Saturday, August 1, 2009

ബുള്ളറ്റിൻ-55-നിസ്‌കാരത്തിന്റെ രൂപം-10

بسم الله الرحمن الرحيم

الحمد لله رب العالمين وصلى الله وسلم على سيدنا محمد وعلى آله وصحبه أجمعين

നിസ്‌കാരത്തിന്റെ രൂപം-10
ഭാഗം-1 ,ഭാഗം-2 ,ഭാഗം-3 ,ഭാഗം-4 ,
ഭാഗം-5 ,ഭാഗം-6 ,ഭാഗം-7,ഭാഗം-8 , ഭാഗം-9

പത്താമത്തെ ഫർളായ അത്തഹിയ്യാത്തിൽ സ്വശരീരം കേൾക്കുന്ന വിധം ഉറക്കെ ഓതുക, അക്ഷരങ്ങൾ ശരിയായ രൂപത്തിൽ ഉച്ചരിക്കുക, തുടർച്ച മുറിയാതെ ഓതുക എന്നിവ നിർബന്ധമാണ്. അപ്പോൾ എന്നതിലുള്ള أشهد أن لا إله إلا الله എന്നതിലുള്ള ‘നൂൻ’ ലാമോട് കൂട്ടിച്ചേർത്ത് ഓതൽ നിർബന്ധമാണ്. നൂനിനെ വെളിവാക്കി ‘അൻ ലാഇലാഹ’ എന്നോതിയതിനാൽ സാധുവാകുകയില്ല. അപ്രകാരം وأن محمدا رسول الله എന്നതിലെ ദാലിന്റെ തൻവീൻ റാഇലേക്ക് കൂട്ടിച്ചേർത്ത് ‘മുഹമ്മദർറസൂലുല്ലാഹ്’ എന്ന് ഓതേണ്ടതാണ്. തൻവീൻ വെളിവാക്കി ‘മുഹമ്മദൻ റസൂലുല്ലാഹ്’ എന്നോതിയാൽ മതിയാവുകയില്ല.

പതിനൊന്നാമത്തെ ഫർളായ നബിയുടെ മേലിലുള്ള സ്വലാത്ത് നബി صلى الله عليه وسلم യുടെ പേര് എടുത്ത് പറഞ്ഞ് കൊണ്ടും പ്രത്യേകം സമരിച്ച് കൊണ്ടുമായിരിക്കണം. (രൂപം മുമ്പ് കൊടുത്തിട്ടുണ്ട് )

പന്ത്രണ്ടാമത്തെ ഫർള് അത്തഹിയ്യാത്തിനും സ്വലാത്തിനും വേണ്ടി ഇരിക്കലാണ്. അത്തഹിയ്യാത്തും സ്വലാത്തും നിന്ന് ചൊല്ലിയാൽ മതിയാകുകയില്ല.

പതിമൂന്നാമത്ത ഫർള് സലാം ചൊല്ലലാണ്. നിസ്കാരം ആരംഭിച്ചത് മുതൽ അവസാനിക്കുന്നത് വരെ ഈ ലോകത്ത് തന്നെയായിരുന്നുവെങ്കിലും അല്ലാഹുവുമായുള്ള സംഭാഷണമായതു കൊണ്ട് ഈ ലോകവുമായി ബന്ധമില്ലായിരുന്നു. ആ സംഭാഷണത്തിൽ നിന്ന് മടങ്ങി ( യാത്രയിൽ നിന്ന് തിരിച്ച് വരുന്നത് പോലെ ) നിസ്കാരാന്തരം ഈ ലോകത്തേക്ക് തിരിച്ച് വരികയാണ്.

നിസ്കാരത്തിൽ ചൊല്ലുന്ന ദിക്റുകളെല്ലാം അറബി ഭാഷയിൽ നിർവ്വഹിക്കേണ്ടതാണ്. പഠിക്കാൻ സൌകര്യപ്പെട്ടിട്ടും പഠിച്ചില്ലെങ്കിൽ പഠിച്ചില്ലെങ്കിൽ ചൊല്ലാതിരിക്കുകയാണ് വേണ്ടത്. നിർബന്ധ ദിക്റുകളാണെങ്കിൽ പഠിച്ചതിനു ശേഷം വീണ്ടും മടക്കി നിസ്കരിക്കേണ്ടതാണ്.

പതിനാലാമത്തെ ഫർള് ; മേൽ പറഞ്ഞ പോലെ ക്രമപ്രകാരം ചെയ്യലാണ്. നിസ്കാരത്തിന്റെ ഏതെങ്കിലും കർമ്മപരമായ ഫർള് അസ്ഥാനത്ത് മനപ്പൂർവ്വം പ്രവർത്തിച്ചാൽ നിസ്കാരം അസാധുവാകും.

സലാമല്ലാത്ത വാക്കുകൾകൊണ്ട് നിർവ്വഹിക്കുന്ന ഫർള് അസ്ഥാനത്ത് പ്രയോഗിച്ചാൽ അത് കൊണ്ട് നിസ്കാരം അസാധുവാകുന്നതല്ല. പക്ഷെ ആ ഫർള് പരിഗണിക്കപ്പെടുകയില്ല. അത് യഥാസ്ഥാനത്തു വീണ്ടും ചൊല്ലണം. സലാം അതിന്റെ സ്ഥാനത്തല്ലാതെ വീട്ടിയാൽ നിസ്കാരം അവസാനിക്കും.

നിസ്കാരത്തെ കുറിച്ചുള്ള ബാക്കി കാര്യങ്ങൾ തുടരും .ഇൻശാ അല്ലാഹ്


وآخر دعوانا أن الحمد لله رب العالمين وصلى الله وسلم على سيدنا محمد وعلى آله

Islamic Bulletin # 55

1 comment:

അഭിപ്രായങ്ങളും നിർദ്ദേശങ്ങളും സ്വാഗതം ചെയ്യുന്നു.

Related Posts with Thumbnails