 800 മി.ലി / 600 ഗ്രാം ) വീതം പത്ത് പാവങ്ങൾക്ക് ഭക്ഷണം നൽകുക. അല്ലെങ്കിൽ പത്ത് പാവങ്ങൾക്ക് വസ്ത്രം ദാനം ചെയ്യുക. ഇവയിൽ ഏതെങ്കിലും ചെയ്താൽ മതി. ഇതിനൊന്നും സാധിച്ചില്ലെങ്കിൽ നോമ്പ് അനുഷ്ഠിക്കണം.


وآخر دعوانا أن الحمد لله رب العالمين وصلى الله وسلم على سيدنا محمد وعلى آله



Islamic Bulletin # 25, PDF ഫയൽ ഇവിടെ നിന്നും ഡൌൺലോഡ് ചെയ്യാവുന്നതാണ്

Sunday, June 7, 2009

ബുള്ളറ്റിൻ-24-ആത്മവീര്യത്തിന്റെ ഉത്തമ മാതൃകയായ ഒരു സ്വഹാബി വനിത

بِسْمِ اللّهِ الرَّحْمـَنِ الرَّحِيم
ِالحمد لله رب العالمين وصلى الله وسلم على سيدنا محمد وعلى آله وصحبه أجمعين


അസ് മാ‍അ് (റ)


സിദ്ധീഖ് (റ) ന്റെ പുത്രിയും മഹതി ആഇശ(റ) യുടെ ജേഷ്ട സഹോദരിയും ധീരനായ സുബൈർ (റ) ന്റെ പത്നിയും മഹാനായ അബ്ദുല്ലാഹിബ്‌നു സുബൈർ (റ) ന്റെ മാതാവുമായ മഹതി അസ്‌മാ‍അ് (റ) .ഇസ്‌ലാമിൽ പ്രവേശിച്ച പതിനെട്ടാമത്തെ വ്യക്തിയായിരുന്നു അവർ.

നബി(സ)യും അബൂബക്കർ സിദ്ധീഖ് (റ)വും മദീനയിൽ എത്തിച്ചേർന്ന ശേഷം ഇരുവരുടെയും കുടുംബത്തെ കൂട്ടിവരുവാൻ ആളെ അയച്ചു. അസ്‌മാ‍അ് (റ) പൂർണ്ണ ഗർഭവതിയായിരുന്നു. ഒരു സ്ത്രീയുടെ ജീവിതത്തിൽ വിഷമം നിറഞ്ഞ സമയം. പ്രസവം വരെ കാത്ത് മക്കയിൽ താമസിച്ചാൽ എന്ത് സംഭവിക്കുമെന്നറിയില്ല. ഇസ്‌ലാമിന്റെ രക്ഷാർത്ഥം വേണ്ടിവന്നാൽ നാടു വിടുന്നതിനോ വഴിമധ്യേയുള്ള പ്രസവ വേദനയോ വീരമൃത്യുവോ അവർ പ്രശ്നമാക്കിയില്ല. അസ്‌മ(റ) യും കുടുംബത്തോ‍ടൊപ്പം പുറപ്പെടുക തന്നെ ചെയ്തു. അവർക്ക് മദീനയിൽ എത്തിച്ചേരാൻ കഴിഞ്ഞില്ല. ‘ഖുബാ’ യിൽ എത്തിയപ്പോ‍ൾ പ്രസവ വേദന അനുഭവപ്പെട്ടു. അവിടെ വെച്ചുതന്നെ പ്രസവവും നടന്നു. ഹിജ്‌റക്ക് ശേഷം മുഹാജിറുകൾക്ക് പിറന്ന ഒന്നാമത്തെ സന്താനമായിരുന്നു അത്. ധീരനായ അബ്‌ദുല്ലാഹിബ്‌നു സുബൈർ(റ) ആയിരുന്നു ആ ശിഷു.

അക്കാലത്ത് മുസ്‌ലിംകൾക്കുണ്ടായിരുന്ന വിഷമങ്ങളും ദാരിദ്ര്യവും പരക്കെ പ്രസിദ്ധമത്രെ. എന്നിട്ടും ജീവിതത്തിന്റെ അത്യാപൽഘട്ടത്തിൽ പ്രസ്‌തുത മഹതി പ്രകാശിപ്പിച്ച ഈ ത്യാഗബോധവും അതിൽ പ്രകടമായി കാണുന്ന മനോവീര്യവും എത്ര ശ്രമകരം !.

അസ്‌മാ(റ)ന്റെ ജീവിത രീതി അവർ തന്നെ വിവരിക്കുന്നത് കാണുക : സുബൈർ (റ) ഞാനുമായി ദാമ്പത്യ ബന്ധത്തിലേർപ്പെട്ട അവസരം സ്വത്തുക്കളോ മറ്റ് ധനമോ ജോലിക്കാരോ ഒന്നുമില്ലാത്ത ആളായിരുന്നു. ആകെയുള്ള സമ്പാദ്യം വെള്ളം ചുമന്ന് കൊണ്ട് വരാൻ ഉപയോഗിച്ചിരുന്ന ഒരു ഒട്ടകവും ഒരു കുതിരയും മാത്രമായിരുന്നു. ഒട്ടകത്തിന് പുല്ലും മറ്റും കൊണ്ട് വരികയും ഈത്തപ്പഴക്കുരു ഇടിച്ച് തീറ്റുകയും മറ്റും ചെയ്യേണ്ട ജോലി ഞാൻ തന്നെ ഏറ്റെടുക്കുകയാണ് ചെയ്തത്. വെള്ളം നിറക്കുക, വെള്ളം കോരുന്ന തോൽ പാത്രം കീറിയാൽ തയ്ക്കുക മുതലായ ജോലികളും ഞാൻ തന്നെ ചെയ്തു പോന്നു. കുതിരക്ക് പുല്ലും മറ്റും കൊടുത്ത് ശുശ്രൂഷിക്കുകയും മറ്റു വീട്ടു ജോലികൾ നിർവ്വഹിച്ചിരുന്നതും ഞാൻ തന്നെയായിരുന്നു. കുതിരയെ അന്വേഷിച്ച് നടക്കുന്ന ജോലിയായിരുന്നു ഇതിലെല്ലാം വെച്ച് എനിക്ക് പ്രയാസമായി തോന്നിയിരുന്നത്. റൊട്ടി പാകം ചെയ്യുന്നതിൽ നല്ല പരിചയമില്ലായ്‌കയാൽ പൊടികുഴച്ച് അടുത്തുള്ള അൻസാരികളായ സ്‌ത്രീകളുടെ വീട്ടിൽ കൊണ്ട് പോവുക പതിവായിരുന്നു. സൽസ്വഭാവത്തിൽ പേരെടുത്ത ആ മഹതികൾ എന്നെ സഹായിക്കുകയും റൊട്ടി പാകം ചെയ്ത് തരികയും ചെയ്യുമാ‍യിരുന്നു. കുറെ കാലം കഴിഞ്ഞ ശേഷം നബി കരീം (സ) കൊടുത്തിരുന്ന ഒരു വേലക്കാരനെ എന്റെ പിതാവ് അബൂബക്കർ (റ) എനിക്കയച്ച് തന്നു. അത് കാരണം കുതിരയുടെ പരിപാലന ജോലിയിൽ നിന്ന് എനിക്ക് മോചനം കിട്ടി. ഒരു ബന്ധനത്തിൽ നിന്ന് വിമുക്‌തമായ പ്രതീതിയായിരുന്നു പ്രസ്‌തുത ഭൃത്യനെ ലഭിച്ചപ്പോൾ എന്നിൽ ഉളവായിരുന്നത്.

സ്ഥിര ചിത്തതയുടെ മാതൃക :

സിദ്ധീഖ് (റ) മദീനയിലേക്ക് നബി(സ) യുടെ കൂടെ പുറപ്പെട്ടപ്പോൾ കുടുംബത്തെ മക്കയിൽ നിർത്തിയായിരുന്നു പാലായനം ചെയ്തതെന്ന് മനസ്സിലായല്ലോ. വിവരം പട്ടണത്തിലറിഞ്ഞതോടെ സിദ്ധിഖ് (റ) ന്റെ പിതാവും അന്ന് മുസ്‌ലിമായിട്ടില്ലാത്ത ആളുമായ അബൂഖുഹാഫ(റ) (പിന്നീട് മുസ്‌ലിമായി ) സന്തതികളെ ആശ്വസിപ്പിക്കാനും സ്ഥിതികൾ അന്വേഷിക്കാനും വീട്ടിലേക്ക് ചെന്നു. കാഴ്ച നഷ്ടപ്പെട്ടിരുന്ന അബൂഖുഹാഫ മനസ്‌താപം പ്രകടിപ്പിക്കുന്നതിനിടയിൽ പൌത്രികളോട് ചോദിച്ചു. ‘ അബൂബക്കർ നാടു വിട്ടു കൊണ്ട് നിങ്ങളെയും നമ്മെയും വേദനപ്പെടുത്തി. എന്നാൽ അദ്ധേഹം സമ്പാദിച്ച ധനം മുഴുവനും എടുത്തുകൊണ്ടുപോയി ജീവിതയാതനകൾക്കും നിങ്ങളെ വിധേയമാക്കിയോ ?’ ( വാസ്‌തവത്തിൽ നബി(സ)യുടെ കൂടെ പുറപ്പെടുന്ന ആ മഹാൻ വഴിയിൽ വെച്ച് നബി(സ)ക്ക് വല്ല വിഷമവും വന്ന് പോകുന്നതിനെ ഭയന്ന് കയ്യിലുണ്ടായിരുന്ന അഞ്ചാറായിരം ദിർഹം മുഴുവൻ കൂടെ കൊണ്ട് പോയിരുന്നു. ) എന്നാൽ പിതാവിന്റെ വിലാപം കേട്ട് അദ്ദേഹത്തെ ആശ്വസിപ്പിക്കനായി ധൈര്യം അവലംബിച്ച് കൊണ്ട് അസ്‌മാ(റ) ഒരു പൊടിക്കൈ ഉപയോഗിച്ചാണ് ആ വിഷണ്ണത മാറ്റിയത്. പിതാവ് പണം സൂക്ഷിക്കാറുള്ള ചുവരിലെ ഒരു തുളയിൽ കുറെ ചെറിയ കല്ലുകൾ ഇട്ട് അതിന്മേൽ തുണിയിട്ട് മൂടുകയും പിതാമഹന്റെ കൈ പിടിച്ച് അതിന്മേൽ വെച്ച് കൊണ്ട് അവർ പറയുകയുണ്ടായി. ‘ ഞങ്ങളുടെ ആവശ്യത്തിന് നല്ല ഒരു തുക ഇവിടെ സൂക്ഷിച്ചാണ് പിതാവ് പോയിട്ടുള്ളത്. ആകയാൽ ഞങ്ങൾക്ക് യാതൊരു വിഷമവും ഇല്ല തന്നെ’. ഇത് കേട്ട് ആശ്വസിച്ച അബൂ ഖുഹാഫ പറഞ്ഞു. ‘ നല്ലത് തന്നെ ,നിങ്ങളുടെ ജീവിതമെങ്കിലും അത് കൊണ്ട് നിവർത്തിക്കാമല്ലോ’ .!

അസ്‌മാ‍അ് (റ) പറയുന്നു. ‘ അല്ലാഹുവിൽ സത്യം. അവിടെ യാതൊന്നും ഉണ്ടായിരുന്നില്ല. പിതാവിന്റെ ദു:ഖം തീർക്കാനും മനസ്സമാധാനം ഉണ്ടാക്കാനുമായിരുന്നു ഞാൻ അപ്രകാരം ചെയ്‌തത്. എന്തൊരു ദൃഢ നിശ്ചയം ! പതറാത്ത മനോദാർഢ്യം ! പിതാമഹനേക്കാൾ കൂടുതൽ ദു:ഖിക്കേണ്ടിയിരുന്ന, ഗർഭിണിയും നിരാലംബയുമായി തീർന്ന സ്ത്രീ ബാഹ്യമായി മറ്റൊരു മാർഗ്ഗമില്ലാതെ വലയുകയും പിതാമഹനോട് ന്യായമായും ആവലാതിപ്പെടുകയും ചെയ്യേണ്ട സ്ഥാനത്ത് ഇസ്‌ലാമിന്റെ പേരിൽ വിലപിക്കുന്ന ആ അവിശ്വാസിയായ പിതാവിന്റെ മുമ്പിൽ ചൂളിപ്പോകാതെ മനോധൈര്യമവലംബിച്ച് സർവ്വസ്വവും അല്ലാഹുവിൽ സമർപ്പിച്ച് സമാശ്വസിക്കാൻ മുതിർന്നത് എത്ര മാതൃകായോഗ്യം !

സ്‌ത്രീ പുരുഷ ഭേതമന്യേ അത്തരം ധീരതയും സ്ഥിരചിത്തതയും അവരുടെ പുണ്യം കൊണ്ട് അല്ലാഹു നമുക്കെല്ലാം പ്രദാനം ചെയ്യുമാറാകട്ടെ. ആമീൻ

وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin # 24, PDF ഫയൽ ഇവിടെ ക്ലിക് ചെയ്ത് ഡൌൺലോഡ് ചെയ്യാവുന്നതാണ്

Saturday, June 6, 2009

ബുള്ളറ്റിൻ-23-നിസ്‌കാരത്തിറ്റെ ശർഥുകൾ

بِسْمِ اللّهِ الرَّحْمـَنِ الرَّحِيم
ِالحمد لله رب العالمين وصلى الله وسلم على سيدنا محمد وعلى آله وصحبه أجمعين

നിസ്കാരത്തിന്റെ ശർഥുകൾ


1. അശുദ്ധിയിൽ നിന്ന് ശുദ്ധി വരുത്തൽ ( വുളു ചെയ്യുക, കുളിക്കുക)
2 . നജസിൽ നിന്ന് ശുദ്ധി വരുത്തുക
3. ഔറത്ത്‌ മറക്കുക.
4 . സമയം ആയെന്നറിയുക.
5. ഖിബ്‌ ലക്ക്‌ മുന്നിടുക

വുളൂഇന്റെയും കുളിയുടെയും ശർഥുകൾ


1. വെള്ളം ത്വഹൂറായിരിക്കൽ
2. കഴുകപ്പെടുന്ന അംഗങ്ങളിൽ വെള്ളം ഒഴുക്കുക
3. വെള്ളത്തിനു ഗുണവിത്യാസം വരുത്തുന്ന വല്ലതും അവയവങ്ങളിൽ ഇല്ലാതിരിക്കുക.
4. വെള്ളം ചേരുന്നതിനെ തടയുന്ന പെയിന്റ്‌ പോലുള്ളവ അവയവങ്ങളിൽ ഇല്ലാതിരിക്കുക.
5. നിത്യ അശുദ്ധിയുള്ളവർക്ക്‌ (നിസ്കാരത്തിനുള്ള )സമയം ആവുക

വുളൂഇന്റെ ഫർളുകൾ

1. നിയ്യത്ത്‌ : അതായത്‌ ' വുളൂ എന്ന ഫർളിനെ വീട്ടുന്നു. ' എന്നോ ' നിസ്‌കാരം ഹലാലാക്കുന്നു ' എന്നോ മുഖം കഴുകാനാരംഭിക്കുമ്പോൾ കരുതുക.
2. മുഖം കഴുകുക.
3. കൈ രണ്ടും മുട്ടോട്‌ കൂടി കഴുകുക.
4. തലയിൽ നിന്ന് അൽപം തടവുക.
5. കാല്‌ രണ്ടും ഞെരിയാണിയോടു കൂടി കഴുകുക.
6. ഈ ക്രമപ്രകാരം കൊണ്ട്‌ വരൽ

വുളൂ ഇന്റെ സുന്നത്തുകൾ വഴിയെ (ഇൻശാ അല്ലാഹ് )

وآخر دعوانا أن الحمد لله رب العالمين وصلى الله وسلم على سيدنا محمد وعلى آله


Islamic Bulletin # 23 , PDF ഫയൽ ഇവിടെ നിന്ന് ഡൗൺലോഡ്‌ ചെയ്യാവുന്നതാണ്‌

Friday, June 5, 2009

ബുള്ളറ്റിൻ-22-മുടിക്ക്‌ ചായം കൊടുക്കൽ

بِسْمِ اللّهِ الرَّحْمـَنِ الرَّحِيم

ِالحمد لله رب العالمين وصلى الله وسلم على سيدنا محمد وعلى آله وصحبه أجمعين


മുടിക്ക് ചായം കൊടുക്കൽ

നരച്ച തലമുടി, താടി എന്നിവക്ക്‌ ചുവപ്പ്‌, മഞ്ഞ ചായങ്ങൾ പിടിപ്പിക്കൽ സുന്നത്താണ്‌. കറുത്ത ചായം നൽകൽ ഹറാമുമാണ്‌. ഇസ്‌ലാമികമായ യുദ്ധത്തിനാണെങ്കിൽ അനുവദനീയവുമാണ്‌. മൈലാഞ്ചി പോലുള്ള ഇത്തരം കളറുകൾക്ക്‌ പ്രത്യേക തടിയുള്ളവയല്ലാതതിനാൽ വെള്ളം ചേരാത്ത പ്രശ്്നം ഇല്ല.

സ്ത്രീകളുടെ മുടി, നഖം മറ്റു ഛേദിക്കപ്പെട്ട ഭാഗങ്ങൾ മറവ്‌ ചെയ്യൽ അവൾക്ക്‌ നിർബന്ധമാണ്‌. പുരുഷൻ ഗുഹ്യരോമം നിർബന്ധമായും മറവ്‌ ചെയ്യണം മറ്റു മുടികളും നഖങ്ങളും മറവ്‌ ചെയ്യൽ അവന്‌ സുന്നത്താണ്‌.

കുളി നിർബന്ധമുള്ളവർ കുളിച്ച്‌ ശുദ്ധിയാകുന്നത്‌ വരെ മുടി, നഖം തുടങ്ങിയവ നീക്കം ചെയ്യാതിരിക്കലാണ്‌ ഉത്തമം. അവ ജനാബത്തുകാരായി പരലോകത്ത്‌ സന്നിഹിതരാകുമെന്നതാണ്‌ കാരണം. എന്നാൽ അത്‌ ഹറാമല്ല മുടി വില്പന നടത്തൽ സാദുവല്ല.

സ്വമേധയാ കെട്ടിക്കുടുങ്ങിയ മുടിക്കിടയിൽ വെള്ളം ചേരാതിരുന്നാൽ പ്രശ്നമില്ല. എന്നാൽ അത്തരം മുടികളിലേക്കും കുളിക്കുമ്പോൾ വെള്ളം ചേർക്കൽ സുന്നത്തുണ്ട്‌. ആരുടെയെങ്കിലും പ്രവർത്തനം കൊണ്ടാണ്‌ കെട്ടിക്കുടുങ്ങുന്നതെങ്കിൽ അവിടെ വെള്ളം ചേർക്കൽ നിർബന്ധമാകും ആ കെട്ടുകൾ അഴിച്ച്‌ മാറ്റേണ്ടതുമാണ്‌.

കക്ഷരോമം, ഗുഹ്യരോമം ,മൂക്കിൽ നിന്ന് പുറത്തേക്ക്‌ കാണുന്ന മുടി എന്നിവയെല്ലാം ഇടയ്ക്കിടെ നീക്കം ചെയ്യൽ സുന്നത്താണ്‌.

وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin # 22

Wednesday, June 3, 2009

21-വിവാഹ ബന്ധം ഹറാ‍മായവർ

بِسْمِ اللّهِ الرَّحْمـَنِ الرَّحِيم


ِالحمد لله رب العالمين وصلى الله وسلم على سيدنا محمد وعلى آله وصحبه أجمعين

വിവാഹ ബന്ധം ഹറാമായവർ (തൊട്ടാൽ വുളൂഅ് മുറിയാത്തവർ )




  • പിതാവ്, പിതാമഹന്മാർ. (മാതാവിന്റെയും പിതാവിന്റെയും ഭാഗത്തിലൂടെയുള്ളവർ)

  • മക്കളും മക്കളുടെ മക്കളും (ആൺകുട്ടികളിലൂടെയും പെൺകുട്ടികളിലൂടെയുമുള്ളവർ)

  • സഹോദരന്മാർ (പിതാവിലൂടെയും മാതാവിലൂടെയും ഉള്ളവർ )

  • സഹോദരന്മാരുടെയും സഹോദരിമാരുടെയും മക്കൾ

  • പിതൃ സഹോദരന്മാർ

  • അമ്മാവന്മാർ

മേൽ പറഞ്ഞവരെല്ലാം മുലകുടി ബന്ധത്തിലൂടെയും വിവാഹ ബന്ധം ഹറാമായവരിൽ പെടും


വിവാഹ ബന്ധത്തിലൂടെ ഹറാമാകുന്നവർ


പിതാവ്, പിതാമഹന്മാർ, ഭർത്താവിന്റെ മറ്റ് ഭാര്യമാരിലൂടെയുള്ള ആൺകുട്ടികൾ, പെൺകുട്ടികളുടെ ഭർത്താക്കന്മാർ, പേരമകളുടെ ഭർത്താകന്മാർ, ഉമ്മയുടെ രണ്ടാം ഭർത്താവ് എന്നിവരാണ്.



ഒരു സ്ത്രീയ്ക്ക് വിവാഹം ചെയ്യൽ നിശിദ്ധമായവരും തൊട്ടാൽ വുളുഅ് മുറിയാത്തവരുമാണവർ ഒരു പുരുഷനെ സംബന്ധിച്ചിടത്തോളം തതുല്യ സ്ത്രീകളും ഹറാമായിരിക്കും.


وآخر دعوانا أن الحمد لله رب العالمين وصلى الله وسلم على سيدنا محمد وعلى آله



Islamic Bulletin # 21

Tuesday, June 2, 2009

20-ഖുനൂത്തും അർത്ഥവും

بِسْمِ اللّهِ الرَّحْمـَنِ الرَّحِيمِ

الحمد لله رب العالمين وصلى الله وسلم على سيدنا محمد وعلى آله وصحبه أجمعين


ഖുനൂത്തും അർത്ഥവും



اَللّهُمَّ اهْدِنِي فِيمَنْ هَدَيْتَ


അല്ലാഹുവേ നീ സന്മാർഗ്ഗത്തിലാക്കിയവരോടൊപ്പം എന്നെയും നീ സന്മാർഗ്ഗത്തിലാക്കേണമേ.


وَعَافِنِي فِيمَنْ عَافَيْتَ


നീ സൌഖ്യം നൽകിയവരോടൊപ്പം എനിക്കും സൌഖ്യം നൽകേണമേ


وَتَوَلَّنِي فِيمَنْ تَوَلَّيْتَ



നീ സംരക്ഷണം ഏറ്റെടുത്തവരോടൊപ്പം എന്റെ സംരക്ഷണവും നീ ഏറ്റെടുക്കേണമേ


وَبَارِكْ لِي فِيمَا أَعْطَيْتَ



നീ നൽകിയതിൽ എനിക്ക് നീ ബർക്കത്ത് ചെയ്യേണമേ



وَقِنِي شَرَّ مَا قَضَيْتَ



നീ വിധിച്ചതിന്റെ ആപത്തിൽ നിന്ന് എന്നെ നീ രക്ഷിക്കേണമേ.


فَإِنَّكَ تَقْضِي



കാരണം നിശ്ചയമായും നീ വിധിക്കുന്നു.


وَلاَ يُقْضَى عَلَيْكَ



നിന്റെ മേൽ വിധിക്കപ്പെടുകയില്ല.



وَإِنَّهُ لاَ يَذِلُّ مَنْ وَالَيْتَ



നീ സ്നേഹിച്ചവൻ നിന്ദ്യനാവുകയില്ല.



وَلاَ يَعِزُّ مَنْ عَادَيْتَ



നീ ശത്രുത കാണിച്ചവൻ പ്രതാപിയാവുകയുമില്ല.


تَبَارَكْتَ رَبَّنَا وَتَعَالَيْتَ



ഞങ്ങളുടെ രക്ഷിതാവേ നീ വിശുദ്ധനും ഉന്നതനുമായിരിക്കുന്നു.


فَلَكَ الْحَمْدُ عَلَى مَا قَضَيْتَ

നീ വിധിച്ചതിന്റെ പേരിൽ സർവ്വസ്‌തുതിയും നിനക്കാകുന്നു.



أَسْتَغْفِرُكَ

നിന്നോട് ഞാൻ പാപമോചനം തേടുന്നു.



وَأَتُوبُ إِلَيْكَ

നിന്നിലേക്ക് ഞാൻ ഖേദിച്ച് മടങ്ങുകയും ചെയ്യുന്നു.


وَصَلَّى اللهُ عَلَى خَيْرِ خَلْقِهِ سَيِّدِنَا مُحَمَّدِ نِ النَّبِيِّ الأُمِّيِّ وَعَلَى آلِهِ وَصَحْبِهِ وَسَلَّمَ






وآخر دعوانا أن الحمد لله رب العالمين وصلى الله وسلم على سيدنا محمد وعلى آله


Islamic Bulletin # 20

Monday, June 1, 2009

19-ഉറക്കം

بِسْمِ اللّهِ الرَّحْمـَنِ الرَّحِيمِ


الحمد لله رب العالمين وصلى الله وسلم على سيدنا محمد وعلى آله وصحبه أجمعين


ഉറക്കം



അല്ലാഹു നൽകിയ മഹത്തായ അനുഗ്രഹങ്ങളിൽ പെട്ടതാണ് ഉറക്കം. അത് കൊണ്ട് തന്നെ ഉറങ്ങാൻ കിടാക്കുമ്പോൾ അല്ലാഹുവിനെ പ്രത്യേകം ഓർക്കൽ സുന്നത്താണ്.


പ്രധാന സുന്നത്തുകൾ:

താഴെയുള്ള ദിക്‌റുകൾ ഉരുവിടുക;

بِاسْمِكَ اللَّهُمَّ أَحْيٰا وَأَمُوتُ


بِاسْمِكَ رَبِّي وَضَعْتُ جَنْبِي وَبِكَ أَرْفَعُهُ إِنْ أَمْسَكْتَ نَفْسِي فَارْحَمْهٰا وَإِنْ أَرْسَلْتَهٰا فَاحْفَظْهٰا بِمٰا تَحْفَظُ بِهِ عِبٰادَكَ الصّٰالِحِينَ
.



കൂടാതെ , ഉറങ്ങുമ്പോൾ വുളൂഅ് ഉണ്ടായിരിക്കലും ,മുഖവും നെഞ്ചും ഖ്വിബ്‌ലക്ക് നേരെ തിരിച്ചു വലത് ഭാഗം ചെരിഞ്ഞ് കിടക്കലും (സാധ്യമല്ലെങ്കിൽ ഇടതു ഭാഗം ചരിഞ്ഞ് കിടക്കണം അതും സാധ്യമല്ലെങ്കിൽ കാലിന്റെ ഉൾഭാഗവും മുഖവും ഖ്വിബ്‌ലയുടെ ഭാഗത്തേക്ക് തിരിച്ചു മലർന്നു കിടക്കണം ) സുന്നത്താണ്. അത് പോലെ ബ്രഷ് ചെയ്യലും (ദന്ത ശുചീകരണം ) സൂറത്തുൽ ഫാതിഹ, ഇഖ്‌ലാസ്, മുഅവ്വദതൈനി എന്നിവ ഓതി ഇരുകയ്യിലും ഊതി ശരീരമാസകലം തടവലും ആയത്തിൽ കുർസി ഓതലും , സുബ്‌ഹാനല്ലാഹ്, അൽഹംദുലില്ലാഹ്, അല്ലാഹു അക്‌ബർ എന്നിവ ഓരോന്നും 33 തവണ ചൊല്ലലും സുന്നത്താണ്.


وآخر دعوانا أن الحمد لله رب العالمين وصلى الله وسلم على سيدنا محمد وعلى آله


Islamic Bulletin # 19
Related Posts with Thumbnails